1 ಕೊರಿಂಥ್ಯೆರೆಗ್ 10
10
ಮೂರ್ತಿಪೂಜೆದ ಸಂಗತಿಡ್ ಎಚ್ಚರಿಕೆ
1ಆಂಡ ಸಹೋದ್ರೆರೇ, ನಮ ಪೂರ್ವಿಕೆರೆ ಸಂಗತಿಡ್ ಯಾನ್ ತೆರಿಪಾವೆರೆ ಬಯಕುವೆ ಅವು ದಾನೆಂದ್ಂಡ, ದೇವೆರ್ ಅಕ್ಲೆನ್ ಮಾತೆರೆನ್ಲಾ ಮುಗಲ್‌ದ ನಿರೆಲ್‌ಡ್ ಕಾತ್‌ದ್ ಕೆಂಪು ಕಡಲ್‌ನ್ ದಾಂಟುಲೆಕ್ಕ ಮಲ್ತೆ. 2ಅಕುಲು ಮಾತೆರ್ಲಾ ಮುಗಲ್‌ಡ್ಲಾ ಕಡಲ್‌ಡ್ಲಾ ದೀಕ್ಷಾಸ್ನಾನ ಪಡೆದ್ ಮೋಶೆನ ಶಿಷ್ಯೆರ್ ಆಯೆರ್; 3ಅಕುಲು ಮಾತೆರ್ಲಾ ಒಂಜೇ ಆತ್ಮಭಾವದ ತಿನಸ್ ತಿಂದೆರ್. 4ಬೊಕ್ಕ ಆತ್ಮಭಾವದ ಒಂಜೇ ನೀರ್‌ನ್ ಪರಿಯೆರ್; ಎಂಚ ಪಂಡ ತನ್ಕುಲೆ ಬೆರಿಯೆ ಬರೊಂದಿತ್ತಿನ ಆತ್ಮಭಾವದ ಪಾದೆದ ಉಲಯಿಡ್ದ್ ಬೈದಿನ ನೀರ್‌ನ್ ಪರಿಯೆರ್; ಆ ಪಾದೆ ಕ್ರಿಸ್ತೆನೇ. 5ಆಂಡಲಾ ಅಕ್ಲೆಡ್ ಮಸ್ತ್ ಜನೊಕುಲೆ ಸಂಗತಿಡ್ ದೇವೆರ್ ಮೆಚ್ಚಿಜೆ. ಅಕುಲು ಕಾಡ್‌ಡ್ ಸೈತ್ ಪೋಯೆರ್.
6ಅಕುಲು ಹಾಳ್ ವಿಷಯೊಲೆನ್ ಆಸೆ ಮಲ್ತಿಲೆಕ್ಕ ಎಂಕುಲು ಆಸೆ ಮಲ್ಪೆರೆ ಬಲ್ಲಿ ಪನ್ಪಿನೆಕ್ಕ್ ಈ ಸಂಗತಿಲು ನಂಕ್ ಮಾದ್ರಿ ಆದುಂಡು. 7ಅಕ್ಲೆಡ್ ಕೆಲೆವೆರ್ ಮೂರ್ತಿಪೂಜೆಕೆರ್ ಆದಿತ್ತೆರ್; “ಜನೊಕುಲು ಉನಿಯೆರೆಲಾ ಪರಿಯೆರೆಲಾ ಕುಲ್ಲೊಂಡೆರ್, ನಲಿಪೆರೆ ಲಕ್ಕೊಂಡೆರ್,” ಅಂದ್‌ದ್ ಬರೆತ್ಂಡತ್ತಾ; ನಿಕುಲು ಮೂರ್ತಿಪೂಜೆಕೆರ್ ಆವಡೆ. 8ಅಕ್ಲೆಡ್ ಕೆಲೆವೆರ್ ಹಾದ್ರ ಮಲ್ತ್‌ದ್ ಒಂಜೇ ದಿನೊಟು ಇರ್ವತ್ತ ಮೂಜಿ ಸಾರ ಜನ ಸೈತೆರ್; ಎಂಕುಲು ಹಾದ್ರೊಗು ದೂರ ಆದುಪ್ಪುಗ. 9ಅಕ್ಲೆಡ್ ಕೆಲೆವೆರ್ ಕರ್ತವನ್ ಪರೀಕ್ಷೆ ಮಲ್ತ್‌ದ್ ಸರ್ಪ ತುಚ್ಚಿದ್ ನಾಶ ಆಯಿ ಲೆಕ್ಕ. ನಮ ಕರ್ತವನ್ ಪರೀಕ್ಷೆ ಮಲ್ಪಂದೆ ಉಪ್ಪುಗ. 10ಕೆಲೆವೆರ್ ಗುಣುಗುಟ್ಟುದು ಹಾಳ್ ಮಲ್ಪುನ ದೂತನ ಕೈಡ್ದ್ ನಾಶ ಆಯೆರ್. ನಿಕುಲು ಗುಣುಗುಟ್ಟಡೆ.
11ಉಂದು ಮಾತ ಅಕ್ಲೆಗ್ ಉದಾರಣೆಗಾದ್ ಉಂಡಾಂಡ್; ಯುಗದ ಅಂತ್ಯೊಡುಪ್ಪು ನಂಕ್ ಎಚ್ಚರಿಕೆಗಾದ್ ಬರೆತ್ಂಡ್.
12ಅಂಚಾಯಿನೆಡ್ದ್ ನಂಬಿಕೆಡ್ ಉಂತುದೆ ಅಂದ್‌ದ್ ಎನ್ನುನಾಯೆ ಪಾಪೊಡು ಬೂರಂದಿಲೆಕ್ಕ ತೂವೊನಡ್. 13ನರಮಾನಿ ತಾಳೊನೊಲಿ ಪನ್ಪಿನ ಶೋಧನೆ ಅತ್ತಂದೆ ಬೇತೆ ಒವ್ವುಲಾ ನಿಕ್ಲೆಗ್ ಉಂಡಾತಿಜಿ. ದೇವೆರ್ ನಂಬಿಗಸ್ತೆ; ನಿಕ್ಲೆ ಶಕ್ತಿಗ್ ಮೀರುನ ಶೋಧನೆ ಕೊರಂದೆ ನಿಕುಲು ಅವೆನ್ ತಾಳೊನಿಯೆರೆ ಶಕ್ತೆರಾಪಿಲೆಕ್ಕ ಶೋಧನೆ ಆಪಿನಪಗನೆ ತಪ್ಪಾವೊನುನ ಸಾದಿನ್ಲಾ ಮಲ್ಪುವೆ.
14ಅಂಚಾದ್ ಪ್ರೀತಿದ ಸಹೋದ್ರೆರೇ, ಮೂರ್ತಿಪೂಜೆ ಮಲ್ಪುನೆನ್ ಪೂರ ಬುಡ್ದು ಬುಡ್ಲೆ. 15ನಿಕುಲು ಬುದ್ಧಿವಂತೆರಂದ್‌ದ್ ಉಂದೆನ್ ಯಾನ್ ಪನ್ಪೆ: ನಿಕುಲೇ ನಿರ್ಧಾರ ಮಲ್ಪುಲೆ. 16ನಮ ದೇವೆರೆನ್ ಸುಗಿತ್‌ದ್, ದೆತ್ತೊನುನ ಪಾತ್ರೆ ಕ್ರಿಸ್ತನ ನೆತ್ತೆರ್‌ಡ್ ಪಾಲ್‌ದಾರೆರಾದುಲ್ಲಾ ಪನ್ಪಿನೆನ್ ತೋಜಾವುಂಡತ್ತಾ? ನಮ ಪೊಲ್ತುದು ದೆತ್ತೊನುನ ರೊಟ್ಟಿ ಕ್ರಿಸ್ತನ ಶರೀರೊಡು ಪಾಲ್‌ದಾರೆರ್ ಆದುಲ್ಲಾ ಪನ್ಪಿನೆನ್ಲಾ ತೋಜಾವುಂಡತ್ತಾ? 17ರೊಟ್ಟಿ ಒಂಜೇ ಆದುಪ್ಪುನೆಡ್ದ್ ಮಸ್ತ್ ಜನ ಆದುಪ್ಪು ನಮ ಒಂಜೇ ಶರೀರದ ಲೆಕ್ಕ ಉಲ್ಲ. ದಾಯೆಗಂದ್ಂಡ ಒಂಜೇ ರೊಟ್ಟಿಡ್ ನಮ ಮಾತೆರ್ಲಾ ಪಾಲ್ ದೆತ್ತೊಂದು ತಿನ್ಪ.
18ಇಸ್ರಾಯೇಲ್ಯೆರ್ ಆದುಪ್ಪುನಾಕುಲೆನ್ ಎನ್ನೊನ್ಲೆ, ಬಲಿ ಕಡ್ತಿನೆನ್ ತಿನ್ಪಿನಾಕುಲು ಬಲಿಪೀಠಗ್ ಸೇರ್ದಿನಕುಲತ್ತಾ? 19ಅಂಚಾಂಡ ಯಾನ್ ದಾನೆ ಪಂಡೆ? ಮೂರ್ತಿ ಆವಡ್, ಮೂರ್ತಿಗ್ ಕಡ್ತಿನವು ಆವಡ್ ದಾಲಾಂಡಲಾ ಬಿಲೆ ಉಂಡಾ? 20ಆಂಡ ಪಿದಯಿದ ಜನೊಕುಲು ತನ್ಕುಲು ಅರ್ಪಣೆ ಮಲ್ತಿ ಬಲಿಕ್ಲೆನ್ ದೇವೆರೆಗ್ ಅತ್ತ್, ದೆವ್ವೊಲೆಗ್ ಅರ್ಪಣೆ ಮಲ್ಪುವೆರ್ ಅಂದ್‌ದ್ ಎನ ಅಂದಾಜಿ. ನಿಕುಲು ದೆವ್ವೊಲೊಟ್ಟುಗು ಸಂಸರ್ಗ ಮಲ್ಪೊಡು ಅಂದ್‌ದ್ ಎನ ಇಷ್ಟ ಅತ್ತ್. 21ನಿಕುಲು ಕರ್ತವ ಪಾತ್ರೆಡ್ಲಾ ದೆವ್ವೊಲೆ ಪಾತ್ರೆಡ್ಲಾ ಪರಿಯೆರೆ ಬಲ್ಲಿ. ಕರ್ತವ ಮೇಜಿಡ್ಲಾ ದೆವ್ವೊಲೆ ಮೇಜಿಡ್ಲಾ ಉನಿಯೆರೆ ಬಲ್ಲಿ. 22ನಮ ಕರ್ತವಗ್ ಉರಿ ಲಕ್ಕಾವೊಡಂದ್ ಉಲ್ಲನಾ? ಆಯಡ್ದ್‌ಲಾ ನಮ ಬಲತ್ತಾಕುಲಾ?
23“ಮಾತ ಕೆಲಸೊನ್ಲಾ ಮಲ್ಪೆರೆ ಸ್ವತಂತ್ರ ಉಂಡು,” ನಿಕುಲು ಪನ್ಪರ್. ಆಂಡ ಯಾನ್ ಪನ್ಪಿನಿ, “ಮಾತಲಾ ಕೆಲಸೊಗು ಬರ್ಪುಜಿ. ಮಾತೆಕ್ ಎಂಕ್ ಸ್ವತಂತ್ರ ಉಂಡು,” ಆಂಡ ಮಾತಲಾ ಅಭಿವೃದ್ಧಿದವು ಅತ್ತ್. 24ಪ್ರತಿ ಒರಿಲಾ ತನ ಸ್ವಂತ ಎಡ್ಡೆನ್ ತೂವೊನಂದೆ ನನೊರಿಯನ ಎಡ್ಡೆನ್ ಬಯಕಡ್.
25ಪೇಂಟೆಡ್ ಮಾರುನವು ಮಾತೆನ್ಲಾ ಮನಸಾಕ್ಷಿಡ್ ದಾಲಾ ಸಂಶಯ ಮಲ್ಪಂದೆ ತಿನ್ಲೆ. 26“ಭೂಮಿಲಾ ಐಟ್ಟ್ ಉಪ್ಪುನವು ಮಾತಲಾ ಕರ್ತವನವೇ ಆದುಂಡತ್ತಾ.”
27ನಂಬಿಕೆದಾಂತಿನಾಯೆ ಒರಿ ನಿಕ್ಲೆನ್ ವಣಸ್‌ಗ್ ಲೆಪ್ಪುನಗ, ನಿಕ್ಲೆಗ್ ಪೋಯೆರೆ ಇಷ್ಟ ಇತ್ತ್ಂಡ, ನಿಕ್ಲೆಗ್ ಎಂಚಿನ ಬಲಸಿರ್ಯೆಡಲಾ ಮನಸ್‌ಡ್ ಸಂಶಯ ಮಲ್ಪಂದೆ ತಿನ್ಲೆ. 28ಆಂಡ ಏರಾಂಡಲಾ ನಿಕ್ಲೆಡ, “ಉಂದು ಮೂರ್ತಿಗ್ ಅರ್ಪಣೆ ಮಲ್ತ್‌ದಿನವು,” ಅಂದ್‌ದ್ ಪಂಡೆಡ ಅವೆನ್ ತಿನೊಡ್ಚಿ. ತೆರಿಪಾಯಿನಾಯಗ್ಲಾ ಆಯನ ಮನಸಾಕ್ಷಿಗಾದ್ರಲಾ ತಿನೊಡ್ಚಿ. 29ಅವು ನಿನ ಮನಸಾಕ್ಷಿಗ್ ಅತ್ತ್, “ಬೊಕ್ಕೊರಿಯನ ಮನಸಾಕ್ಷಿಗ್ಲಾ ಎನ ಸ್ವತಂತ್ರೊಗ್ಲಾ ದಾಯೆ ತೀರ್ಪಾವೊಡು? 30ಯಾನ್ ಉಪಕಾರ ಪಂಡ್‌ದ್ ಉಂಡಿಬೊಕ್ಕ, ಉಪಕಾರ ಸ್ತುತಿ ಮಲ್ತ್‌ದ್ ತಿನ್ಪಿನ ತಿನಸ್‌ಗಾದ್ ಎಂಕ್ ದಾಯೆಗ್ ದೂಷಣೆ ಆವೊಡು?”
31ಅಂಚಾದ್ ನಿಕುಲು ತಿಂದ್‌ಂಡಲಾ ಪರ್‌ಂಡಲಾ ದಾನೆ ಮಲ್ತ್ಂಡಲಾ ಮಾತೆನ್ಲಾ ದೇವೆರೆ ಮೈಮೆಗ್ ಮಲ್ಪುಲೆ. 32ಯೆಹೂದ್ಯೆರೆಗಾವಡ್, ಗ್ರೀಕೆರೆಗಾವಡ್, ದೇವೆರೆ ಸಭೆಕಾವಡ್ ಅಡ್ಡಿ ಆದುಪ್ಪಡೆ. 33ಯಾನಾಂಡಲಾ ಎನ ಸ್ವಂತ ಪ್ರಯೋಜನೊಗು ಚಿಂತೆ ಮಲ್ಪಂದೆ ಮಾತ ನರಮಾನಿಲೆಗ್ ರಕ್ಷಣೆ ತಿಕ್ಕೊಡು ಅಂದ್‌ದ್ ಅಕ್ಲೆ ಎಡ್ಡೆಗಾದ್ರ ಚಿಂತೆ ಮಲ್ತ್‌ದ್ ಮಾತೆರೆನ್ ಮಾತ ವಿಷಯೊಲೆಡ್ ಮೆಚ್ಚಾವುನಾಯೆ ಆದುಲ್ಲೆ.
Currently Selected:
1 ಕೊರಿಂಥ್ಯೆರೆಗ್ 10: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
1 ಕೊರಿಂಥ್ಯೆರೆಗ್ 10
10
ಮೂರ್ತಿಪೂಜೆದ ಸಂಗತಿಡ್ ಎಚ್ಚರಿಕೆ
1ಆಂಡ ಸಹೋದ್ರೆರೇ, ನಮ ಪೂರ್ವಿಕೆರೆ ಸಂಗತಿಡ್ ಯಾನ್ ತೆರಿಪಾವೆರೆ ಬಯಕುವೆ ಅವು ದಾನೆಂದ್ಂಡ, ದೇವೆರ್ ಅಕ್ಲೆನ್ ಮಾತೆರೆನ್ಲಾ ಮುಗಲ್‌ದ ನಿರೆಲ್‌ಡ್ ಕಾತ್‌ದ್ ಕೆಂಪು ಕಡಲ್‌ನ್ ದಾಂಟುಲೆಕ್ಕ ಮಲ್ತೆ. 2ಅಕುಲು ಮಾತೆರ್ಲಾ ಮುಗಲ್‌ಡ್ಲಾ ಕಡಲ್‌ಡ್ಲಾ ದೀಕ್ಷಾಸ್ನಾನ ಪಡೆದ್ ಮೋಶೆನ ಶಿಷ್ಯೆರ್ ಆಯೆರ್; 3ಅಕುಲು ಮಾತೆರ್ಲಾ ಒಂಜೇ ಆತ್ಮಭಾವದ ತಿನಸ್ ತಿಂದೆರ್. 4ಬೊಕ್ಕ ಆತ್ಮಭಾವದ ಒಂಜೇ ನೀರ್‌ನ್ ಪರಿಯೆರ್; ಎಂಚ ಪಂಡ ತನ್ಕುಲೆ ಬೆರಿಯೆ ಬರೊಂದಿತ್ತಿನ ಆತ್ಮಭಾವದ ಪಾದೆದ ಉಲಯಿಡ್ದ್ ಬೈದಿನ ನೀರ್‌ನ್ ಪರಿಯೆರ್; ಆ ಪಾದೆ ಕ್ರಿಸ್ತೆನೇ. 5ಆಂಡಲಾ ಅಕ್ಲೆಡ್ ಮಸ್ತ್ ಜನೊಕುಲೆ ಸಂಗತಿಡ್ ದೇವೆರ್ ಮೆಚ್ಚಿಜೆ. ಅಕುಲು ಕಾಡ್‌ಡ್ ಸೈತ್ ಪೋಯೆರ್.
6ಅಕುಲು ಹಾಳ್ ವಿಷಯೊಲೆನ್ ಆಸೆ ಮಲ್ತಿಲೆಕ್ಕ ಎಂಕುಲು ಆಸೆ ಮಲ್ಪೆರೆ ಬಲ್ಲಿ ಪನ್ಪಿನೆಕ್ಕ್ ಈ ಸಂಗತಿಲು ನಂಕ್ ಮಾದ್ರಿ ಆದುಂಡು. 7ಅಕ್ಲೆಡ್ ಕೆಲೆವೆರ್ ಮೂರ್ತಿಪೂಜೆಕೆರ್ ಆದಿತ್ತೆರ್; “ಜನೊಕುಲು ಉನಿಯೆರೆಲಾ ಪರಿಯೆರೆಲಾ ಕುಲ್ಲೊಂಡೆರ್, ನಲಿಪೆರೆ ಲಕ್ಕೊಂಡೆರ್,” ಅಂದ್‌ದ್ ಬರೆತ್ಂಡತ್ತಾ; ನಿಕುಲು ಮೂರ್ತಿಪೂಜೆಕೆರ್ ಆವಡೆ. 8ಅಕ್ಲೆಡ್ ಕೆಲೆವೆರ್ ಹಾದ್ರ ಮಲ್ತ್‌ದ್ ಒಂಜೇ ದಿನೊಟು ಇರ್ವತ್ತ ಮೂಜಿ ಸಾರ ಜನ ಸೈತೆರ್; ಎಂಕುಲು ಹಾದ್ರೊಗು ದೂರ ಆದುಪ್ಪುಗ. 9ಅಕ್ಲೆಡ್ ಕೆಲೆವೆರ್ ಕರ್ತವನ್ ಪರೀಕ್ಷೆ ಮಲ್ತ್‌ದ್ ಸರ್ಪ ತುಚ್ಚಿದ್ ನಾಶ ಆಯಿ ಲೆಕ್ಕ. ನಮ ಕರ್ತವನ್ ಪರೀಕ್ಷೆ ಮಲ್ಪಂದೆ ಉಪ್ಪುಗ. 10ಕೆಲೆವೆರ್ ಗುಣುಗುಟ್ಟುದು ಹಾಳ್ ಮಲ್ಪುನ ದೂತನ ಕೈಡ್ದ್ ನಾಶ ಆಯೆರ್. ನಿಕುಲು ಗುಣುಗುಟ್ಟಡೆ.
11ಉಂದು ಮಾತ ಅಕ್ಲೆಗ್ ಉದಾರಣೆಗಾದ್ ಉಂಡಾಂಡ್; ಯುಗದ ಅಂತ್ಯೊಡುಪ್ಪು ನಂಕ್ ಎಚ್ಚರಿಕೆಗಾದ್ ಬರೆತ್ಂಡ್.
12ಅಂಚಾಯಿನೆಡ್ದ್ ನಂಬಿಕೆಡ್ ಉಂತುದೆ ಅಂದ್‌ದ್ ಎನ್ನುನಾಯೆ ಪಾಪೊಡು ಬೂರಂದಿಲೆಕ್ಕ ತೂವೊನಡ್. 13ನರಮಾನಿ ತಾಳೊನೊಲಿ ಪನ್ಪಿನ ಶೋಧನೆ ಅತ್ತಂದೆ ಬೇತೆ ಒವ್ವುಲಾ ನಿಕ್ಲೆಗ್ ಉಂಡಾತಿಜಿ. ದೇವೆರ್ ನಂಬಿಗಸ್ತೆ; ನಿಕ್ಲೆ ಶಕ್ತಿಗ್ ಮೀರುನ ಶೋಧನೆ ಕೊರಂದೆ ನಿಕುಲು ಅವೆನ್ ತಾಳೊನಿಯೆರೆ ಶಕ್ತೆರಾಪಿಲೆಕ್ಕ ಶೋಧನೆ ಆಪಿನಪಗನೆ ತಪ್ಪಾವೊನುನ ಸಾದಿನ್ಲಾ ಮಲ್ಪುವೆ.
14ಅಂಚಾದ್ ಪ್ರೀತಿದ ಸಹೋದ್ರೆರೇ, ಮೂರ್ತಿಪೂಜೆ ಮಲ್ಪುನೆನ್ ಪೂರ ಬುಡ್ದು ಬುಡ್ಲೆ. 15ನಿಕುಲು ಬುದ್ಧಿವಂತೆರಂದ್‌ದ್ ಉಂದೆನ್ ಯಾನ್ ಪನ್ಪೆ: ನಿಕುಲೇ ನಿರ್ಧಾರ ಮಲ್ಪುಲೆ. 16ನಮ ದೇವೆರೆನ್ ಸುಗಿತ್‌ದ್, ದೆತ್ತೊನುನ ಪಾತ್ರೆ ಕ್ರಿಸ್ತನ ನೆತ್ತೆರ್‌ಡ್ ಪಾಲ್‌ದಾರೆರಾದುಲ್ಲಾ ಪನ್ಪಿನೆನ್ ತೋಜಾವುಂಡತ್ತಾ? ನಮ ಪೊಲ್ತುದು ದೆತ್ತೊನುನ ರೊಟ್ಟಿ ಕ್ರಿಸ್ತನ ಶರೀರೊಡು ಪಾಲ್‌ದಾರೆರ್ ಆದುಲ್ಲಾ ಪನ್ಪಿನೆನ್ಲಾ ತೋಜಾವುಂಡತ್ತಾ? 17ರೊಟ್ಟಿ ಒಂಜೇ ಆದುಪ್ಪುನೆಡ್ದ್ ಮಸ್ತ್ ಜನ ಆದುಪ್ಪು ನಮ ಒಂಜೇ ಶರೀರದ ಲೆಕ್ಕ ಉಲ್ಲ. ದಾಯೆಗಂದ್ಂಡ ಒಂಜೇ ರೊಟ್ಟಿಡ್ ನಮ ಮಾತೆರ್ಲಾ ಪಾಲ್ ದೆತ್ತೊಂದು ತಿನ್ಪ.
18ಇಸ್ರಾಯೇಲ್ಯೆರ್ ಆದುಪ್ಪುನಾಕುಲೆನ್ ಎನ್ನೊನ್ಲೆ, ಬಲಿ ಕಡ್ತಿನೆನ್ ತಿನ್ಪಿನಾಕುಲು ಬಲಿಪೀಠಗ್ ಸೇರ್ದಿನಕುಲತ್ತಾ? 19ಅಂಚಾಂಡ ಯಾನ್ ದಾನೆ ಪಂಡೆ? ಮೂರ್ತಿ ಆವಡ್, ಮೂರ್ತಿಗ್ ಕಡ್ತಿನವು ಆವಡ್ ದಾಲಾಂಡಲಾ ಬಿಲೆ ಉಂಡಾ? 20ಆಂಡ ಪಿದಯಿದ ಜನೊಕುಲು ತನ್ಕುಲು ಅರ್ಪಣೆ ಮಲ್ತಿ ಬಲಿಕ್ಲೆನ್ ದೇವೆರೆಗ್ ಅತ್ತ್, ದೆವ್ವೊಲೆಗ್ ಅರ್ಪಣೆ ಮಲ್ಪುವೆರ್ ಅಂದ್‌ದ್ ಎನ ಅಂದಾಜಿ. ನಿಕುಲು ದೆವ್ವೊಲೊಟ್ಟುಗು ಸಂಸರ್ಗ ಮಲ್ಪೊಡು ಅಂದ್‌ದ್ ಎನ ಇಷ್ಟ ಅತ್ತ್. 21ನಿಕುಲು ಕರ್ತವ ಪಾತ್ರೆಡ್ಲಾ ದೆವ್ವೊಲೆ ಪಾತ್ರೆಡ್ಲಾ ಪರಿಯೆರೆ ಬಲ್ಲಿ. ಕರ್ತವ ಮೇಜಿಡ್ಲಾ ದೆವ್ವೊಲೆ ಮೇಜಿಡ್ಲಾ ಉನಿಯೆರೆ ಬಲ್ಲಿ. 22ನಮ ಕರ್ತವಗ್ ಉರಿ ಲಕ್ಕಾವೊಡಂದ್ ಉಲ್ಲನಾ? ಆಯಡ್ದ್‌ಲಾ ನಮ ಬಲತ್ತಾಕುಲಾ?
23“ಮಾತ ಕೆಲಸೊನ್ಲಾ ಮಲ್ಪೆರೆ ಸ್ವತಂತ್ರ ಉಂಡು,” ನಿಕುಲು ಪನ್ಪರ್. ಆಂಡ ಯಾನ್ ಪನ್ಪಿನಿ, “ಮಾತಲಾ ಕೆಲಸೊಗು ಬರ್ಪುಜಿ. ಮಾತೆಕ್ ಎಂಕ್ ಸ್ವತಂತ್ರ ಉಂಡು,” ಆಂಡ ಮಾತಲಾ ಅಭಿವೃದ್ಧಿದವು ಅತ್ತ್. 24ಪ್ರತಿ ಒರಿಲಾ ತನ ಸ್ವಂತ ಎಡ್ಡೆನ್ ತೂವೊನಂದೆ ನನೊರಿಯನ ಎಡ್ಡೆನ್ ಬಯಕಡ್.
25ಪೇಂಟೆಡ್ ಮಾರುನವು ಮಾತೆನ್ಲಾ ಮನಸಾಕ್ಷಿಡ್ ದಾಲಾ ಸಂಶಯ ಮಲ್ಪಂದೆ ತಿನ್ಲೆ. 26“ಭೂಮಿಲಾ ಐಟ್ಟ್ ಉಪ್ಪುನವು ಮಾತಲಾ ಕರ್ತವನವೇ ಆದುಂಡತ್ತಾ.”
27ನಂಬಿಕೆದಾಂತಿನಾಯೆ ಒರಿ ನಿಕ್ಲೆನ್ ವಣಸ್‌ಗ್ ಲೆಪ್ಪುನಗ, ನಿಕ್ಲೆಗ್ ಪೋಯೆರೆ ಇಷ್ಟ ಇತ್ತ್ಂಡ, ನಿಕ್ಲೆಗ್ ಎಂಚಿನ ಬಲಸಿರ್ಯೆಡಲಾ ಮನಸ್‌ಡ್ ಸಂಶಯ ಮಲ್ಪಂದೆ ತಿನ್ಲೆ. 28ಆಂಡ ಏರಾಂಡಲಾ ನಿಕ್ಲೆಡ, “ಉಂದು ಮೂರ್ತಿಗ್ ಅರ್ಪಣೆ ಮಲ್ತ್‌ದಿನವು,” ಅಂದ್‌ದ್ ಪಂಡೆಡ ಅವೆನ್ ತಿನೊಡ್ಚಿ. ತೆರಿಪಾಯಿನಾಯಗ್ಲಾ ಆಯನ ಮನಸಾಕ್ಷಿಗಾದ್ರಲಾ ತಿನೊಡ್ಚಿ. 29ಅವು ನಿನ ಮನಸಾಕ್ಷಿಗ್ ಅತ್ತ್, “ಬೊಕ್ಕೊರಿಯನ ಮನಸಾಕ್ಷಿಗ್ಲಾ ಎನ ಸ್ವತಂತ್ರೊಗ್ಲಾ ದಾಯೆ ತೀರ್ಪಾವೊಡು? 30ಯಾನ್ ಉಪಕಾರ ಪಂಡ್‌ದ್ ಉಂಡಿಬೊಕ್ಕ, ಉಪಕಾರ ಸ್ತುತಿ ಮಲ್ತ್‌ದ್ ತಿನ್ಪಿನ ತಿನಸ್‌ಗಾದ್ ಎಂಕ್ ದಾಯೆಗ್ ದೂಷಣೆ ಆವೊಡು?”
31ಅಂಚಾದ್ ನಿಕುಲು ತಿಂದ್‌ಂಡಲಾ ಪರ್‌ಂಡಲಾ ದಾನೆ ಮಲ್ತ್ಂಡಲಾ ಮಾತೆನ್ಲಾ ದೇವೆರೆ ಮೈಮೆಗ್ ಮಲ್ಪುಲೆ. 32ಯೆಹೂದ್ಯೆರೆಗಾವಡ್, ಗ್ರೀಕೆರೆಗಾವಡ್, ದೇವೆರೆ ಸಭೆಕಾವಡ್ ಅಡ್ಡಿ ಆದುಪ್ಪಡೆ. 33ಯಾನಾಂಡಲಾ ಎನ ಸ್ವಂತ ಪ್ರಯೋಜನೊಗು ಚಿಂತೆ ಮಲ್ಪಂದೆ ಮಾತ ನರಮಾನಿಲೆಗ್ ರಕ್ಷಣೆ ತಿಕ್ಕೊಡು ಅಂದ್‌ದ್ ಅಕ್ಲೆ ಎಡ್ಡೆಗಾದ್ರ ಚಿಂತೆ ಮಲ್ತ್‌ದ್ ಮಾತೆರೆನ್ ಮಾತ ವಿಷಯೊಲೆಡ್ ಮೆಚ್ಚಾವುನಾಯೆ ಆದುಲ್ಲೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature