रोम 16
16
पोलुस को नमस्कार
1किंखिरीआ की बिस्वासी मंडळी की सेवा करबाळी आपणी बिस्वासी भाण फिबे की थारूँ सिपारीस करूं हूँ। 2क थे परबु म बिकी आवभगत अंय्यां करो जंय्यां एक परमेसर का मिनख की करी जाणी चाए। बिनै थारूँ जखी बी मदद चाए बा मदद बिनै दिज्यो, क्युं क बा बोळा मिनखा की मदद करी अर मेरी बी मदद करी।
3 #
काम 18:2
मसी ईसु म मेरा साती परसकीला अर अकविलानै मेरो नमस्कार खिज्यो। 4मेरी ज्यान बचाबा ताँई बे आपकी ज्याननै बी दाव प लगादि ही, मई नइ पण गैर-यहूदि मिनखा की सगळी बिस्वासी मंडळ्या बी बाको एसान मानै। 5बिकै घरा भेळी होबाळी बिस्वासी मंडळीनै बी मेरो नमस्कार। मेरा लाडला इपनितुसनै जखो एसिया म मसीनै मानबाळा म पेलो मिनख ह मेरो नमस्कार खिज्यो। 6मरीयमनै, जखी थारै ताँई बोळी मेनत करी ह, नमस्कार। 7मेरा देसवासी अंडरोनीकुस अर यूनिया जखा मेरै सागै जेळ म हा, भेजेड़ा चेला म नामी ह अर जखा मेरूँ पेल्याई मसी म आगा हा, बानै मेरो नमस्कार। 8परबु म मेरा लाडला अम्पलिआतुसनै मेरो नमस्कार। 9मसी म मेरै सागै काम करबाळा उरबानुस अर मेरा लाडला इस्तुखुसनै मेरो नमस्कार। 10मसी म सचा अर खरा अपिलेसनै मेरो नमस्कार। अरिस्तोबुलुस का परवारनै नमस्कार। 11मेरा देसवासी हेरोदिओननै नमस्कार। नरकीसुस का परवार का बा मिनखानै नमस्कार जखा परबु म हीं। 12तरेफेना अर तरेफोसानै जखी परबु म कड़ी मेनत करबाळी हीं, मेरो नमस्कार। मेरी लाडली परसिसनै जखी परबु म बोळी मेनत करी ह, मेरो नमस्कार। 13#मर 15:21परबु म टाळेड़ा रूफुसनै अर बिकी माँ जखी मेरी बी माँ स्यारकी ह, मेरो नमस्कार। 14असंकरीतुस, फिलगोन, हरमेस, पतरोबास, हरमास अर बाकी का बिस्वासी भायानै नमस्कार। 15फिलगुस, जुलिआ, नेरिऊस अर बिकी भाणनै, ओलमपास अर बिका सगळा परमेसर का मिनखानै मेरो नमस्कार। 16थे हात जोड़र एक दुसरानै नमस्कार कर्या करो। थानै सगळी मसी बिस्वासी मंडळ्या कानिऊँ नमस्कार।
आखरी हिदायता
17मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ। 18क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं। 19हुकमानै मानबा की थारी चरचा, च्यारूमेर होरी ह। इ ताँई म थारूँ खुस हूँ पण म चाऊँ हूँ क थे भलाई ताँई स्याणा बणो अर बुराई ताँई अणभोळ।
20स्यांती देबाळो परमेसर तावळोई सेताननै थारा पगा तळै चिथवा देसी। आपणा परबु ईसु मसी की दया थार प बणी रेह्वै।
21 #
काम 16:1
मेरै सागै काम करबाळो तिमूतियूस, लूकियुस, यासोन अर सोसिपतरुस अर मेरा देसवासी कानिऊँ थानै नमस्कार।
22म तरतियुस, जिका हातऊँ ओ कागद मंडवायो गयो ह, परबु म थानै नमस्कार बोलुँ हूँ।
23 #
काम 19:29; 1 कुरन्थी 1:14;
2 तिमू 4:20
मेरी अर सगळी बिस्वासी मंडळी की मिजमानी करबाळा गयुस को थानै नमस्कार। इरास्तुस जखो नगरी को भंडारी ह अर आपणा बिस्वासी भाईड़ा कुआरतुस को थानै नमस्कार। 24#16:24 कई मानी-थानी पोथ्या म आ आयत कोनी लाधै अर कया म जोड़्यो गयो ह क, “आपणा परबु ईसु मसी की दया थारै सगळा प रेह्वै।” अंय्यांई होज्यावै।
25बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्ति राखै ह। 26जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै। 27ईसु मसी क जरिए खाली बि एकई ज्ञान का सागर परमेसर की कदैई नइ मिटबाळा जुग ताँई मेमा हो। अंय्यांई होज्यावै!
Currently Selected:
रोम 16: एस डब्लु वी
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
रोम 16
16
पोलुस को नमस्कार
1किंखिरीआ की बिस्वासी मंडळी की सेवा करबाळी आपणी बिस्वासी भाण फिबे की थारूँ सिपारीस करूं हूँ। 2क थे परबु म बिकी आवभगत अंय्यां करो जंय्यां एक परमेसर का मिनख की करी जाणी चाए। बिनै थारूँ जखी बी मदद चाए बा मदद बिनै दिज्यो, क्युं क बा बोळा मिनखा की मदद करी अर मेरी बी मदद करी।
3 #
काम 18:2
मसी ईसु म मेरा साती परसकीला अर अकविलानै मेरो नमस्कार खिज्यो। 4मेरी ज्यान बचाबा ताँई बे आपकी ज्याननै बी दाव प लगादि ही, मई नइ पण गैर-यहूदि मिनखा की सगळी बिस्वासी मंडळ्या बी बाको एसान मानै। 5बिकै घरा भेळी होबाळी बिस्वासी मंडळीनै बी मेरो नमस्कार। मेरा लाडला इपनितुसनै जखो एसिया म मसीनै मानबाळा म पेलो मिनख ह मेरो नमस्कार खिज्यो। 6मरीयमनै, जखी थारै ताँई बोळी मेनत करी ह, नमस्कार। 7मेरा देसवासी अंडरोनीकुस अर यूनिया जखा मेरै सागै जेळ म हा, भेजेड़ा चेला म नामी ह अर जखा मेरूँ पेल्याई मसी म आगा हा, बानै मेरो नमस्कार। 8परबु म मेरा लाडला अम्पलिआतुसनै मेरो नमस्कार। 9मसी म मेरै सागै काम करबाळा उरबानुस अर मेरा लाडला इस्तुखुसनै मेरो नमस्कार। 10मसी म सचा अर खरा अपिलेसनै मेरो नमस्कार। अरिस्तोबुलुस का परवारनै नमस्कार। 11मेरा देसवासी हेरोदिओननै नमस्कार। नरकीसुस का परवार का बा मिनखानै नमस्कार जखा परबु म हीं। 12तरेफेना अर तरेफोसानै जखी परबु म कड़ी मेनत करबाळी हीं, मेरो नमस्कार। मेरी लाडली परसिसनै जखी परबु म बोळी मेनत करी ह, मेरो नमस्कार। 13#मर 15:21परबु म टाळेड़ा रूफुसनै अर बिकी माँ जखी मेरी बी माँ स्यारकी ह, मेरो नमस्कार। 14असंकरीतुस, फिलगोन, हरमेस, पतरोबास, हरमास अर बाकी का बिस्वासी भायानै नमस्कार। 15फिलगुस, जुलिआ, नेरिऊस अर बिकी भाणनै, ओलमपास अर बिका सगळा परमेसर का मिनखानै मेरो नमस्कार। 16थे हात जोड़र एक दुसरानै नमस्कार कर्या करो। थानै सगळी मसी बिस्वासी मंडळ्या कानिऊँ नमस्कार।
आखरी हिदायता
17मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ। 18क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं। 19हुकमानै मानबा की थारी चरचा, च्यारूमेर होरी ह। इ ताँई म थारूँ खुस हूँ पण म चाऊँ हूँ क थे भलाई ताँई स्याणा बणो अर बुराई ताँई अणभोळ।
20स्यांती देबाळो परमेसर तावळोई सेताननै थारा पगा तळै चिथवा देसी। आपणा परबु ईसु मसी की दया थार प बणी रेह्वै।
21 #
काम 16:1
मेरै सागै काम करबाळो तिमूतियूस, लूकियुस, यासोन अर सोसिपतरुस अर मेरा देसवासी कानिऊँ थानै नमस्कार।
22म तरतियुस, जिका हातऊँ ओ कागद मंडवायो गयो ह, परबु म थानै नमस्कार बोलुँ हूँ।
23 #
काम 19:29; 1 कुरन्थी 1:14;
2 तिमू 4:20
मेरी अर सगळी बिस्वासी मंडळी की मिजमानी करबाळा गयुस को थानै नमस्कार। इरास्तुस जखो नगरी को भंडारी ह अर आपणा बिस्वासी भाईड़ा कुआरतुस को थानै नमस्कार। 24#16:24 कई मानी-थानी पोथ्या म आ आयत कोनी लाधै अर कया म जोड़्यो गयो ह क, “आपणा परबु ईसु मसी की दया थारै सगळा प रेह्वै।” अंय्यांई होज्यावै।
25बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्ति राखै ह। 26जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै। 27ईसु मसी क जरिए खाली बि एकई ज्ञान का सागर परमेसर की कदैई नइ मिटबाळा जुग ताँई मेमा हो। अंय्यांई होज्यावै!
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved