इफिसुस जाणकारी
जाणकारी
भेजेड़ा चेला पोलुस की आ चिठी इफिसीआ की बिस्वासी मंडळीनै भेजी गई। जखो सबऊँ पेल्या परमेसर की इंछ्यानै बतावै ह, “क जोक्यु ईस्बर नगरी अर इ धरती प ह बिनै ईसु मसी म एक झघा भेळो करै।” (1:10) अर आ परमेसर का मिनखाऊँ एक अरज बी ह क बे ईसु मसी म एको राख'र मिनख जाती का भाईचारा ताँई परमेसर की इ इंछ्या गेल जीवन बितावै। इ चिठी का पेलड़ा भाग म मांडबाळो एका क बारां म अर बि गेला क बारां म बतावै ह जिऊँ परमेसर आपका मिनखानै टाळ्यो, बिकाळा बेटा ईसु मसी की बजेऊँ बानै बाका पापऊँ माफी अर छुटकारो मिल्यो अर पबितर आत्मा क हाता परमेसर को करेड़ो बादो पूरो होबा को दिलासो दिओ गयो ह। दुजा भाग म बो बाचबाळाऊँ अंय्यां को जीवन जीबा की अरज करै ह क मसी म एको कर जिबो बाकै जीवन को सच बण ज्यावै।
परमेसर का मिनखा का एकानै जखो मसीऊँ जुड़ेड़ो ह बिनै दिखाबा ताँई बिकी बराबरी कई बाता बतार करी गई ह: बिस्वासी मंडळी एक काया जंय्यां की ह, जिको सीर मसी ह, नहिस आ एक घर जंय्यां की ह जिका कूणा का सिरा को भाठो मसी ह, अर आ एक घरहाळी जंय्यां की ह जिको घरहाळो मसी ह। हरेक बातनै इमै मसी का परेम, बलिदान, माफी, उपकार अर सिद का उजाळा म देख्यो गयो ह।
रूपरेखा
भूमिका (1:1–2)
मसी अर बिस्वासी मंडळी (1:3—3:21)
मसी म नयो जीवन (4:1—6:20)
चिठी बंद करबो (6:21–24)
Currently Selected:
इफिसुस जाणकारी: एस डब्लु वी
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved