2 कुरन्थीयो जाणकारी
जाणकारी
कुरन्थी नगरी की बिस्वासी मंडळीनै आ दुसरी चिठी पोलुस ईसु मसी क जलम क करीब 55-56 बरसा पाछै मांडी। मान्यो जावै ह क आ चिठी जद पोलुस दुसरी बार कुरन्थी नगरी जार्यो हो जणा मकीदुनिया मऊँ मांडी। जंय्यां क लूका भेजेड़ा चेला का काम 20:1–2 म मांड्यो ह जणा हो सकै ह आ पोलुस की तीसरी चोखा समचार की यातरा ही।
कुरन्थी नगरी की बिस्वासी मंडळी क बारां म पोलुस तितूसऊँ चोखी बाता सुणी जणा इ चिठी म बो कुरन्थी नगरी की बिस्वासी मंडळी प आपकी खुसी परगट करै ह। इ चिठी म आपा नया नियम गेल दान देबा क बारां म सीख को ब्योरो देख सकां हां, (8:1—9:1–15) इ भाग म पोलुस यरूसलेम का भायानै मदद करबा ताँई पिसो-टक्को भेळो करबा की हिदायत देवै ह। इ चिठीऊँ ओ बी अनुमान लागै ह क क्युंक झूठा भेजेड़ा चेला जखा बिस्वासी मंडळी का कोनी हा, बे खुदकी पेठनै बढाबा ताँई पोलुस क खिलाप लड़बा ताँई लोगानै भरता हा। बे ईसु मसी को एक भेजेड़ो चेलो होबा ताँई पोलुस क अधिकार प आँगळी उठाता हा आ आपा इ चिठी क आखरी भाग म देख सकां हां।
रूपरेखा
1) नमस्कार। (1:1–7)
2) यातरा म बदलाव अर बाकै बारां म जखो ब्योरो बिनै मिल्यो। (1:8—7:16)
3) यरूसलेम का बिस्वासी भाया ताँई पिसा भेळा करबानै पोलुस की हिदायत। (8:1—9:15)
4) पोलुस को ईसु मसी को भेजेड़ा चेलो होबा का आपका अधिकार को बचाव अर बठै ओज्यु आबा ताँई चेताबो। (10:1—13:10)
Currently Selected:
2 कुरन्थीयो जाणकारी: एस डब्लु वी
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved