Pilemon 1
1
Smbeyax Kari
1Ririh Kiristo Yesu shemuk ka Poro, mtheyaq Timoteos mtswai we matis nami patis Pilemon sgaalu miyan ma mnsuupu menan qmeepah, 2Aphuia mtswai ta mqedil, Arksipos mnsuupu menan dangi mccebu ma, kana pssliyan ga sapah su. 3Tai so meeniq yamu ka huwe ma mtbale lhebun pneeyah Utux Baro ta ma Yesu Kiristo Bukung!
Gnaalu ma Snhiyan Pilemon
4Dmurun nami ciida we lmngelung nami sunan. Dmurun nami sunan klaali we mqaras nami Utux Baro. 5Mnbahang nami gnaalu su quri kana seediq dsnheyi ma, snhiyan su quri Yesu Bukung. 6Tai so srengo su seediq snhiyan ciida we, maha niqan ba beyax. So su pklaun bale seediq ka ani maanu noda nami we ririh Kiristo kana ka sqeepah nami. 7Mtswai, ado gnaalu su, wada ku mangal paru riyung mqaras ma smbyaxan. Ado wada traguh peeyah yamu ka lhebun hbaro mrtaso seediq dsnheyi.
Onesimos ka Spesa Poro
8Ani ku kesun smtama Kiristo mtduwa ku smkagul sunan meepah ooda ddaun su. 9Kiya we so yaku nii Poro we paru knkawas mu da, saya uri we ririh Kiristo Yesu gisu sghetur sapah kuung de, nuuqu mu spooda gnaalu dmurun sunan ka malu. 10Kiya ka mpdudul ku Onesimos laqi pntingan mu meniq ckceka hnetur. 11Uka rrihan cuuxal ka heya, kiya ka kiya, saya de niqan rrihan na isu ma yaku da. 12Mpskagul ku heya brinah mosa isu hiya. Heya we sgaalu mu riyung. 13Satang mu kmhridun hini, so maha rmirih isu mdayo yaku nii sghetur ado malu kari. 14Ado ini mu klai ka lnglungan su de, ini ku sruwa so nii mooda. So ku uxe ptkeeyux pqeepah malu noda isu, ado asi ka spooda lnglungan su nanak. 15Tnnais smwaye sunan ka heya we, yaa gisu dmayo sunan mdoi heya ani betaq knuwan. 16Uxe tnqliyan ka heya da. Hmrinas tnqliyan ma, mtswai sgaalu ta da. So nii qntaan mu ka yaku, hmuwa ka isu di ho! Ani kesun meniq heyi ma meeniq ckceka Bukung we ida maha so kiya.
17Maanu so kiya de, nasi saku ngalan dangi de, qrasi smterung ka heya, mntena su so smterung yaku. 18Nasi niqan pnkusa na isu we, uxe uri we niqan ka knbrexan na we, pnaani kenan kana da. 19Ida ku prihun. So nii we pnatis bale Yaku Poro kiya. Ani ku ini rengo sunan, ani isu uri we ida niqan ka pnkusa su yaku! 20Mtswai, So isu maha niqan rrihan mu meeniq ckceka Bukung. So maha mtraguh riyung ka lhebun mu meniq ckceka Kiristo.
21Matis ku patis sunan we, snhiyun mu maha su theyi. Klaun su maanu ka daun su ma, maha hmrinas rnengo mu. 22Kiya uri we, psramal yahan mu meniq, ado sntangan mu pnooda dnurun namu, maangal ku huwe meyah ku yamu hiya.
Nhdean Kari Smbeyax
23Malu su mesa ka Ipahuras ririh Kiristo Yesu mtheyaq yaku gisu shetur. 24Malu su mesa ka Markos, Aristarks, Demas ma, Ruka tnhiyan mu meepah. 25Tai so mpsuupu meeniq bgihur namu ka huwe Yesu Kiristo Bukung.
Currently Selected:
Pilemon 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Pilemon 1
1
Smbeyax Kari
1Ririh Kiristo Yesu shemuk ka Poro, mtheyaq Timoteos mtswai we matis nami patis Pilemon sgaalu miyan ma mnsuupu menan qmeepah, 2Aphuia mtswai ta mqedil, Arksipos mnsuupu menan dangi mccebu ma, kana pssliyan ga sapah su. 3Tai so meeniq yamu ka huwe ma mtbale lhebun pneeyah Utux Baro ta ma Yesu Kiristo Bukung!
Gnaalu ma Snhiyan Pilemon
4Dmurun nami ciida we lmngelung nami sunan. Dmurun nami sunan klaali we mqaras nami Utux Baro. 5Mnbahang nami gnaalu su quri kana seediq dsnheyi ma, snhiyan su quri Yesu Bukung. 6Tai so srengo su seediq snhiyan ciida we, maha niqan ba beyax. So su pklaun bale seediq ka ani maanu noda nami we ririh Kiristo kana ka sqeepah nami. 7Mtswai, ado gnaalu su, wada ku mangal paru riyung mqaras ma smbyaxan. Ado wada traguh peeyah yamu ka lhebun hbaro mrtaso seediq dsnheyi.
Onesimos ka Spesa Poro
8Ani ku kesun smtama Kiristo mtduwa ku smkagul sunan meepah ooda ddaun su. 9Kiya we so yaku nii Poro we paru knkawas mu da, saya uri we ririh Kiristo Yesu gisu sghetur sapah kuung de, nuuqu mu spooda gnaalu dmurun sunan ka malu. 10Kiya ka mpdudul ku Onesimos laqi pntingan mu meniq ckceka hnetur. 11Uka rrihan cuuxal ka heya, kiya ka kiya, saya de niqan rrihan na isu ma yaku da. 12Mpskagul ku heya brinah mosa isu hiya. Heya we sgaalu mu riyung. 13Satang mu kmhridun hini, so maha rmirih isu mdayo yaku nii sghetur ado malu kari. 14Ado ini mu klai ka lnglungan su de, ini ku sruwa so nii mooda. So ku uxe ptkeeyux pqeepah malu noda isu, ado asi ka spooda lnglungan su nanak. 15Tnnais smwaye sunan ka heya we, yaa gisu dmayo sunan mdoi heya ani betaq knuwan. 16Uxe tnqliyan ka heya da. Hmrinas tnqliyan ma, mtswai sgaalu ta da. So nii qntaan mu ka yaku, hmuwa ka isu di ho! Ani kesun meniq heyi ma meeniq ckceka Bukung we ida maha so kiya.
17Maanu so kiya de, nasi saku ngalan dangi de, qrasi smterung ka heya, mntena su so smterung yaku. 18Nasi niqan pnkusa na isu we, uxe uri we niqan ka knbrexan na we, pnaani kenan kana da. 19Ida ku prihun. So nii we pnatis bale Yaku Poro kiya. Ani ku ini rengo sunan, ani isu uri we ida niqan ka pnkusa su yaku! 20Mtswai, So isu maha niqan rrihan mu meeniq ckceka Bukung. So maha mtraguh riyung ka lhebun mu meniq ckceka Kiristo.
21Matis ku patis sunan we, snhiyun mu maha su theyi. Klaun su maanu ka daun su ma, maha hmrinas rnengo mu. 22Kiya uri we, psramal yahan mu meniq, ado sntangan mu pnooda dnurun namu, maangal ku huwe meyah ku yamu hiya.
Nhdean Kari Smbeyax
23Malu su mesa ka Ipahuras ririh Kiristo Yesu mtheyaq yaku gisu shetur. 24Malu su mesa ka Markos, Aristarks, Demas ma, Ruka tnhiyan mu meepah. 25Tai so mpsuupu meeniq bgihur namu ka huwe Yesu Kiristo Bukung.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020