Hiburu 2
2
Paru Gnhuwe Mdoi Baga
1Maanu so kiya de, asi ta ka krinah qmlahang mbahang kari bnhangan ta, so uxe mpqluli mpkuuka. 2Kiya de wada bale ka gnarang kari pnooda snkgulan baro de, kiya ka ini qbahang na we, ida maha mangal pnkdira. 3Nasi ta ini sprui ka paru gnhuwe mdoi baga nii de, mtduwa ta qdriqun peni? Mdoi baga nii we pnrading na we rnengo Bukung. Kiya de wada pgkela ita ka seediq bobo mnbahang. 4Utux Baro we spooda na lnglungan na, spooda na sklwiun pnskraya noda, lnlamu beyax ma, huwe bnege Bgihur Utux, kiya ka mtheyaq dheya pgkela.
Pusu Mdudul Mdoi Baga
5Rnengo ta qnlhangan nexal we, Utux Baro we ini na pqlhangi snkgulan baro. 6Kiya de, niqan ka seediq ga truura matis rmengo:
“Mgmaanu bale ka seediq, metaq su so nii qmlahang heya.
Mgmaanu bale ka seediq bobo dxeral, metaq su so nii psbrinah heya.
7Ngalan su tgbiciq hari snkgulan baro ka heya,
knledax pnspruwan we bunuh bnege su heya,
skgulan su mpqlahang kana snmalu baga su,
8kiya de pthyiun su toma papak na ka kana ani maanu.”
Wada kesun pthyiun heya kana ka ani maanu de, uka ani maanu ka knrangi na ini theyi Heya da. Kiya ka saya de ini ta qtai ga theyi Heya ka kana ani maanu. 9Wano Yesu ga tnnais ngalan tgbiciq hari snkgulan baro ka taan ta. Ado Heya we wada mangal pnqraqil hnqilan, kiya de dehuk mangal bunuh knledax pnspruwan. So kiya de ado huwe Utux Baro, Heya de ririh kana seediq mnoda hnqilan.
10Ida kana ani maanu nHeya, pusu kana ani maanu ma, kmpdudul laqi na mremux knledax na we, ptkuun na spooda mqraqil ka pusu mdudul mdoi baga dheya we, ida mnlengu ka nii. 11Ado mpkrtaso seediq we, dseediq mtduwa prtaso we, pneyah 1 kana. Ririh nii ge, ngalan na mtswai ka dheya nii na ngali qnsiqa ka nii. 12Rmengo:
“Garang mu mtswai mu ka ngayan su.
Tndhuun su mu meniq ckceka hbaro seediq.”
13Rmengo dungal ka heya,
“Mpstama ku heya.
Rmengo dungal we:
Tai! Gisu hini kana ka yaku ma kana lqlaqi bnege Utux Baro kenan.”
14Maanu so kiya so mudus niqan heyi ma dara ka lqlaqi de, heya we ida mntena wada muudus niqan heyi ma dara ka heya uri. Kiya ka spooda na mhuqil pqnaqah beyax qmlahang mhuqil, nii we kiya ka Qbsuran Bgihur Naqah. 15Kiya uri we llhelah na seediq ga tnqliyan kniicu daha hhuqil kana kndesan daha. 16Bale ba we, ini dayo snkgulan baro ka heya, gisu dmayo lqlaqi mslutuc Abraham ka heya. 17Maanu so kiya de, ani maanu de ida na pntnaun mtswai na kana. Eyux so mpparu msapuh niqan huwe ma tduwa stmaan meniq ooda Utux Baro de, ririh qnquwan seediq we wada na sbege snapuh psruwa qnquwan ka heya. 18Ado mnoda mqraqil pseengan ka heya ma, mtduwa dmayo dseediq gaga pseengan uri.
Currently Selected:
Hiburu 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
