Hiburu 12
12
Pnseru Bukung
1Maanu so kiya de, hbaro bale ka seediq mpgkela mntena so plabu mtqiri ssiyo ta de, naka ta plixun ka knchedil napa ta ga qriyan qnquwan noda. Pskere ta lhebun ta tmalang elu ga meniq berah ta. 2Smtama ta Yesu smnalu pnlale snhiyan ma pttuku snhiyan. Heya we ririh qnaras ga berah na we, smbiciq mita tnsyaxan daha. Kiya de kmremun mangal pnqraqil jyujika. Saya de ga tleung narac tluungan Utux Baro. 3Yamu we lungelung bale, Yesu we wada knremun mangal tnbrnahan dseediq niqan qnquwan noda, so kiya de uxe namu mpkuuwic ka yamu da.
4Mccebu namu qnquwan noda ka yamu, so kiya we ini namu dehuk psdara nana. 5Wada namu chngiun ka kari Utux Baro mntena so laqi dnudul yamu, rmnengo:
“Laqi mu, iya sbiciq qmita pnseeru Bukung,
mseru ciida ka heya we, iya kuuwic ka lnglungan namu.
6Ado sgaalu Bukung we, ida na tgsaun.
Sbetun na uri ka knkingal laqi ngalun na.”
7Ngalan namu sslhayan we knremun ka yamu. Utux Baro we ngalan na laqi na qmita ka yamu. Lqlaqi we niqan ka ini psrui tama ma bubu na peni? 8Mseru ta lqlaqi we mnoda ta kana. Ini namu ooda pnsruwan de, laqi tnqliyan ma uxe bale ba laqi kiya. 9Kiya uri we, niqan ta heyi tama ta mseru ita de, kiya de spruun ta ka heya. Nata spruun ka tama bgihur ta, krnahun ta thei ka Heya de maangal ta knuudus da peni? 10Tama ta heyi tnnais we spooda na lnglungan daha mseru ita. Wano tama ta bgihur we mseru ngngalun ta niqan rrihan. Kiya de maha ta niqan pnugluban mrtaso na. 11Kana quri pnseru nii we, ini pqaras ka ciida han ma naqah kuxul uri. Bobo na de mtduwa pghei mtbale gnhiyan seediq mnoda psruwan, gnhei nii we kiya ka msderux noda.
12Maanu so kiya de, pstutuy ka baga ga msqelung ma, psdrexi ka papak ga msesi. 13Ririh papak ta nanak de psdrexi ka elu. So kiya de uxe mpsrahuq ka papak ga mpika, krinah wada pklmeun.
Dseediq Malix Huwe Utux Baro
14Mhero ptbale theyaq dseediq, kiya uri we mhero mrtaso. Ini krtaso ka seediq we uxe mpqita Bukung. 15Qlahang bale, so uxe maha ini angal huwe Utux Baro ka duma seediq. So uxe meyah prudu yamu ka gamil hrulas. Kiya de maha treeru rutiq ni ka hbaro seediq. 16So uxe mooda mnhemuc mngaangal. Dungal we ini knstuutux mntena Esaw, heya we ani biciq ba uqun wada na sbaruy ka ngayan na qbsuran. 17Bobo na de klaun namu, mkmangal smbleqan tama na ka heya de, wada ini srwai, ani lmingis mesa we uka elu na psbrinah lnglungan tama na.
18Yamu we uxe namu nii meyah dgiyaq mtduwa tlengun. Ga hiya we niqan puniq msrana, plabu knedux, mnkuung, bgihur paru, 19hrenang urung ma, hrenang ga pprengo seediq. Mnbahang hrenang ciida we, mesa bale iya eyah rengo dheya dungal. 20Ado ini daha dheki mheal ka kari pnosa nii. Rmengo: “Smdaling dgiyaq nii we, ani ccamac we, ida asi ka phqilun btunux.” 21So smtali riyung taan ka qtaan. So kiya de metaq rmengo ka Moseh: “Miicu ma pkrkerang ku riyung.” 22Kiya de, yahan namu we Dgiyaq Sion, alang Utux Baro muudus ani knuwan. Kiya ka Yerusalem ga karac baro. Egu riyung snkgulan baro ka meniq hiya. 23Pssliyan dqbsuran laqi ga spatis tlangan baro ka ngayan daha, ga hiya we Utux Baro mpsgao kana seediq ma utux bgihur dseediq msderux noda wada pttkuun. 24Kiya uri we Yesu bgurah pnsdhegan meniq ckceka ita ma Utux Baro, kiya uri we, dara cnwiqan na. Rnengo na kari pnooda dara nii we, mgkala knmalu dara Hebel.
25Qlahang klaali ka yamu, iya hteri mprengo yamu. Ado sghetur namu ka mdakar yamu bobo dxeral de, uxe mpqduriq qnquwan noda. So kiya de mhuwa ta kesun ka so ita ini ta qbahang pndakar pneeyah karac baro da ho? 26Hrenang na ciida we wada mlgelu dxeral. Kiya de saya de sntangan na rmengo: “Mpnexal ku dungal we uxe wano dxeral ka slgelu mu, mplgelu karac baro uri.” 27Kari “Mpnexal ku dungal” nii we, nii ptuura lnlegan na we maha mntena kana snmalu na lnugelu na kana. So kiya de, maha meniq ani knuwan ka uka lglegun na 28Maanu so kiya de, wada ta maangal qnlhangan uka llganan de, naka ta mqaras huwe Utux Baro, puyu ta qqrasun na, dmoi ta kstuutux ta ma miicu lhebun ta meepah Utux Baro. 29Ado puniq mprequn mpselaq ka Utux ta Baro.
Currently Selected:
Hiburu 12: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
