Garatia 4
4
1Rmengo ku, ani mnangal dnoi na we kiya ka tnpusu kana dnoi. Kiya de, ini dehuk kdakil ciida na we ini psaanak daha ka tnqliyan. 2Ga nanak meniq toma seediq qmlahang ma seediq mdudul sapah, asi ka betaq meyah ka ali sneengan Tama na. 3Mntena ta duri, ini dehuk dnkilan ta ciida han we gisu ta ngalan tnqliyan knkela bobo dxeral we mntena so nii uri. 4Betaq mttuku ka ali de, smkagul laqi na ka Utux Baro ma, pttingun na peeyah weewa, pttingun na toma gaya. 5Eyux na gberih maruy ka seediq ga toma gaya, ppngalun tana ngayan ma laqi na. 6Ado laqi ka yamu, kiya de smkagul bgihur laqi na mremux lhebun namu, mplawa: “Aba! Tama!” 7So kiya de, uxe namu tnqliyan dungal ka yamu, laqi namu ka yamu di. Nasi namu laqi de, mpooda namu Utux Baro lqlaqi laqi ka yamu da.
Pslhbenun Seediq Garatia ka Poro
8Ini ta kela Utux Baro cbeyo han we, ntnqliyan namu uxe ba Utux Baro ka yamu. 9Saya de wada namu mkela Utux Baro, uxe uri we wada klaun Utux Baro ka yamu. Ma namu mquri knkela uka dungus ma muuwic kiya, smkuxul namu ptnqliyan dheya ho? 10Ndwaun namu bale muyu ka ali, idas, pnsnakan karac ma, knkawas. 11Pslhebun ku yamu, ya ani uxe maha uka ririh ka ali snliqan mu heyi namu.
12Mtswai, mdakar ku yamu, pntena so yaku, ado mntena ku yamu ka yaku uri. Uka pnkusa namu kenan. 13Klaun namu, ado niqan mnarux ka heyi mu de, kiya ka wada ku plaale gmarang malu kari yamu. 14Ani ririh heyi mu wada namu moda pnseengan. Kiya we ini namu sbiciq qmita yaku ma, ini namu alix yaku uri. Krinah namu snbleyaq yaku mntena so snkgulan Utux Baro, mntena so Kiristo Yesu. 15Wada inu kana ka so nii huwe lnglungan namu di ho? Nasi dehuk moda, ani kesun pkngalun ka doriq namu we, mpsruwa namu kana uri. So nii we dhekun mu pgkela yamu ka nii. 16Wada mu srengo yamu ka bale de, maku ni tnpais yamu ka yaku da peni? 17Seediq mdrumuc dmayo yamu we, uxe malu ka lnglungan daha. Gisu meyah ptaanak yamu, so namu maha smbleyaq dmayo dheya. 18Meniq malu ooda we, ida malu ka mdrumuc ta dmayo seediq icil. Uxe wano mtheyaq nami yamu hiya ciida ka so kiya. 19Laqi mu, ado yamu mangal nami maangal hnlidan knnarux ptuting laqi, asi ka betaq meniq ba ckceka lhebun namu ka Kiristo. 20Kmptheyaq ku meniq yamu hiya ka saya, maha ku priyux kari quwaq mu, ado yamu sqnaqah kuxul lhebun mu.
Pnungalan Kari Hagar ma Sarah
21Yamu nii smkuxul meniq toma gaya, rngagi ku hiya, ini namu qbahang gaya na ho? 22Ado ga matis ka patis gaya, niqan 2 ka laqi Abraham. 1 we laqi tnqliyan mqedil, 1 we laqi pneyah mqedil mtraguh. 23Laqi mqedil tnqliyan we pnooda heyi pntuting. Laqi mqedil mtraguh we kiya ka pnooda sntangan pntuting. 24Pnungalan kari ka so nii: 2 mqedil nii we kika 2 pnsdhegan. Pneeyah dgiyaq Sinay ka 1 mqedil, wada mtnqliyan we kiya ka Hagar. 25Hagar nii we kiya ka nii tmiyu dgiyaq Sinay ga Arab. Mntena so Yerusalem saya. Ado ga ngalan tnqliyan kana lqlaqi na ka Yerusalem. 26Kiya de 1 mqedil mtraguh mosa Yerusalem we, heya ka bubu ta. 27Ado ga spatis Patis Mrtaso:
Kndungean, ini ptuting laqi we, pqaras ka yamu.
Ini oda mqraqil hnlidan pntuting laqi we, pnbaro hrenang namu mqaras ka yamu.
Ado uka rseno na we, mgkala niqan rseno egu ka lqlaqi daha.
28Mtswai, pnooda sntangan mlaqi namu ka yamu, mntena so Yijxaq. 29Ciida, tmraqil pntuting peeyah Bgihur Utux ka pntuting peeyah heyi. Saya uri we so kiya uri. 30Kiya de, hmuwa mesa rmengo ka Patis Mrtaso ho?: “Lwaqi nganguc ka tnqliyan ma laqi na! Ado ini tduwan msuupu laqi mqedil mtraguh mangal dnoi laqi mqedil tnqliyan.” 31Mtswai, qntaan ta so nii de, uxe ta laqi mqedil tnqliyan ka ita, laqi ta mqedil mtraguh ka ita da.
Currently Selected:
Garatia 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Garatia 4
4
1Rmengo ku, ani mnangal dnoi na we kiya ka tnpusu kana dnoi. Kiya de, ini dehuk kdakil ciida na we ini psaanak daha ka tnqliyan. 2Ga nanak meniq toma seediq qmlahang ma seediq mdudul sapah, asi ka betaq meyah ka ali sneengan Tama na. 3Mntena ta duri, ini dehuk dnkilan ta ciida han we gisu ta ngalan tnqliyan knkela bobo dxeral we mntena so nii uri. 4Betaq mttuku ka ali de, smkagul laqi na ka Utux Baro ma, pttingun na peeyah weewa, pttingun na toma gaya. 5Eyux na gberih maruy ka seediq ga toma gaya, ppngalun tana ngayan ma laqi na. 6Ado laqi ka yamu, kiya de smkagul bgihur laqi na mremux lhebun namu, mplawa: “Aba! Tama!” 7So kiya de, uxe namu tnqliyan dungal ka yamu, laqi namu ka yamu di. Nasi namu laqi de, mpooda namu Utux Baro lqlaqi laqi ka yamu da.
Pslhbenun Seediq Garatia ka Poro
8Ini ta kela Utux Baro cbeyo han we, ntnqliyan namu uxe ba Utux Baro ka yamu. 9Saya de wada namu mkela Utux Baro, uxe uri we wada klaun Utux Baro ka yamu. Ma namu mquri knkela uka dungus ma muuwic kiya, smkuxul namu ptnqliyan dheya ho? 10Ndwaun namu bale muyu ka ali, idas, pnsnakan karac ma, knkawas. 11Pslhebun ku yamu, ya ani uxe maha uka ririh ka ali snliqan mu heyi namu.
12Mtswai, mdakar ku yamu, pntena so yaku, ado mntena ku yamu ka yaku uri. Uka pnkusa namu kenan. 13Klaun namu, ado niqan mnarux ka heyi mu de, kiya ka wada ku plaale gmarang malu kari yamu. 14Ani ririh heyi mu wada namu moda pnseengan. Kiya we ini namu sbiciq qmita yaku ma, ini namu alix yaku uri. Krinah namu snbleyaq yaku mntena so snkgulan Utux Baro, mntena so Kiristo Yesu. 15Wada inu kana ka so nii huwe lnglungan namu di ho? Nasi dehuk moda, ani kesun pkngalun ka doriq namu we, mpsruwa namu kana uri. So nii we dhekun mu pgkela yamu ka nii. 16Wada mu srengo yamu ka bale de, maku ni tnpais yamu ka yaku da peni? 17Seediq mdrumuc dmayo yamu we, uxe malu ka lnglungan daha. Gisu meyah ptaanak yamu, so namu maha smbleyaq dmayo dheya. 18Meniq malu ooda we, ida malu ka mdrumuc ta dmayo seediq icil. Uxe wano mtheyaq nami yamu hiya ciida ka so kiya. 19Laqi mu, ado yamu mangal nami maangal hnlidan knnarux ptuting laqi, asi ka betaq meniq ba ckceka lhebun namu ka Kiristo. 20Kmptheyaq ku meniq yamu hiya ka saya, maha ku priyux kari quwaq mu, ado yamu sqnaqah kuxul lhebun mu.
Pnungalan Kari Hagar ma Sarah
21Yamu nii smkuxul meniq toma gaya, rngagi ku hiya, ini namu qbahang gaya na ho? 22Ado ga matis ka patis gaya, niqan 2 ka laqi Abraham. 1 we laqi tnqliyan mqedil, 1 we laqi pneyah mqedil mtraguh. 23Laqi mqedil tnqliyan we pnooda heyi pntuting. Laqi mqedil mtraguh we kiya ka pnooda sntangan pntuting. 24Pnungalan kari ka so nii: 2 mqedil nii we kika 2 pnsdhegan. Pneeyah dgiyaq Sinay ka 1 mqedil, wada mtnqliyan we kiya ka Hagar. 25Hagar nii we kiya ka nii tmiyu dgiyaq Sinay ga Arab. Mntena so Yerusalem saya. Ado ga ngalan tnqliyan kana lqlaqi na ka Yerusalem. 26Kiya de 1 mqedil mtraguh mosa Yerusalem we, heya ka bubu ta. 27Ado ga spatis Patis Mrtaso:
Kndungean, ini ptuting laqi we, pqaras ka yamu.
Ini oda mqraqil hnlidan pntuting laqi we, pnbaro hrenang namu mqaras ka yamu.
Ado uka rseno na we, mgkala niqan rseno egu ka lqlaqi daha.
28Mtswai, pnooda sntangan mlaqi namu ka yamu, mntena so Yijxaq. 29Ciida, tmraqil pntuting peeyah Bgihur Utux ka pntuting peeyah heyi. Saya uri we so kiya uri. 30Kiya de, hmuwa mesa rmengo ka Patis Mrtaso ho?: “Lwaqi nganguc ka tnqliyan ma laqi na! Ado ini tduwan msuupu laqi mqedil mtraguh mangal dnoi laqi mqedil tnqliyan.” 31Mtswai, qntaan ta so nii de, uxe ta laqi mqedil tnqliyan ka ita, laqi ta mqedil mtraguh ka ita da.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020