Epesos 6
6
Laqi ma Rudan
1Yamu lqlaqi we, qbahang tama ma bubu meniq ckceka Bukung, nii we asi ka daun. 2-3Sprui ka tama ma bubu. Kiya de maangal su qnbleyaq, qqbsiyaq su meniq bobo dxeral. Nii we gaya pndakar sntangan ka nii. 4Dtama we, iya pkseang laqi namu. Kiya de pdai tnugesa Bukung ma mdakar dmanga dheya.
Tnqliyan ma Tnpusu
5Dtnqliyan we, krkerang miicu, pdai bale ba lhebun namu mbahang tnpusu heyi namu. Mntena so mbahang namu Kiristo. 6Iya wano mepah berah seediq, so mntena nii pqqaras seediq. Yamu we tnqliyan namu Kiristo de, asi ka peeyah lhebun muyu lnglungan Utux Baro. 7Tqqaras meepah, mntena so nii qmeepah Bukung, uxe nii meepah seediq. 8Ado klaun ta ka malu noda txtaxa seediq we, ani ga mtnqliyan ma tnpusu sapah we, asi ka spooda qneepah daha maangal snadu peeyah Bukung.
9Dtnpusu sapah we, pntena ka dmudul namu tnqliyan uri. Iya scugi ka dheya, ado dheya ma yamu we mntena 1 tnpusu sapah namu ga meniq karac baro. Ini psaanak seediq ka Heya.
Mtgdiyal Qnnaqah
10Qnhdean we, stama Bukung ka yamu. Stmai ka paru beyax na mpseediq paru beyax. 11Plukus ka kana qyqeya qqeerung heyi supi Utux Baro, so maha gmhetur naqah ooda bgihur naqah. 12Ado mccebu ta we uxe ta nii mccebu seediq niqan heyi ma dara. Gisu ta mccebu pusu mdudul, maangal beyax, qmlahang knkuung bobo dxeral nii ma, kana bgihur naqah ga meniq qlhangan bgihur karac baro. 13Maanu so kiya de, angal ka kana qyqeya qqeerung heyi supi nuUtux Baro. So maha mtduwa hmetur pais meniq ali qnnaqah. Kiya de bobo mhedu moda kana de mtduwa mkere ba mheyu. 14Maanu so kiya de, tkkere ba mheyu. Ngali habik hmabik hwinuk ka bale ba. Ngali gagi qeerung lhebun qmere berah ka msderux noda. 15Ngali so ramil posa papak psramal mkkesa ka malu kari mtbale uri. 16Duma na we, ngali qqeerung ka malu stmaan, so maha smeeliq mpkuuka kana budi sqama nseediq naqah. 17Pkbnuhi ka bunuh mdoi baga. Aangal ka hlmadac Bgihur Utux, kiya ka kari Utux Baro. 18Stama Bgihur Utux, mbeyax dmurun ma mesa klaali. Maanu so kiya de qlahang iya kslleung ma, druni ka kana mrtaso snkgulan. 19Druni ku ka yaku uri. Tai so maha niqan knkela ka quwaq mu, niqan pahung rmaguh quwaq truura rmengo lneing malu kari. 20Quri lneing malu kari nii we nii ku ngalan snkgulan madis negul xiluy. So mtduwa ku muyu ddaun mu qmeepah niqan pahung mu gmarang rmengo.
Smbleyaq
21Niqan ka mtswai ta Tukikos, sgaalu ma mdrumuc bale meepah Bukung. Ririh yamu mkela noda mu ka heya ma huwa ku mesa uri. Heya ka mpkela yamu kana noda nii. 22Smnkagul ku heya mosa yamu hiya we, so maha namu klaun ka noda nami saya, kiya de maha mtraguh ka lhebun namu.
23Tai so mtbale lhebun, gnaalu, snhiyan peeyah Utux Baro Tama ma Yesu Kiristo Bukung mege ita mtswai. 24Tai so maangal huwe ka kana seediq ini psetuq gmaalu Yesu Kiristo Bukung ta.
Currently Selected:
Epesos 6: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Epesos 6
6
Laqi ma Rudan
1Yamu lqlaqi we, qbahang tama ma bubu meniq ckceka Bukung, nii we asi ka daun. 2-3Sprui ka tama ma bubu. Kiya de maangal su qnbleyaq, qqbsiyaq su meniq bobo dxeral. Nii we gaya pndakar sntangan ka nii. 4Dtama we, iya pkseang laqi namu. Kiya de pdai tnugesa Bukung ma mdakar dmanga dheya.
Tnqliyan ma Tnpusu
5Dtnqliyan we, krkerang miicu, pdai bale ba lhebun namu mbahang tnpusu heyi namu. Mntena so mbahang namu Kiristo. 6Iya wano mepah berah seediq, so mntena nii pqqaras seediq. Yamu we tnqliyan namu Kiristo de, asi ka peeyah lhebun muyu lnglungan Utux Baro. 7Tqqaras meepah, mntena so nii qmeepah Bukung, uxe nii meepah seediq. 8Ado klaun ta ka malu noda txtaxa seediq we, ani ga mtnqliyan ma tnpusu sapah we, asi ka spooda qneepah daha maangal snadu peeyah Bukung.
9Dtnpusu sapah we, pntena ka dmudul namu tnqliyan uri. Iya scugi ka dheya, ado dheya ma yamu we mntena 1 tnpusu sapah namu ga meniq karac baro. Ini psaanak seediq ka Heya.
Mtgdiyal Qnnaqah
10Qnhdean we, stama Bukung ka yamu. Stmai ka paru beyax na mpseediq paru beyax. 11Plukus ka kana qyqeya qqeerung heyi supi Utux Baro, so maha gmhetur naqah ooda bgihur naqah. 12Ado mccebu ta we uxe ta nii mccebu seediq niqan heyi ma dara. Gisu ta mccebu pusu mdudul, maangal beyax, qmlahang knkuung bobo dxeral nii ma, kana bgihur naqah ga meniq qlhangan bgihur karac baro. 13Maanu so kiya de, angal ka kana qyqeya qqeerung heyi supi nuUtux Baro. So maha mtduwa hmetur pais meniq ali qnnaqah. Kiya de bobo mhedu moda kana de mtduwa mkere ba mheyu. 14Maanu so kiya de, tkkere ba mheyu. Ngali habik hmabik hwinuk ka bale ba. Ngali gagi qeerung lhebun qmere berah ka msderux noda. 15Ngali so ramil posa papak psramal mkkesa ka malu kari mtbale uri. 16Duma na we, ngali qqeerung ka malu stmaan, so maha smeeliq mpkuuka kana budi sqama nseediq naqah. 17Pkbnuhi ka bunuh mdoi baga. Aangal ka hlmadac Bgihur Utux, kiya ka kari Utux Baro. 18Stama Bgihur Utux, mbeyax dmurun ma mesa klaali. Maanu so kiya de qlahang iya kslleung ma, druni ka kana mrtaso snkgulan. 19Druni ku ka yaku uri. Tai so maha niqan knkela ka quwaq mu, niqan pahung rmaguh quwaq truura rmengo lneing malu kari. 20Quri lneing malu kari nii we nii ku ngalan snkgulan madis negul xiluy. So mtduwa ku muyu ddaun mu qmeepah niqan pahung mu gmarang rmengo.
Smbleyaq
21Niqan ka mtswai ta Tukikos, sgaalu ma mdrumuc bale meepah Bukung. Ririh yamu mkela noda mu ka heya ma huwa ku mesa uri. Heya ka mpkela yamu kana noda nii. 22Smnkagul ku heya mosa yamu hiya we, so maha namu klaun ka noda nami saya, kiya de maha mtraguh ka lhebun namu.
23Tai so mtbale lhebun, gnaalu, snhiyan peeyah Utux Baro Tama ma Yesu Kiristo Bukung mege ita mtswai. 24Tai so maangal huwe ka kana seediq ini psetuq gmaalu Yesu Kiristo Bukung ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020