Korosay 4
4
1Yamu dtnpusu sapah we, ndwai pstena mita ka tnqliyan namu. Ado klaun namu, yamu we niqan namu kingal Bukung ga meniq karac baro.
Kari Dmudul
2Iya psetuq dmurun ka yamu ma, kiiyo mqaras ckceka dmurun. 3Kiya uri we, drnani nami ka yami uri. Druni Utux Baro so maha rmaguh neluk ggarang kari, mptduwa nami gmarang lneing Kiristo. 4Tduwa nami spuyu kari rrengo nami ptuura lneing nii. Ado ririh nii gisu ku daha sbekuy. 5Krwahi bale ka ali meepah, pdai knkela mtheyaq seediq icil qnlhangan. 6Pniqi knhenuk klaali ka kari namu, mntena so nii namu pstimu. So namu maha klaun mhuwa namu mesa cmiyuk smterung txtaxa seediq.
Kari Nhdean
7Tukikos ge, mtswai sgalu mu, tnqliyan malu ba stmaun ma, msuupu yaku tnqliyan Bukung. Heya we maha rmengo yamu kana noda mu. 8Smnkagul ku heya mosa yamu hiya we, so maha namu klaun ka noda nami saya, kiya de maha mtraguh ka lhebun namu. 9Skgulun mu msuupu heya ka Onesimos. Heya we sgaalu mu ma mtswai mtduwa stmaun. Seediq yamu hiya ka heya uri. Maha rmengo yamu kana nniqan mu hini.
10Aristarks kiya ka msuupu kenan nii shetur we ga rmengo “Malu namu ho?” Markos, kiya ka mtswai Brnabas we ga rmengo uri “Malu namu ho?” Quri heya we, wada namu klaun da. Nasi mosa hiya ka heya we ndwai smterung. 11Yesus kesun Yostos ka ngayan na we ga rmengo yamu uri “Malu namu ho?” Ckceka seediq mnoda ptgaya psalak we, wano 3 seediq nii ka meepah quri qnlhangan Utux Baro ma msuupu meepah yami. Dheya ka pkbeyax lhebun mu uri. 12Ipahuras, seediq pneyah yamu hiya, tnqliyan Kiristo Yesu we ga rmengo yamu “Malu namu ho?” Dmurun ciida ka heya we dmurun riyung dyamu. Tai so maha namu mkkere mheyu ma mkela riyung, snhii riyung kana lnglungan Utux Baro. 13Ririh yamu, Raodikeia, mtswai Hirapolis wada mqraqil riyung ka heya. Noda nii we tduwa ku pgkela heya. 14Ruka ising ma Demas we ga rmengo yamu “Malu namu ho?” 15Kesi rmengo malu namu ka mtswai Raodikeia, Numpa ma, pssliyan ga sapah na. 16Mhedu namu smepu patis nii de, sai smepu pssliyan Raodikeia hiya uri. Spegi ka pnatis pneyah Raodikeia uri. 17Rngagi ka Arksipos: “Pttuku ba qmeepah qpahun nangal su pneyah Bukung.”
18Yaku Poro pnatis we rmengo ku “Malu namu ho?” Lnglungi ku gisu ku daha bkeun na. Tai so mtheyaq yamu ka gnhuwe!
Currently Selected:
Korosay 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
