Korosay 2
2
1So namu maha klaun, ririh yamu ma seediq Raodikeia ma, kana seediq uxe mu ntaan we gisu namu mdrumuc ba meepah. 2So maha psbeyax lhebun daha, mggaluk ba gnaalu daha, kiya de mttuku bale pneeyah pnklaan daha. Betaq mkela bale lneing Utux Baro, nii we kiya ka Kiristo. 3Ckceka Kiristo we stngayan knkela ma gnkela. 4Kari mu so nii we, so uxe meeyah pkridil yamu ka duma seediq. 5Ani ku ini eniq yamu hiya ka heyi mu, ida ga mtheyaq yamu ka lhebun mu. Mqaras ku riyung mita malu ndaan namu, quri so snhiyan Kiristo we mgdehu riyung uri.
Mttuku Ckceka Kiristo
6Wada namu ngalun ka Kiristo Yesu Bukung de, asi namu ka smtama riyung Heya muudus. 7Pyugi so snlhayan namu, ttgamil meniq Kiristo ma tgdehu snhiyan namu ma, stngai qnqaras ka lhebun namu. 8Qlahang ka yamu, duma seediq we gisu dmoi snlhayan daha ma kari skbrhuwan, ini puyu Kiristo ma wano muyu gaya bobo dxeral ma snlhayan uka dungus mqerac yamu ka dheya. 9Ado kana knstngayan Utux Baro ani niqan hnyegan ma uka hnyegan we ida ga meniq ckceka Kiristo kana. 10Maha namu mttuku ka yamu uri meniq namu ckceka Kiristo. Heya ka pusu ba tunux kana beyax mpqlahang. 11Meniq namu heya ka yamu uri we mnoda namu ptgaya psalak uxe mnoda baga seediq. Mnoda namu ptgaya psalak Kiristo, kiya ka sqada namu ka kkraguh namu heyi. 12Mnoda namu ptgaya psino ma msuupu Heya wada reesun we, meniq so nii noda de, maha namu msuupu muudus Kiristo uri, ado snhii namu qneepah Utux Baro wada pkuudus Heya peeyah hnqilan. 13Mnhuqil namu ckceka qnquwan daha ka ini oda ptgaya psalak ka heyi namu cuuxal da. Wada smruwa kana qnquwan namu ka Utux Baro, kiya ka dehuk namu msuupu Kiristo muudus ka yamu. 14Sresan na ka gaya pnatis, knpais ita ma, patis bnekuy ita. Wada na lixun ma spteetu na bobo jyujika. 15Kiristo we sraguh na kana ka beyax mdudul ma mpqlahang. Meniq mnbeyax hiya we sptuura na ka dheya, spooda na jyujika psparu tnuglayan na.
16Maanu so kiya de, iya pdai noda uqun, snseman, snseman bgurah knkawas ma ali sngayan noda so nii moda mprengo yamu ka ani ima seediq. 17Kana nii we saso mmeyah. Bale ba heyi we kiya ka nKiristo. 18So uxe gglekun dseediq thkeso mtlebu lhebun ma thmuku snkgulan Baro ka snadu namu. Dseediq nii we wano mquri uxe bale ba ka dheya. Gisu spooda kkraguh daha mnhemuc psparu ka dheya, 19ini tqene pusu tunux. Bale ba we, pneeyah Heya spooda na pungo buuc ma ururac mangal beyax, ppgaluk ma smtama kndkilan bnege Utux Baro mdakil ka heya.
Kndesan Bgurah Meniq Kiristo
20-21Wada namu msuupu Kiristo mhuqil ma kiya ka smtheya namu snlhayan bobo dxeral de, ma namu mntena gisu meniq bobo dxeral, mosa namu muyu lnlamu pntgaya “Iya doi, iya uqi, iya telung” ho? 22Kana nii we pnooda pndakar ma tnugesa seediq. Quri kana nii we wada mnaqah kana da. 23Kana gaya so nii ge, uxe mbege ngayan knkela seediq. Wano muyu lnglungan daha thmuku, thkeso pslebu lhebun. Bale ba we uka bale beyax na ka so nii hmetur kkraguh heyi daha.
Currently Selected:
Korosay 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Korosay 2
2
1So namu maha klaun, ririh yamu ma seediq Raodikeia ma, kana seediq uxe mu ntaan we gisu namu mdrumuc ba meepah. 2So maha psbeyax lhebun daha, mggaluk ba gnaalu daha, kiya de mttuku bale pneeyah pnklaan daha. Betaq mkela bale lneing Utux Baro, nii we kiya ka Kiristo. 3Ckceka Kiristo we stngayan knkela ma gnkela. 4Kari mu so nii we, so uxe meeyah pkridil yamu ka duma seediq. 5Ani ku ini eniq yamu hiya ka heyi mu, ida ga mtheyaq yamu ka lhebun mu. Mqaras ku riyung mita malu ndaan namu, quri so snhiyan Kiristo we mgdehu riyung uri.
Mttuku Ckceka Kiristo
6Wada namu ngalun ka Kiristo Yesu Bukung de, asi namu ka smtama riyung Heya muudus. 7Pyugi so snlhayan namu, ttgamil meniq Kiristo ma tgdehu snhiyan namu ma, stngai qnqaras ka lhebun namu. 8Qlahang ka yamu, duma seediq we gisu dmoi snlhayan daha ma kari skbrhuwan, ini puyu Kiristo ma wano muyu gaya bobo dxeral ma snlhayan uka dungus mqerac yamu ka dheya. 9Ado kana knstngayan Utux Baro ani niqan hnyegan ma uka hnyegan we ida ga meniq ckceka Kiristo kana. 10Maha namu mttuku ka yamu uri meniq namu ckceka Kiristo. Heya ka pusu ba tunux kana beyax mpqlahang. 11Meniq namu heya ka yamu uri we mnoda namu ptgaya psalak uxe mnoda baga seediq. Mnoda namu ptgaya psalak Kiristo, kiya ka sqada namu ka kkraguh namu heyi. 12Mnoda namu ptgaya psino ma msuupu Heya wada reesun we, meniq so nii noda de, maha namu msuupu muudus Kiristo uri, ado snhii namu qneepah Utux Baro wada pkuudus Heya peeyah hnqilan. 13Mnhuqil namu ckceka qnquwan daha ka ini oda ptgaya psalak ka heyi namu cuuxal da. Wada smruwa kana qnquwan namu ka Utux Baro, kiya ka dehuk namu msuupu Kiristo muudus ka yamu. 14Sresan na ka gaya pnatis, knpais ita ma, patis bnekuy ita. Wada na lixun ma spteetu na bobo jyujika. 15Kiristo we sraguh na kana ka beyax mdudul ma mpqlahang. Meniq mnbeyax hiya we sptuura na ka dheya, spooda na jyujika psparu tnuglayan na.
16Maanu so kiya de, iya pdai noda uqun, snseman, snseman bgurah knkawas ma ali sngayan noda so nii moda mprengo yamu ka ani ima seediq. 17Kana nii we saso mmeyah. Bale ba heyi we kiya ka nKiristo. 18So uxe gglekun dseediq thkeso mtlebu lhebun ma thmuku snkgulan Baro ka snadu namu. Dseediq nii we wano mquri uxe bale ba ka dheya. Gisu spooda kkraguh daha mnhemuc psparu ka dheya, 19ini tqene pusu tunux. Bale ba we, pneeyah Heya spooda na pungo buuc ma ururac mangal beyax, ppgaluk ma smtama kndkilan bnege Utux Baro mdakil ka heya.
Kndesan Bgurah Meniq Kiristo
20-21Wada namu msuupu Kiristo mhuqil ma kiya ka smtheya namu snlhayan bobo dxeral de, ma namu mntena gisu meniq bobo dxeral, mosa namu muyu lnlamu pntgaya “Iya doi, iya uqi, iya telung” ho? 22Kana nii we pnooda pndakar ma tnugesa seediq. Quri kana nii we wada mnaqah kana da. 23Kana gaya so nii ge, uxe mbege ngayan knkela seediq. Wano muyu lnglungan daha thmuku, thkeso pslebu lhebun. Bale ba we uka bale beyax na ka so nii hmetur kkraguh heyi daha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020