2 Timoteos 2
2
Supi Kiristo Yesu
1Laqi mu, kbeyax mtutuy meniq huwe Kiristo Yesu. 2Mnbahang su tnugesa mu meniq berah hbaro seediq pnkela. Kiya uri we stmaun su ka dseediq mtduwa stmaan ma mtduwa tmgesa seediq uri. 3Mpsuupu su kenan mqraqil ka isu. Mpsupi su Kiristo Yesu. 4Mosa supi ka seediq we ini sqyai ooda bobo dxeral, kiya ka mpqaras ka seediq mlawa mpsupi heya. 5Psseung tmalang ka seediq ciida ge, nasi ini puyu gaya de uxe maangal snadu. 6Mdrumuc qmeepah ka seediq meepah we ida plaale maangal uqun. 7Rnengo mu we lnglungi bale. Ado mbege knkela isu ani maanu ka Bukung.
8Klai bale ka Yesu Kiristo, Heya we lqlaqi mslutuc pneyah Dawid, mnuudus peeyah seediq mnhuqil. Nii ka malu kari gisu mu sgarang. 9Ririh malu kari nii gisu ku mqraqil, betaq mntena so seediq niqan qnquwan noda ga bkean. Ani so kiya we ini bkei ka kari Utux Baro. 10Maanu so kiya de, ririh seediq gneegan gisu ku kmremun ani maanu. Teta so maangal dnoi baga meniq Kiristo Yesu ma knledax ani knuwan uri ka dheya. 11Bale ba snhiyun ka kari nii:
Netun ta msuupu Kiristo mhuqil de, mpsuupu ta Heya muudus uri.
12Nasi ta betaq knremun we, maha ta mpsuupu Heya mpqbsuran paru uri.
Nasi ta ini kela Heya ka ita we, uxe mpkela ita ka Heya uri.
13Ani ini dai ka rnngagan ta we, ida snhiyun ka Heya.
Ado ini kesa uxe yaku ka heya.
Seediq Uka Qnnaqah Qneepah
14Isu we tgsai seediq ka ooda nii, meniq ta berah Utux Baro tgsai ka dheya, iya pkeekan kari. Nii we uka ririh na. Wano mpseeliq seediq mnbahang ka nii. 15Kmbeyax meepah meniq berah Utux Baro, so su tduwa smterung pseengan, seediq uka qnnaqah qneepah ma, spooda su bale ba kari tmgesa. 16Sthyai ka snteran kari bobo dxeral. Ado snteran kari nii we maha dmudul seediq ini kstuutux. 17Kari daha we mntena luqah krinah msburo paru. Ckceka daha we niqan Smenaios ma Piletos. 18Wada smtheya peeyah kari bale ba ka dheya. Rmnengo wada ka noda muudus peeyah hnqilan, kari nii we gisu smeeliq snhiyan hbaro seediq. 19Kiya de, ida mgdehu ini klgelu ka pusu knkere nuUtux Baro. Bobo na hiya we niqan so nii pnskraya na: “Mkela seediq na nanak ka Bukung.” Rmengo dungal: “Kana seediq mnlawa ngayan Bukung we asi ka smtheya ooda ini ksderux.”
20Meniq sapah paru ka seediq we niqan king ma ging qyqeya. Niqan qyqeya snmalu qhuni ma snqmaan dxeral. Niqan ka ga spruun bale dmoi ma, niqan ka ga ini sbciqun dmoi. 21Nasi psbgurah ka seediq, smtheya ooda uka rrihan de, maha ngalun spruun bale qyqeya. Maha mrtaso, mtduwa stmaan Bukung psramal na qqeepah ani maanu malu ooda. 22Kkrwahun mbbeyax we qduriq ka isu. Suupu dseediq dmoi psbgurah lhebun mlawa Bukung ma mhero msderux ooda, bale ba stmaan, gnaalu ma, mtbale. 23Lixi ka pkeekan kari mngataq uka knkela. Ado mpeeyah hiya ka pkeekan kari nii we klaun su. 24Tnqliyan Bukung we iya tgdiyal kari. Wano tgsesu smterung seediq, tgkeela tmgesa seediq ma, ini bale paalix knremun. 25Tghuwe dmudul seediq hmetur, nhuwa mege lhebun kmpriyux ma mkela bale ba kari Utux Baro. 26So maha mtkela peeyah dseediq wada qrapun Qbsuran Bgihur Naqah muyu lnglungan seediq mberiq ka dheya ma, qduriq peeyah tlenga daha.
Currently Selected:
2 Timoteos 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
