2 Tesaloniki 3
3
Druni Nami
1Qhdean bale, mtswai, braho namu druni nami. So maha mkgarang nhari ka kari Bukung maangal knledax. Mntena so ga ku meeniq ckceka namu. 2So nami maha smtheya baga seediq uka gaya ma qnnaqah. Ado uxe niqan snhiyan kana ka seediq. 3Kiya de bale ba stmaan ka Bukung. Heya we mpgdehu yamu ma, mpqlahang yamu smtheya peeyah qnnaqah. 4Yami we smtama nami Bukung snhii nami yamu. Pyugun namu saya, bobo na de dai ka dnudul nami uri. 5Tai so mdudul lhebun namu mpgaalu Utux Baro ka Bukung, kiya uri we smluhe riyung knrmenan Kiristo!
Dmudul Seediq Mbserux
6Mtswai, spooda miyan ngayan Yesu Kiristo Bukung ta mposa miyan kari yamu, nasi niqan mtswai mbserux we, ini puyu kari tnugesa miyan de sthyai ka heya. 7Ida namu klaun huwa mesa muyu yami. Ado meeniq miyan yamu hiya we ini miyan kbserux. 8Ini miyan mmhemuc sgpeekan hnpure seediq. Krinah nami mgseme qmeepah, ani keeman ma diyan. So uxe miyan pskuuwic ckceka namu. 9So nii we uxe ka uka miyan beyax, gisu miyan mege ppyugun yamu. So namu maha muyu yami. 10Meeniq miyan yamu hiya ciida we tena miyan rmengo yamu. Nasi ini qeepah ka seediq we, iya ekan ido. 11Ado mnbahang miyan, ckceka namu we niqan ka mbserux na. Dheya we ini bale qeepah ma, smkuxul migin snteran. 12Mnoda miyan Yesu Kiristo Bukung posa kari ma dmudul seediq so nii, mduwa bale meepah, pdai bqerus namu nanak meekan. 13Mtswai, iya kuuwic lhebun meepah namu malu ooda.
14Nasi ini thei kari miyan nii spatis patis nii ka seediq we, btasi ngayan daha ma, iya theyaq dheya. 15Ani so kiya we iya ba ngali pais mita ka dheya, ngali mtswai dmudul dheya.
Smbleyaq
16Tai so Bukung mbege mtbale lhebun we ani knuwan ma ani maanu we mbege mtbale lhebun yamu! Tai so mtheyaq yamu ka Bukung!
17Yaku Poro we baga mu nanak ka matis ma rmengo ku “Malu namu ho?” Kana pnatis mu we nii ka pnskraya. So nii ka pnatis mu. 18Tai so mtheyaq yamu ka huwe Yesu Kiristo Bukung ta!
Currently Selected:
2 Tesaloniki 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
2 Tesaloniki 3
3
Druni Nami
1Qhdean bale, mtswai, braho namu druni nami. So maha mkgarang nhari ka kari Bukung maangal knledax. Mntena so ga ku meeniq ckceka namu. 2So nami maha smtheya baga seediq uka gaya ma qnnaqah. Ado uxe niqan snhiyan kana ka seediq. 3Kiya de bale ba stmaan ka Bukung. Heya we mpgdehu yamu ma, mpqlahang yamu smtheya peeyah qnnaqah. 4Yami we smtama nami Bukung snhii nami yamu. Pyugun namu saya, bobo na de dai ka dnudul nami uri. 5Tai so mdudul lhebun namu mpgaalu Utux Baro ka Bukung, kiya uri we smluhe riyung knrmenan Kiristo!
Dmudul Seediq Mbserux
6Mtswai, spooda miyan ngayan Yesu Kiristo Bukung ta mposa miyan kari yamu, nasi niqan mtswai mbserux we, ini puyu kari tnugesa miyan de sthyai ka heya. 7Ida namu klaun huwa mesa muyu yami. Ado meeniq miyan yamu hiya we ini miyan kbserux. 8Ini miyan mmhemuc sgpeekan hnpure seediq. Krinah nami mgseme qmeepah, ani keeman ma diyan. So uxe miyan pskuuwic ckceka namu. 9So nii we uxe ka uka miyan beyax, gisu miyan mege ppyugun yamu. So namu maha muyu yami. 10Meeniq miyan yamu hiya ciida we tena miyan rmengo yamu. Nasi ini qeepah ka seediq we, iya ekan ido. 11Ado mnbahang miyan, ckceka namu we niqan ka mbserux na. Dheya we ini bale qeepah ma, smkuxul migin snteran. 12Mnoda miyan Yesu Kiristo Bukung posa kari ma dmudul seediq so nii, mduwa bale meepah, pdai bqerus namu nanak meekan. 13Mtswai, iya kuuwic lhebun meepah namu malu ooda.
14Nasi ini thei kari miyan nii spatis patis nii ka seediq we, btasi ngayan daha ma, iya theyaq dheya. 15Ani so kiya we iya ba ngali pais mita ka dheya, ngali mtswai dmudul dheya.
Smbleyaq
16Tai so Bukung mbege mtbale lhebun we ani knuwan ma ani maanu we mbege mtbale lhebun yamu! Tai so mtheyaq yamu ka Bukung!
17Yaku Poro we baga mu nanak ka matis ma rmengo ku “Malu namu ho?” Kana pnatis mu we nii ka pnskraya. So nii ka pnatis mu. 18Tai so mtheyaq yamu ka huwe Yesu Kiristo Bukung ta!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020