2 Korinto 7
7
1Maanu so kiya de, sgaalu mu, niqan ta so nii sntangan de, asi ta ka psbgurah ita nanak. Lixi ta ka kana psrutiq heyi ma bgihur utux ta. Spooda ta kniicu Utux Baro mtduwa ta mrtaso.
Qnaras Poro Kmpriyux Pssliyan
2Rwhaani menan ka lhebun namu! Ini miyan qeepah naqah ani ima. Ini miyan seeliq ani ima uri ma, ini nami pkraki ani ima uri. 3Rmengo ku so nii we, uxe ku nii tmgesa qnquwan noda namu. Wada ku rmengo da, ga namu ckceka lhebun nami klaali ka yamu. Yami we kmskuxul nami theyaq yamu muudus ma mhuqil. 4Yaku we snhii ku bale yamu. Tmdahu ku riyung yamu. Stngayan ku snbleyaq, ani nami ga meniq kana mqraqil we krinah nami mqaras.
5Dehuk miyan Makedon ciida we, heyi nami we ini bale tbleyaq. Smterung miyan lmlamu mqraqil, niqan mkkeekan ka nganguc, niqan kniicu ka truma. 6Kiya de smbbeyax muuwic lhebun seediq ka Utux Baro we, spooda na Titos meyah smbeyax yami. 7Uxe wano mnoda nyahan na. Mnoda wada na ngalan snbleyaq namu ka wada smbleyaq yami uri. Ado wada na srengo ka na ka kndrumuc namu, tnsdamac namu mqraqil, kntalux qneepah namu kenan. Kiya de wada pqaras ba yaku. 8Yaa ani ku wada pqnaqah kuxul yamu ka patis pnatis mu plaale. Kbberih naqah kuxul uri. Saya de, ini ku mqnaqah kuxul. Ado klaun mu, wada pqnaqah kuxul yamu ka pnatis kiya we, tnnais bale pqnnaqah kuxul kiya. 9Saya de, mqaras ku riyung. Qnaras mu nii we uxe pneeyah ndaan namu naqah kuxul. Ririh namu spooda naqah kuxul wada namu kmpriyux ka lhebun namu. Muyu namu lnglungan Utux Baro naqah kuxul namu. Kana ooda de uxe ririh yami mpniqan qnnaqah ita da. 10Ado muyu ta lnglungan Utux Baro naqah kuxul de, mpeeyah hiya ka kmpriyux lhebun uka qnnaqah kuxul. So kiya de maangal ta dnoi baga. Maanu so kiya we qnnaqah kuxul bobo dxeral we mphuqil seediq. 11Tai, so nii pnuyu namu lnglungan Utux Baro mnaqah kuxul de, ckceka namu wada beyax so nii mdrumuc ma betaq pgkela uka mmaanu betaq seang, kniicu, sluwan, kndrmetan ma, betaq mseru. Kana so nii noda, gisu namu ptuura yamu we uka ttyuan qnnaqah namu. 12Maanu so kiya de, ani ku wada matis patis yamu cuuxal we uxe ku nii pqnaqah seediq. Uxe ku nii matis dseediq wada pqnaqah uri. Kmptuura ku kndrmetan namu menan meniq berah Utux Baro. 13Maanu so kiya de, wada nami mangal smbyaxan lhebun da.
Wada miyan mangal snbbeyax ciida we, ado yamu ma kana hbaro seediq wada namu psqaras lhebun Titos, krinah nami mqaras uri. 14Nasi mu wada stndahu Titos ka yamu we, uxe ku mpqsiqa uri. Ado kari stndahu mu Titos ka yamu we bale ba ka kiya. Mntena so kari rnengo mu yamu klaali we ida bale ba kana uri. 15Titos we lmngelung wada hmuwa mesa ka tnhiyan namu de, wada namu hmuwa miicu riyung psteme heya de, gnaalu na yamu we krinah mtilux bale da. 16Yaku we nii ku mqaras saya, ado niqan snhiyan mu yamu meniq kana ani maanu ooda.
Currently Selected:
2 Korinto 7: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
2 Korinto 7
7
1Maanu so kiya de, sgaalu mu, niqan ta so nii sntangan de, asi ta ka psbgurah ita nanak. Lixi ta ka kana psrutiq heyi ma bgihur utux ta. Spooda ta kniicu Utux Baro mtduwa ta mrtaso.
Qnaras Poro Kmpriyux Pssliyan
2Rwhaani menan ka lhebun namu! Ini miyan qeepah naqah ani ima. Ini miyan seeliq ani ima uri ma, ini nami pkraki ani ima uri. 3Rmengo ku so nii we, uxe ku nii tmgesa qnquwan noda namu. Wada ku rmengo da, ga namu ckceka lhebun nami klaali ka yamu. Yami we kmskuxul nami theyaq yamu muudus ma mhuqil. 4Yaku we snhii ku bale yamu. Tmdahu ku riyung yamu. Stngayan ku snbleyaq, ani nami ga meniq kana mqraqil we krinah nami mqaras.
5Dehuk miyan Makedon ciida we, heyi nami we ini bale tbleyaq. Smterung miyan lmlamu mqraqil, niqan mkkeekan ka nganguc, niqan kniicu ka truma. 6Kiya de smbbeyax muuwic lhebun seediq ka Utux Baro we, spooda na Titos meyah smbeyax yami. 7Uxe wano mnoda nyahan na. Mnoda wada na ngalan snbleyaq namu ka wada smbleyaq yami uri. Ado wada na srengo ka na ka kndrumuc namu, tnsdamac namu mqraqil, kntalux qneepah namu kenan. Kiya de wada pqaras ba yaku. 8Yaa ani ku wada pqnaqah kuxul yamu ka patis pnatis mu plaale. Kbberih naqah kuxul uri. Saya de, ini ku mqnaqah kuxul. Ado klaun mu, wada pqnaqah kuxul yamu ka pnatis kiya we, tnnais bale pqnnaqah kuxul kiya. 9Saya de, mqaras ku riyung. Qnaras mu nii we uxe pneeyah ndaan namu naqah kuxul. Ririh namu spooda naqah kuxul wada namu kmpriyux ka lhebun namu. Muyu namu lnglungan Utux Baro naqah kuxul namu. Kana ooda de uxe ririh yami mpniqan qnnaqah ita da. 10Ado muyu ta lnglungan Utux Baro naqah kuxul de, mpeeyah hiya ka kmpriyux lhebun uka qnnaqah kuxul. So kiya de maangal ta dnoi baga. Maanu so kiya we qnnaqah kuxul bobo dxeral we mphuqil seediq. 11Tai, so nii pnuyu namu lnglungan Utux Baro mnaqah kuxul de, ckceka namu wada beyax so nii mdrumuc ma betaq pgkela uka mmaanu betaq seang, kniicu, sluwan, kndrmetan ma, betaq mseru. Kana so nii noda, gisu namu ptuura yamu we uka ttyuan qnnaqah namu. 12Maanu so kiya de, ani ku wada matis patis yamu cuuxal we uxe ku nii pqnaqah seediq. Uxe ku nii matis dseediq wada pqnaqah uri. Kmptuura ku kndrmetan namu menan meniq berah Utux Baro. 13Maanu so kiya de, wada nami mangal smbyaxan lhebun da.
Wada miyan mangal snbbeyax ciida we, ado yamu ma kana hbaro seediq wada namu psqaras lhebun Titos, krinah nami mqaras uri. 14Nasi mu wada stndahu Titos ka yamu we, uxe ku mpqsiqa uri. Ado kari stndahu mu Titos ka yamu we bale ba ka kiya. Mntena so kari rnengo mu yamu klaali we ida bale ba kana uri. 15Titos we lmngelung wada hmuwa mesa ka tnhiyan namu de, wada namu hmuwa miicu riyung psteme heya de, gnaalu na yamu we krinah mtilux bale da. 16Yaku we nii ku mqaras saya, ado niqan snhiyan mu yamu meniq kana ani maanu ooda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020