1 Tesaloniki 4
4
Kndesan Qrasun Utux Baro
1Nhdean kari, mtswai, mpstama nami Yesu Bukung mdurun nami yamu, mpdakar yamu. Wada namu dehuk mangal tnugesa miyan, klaun namu hmuwa ta meepah seediq ma pqaras Utux Baro. Bale ba we ida namu nii mooda uri. Mpdudul miyan kdrumuc ba meepah. 2Ida namu klaun, pnooda nami Yesu Bukung gnarang nami maanu pnosa kari yamu. 3Lnglungan Utux Baro we kiya ka so namu maha mrtaso, smtheya mnhemuc mngaangal. 4So txtaxa namu mkela dmoi mrtaso, psparu hmetur heyi namu nanak. 5Iya pooda knraguh naqah lnglungan, mntena so seediq icil ini kela Utux Baro. 6Pkraki mtswai na ooda nii we iya bale srwai pooda. Ado ooda so nii we mpciyuk ka Utux Baro. Mntena so pnlaale ku rmengo yamu ma, mnoda ku ba mdakar rmengo yamu. 7Utux Baro pnlawa ita we ini sruwa seedan rutiq, kmrtaso ita ka lnglungan na. 8So kiya de, malix tnugesa nii we uxe nii malix seediq, gisu malix Utux Baro bnege Bgihur Utux na nanak ka dheya.
9So quri mggaluk ka Mtswai we, ani ku ini padis patis yamu. Ado wada namu mangal tnugesa Utux Baro ppgalu namu ka yamu. 10Ani so nii ka qneepah namu quri kana ita Mtswai ga meniq dxeral Makedon. Kiya de Mtswai, mdudul ku yamu prnai kdrumuc namu. 11Dngusi riyung ka moda mtbale kndesan, qlhangi ka ooda namu nanak. Pdai baga namu nanak qmeepah, mntena so tnugsaan miyan yamu cuuxal. 12So maha psparu mita ndaan namu ka seediq icil qnlhangan, duri we iya stama ani ima seediq.
Meyah Dungal ka Bukung
13Mtswai, quri so seediq wada mhuqil we, ini nami skuxul ini namu kela. So namu uxe mpqnaqah kuxul, mntena so seediq uka dngesan. 14Wada ta snhii mhuqil ka Yesu, wada muudus peeyah hnqilan. So kiya de dseediq mtheyaq Yesu wada mtaqi de, Utux Baro we maha na pspuun Yesu peeyah dungal ka dheya.
15Muyu nami kari Bukung rmengo miyan 1 noda yamu, ita seediq gisu ta mtngari muudus betaq mmeyah Bukung we, uxe ta meeniq berah dseediq wada mtaqi. 16Ado posa kari de, mlawa ka mdudul snkgulan Utux Baro ma, mphrenang ka urung Utux Baro de, asi tuting peeyah baro ka Bukung. Kiya de dseediq mnhuqil ckceka Kiristo we maha plaale muudus peeyah hnqilan. 17Kiya de ita mnuudus mtngari na we maha ta mtheyaq dheya desi tana ckceka plabu. Mpsterung ta Bukung meniq karac baro. So kiya de, mptheyaq ta Bukung betaq ani knuwan. 18Maanu so kiya de, kari nii ka ppsbyaxani ddyamu.
Currently Selected:
1 Tesaloniki 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
1 Tesaloniki 4
4
Kndesan Qrasun Utux Baro
1Nhdean kari, mtswai, mpstama nami Yesu Bukung mdurun nami yamu, mpdakar yamu. Wada namu dehuk mangal tnugesa miyan, klaun namu hmuwa ta meepah seediq ma pqaras Utux Baro. Bale ba we ida namu nii mooda uri. Mpdudul miyan kdrumuc ba meepah. 2Ida namu klaun, pnooda nami Yesu Bukung gnarang nami maanu pnosa kari yamu. 3Lnglungan Utux Baro we kiya ka so namu maha mrtaso, smtheya mnhemuc mngaangal. 4So txtaxa namu mkela dmoi mrtaso, psparu hmetur heyi namu nanak. 5Iya pooda knraguh naqah lnglungan, mntena so seediq icil ini kela Utux Baro. 6Pkraki mtswai na ooda nii we iya bale srwai pooda. Ado ooda so nii we mpciyuk ka Utux Baro. Mntena so pnlaale ku rmengo yamu ma, mnoda ku ba mdakar rmengo yamu. 7Utux Baro pnlawa ita we ini sruwa seedan rutiq, kmrtaso ita ka lnglungan na. 8So kiya de, malix tnugesa nii we uxe nii malix seediq, gisu malix Utux Baro bnege Bgihur Utux na nanak ka dheya.
9So quri mggaluk ka Mtswai we, ani ku ini padis patis yamu. Ado wada namu mangal tnugesa Utux Baro ppgalu namu ka yamu. 10Ani so nii ka qneepah namu quri kana ita Mtswai ga meniq dxeral Makedon. Kiya de Mtswai, mdudul ku yamu prnai kdrumuc namu. 11Dngusi riyung ka moda mtbale kndesan, qlhangi ka ooda namu nanak. Pdai baga namu nanak qmeepah, mntena so tnugsaan miyan yamu cuuxal. 12So maha psparu mita ndaan namu ka seediq icil qnlhangan, duri we iya stama ani ima seediq.
Meyah Dungal ka Bukung
13Mtswai, quri so seediq wada mhuqil we, ini nami skuxul ini namu kela. So namu uxe mpqnaqah kuxul, mntena so seediq uka dngesan. 14Wada ta snhii mhuqil ka Yesu, wada muudus peeyah hnqilan. So kiya de dseediq mtheyaq Yesu wada mtaqi de, Utux Baro we maha na pspuun Yesu peeyah dungal ka dheya.
15Muyu nami kari Bukung rmengo miyan 1 noda yamu, ita seediq gisu ta mtngari muudus betaq mmeyah Bukung we, uxe ta meeniq berah dseediq wada mtaqi. 16Ado posa kari de, mlawa ka mdudul snkgulan Utux Baro ma, mphrenang ka urung Utux Baro de, asi tuting peeyah baro ka Bukung. Kiya de dseediq mnhuqil ckceka Kiristo we maha plaale muudus peeyah hnqilan. 17Kiya de ita mnuudus mtngari na we maha ta mtheyaq dheya desi tana ckceka plabu. Mpsterung ta Bukung meniq karac baro. So kiya de, mptheyaq ta Bukung betaq ani knuwan. 18Maanu so kiya de, kari nii ka ppsbyaxani ddyamu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020