1 Tesaloniki 2
2
Qneepah Poro Meniq Tesaloniki
1Mtswai, ida namu klaun seeyah nami yamu hiya we uxe mnhemuc meyah. 2Cuuxal we mnoda nami pqraqil ma ptsiiyax meniq Pilipi, nii we ida namu klaun. Ani so kiya we smtama nami beyax bnege Utux Baro, ani nii mbeyax riyung hmetur we ida nami wada grangun yamu ka malu kari Utux Baro. 3Tnugesa nami we uxe pneeyah qnquwan, uxe pneyah qnrutiq ma, uxe pneyah pkraki uri. 4Kiya de mtduwa meyah pseengan mesa ka Utux Baro de, kiya ka pstama miyan na yami ka malu kari nii. Yami de muyu nami gmarang rmengo. Nii we uxe nami nii smqaras seediq, gisu nami smqaras Utux Baro mnoda pseung lhebun nami. 5Yami we ini nami doi kari msibus, nii we ida namu klaun. Ini nami leing ngngalun lhebun uri, so nii we Utux Baro nanak tduwa pgkela. 6-7Yami nii ngalan snkgulan nKiristo we, ani kesun tduwa spruun seediq we, ini nami pesa tndhuun quri yamu ma quri seediq icil. Krinah nami peniq mhenuk ckceka lhebun namu, mntena so bubu nii mnunuh laqi na. 8Dehuk so nii ka gnaalu nami yamu, qrasun nami mege yamu ka malu kari Utux Baro, ani sun knuudus nami uri we qrasun nami mege yamu uri. Ado yamu we sgaalu nami riyung. 9Mtswai, lmngelung namu ndaan nami mqraqil, meepah nami keeman ma diyan, gmarang nami malu kari yamu, so namu uxe mpbqerus. 10Quri noda miyan yamu snhii Bukung we so khenu mrtaso, msderux, uka ttyuan. So noda nii we yamu ka mtduwa pgkela na, Utux Baro pgkela uri. 11Mntena so gnklaan namu, noda miyan yamu we mntena so tama mquri laqi na. 12Yami we mdakar dmudul yamu, pkbeyax yamu, dmurun yamu, so noda namu we mnlengu Utux Baro pnlawa na yamu mosa qnlhangan na ma maangal knledax na.
13So nii we, ini miyan psetuq mqaras Utux Baro. Ado mbahang namu kari Utux Baro ciida we, wada namu ngalun da. Ini namu kesi so kari seediq ka nii, ngalan namu kari ba Utux Baro ka nii. Kiya uri we ida ga tggarang dyamu seediq snhii Bukung uri. 14Mtswai, yamu ma dsapah pssliyan Utux Baro ga alang Yudaya, kiya ka pssliyan ga meniq ckceka Kiristo Yesu namu, niqan mntena noda so nii uri. Ado wada namu mangal pnqraqil pneyah seediq ta nanak. Mntena ga mangal pnqraqil peeyah seediq Yudaya ka dheya. 15Seediq Yudaya nii we uxe wano phuqil Yesu Bukung ma dmpgeela kari, lmiwaq yami ka dheya uri. Ini psqaras Utux Baro ka dheya, kiya uri we pspais kana seediq. 16Hmetur gmarang nami kari ma dmoi baga dseediq icil qnlhangan. So nii stngayan qnquwan noda ka dheya. Kiya de seang Utux Baro we ida meyah betaq heyi daha.
Mkmeyah Mita Pssliyan Tesaloniki ka Poro
17Mtswai, yami we wada daha knkyexun tnayis pswaye yamu ka yami. Ani mstheya ka heyi we, ida uxe so nii ka lhebun. Lmngelung nami riyung ddaun mqmita miyan dqeras namu. 18Kiya de mkmosa nami yamu hiya ka yami. Yaku Poro we niqan ku mpexal ma mnpusal mmosa ku. Kiya de smqeya menan ka Satang. 19Nasi meyah ka Yesu Bukung ta de, mpheyu ta berah na ciida, maanu ka dngesan, qnaras ta ma bunuh ttndahu ta ho? Uxe yamu peni? 20Yamu we kiya ka knledax ma qnaras miyan!
Currently Selected:
1 Tesaloniki 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
1 Tesaloniki 2
2
Qneepah Poro Meniq Tesaloniki
1Mtswai, ida namu klaun seeyah nami yamu hiya we uxe mnhemuc meyah. 2Cuuxal we mnoda nami pqraqil ma ptsiiyax meniq Pilipi, nii we ida namu klaun. Ani so kiya we smtama nami beyax bnege Utux Baro, ani nii mbeyax riyung hmetur we ida nami wada grangun yamu ka malu kari Utux Baro. 3Tnugesa nami we uxe pneeyah qnquwan, uxe pneyah qnrutiq ma, uxe pneyah pkraki uri. 4Kiya de mtduwa meyah pseengan mesa ka Utux Baro de, kiya ka pstama miyan na yami ka malu kari nii. Yami de muyu nami gmarang rmengo. Nii we uxe nami nii smqaras seediq, gisu nami smqaras Utux Baro mnoda pseung lhebun nami. 5Yami we ini nami doi kari msibus, nii we ida namu klaun. Ini nami leing ngngalun lhebun uri, so nii we Utux Baro nanak tduwa pgkela. 6-7Yami nii ngalan snkgulan nKiristo we, ani kesun tduwa spruun seediq we, ini nami pesa tndhuun quri yamu ma quri seediq icil. Krinah nami peniq mhenuk ckceka lhebun namu, mntena so bubu nii mnunuh laqi na. 8Dehuk so nii ka gnaalu nami yamu, qrasun nami mege yamu ka malu kari Utux Baro, ani sun knuudus nami uri we qrasun nami mege yamu uri. Ado yamu we sgaalu nami riyung. 9Mtswai, lmngelung namu ndaan nami mqraqil, meepah nami keeman ma diyan, gmarang nami malu kari yamu, so namu uxe mpbqerus. 10Quri noda miyan yamu snhii Bukung we so khenu mrtaso, msderux, uka ttyuan. So noda nii we yamu ka mtduwa pgkela na, Utux Baro pgkela uri. 11Mntena so gnklaan namu, noda miyan yamu we mntena so tama mquri laqi na. 12Yami we mdakar dmudul yamu, pkbeyax yamu, dmurun yamu, so noda namu we mnlengu Utux Baro pnlawa na yamu mosa qnlhangan na ma maangal knledax na.
13So nii we, ini miyan psetuq mqaras Utux Baro. Ado mbahang namu kari Utux Baro ciida we, wada namu ngalun da. Ini namu kesi so kari seediq ka nii, ngalan namu kari ba Utux Baro ka nii. Kiya uri we ida ga tggarang dyamu seediq snhii Bukung uri. 14Mtswai, yamu ma dsapah pssliyan Utux Baro ga alang Yudaya, kiya ka pssliyan ga meniq ckceka Kiristo Yesu namu, niqan mntena noda so nii uri. Ado wada namu mangal pnqraqil pneyah seediq ta nanak. Mntena ga mangal pnqraqil peeyah seediq Yudaya ka dheya. 15Seediq Yudaya nii we uxe wano phuqil Yesu Bukung ma dmpgeela kari, lmiwaq yami ka dheya uri. Ini psqaras Utux Baro ka dheya, kiya uri we pspais kana seediq. 16Hmetur gmarang nami kari ma dmoi baga dseediq icil qnlhangan. So nii stngayan qnquwan noda ka dheya. Kiya de seang Utux Baro we ida meyah betaq heyi daha.
Mkmeyah Mita Pssliyan Tesaloniki ka Poro
17Mtswai, yami we wada daha knkyexun tnayis pswaye yamu ka yami. Ani mstheya ka heyi we, ida uxe so nii ka lhebun. Lmngelung nami riyung ddaun mqmita miyan dqeras namu. 18Kiya de mkmosa nami yamu hiya ka yami. Yaku Poro we niqan ku mpexal ma mnpusal mmosa ku. Kiya de smqeya menan ka Satang. 19Nasi meyah ka Yesu Bukung ta de, mpheyu ta berah na ciida, maanu ka dngesan, qnaras ta ma bunuh ttndahu ta ho? Uxe yamu peni? 20Yamu we kiya ka knledax ma qnaras miyan!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020