1 Petros 5
5
Tmabu Miric nuUtux Baro
1Maanu so kiya de, yaku nii rdrudan mpqlahang, mpgkela qnrqilan Kiristo ma tmgesa seediq knledax meyah nexal we, psbeyax ku rdrudan mpqlahang ckceka namu: 2Tbugi bale ka rahul miric Utux Baro ga ckceka namu, pdai lnglungan Utux Baro qmlahang dheya. Uxe pnooda pnskyixan, pneeyah lnglungan namu. Uxe pneeyah ngngalun pila, pneeyah mqaras qmeepah. 3Iya qnqihi ka rahul miric wada spstama yamu. Yamu ka so daha pyugun. 4Betaq meyah tqita ciida ka pusu mtabu miric de, maha namu maangal bunuh lmedax uxe mpqnaqah ani knuwan.
5Mntena so nii uri, yamu mbbeyax we, theyii ka rdrudan. Yamu we, ngali lukus mlukus ka tgseesu lhebun. Pptheyi uri, ado
“Utux Baro we hmetur seediq psparu,
kiya we mege huwe seediq tgseesu lhebun.”
6Maanu so kiya de, Tgseesu lhebun thei meniq baga paru beyax Utux Baro. So kiya de, meyah ka ali sneengan na de, phyegun namu na baro ka heya. 7Pstmaani Utux Baro ka kana pslhbenun namu. Ado psbrinah yamu ka heya.
8Qlahang bale ma tgkela riyung. Ado Qbsuran Bgihur Naqah we mntena rkelic rudu ni mleul, ni mkkesa migin seediq uqun na. 9Kgdehu snhiyan namu hmetur heya. Ado klaun namu. Gisu mnoda mqraqil so nii ka mtswai namu bobo dxeral uri. 10Utux Baro mege kana huwe we mnlawa yamu meniq ckceka Kiristo. Kiya de tduwa namu mangal knledax ani knuwan. Bobo ndaan namu tnnais mqraqil de, mpptuku yamu ka heya, plekoh yamu ma, mbege beyax yamu. Mpheyu yamu. 11Tai so meeniq heya ka beyax ani betaq knuwan. Ameng!
Smbeyax Kari
12Llebu mnatis mu patis nii, dnurun ku Siloanos mtswai malu ba stmaan mosa mege yamu, smbeyax yamu. Kiya uri we maha pgkela huwe nii we bale ba huwe Utux Baro. Tgdehu mheyu bobo huwe nii ka yamu. 13Rmengo malu namu mesa ka pssliyan ga Babirun mntena so yamu gneegan Utux Baro. Rmengo malu namu mesa uri ka Markos laqi mu. 14Yamu we pdai gnaalu ptuunguh pssbeyax. Tai so meeniq kana yamu nseediq ga ckceka Kiristo ka mtbale lhebun!
Currently Selected:
1 Petros 5: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
