1 Petros 3
3
Rseno ma Mqedil
1Mntena so kiya, yamu mmqedil we, snhii rseno namu nanak. So ani ini thei kari Utux Baro ka rseno namu we, ririh malu noda uxe wano quwaq mqedil de maha kmpriyux. 2Ado mnita malu noda namu sntuuux ma psbgurah. 3Iya pooda pndpingan quri nganguc, mntena so smalu tunux, posa king ma mlukus malu riyung lukus. 4Pniqi knmalu ka lhebun namu, pspingi mgseesu ma mgmelux ka lhebun namu. Paru rrihan berah Utux Baro ka so nii. 5Ado sntama Utux Baro ka dmalu mqedil cbeyo we kiya so nii ka ppdeping daha ma thei rseno daha. 6Mntena so Sarah, mnbahang kesun na pusu tnsapah ka Abraham. Yamu we wano qmeepah malu noda, iya kiicu ani maanu sniicu daha. So kiya de maha namu mlaqi Sarah da.
7Mntena bale, yamu rseno we, pdai knkela msuupu meniq mqedil namu. Ngali so muuwic pntnaani sunan ka mqedil. Sprui ka heya, ado mnsuupu isu mangal gnhuwe knuudus ka heya. So kiya de uka mpqiya ka dnurun namu.
Ririh Msderux Noda Mqraqil
8Kana qnhdean kari mu we, psuupu lhebun namu, mqqlahang ma pggaalu mntena so mtswai. Pniqi khenuk ma tgseesu ka lhebun namu. 9Iya pcciyuk naqah. Iya pcciyuk smngayan, rnahi smbleyaq. Ado so nii ka pnlawa na yamu Utux Baro. So namu maha maangal smbleqan. 10Ado ga matis ka Patis Mrtaso:
“Kana smkuxul knuudus,
tbleyaq malu ali ka seediq we,
asi ka ini peeyah naqah kari ka hema na,
asi ka ini prngagi qqberiq ka pdahung na.
11Asi ka malix naqah ma meepah malu,
migin mtbale seediq, ini sange.
12Ado doriq Bukung we mpqlahang seediq msderux noda,
birac na we mbahang dnurun daha.
Kiya de Bukung we mquri naqah seediq de knpriyux dqeras na.”
13Nasi namu kdrmetun ka meepah malu noda de ima ka mpselaq yamu ho? 14Ririh msderux noda moda namu mqraqil, mbleyaq namu bale uri. Iya kcugi ka sniicu daha, iya skluwi lnglungan namu. 15Wano pkrtaso Kiristo Bukung ka lhebun namu, ngali Bukung smparu ka heya. Smiling “Maanu pusu ka sntangan namu” mesa ka duma seediq de asi ka psramal namu rmengo klaali. 16Kiya de asi ka pdaun namu lhebun tgseesu ma tciicu thmuku. Pniqi so uka riyung qnnaqah ka lhebun namu. Ani maanu noda nasi smeliq smngayan yamu de, so maha msiqa nanak ka tmsiiyax yamu nii malu noda meeniq ckceka Kiristo. 17Lnglungan Utux Baro nasi oda malu ka sooda namu mqraqil we nuuqu malu qmeepah naqah moda mqraqil.
18Ado Kiristo uri we wada mstexal ririh qnquwan noda mhuqil,
kiya ka msderux noda wada rmirih uka msderux noda,
so maha dmudul yamu betaq berah Utux Baro.
Meeniq ckceka heyi, wada phqilun ka heya.
Meeniq ckceka bgihur, wada pkdusun peeyah hnqilan ka heya da.
19Pnooda na bgihur nii mosa gmarang kari bgihur ga meeniq sapah kuung hiya uri.
20Kiya ka cuuxal psramal asu Noax, seediq ini thei knremun psmeyah dheya ka Utux Baro. Mremux asu ciida, mnoda qsiya wada dooyun baga we ini khbaro, wano 8 seediq. 21Qsiya nii we gisu knama ptuura ptgaya smino, saya de spooda na Yesu Kiristo mnuudus peeyah hnqilan mpdoi baga yamu. Uxe pkaangal rutiq heyi namu, asi ka mquri Utux Baro mesa lhebun uka qnnaqah. 22Wada tlangan baro ka Yesu, ga meniq narac Utux Baro. Thei heya kana ka snkgulan baro, ga dmoi beyax ma, niqan beyax qmlahang.
Currently Selected:
1 Petros 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
1 Petros 3
3
Rseno ma Mqedil
1Mntena so kiya, yamu mmqedil we, snhii rseno namu nanak. So ani ini thei kari Utux Baro ka rseno namu we, ririh malu noda uxe wano quwaq mqedil de maha kmpriyux. 2Ado mnita malu noda namu sntuuux ma psbgurah. 3Iya pooda pndpingan quri nganguc, mntena so smalu tunux, posa king ma mlukus malu riyung lukus. 4Pniqi knmalu ka lhebun namu, pspingi mgseesu ma mgmelux ka lhebun namu. Paru rrihan berah Utux Baro ka so nii. 5Ado sntama Utux Baro ka dmalu mqedil cbeyo we kiya so nii ka ppdeping daha ma thei rseno daha. 6Mntena so Sarah, mnbahang kesun na pusu tnsapah ka Abraham. Yamu we wano qmeepah malu noda, iya kiicu ani maanu sniicu daha. So kiya de maha namu mlaqi Sarah da.
7Mntena bale, yamu rseno we, pdai knkela msuupu meniq mqedil namu. Ngali so muuwic pntnaani sunan ka mqedil. Sprui ka heya, ado mnsuupu isu mangal gnhuwe knuudus ka heya. So kiya de uka mpqiya ka dnurun namu.
Ririh Msderux Noda Mqraqil
8Kana qnhdean kari mu we, psuupu lhebun namu, mqqlahang ma pggaalu mntena so mtswai. Pniqi khenuk ma tgseesu ka lhebun namu. 9Iya pcciyuk naqah. Iya pcciyuk smngayan, rnahi smbleyaq. Ado so nii ka pnlawa na yamu Utux Baro. So namu maha maangal smbleqan. 10Ado ga matis ka Patis Mrtaso:
“Kana smkuxul knuudus,
tbleyaq malu ali ka seediq we,
asi ka ini peeyah naqah kari ka hema na,
asi ka ini prngagi qqberiq ka pdahung na.
11Asi ka malix naqah ma meepah malu,
migin mtbale seediq, ini sange.
12Ado doriq Bukung we mpqlahang seediq msderux noda,
birac na we mbahang dnurun daha.
Kiya de Bukung we mquri naqah seediq de knpriyux dqeras na.”
13Nasi namu kdrmetun ka meepah malu noda de ima ka mpselaq yamu ho? 14Ririh msderux noda moda namu mqraqil, mbleyaq namu bale uri. Iya kcugi ka sniicu daha, iya skluwi lnglungan namu. 15Wano pkrtaso Kiristo Bukung ka lhebun namu, ngali Bukung smparu ka heya. Smiling “Maanu pusu ka sntangan namu” mesa ka duma seediq de asi ka psramal namu rmengo klaali. 16Kiya de asi ka pdaun namu lhebun tgseesu ma tciicu thmuku. Pniqi so uka riyung qnnaqah ka lhebun namu. Ani maanu noda nasi smeliq smngayan yamu de, so maha msiqa nanak ka tmsiiyax yamu nii malu noda meeniq ckceka Kiristo. 17Lnglungan Utux Baro nasi oda malu ka sooda namu mqraqil we nuuqu malu qmeepah naqah moda mqraqil.
18Ado Kiristo uri we wada mstexal ririh qnquwan noda mhuqil,
kiya ka msderux noda wada rmirih uka msderux noda,
so maha dmudul yamu betaq berah Utux Baro.
Meeniq ckceka heyi, wada phqilun ka heya.
Meeniq ckceka bgihur, wada pkdusun peeyah hnqilan ka heya da.
19Pnooda na bgihur nii mosa gmarang kari bgihur ga meeniq sapah kuung hiya uri.
20Kiya ka cuuxal psramal asu Noax, seediq ini thei knremun psmeyah dheya ka Utux Baro. Mremux asu ciida, mnoda qsiya wada dooyun baga we ini khbaro, wano 8 seediq. 21Qsiya nii we gisu knama ptuura ptgaya smino, saya de spooda na Yesu Kiristo mnuudus peeyah hnqilan mpdoi baga yamu. Uxe pkaangal rutiq heyi namu, asi ka mquri Utux Baro mesa lhebun uka qnnaqah. 22Wada tlangan baro ka Yesu, ga meniq narac Utux Baro. Thei heya kana ka snkgulan baro, ga dmoi beyax ma, niqan beyax qmlahang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020