Jakari 5
5
Kunkɔg kɨ dɔ Jorobabel
1M'tel m'un kumm kɨ dõ gog ɓaitɔ, m'oo maktub mad kɨbir kɨ ɓai kɨ bɔgɨ tit yel be. 2Elɨm an: I oo ɗi a? M'tur m'an: M'oo maktub mad kɨbir kɨ ɓai kɨ bɔgɨn, ngala i kil dɔjoo, tata i kil kɨlah, 3na elɨm an: 'Nten i ndɔlɨn ndɨ tĩ kɨ dɔning kɨtaagbe kɨta ngeɓoog kɨɗen, a tuɓana kɔ kɨgo tat kɨndang na ngendayo kɨɗen, a tuɓana kɔ kɨgo tat kɨndang 'nten to, 4M'a m'nyaa dõ kad tĩ kɨ log, kel Bɨraɓe Ngekoosɨg, kad and kam kujt lo ngeɓoog kɨ kam kujt lo ngendayo kɨngom kam tɔmt. A hɔlondɨ kam kujt loa, a õ horr mugɨj nat kɨ kagg kɨ mbalg tu.
Dekɨdẽ'n ɔj go nyaɗa kɨ majal
5Kamla malaika'n el sem ta ye ndɔt kɨkete, elɨm an: Un kumi kɨ dõ oo nya'n hã ndɨ tee nõ. 6M'el m'an: I ɗi a? Na tur an: 'Nten i epa la ndɨ tee. El tɔ an: 'Nten la i nyaɗa kɨmajal lod kam dɔningt kɨtaagbe ye. 7Oo, unɨn pet taa kɨ ɗan kɨ nar plomb kɨ dõ, na dekɨdẽ mad ndɨ kam epat. 8El an: 'Nten i nyaɗa kɨmajal. Kamla tel ɔsɨ dekɨdẽ la kam epat gog, na un pet taa utɨn, 9Kamla m'un kumm kɨ dõ, m'oo dekɨdẽg joo ndɨ teen. Nél ndii la girr bɔgdt kɨta awɨn kɨ bɔgd kɨ taan na kɨbɔg gõkadndɔ be, Unɨn epa nõ kɨ dõ mbɨna dɔrãt kɨ dɔning, 10Na m'el malaika kɨ ngekelsem ta m'an: Unɨn epa'n ndɨn, awɨn ne kɨ ɗah a? 11Turɨm an: Ndɨ awɨn kɨ n'ɗan kuj kam dɔning Sinẽart kɨ'n adɨna. Lon ɗan woi a ne a ndan epa nõbe dɔ ngɨrrat.
Currently Selected:
Jakari 5: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
