Romag 9
9
Deg'n Luwah mbed'd
(Oo Gal 4:22-31)
1M'ndɨ m'elta kɨ rota kam Krist't, i takɨbal hã m'ndɨ m'el al, ta kɨ kammt ndɨ m'am naj kɨtakul Ndil kɨ kunjɗang. 2Mĩ kɨ kamkil ngãi. Ta õ kamm kɨndɔgndɔg. 3Kɨtɔ m'ndig kad mĩ kɨɓe kɨ dɔm mĩ nya kɨ ndɔl, kɨ ndet kad Krist al kɨta noojɨmg, ad i Juipg ngankom kɨgo dãrot. 4Ĩn Israelg'n Luwah teld nganɨnt, ad'd kunjɨn kɨɗangeɗeng kɨ kunkɔg kɨ mberkɨnda, kɨ kɨla ndub Luwah, kɨ kunkɔg, 5ad'd bɨrabɔwg kɨ tɔ ko, ad Krist kaa ne, tee ko girrkoojdt, Krist i dɔ nyagt tube. I Luwah kɨ asɨ kad deg ndubɨna mbãkɨnõt. Amin.
Ngan Luwah kɨ jeje
(Oo Yaɓ 21:1-12; Gal 4:22-31; Heb 11:8-9)
6Na titbe kaa kunkɔ lo Luwah to kari al. Kɨtɔ deg kɨ girrkooj Israelt tube hã ĩn Israelag kɨ jeje al. 7Ngaka Abraham bɨlan ngãi, na ĩn ngana kɨ jeje tube al. Luwah el Abraham an: Kam Isaakt la a kunɨn ngakait kɨ tɔi ye. 8Kɔrr girr ta i titbe: Ngangɨn oojɨnd kɨgo ɗobt'n deg ndɨ oojɨn ne na, ĩn ngan Luwah al, na ngang ĩn oojɨnd kɨgo kunkɔt'n Luwah ad nõ la ĩn ngaka Abraham kɨ jeje ye. 9Kɨtɔ Luwah un kɔ'n titbe an: M'a m'tel m'ɗe kaglot'n m'ɔj na Sara a ooj ngon kɨdɨngã.
10Na 'nten hã koon al: Rebeka nden ndɨngãg kɨ kaaj Isaak. 11Lon oojɨnd al ɓaitɔ, ɗan nya mad kɨmaj ke kɨ majal al ɓaitɔ ho ye, 12Luwah el Rebeka an: Kɨ tɔg a ɗa ɓer lo kɨ du.
Luwah elta 'nten kɨtakad kɔjta mbed deg lon kɨnda kete ton lo tont, i kɨ lo kɨlaɗa degt al, na i kɨtakul ndig lo Luwah kɨ ngekun deg. 13Ta 'nten i kɨgo tat'n ndangɨn kam maktubt anan: M'tar Jakob, na m'ɔsɨ ta Esaw.
14Kaa j'an ɗi? Luwah i ngeɗanya kɨdenesew ale? I titbe al. 15Kɨtɔ Luwah el Moij an: M'a m'oo kumtondo lo de'n m'ndig kookumtondo loa, na m'a m'ɔj kõkam de'n m'ndig kɔja kõkam. 16'Nten i kɨgo ndigt lo de al, ke hɔtɔgbat lo de kam kɨlat mad al, na i kokɨro Luwaht'n ndɨ oo kumtondo lo deg.
17Kɨtɔ maktub kɨ kunjɗang el Paraõ, ngar kɨ Ejipt't an: M'ndai ngart, kɨtakad m'ɔjɨn tɔgɨm kamit, kad tɔm kon dɔningt kɨtaagbe. 18Titbe Luwah ndɨ oo kumtondo lo de'n ndig kookumtondo loa. Na ndɨ ad kam kongkong de'n ndig kad kama kongkong ho.
Wong kɨ kookumtondo lo Luwah
19De mad a elɨm an: lon i titbe ye, kɨtɔɗi Luwah ndɨ hɔn deg kɨ ta ɓaitɔ a? Nõ asɨ taa ɗɔɔ ndig loa a? 20A. Na ĩ nyai nõ kad i majta Luwah a? Jo hanj a ndɨje ngeɓan an: Kɨtɔɗi i ɓamɨn titbe a?
21Kɔd ɓajo asɨ ɓa nya'n kama ndig kɨ hanj. Ĩla ndig a ne, a un hanj ɓajot joo, kɨ kɨ ɗa kɨta kɨla kɨ kɔsɨgon, na kɨmad kɨta kɨla kɨ kari ho 22Na ĩla Luwah ndig kɨ n'ɗa tit kɔd ɓajo a ne, ka an ɗi? Luwah ndig kad deg gerɨn wong lon ho, tɔgɨn ho, kɨta 'nten la ndɨn dɔt, kɨ hɔtɔgba kɨ ngãi dɔ degt'n adɨna wong kɨ asɨ kad tɔld. 23Luwah ɗa titbe kad deg gerɨn ne maj lon kɨ tɔitɔi i ngãibe, kɨ dɔ degt'n ndɨ oo kumtondo lod, na ɗa rod kete woi kad ngahn maj lon kɨ tɔitɔi 24Luwah kunj ku juipgt hã kɨɗabe al, na kun kɨmad ku girrdegt kɨ dang dang tɔ ho, 25kɨgo tat'n Oje ngekelta kɨ ta Luwaht el an: Deg'n ĩn deg lom al maɗi ye, m'a m'kund deg lom, girrdeg'n maɗi ĩn ngétar lom al ye, m'a m'kund ngétar lom.
26Na lot'n a elɨndt anan: Ĩn deg lom al ye, loat'n non a kunɨnd ngan Luwah kɨ kumkajir.
27Ejai tɔ ɓakoo dɔ tat lo Israel an: Ke ĩla kɔr deg kɨ Israelt tit ngar kɨ bahbot kaa ne, ndega koon la a aj ye.
28Kɨtɔ ta'n Bɨraɓe el ye, a ɗe tɔl kona kanangbe kɨtaagbe dɔningt la. 29Titbe Ejai el kete tɔ an: Ni Bɨraɓe Ngekoosɨg nya girrkooj mad al a ne, ni j'a jĩ tit Sodom be, ni j'a kɨ tel tit Gomor be.
Luwah tel Ngékad kamd Jeju Krist deg kɨdenesewt
(Oo Rom 10:3,16-21; 1 Pie 2:6-10)
30Kaa j'an ɗi dɔ tat 'nten a? J'a j'el j'an: Girrdeg kɨdangdang'n sahn ɗob telrod degt kɨdenesew nõ Luwaht al la Luwah teld degt kɨdenesew nont kɨtakul kadkam ye. 31Israelag ndɨ sahn go mberkɨnda mad kad teld degt kɨdenesew nõ Luwaht, na ngahn mberkɨnda'n non al. 32Kɨtɔɗi ngahn ne al a? Israelag ngahn al kɨta sahn kɨkanj kadkamd Luwah, oon anan n'a n'ngahn kɨtakul kɨlaɗadg. Ad, ĩn tube gan njad mbal kɨ ga gigt. 33Kɨgo tat'n ndangɨn: Oon m'nda kamɓet kɨ Siõ mbal kɨ ga gigt kɨ mbang kɨ kad de so. Na de'n ada kamɨn a ne, roa a sɔla al bat.
Currently Selected:
Romag 9: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Romag 9
9
Deg'n Luwah mbed'd
(Oo Gal 4:22-31)
1M'ndɨ m'elta kɨ rota kam Krist't, i takɨbal hã m'ndɨ m'el al, ta kɨ kammt ndɨ m'am naj kɨtakul Ndil kɨ kunjɗang. 2Mĩ kɨ kamkil ngãi. Ta õ kamm kɨndɔgndɔg. 3Kɨtɔ m'ndig kad mĩ kɨɓe kɨ dɔm mĩ nya kɨ ndɔl, kɨ ndet kad Krist al kɨta noojɨmg, ad i Juipg ngankom kɨgo dãrot. 4Ĩn Israelg'n Luwah teld nganɨnt, ad'd kunjɨn kɨɗangeɗeng kɨ kunkɔg kɨ mberkɨnda, kɨ kɨla ndub Luwah, kɨ kunkɔg, 5ad'd bɨrabɔwg kɨ tɔ ko, ad Krist kaa ne, tee ko girrkoojdt, Krist i dɔ nyagt tube. I Luwah kɨ asɨ kad deg ndubɨna mbãkɨnõt. Amin.
Ngan Luwah kɨ jeje
(Oo Yaɓ 21:1-12; Gal 4:22-31; Heb 11:8-9)
6Na titbe kaa kunkɔ lo Luwah to kari al. Kɨtɔ deg kɨ girrkooj Israelt tube hã ĩn Israelag kɨ jeje al. 7Ngaka Abraham bɨlan ngãi, na ĩn ngana kɨ jeje tube al. Luwah el Abraham an: Kam Isaakt la a kunɨn ngakait kɨ tɔi ye. 8Kɔrr girr ta i titbe: Ngangɨn oojɨnd kɨgo ɗobt'n deg ndɨ oojɨn ne na, ĩn ngan Luwah al, na ngang ĩn oojɨnd kɨgo kunkɔt'n Luwah ad nõ la ĩn ngaka Abraham kɨ jeje ye. 9Kɨtɔ Luwah un kɔ'n titbe an: M'a m'tel m'ɗe kaglot'n m'ɔj na Sara a ooj ngon kɨdɨngã.
10Na 'nten hã koon al: Rebeka nden ndɨngãg kɨ kaaj Isaak. 11Lon oojɨnd al ɓaitɔ, ɗan nya mad kɨmaj ke kɨ majal al ɓaitɔ ho ye, 12Luwah el Rebeka an: Kɨ tɔg a ɗa ɓer lo kɨ du.
Luwah elta 'nten kɨtakad kɔjta mbed deg lon kɨnda kete ton lo tont, i kɨ lo kɨlaɗa degt al, na i kɨtakul ndig lo Luwah kɨ ngekun deg. 13Ta 'nten i kɨgo tat'n ndangɨn kam maktubt anan: M'tar Jakob, na m'ɔsɨ ta Esaw.
14Kaa j'an ɗi? Luwah i ngeɗanya kɨdenesew ale? I titbe al. 15Kɨtɔ Luwah el Moij an: M'a m'oo kumtondo lo de'n m'ndig kookumtondo loa, na m'a m'ɔj kõkam de'n m'ndig kɔja kõkam. 16'Nten i kɨgo ndigt lo de al, ke hɔtɔgbat lo de kam kɨlat mad al, na i kokɨro Luwaht'n ndɨ oo kumtondo lo deg.
17Kɨtɔ maktub kɨ kunjɗang el Paraõ, ngar kɨ Ejipt't an: M'ndai ngart, kɨtakad m'ɔjɨn tɔgɨm kamit, kad tɔm kon dɔningt kɨtaagbe. 18Titbe Luwah ndɨ oo kumtondo lo de'n ndig kookumtondo loa. Na ndɨ ad kam kongkong de'n ndig kad kama kongkong ho.
Wong kɨ kookumtondo lo Luwah
19De mad a elɨm an: lon i titbe ye, kɨtɔɗi Luwah ndɨ hɔn deg kɨ ta ɓaitɔ a? Nõ asɨ taa ɗɔɔ ndig loa a? 20A. Na ĩ nyai nõ kad i majta Luwah a? Jo hanj a ndɨje ngeɓan an: Kɨtɔɗi i ɓamɨn titbe a?
21Kɔd ɓajo asɨ ɓa nya'n kama ndig kɨ hanj. Ĩla ndig a ne, a un hanj ɓajot joo, kɨ kɨ ɗa kɨta kɨla kɨ kɔsɨgon, na kɨmad kɨta kɨla kɨ kari ho 22Na ĩla Luwah ndig kɨ n'ɗa tit kɔd ɓajo a ne, ka an ɗi? Luwah ndig kad deg gerɨn wong lon ho, tɔgɨn ho, kɨta 'nten la ndɨn dɔt, kɨ hɔtɔgba kɨ ngãi dɔ degt'n adɨna wong kɨ asɨ kad tɔld. 23Luwah ɗa titbe kad deg gerɨn ne maj lon kɨ tɔitɔi i ngãibe, kɨ dɔ degt'n ndɨ oo kumtondo lod, na ɗa rod kete woi kad ngahn maj lon kɨ tɔitɔi 24Luwah kunj ku juipgt hã kɨɗabe al, na kun kɨmad ku girrdegt kɨ dang dang tɔ ho, 25kɨgo tat'n Oje ngekelta kɨ ta Luwaht el an: Deg'n ĩn deg lom al maɗi ye, m'a m'kund deg lom, girrdeg'n maɗi ĩn ngétar lom al ye, m'a m'kund ngétar lom.
26Na lot'n a elɨndt anan: Ĩn deg lom al ye, loat'n non a kunɨnd ngan Luwah kɨ kumkajir.
27Ejai tɔ ɓakoo dɔ tat lo Israel an: Ke ĩla kɔr deg kɨ Israelt tit ngar kɨ bahbot kaa ne, ndega koon la a aj ye.
28Kɨtɔ ta'n Bɨraɓe el ye, a ɗe tɔl kona kanangbe kɨtaagbe dɔningt la. 29Titbe Ejai el kete tɔ an: Ni Bɨraɓe Ngekoosɨg nya girrkooj mad al a ne, ni j'a jĩ tit Sodom be, ni j'a kɨ tel tit Gomor be.
Luwah tel Ngékad kamd Jeju Krist deg kɨdenesewt
(Oo Rom 10:3,16-21; 1 Pie 2:6-10)
30Kaa j'an ɗi dɔ tat 'nten a? J'a j'el j'an: Girrdeg kɨdangdang'n sahn ɗob telrod degt kɨdenesew nõ Luwaht al la Luwah teld degt kɨdenesew nont kɨtakul kadkam ye. 31Israelag ndɨ sahn go mberkɨnda mad kad teld degt kɨdenesew nõ Luwaht, na ngahn mberkɨnda'n non al. 32Kɨtɔɗi ngahn ne al a? Israelag ngahn al kɨta sahn kɨkanj kadkamd Luwah, oon anan n'a n'ngahn kɨtakul kɨlaɗadg. Ad, ĩn tube gan njad mbal kɨ ga gigt. 33Kɨgo tat'n ndangɨn: Oon m'nda kamɓet kɨ Siõ mbal kɨ ga gigt kɨ mbang kɨ kad de so. Na de'n ada kamɨn a ne, roa a sɔla al bat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.