Romag 6
6
Jĩ kɨ koi dɔ majalt kad kɨ ndɨ kumkajir kam Krist't
(Oo Kol 3:1-10)
1Kɨtɔ 'nten, ka j'an ɗi ta? J'a kɨ ndɨ kɨ kam majalt kad kamkẽ lo Luwah ton mbujmbuj a? 2Ãã i titbe al. Jĩ deg kɨ koi dɔ majalt, j'asɨ ndɨ kɨ dɔj dõ kam majalt gog al ta. 3Kamsɨ oi dɔ kad jĩ tube'n ɗajɨn baptem kam Krist't ye, i kam koiat hã ɗajɨn baptem ale? 4Kɨtɔ 'nten dubjɨn nat sia kɨtakul baptem kam koiat, kɨtakad kɨ ndia kam kumkajirt kɨ kij, tit'n Krist ɓain ku ngékoit, kɨtakul tɔg kɨ tɔitɔi lo Bɔw. 5Na ĩla jĩ sia kam dãrot kɨkɨɗa a ne, jĩ kɨ koi nat sia, titbe Luwah a adj kɨ ɓai lo koit nat sia ho. 6Ad kɨ ger nya 'nten maj, lon Krist oi kagdosɨt, Luwah ga konde loj kagdosɨt nat sia, kad kɨɗaɓer lo majal gog al ta. 7Kɨtɔ de'n oi dɔ majalt ye, majal aw kɨ tɔg dɔat al. 8Na ĩla j'oi nat kɨ Krist a ne, kɨ ger kɔikɔi, j'a kɨ ndɨ kumkajir nat sia ho. 9Kɨ ger Luwah ad Krist ɓai ku ngékoit, Krist asɨ koi gog al ta. 10Koin Krist oi nõ, oi kɨtɔ majal lo deg nja kɨɗabedo, tajigne ndia kumkajir, i kɨta Luwah la ndɨn ye. 11Titbe tɔ ĩn, kɨ oon rosɨ tit deg kɨ koi dɔ majalt, na kɨ oon rosɨ degt kɨ ndɨn kɨ dɔ dõ kɨta Luwah nat kɨ Krist Jeju. 12Kɨtɔ 'nten, ot kadɨn majal õɓe dɔ dãrosɨt kɨ koi nõ, ad i telɨn rosɨ go nyurkõgt loa. 13Ot lan rosɨ girr tɔg majalt kad tel nyaɗakɨla lo nyaɗa kɨgoɗoɓt al. Na adɨn rosɨ Luwah tit ngékumkajɨr ku ngékoit. Adɨn rosɨ kad tel nyaɗakɨla lo nyaɗa kɨdenesew. 14Taa ne, majal a õɓe dɔsɨt al, kɨta ĩn girr mberkɨndat al, na ĩn girr tɔg kamkẽt lo Luwah.
Ɓerg lo Luwah ĩn ngéɗanya kɨdenesew
(Jã 8:31-36; Rom 7:4-6; Tit 2:11-14)
15Ɗi kɨ be? J'a kɨ ɗa majal kɨta ndɨn kɨ ndɨ girr tɔgt lo kamkẽt lo Luwah, na girr tɔgt lo mberkɨnda al la, j'a kɨ ɗan majal yo? I titbe al. 16I gerɨn nya 'nten ale? Ĩla i ndɨ lan dɔsɨ girr nyat mad kad i telɨn rosɨ go tat loa a ne, a ĩn ɓerg lo majal kɨ a tee sesɨ koit. Na ĩla i telɨn rosɨ go tat lo Luwah a ne, a ĩn ɓerg kɨdenesew nõ Luwaht. 17Na ad kɨ ɗan mersi Luwah. Kɨtɔ ke maɗi in ɓerg lo majal kaa ne, i tajigla telɨn rosɨ go nyandoot kɨ rota'n i taan. 18Luwah taa nyasɨdõ ta ɓert lo majal kɨ ɗa kad i ɗan nya kɨdenesew. 19M'un nyakɔj kɨ dɔ ɓergt m'elɨn ta kɨta kĩsɨ deg kɨ dɔsɨ un nya Kanag al. Maɗi i lan rosɨ girr tɔgt lo yerr kɨ ɗa kɨɗagootal, ad majal losɨ bɨlan kɨ dɔtdɔt. Na tajigla i telɨn rosɨ ɓert lo nyaɗa kɨdenesew kɨtakad ĩn kɨjaɓat. 20Kɨtɔ lon ĩn ɓerg lo majal ye, nyaɗa kɨdenesew aw kɨ tɔg dɔsɨt al. 21Kaglot'n non ye, i ngahn ɗi dɔ nyaɗasɨt a? Nyag'n non rosɨ sɔlsɨ dɔt tajigla. Kɨtɔ dɔngoi nyag'n non i koi. 22Na tajigla ĩn kɨ ta nya dõ dɔ majalt, i telɨn ɓerg lo Luwah, i ndɨ i teen kɨ kandsɨ kɨmaj ad i ro kɨjaɓat'n dɔngoia i kumkajir kɨ mbãkɨnõt. 23Kɨtɔ nyaba majal i koi, na kadkari'n Luwah ad kɨgo kamkẽt lon i kumkajir kɨ mbãkɨnõt nat kɨ Krist Jeju kɨ Bɨraɓe loj.
Currently Selected:
Romag 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Romag 6
6
Jĩ kɨ koi dɔ majalt kad kɨ ndɨ kumkajir kam Krist't
(Oo Kol 3:1-10)
1Kɨtɔ 'nten, ka j'an ɗi ta? J'a kɨ ndɨ kɨ kam majalt kad kamkẽ lo Luwah ton mbujmbuj a? 2Ãã i titbe al. Jĩ deg kɨ koi dɔ majalt, j'asɨ ndɨ kɨ dɔj dõ kam majalt gog al ta. 3Kamsɨ oi dɔ kad jĩ tube'n ɗajɨn baptem kam Krist't ye, i kam koiat hã ɗajɨn baptem ale? 4Kɨtɔ 'nten dubjɨn nat sia kɨtakul baptem kam koiat, kɨtakad kɨ ndia kam kumkajirt kɨ kij, tit'n Krist ɓain ku ngékoit, kɨtakul tɔg kɨ tɔitɔi lo Bɔw. 5Na ĩla jĩ sia kam dãrot kɨkɨɗa a ne, jĩ kɨ koi nat sia, titbe Luwah a adj kɨ ɓai lo koit nat sia ho. 6Ad kɨ ger nya 'nten maj, lon Krist oi kagdosɨt, Luwah ga konde loj kagdosɨt nat sia, kad kɨɗaɓer lo majal gog al ta. 7Kɨtɔ de'n oi dɔ majalt ye, majal aw kɨ tɔg dɔat al. 8Na ĩla j'oi nat kɨ Krist a ne, kɨ ger kɔikɔi, j'a kɨ ndɨ kumkajir nat sia ho. 9Kɨ ger Luwah ad Krist ɓai ku ngékoit, Krist asɨ koi gog al ta. 10Koin Krist oi nõ, oi kɨtɔ majal lo deg nja kɨɗabedo, tajigne ndia kumkajir, i kɨta Luwah la ndɨn ye. 11Titbe tɔ ĩn, kɨ oon rosɨ tit deg kɨ koi dɔ majalt, na kɨ oon rosɨ degt kɨ ndɨn kɨ dɔ dõ kɨta Luwah nat kɨ Krist Jeju. 12Kɨtɔ 'nten, ot kadɨn majal õɓe dɔ dãrosɨt kɨ koi nõ, ad i telɨn rosɨ go nyurkõgt loa. 13Ot lan rosɨ girr tɔg majalt kad tel nyaɗakɨla lo nyaɗa kɨgoɗoɓt al. Na adɨn rosɨ Luwah tit ngékumkajɨr ku ngékoit. Adɨn rosɨ kad tel nyaɗakɨla lo nyaɗa kɨdenesew. 14Taa ne, majal a õɓe dɔsɨt al, kɨta ĩn girr mberkɨndat al, na ĩn girr tɔg kamkẽt lo Luwah.
Ɓerg lo Luwah ĩn ngéɗanya kɨdenesew
(Jã 8:31-36; Rom 7:4-6; Tit 2:11-14)
15Ɗi kɨ be? J'a kɨ ɗa majal kɨta ndɨn kɨ ndɨ girr tɔgt lo kamkẽt lo Luwah, na girr tɔgt lo mberkɨnda al la, j'a kɨ ɗan majal yo? I titbe al. 16I gerɨn nya 'nten ale? Ĩla i ndɨ lan dɔsɨ girr nyat mad kad i telɨn rosɨ go tat loa a ne, a ĩn ɓerg lo majal kɨ a tee sesɨ koit. Na ĩla i telɨn rosɨ go tat lo Luwah a ne, a ĩn ɓerg kɨdenesew nõ Luwaht. 17Na ad kɨ ɗan mersi Luwah. Kɨtɔ ke maɗi in ɓerg lo majal kaa ne, i tajigla telɨn rosɨ go nyandoot kɨ rota'n i taan. 18Luwah taa nyasɨdõ ta ɓert lo majal kɨ ɗa kad i ɗan nya kɨdenesew. 19M'un nyakɔj kɨ dɔ ɓergt m'elɨn ta kɨta kĩsɨ deg kɨ dɔsɨ un nya Kanag al. Maɗi i lan rosɨ girr tɔgt lo yerr kɨ ɗa kɨɗagootal, ad majal losɨ bɨlan kɨ dɔtdɔt. Na tajigla i telɨn rosɨ ɓert lo nyaɗa kɨdenesew kɨtakad ĩn kɨjaɓat. 20Kɨtɔ lon ĩn ɓerg lo majal ye, nyaɗa kɨdenesew aw kɨ tɔg dɔsɨt al. 21Kaglot'n non ye, i ngahn ɗi dɔ nyaɗasɨt a? Nyag'n non rosɨ sɔlsɨ dɔt tajigla. Kɨtɔ dɔngoi nyag'n non i koi. 22Na tajigla ĩn kɨ ta nya dõ dɔ majalt, i telɨn ɓerg lo Luwah, i ndɨ i teen kɨ kandsɨ kɨmaj ad i ro kɨjaɓat'n dɔngoia i kumkajir kɨ mbãkɨnõt. 23Kɨtɔ nyaba majal i koi, na kadkari'n Luwah ad kɨgo kamkẽt lon i kumkajir kɨ mbãkɨnõt nat kɨ Krist Jeju kɨ Bɨraɓe loj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.