Romag 2
2
Ta kɨgang kɨdenesew lo Luwah
(Oo Mat 7:1-5; Jak 2:12-13)
1Kɨtɔ 'nten, ĩ dekɨɗen'n i ndɨ gangta dɔ det mad, ĩ asɨ kɔrrta dɔit al, kɨta nya'n i ndɨ i gangɨn ta dɔ det mad nõ la, i ndɨ i hɔn roi kɨ ta ho ye, kɨta ĩ kɨɓe'n i ndɨ i gangta nõ i ndɨ ta ɗa nyat kɨ kɨ ɗa'n non. 2Kɨ ger ta kɨ gang lo Luwah dɔ degt'n ndɨn ta ɗa nyagt kɨmajal tit'n non i goɗobat. 3Ĩ de kɨ ngegangta dɔ degt kɨ ngéɗanyag kɨmajal kɨ titbe, na i ndɨ i ɗad ho ye, ooa an: A i tee ta takɨgangt lo Luwah nyai a? 4I ndɨ i kid ɗamaj loa kɨ ngãi, kɨ ndɨdɔt loa, kɨ kɨre ro njirir loa a? Na i ger kad ɗamaj lo Luwah ndɨ ɔrri kɨ tɔrrndit ale? 5Na kɨta kami kɨ kongkong i mbet tɔrrndii, ad i ndɨ ɔrrɨn wong lo Luwah kɨ dɔit, kam ndɔ wongt. Ndɔt'n non, Luwah a gangta dɔ degt kɨgoɗobat. 6Luwah a ba dekɨɗen kɨgo kɨla ɗaat. 7A ad kumkajir kɨ mbãkɨnõt deg'n ndɨ sahn kɔsɨgon, kɨ tɔko kɨro kɨ dum ndum, kɨ lo hɔtɔgbat kamɗamajt. 8Na wong kɨ tɨngabil lo Luwah i dɔ deg madgt'n ndɨ jangɨn kɨ na, ndɨ telɨn rod go tat al, ndɨ telɨn rod go nyaɗat kɨdenesew al tɔ. 9Nya kɨ to kɨ kamkɔl a ɗa dekɨɗen kɨ ngeɗamajal, a ɗa Juipg dasa, kamla a ɗa Grekg ho ye. 10Na Luwah a ad tɔko kɨ kɔsɨgon kɨ kamsɔllom dekɨɗen kɨ nge hɔ ɗa maj, a ad Juipg dasa kamla a ad Grekg ho ye. 11Kɨtɔ kɔrr de dene goto ro Luwaht. 12Deg tube'n ndɨ ɗan majal kɨkanj ger mberkɨnda lo Moij, a nujɨn kɔ kanj mberkɨnda ho, na deg tube'n ndɨn kɨ mberkɨnda lo Moij jidt na titbe kaa ndɨ ɗan majal ye, mberkɨnda a gangta dɔdt. 13Kɨtɔ ngékoo dɔ mberkɨnda hã ĩn deg kɨdenesew nõ Luwaht al, na ĩgɨn ndɨ ɗan kɨgo mberkɨndat la a ɔrrɨn ta dɔdt ye. 14Lon girrdeg'n gerɨn Luwah al, kɨ mberkɨnda lo Moij goto jidt, na ndɨ ɗan nya kɨgo mberkɨndat ye, i tit mberkɨnda i kamdt, ke mberkɨnda lod goto kaa ne, ĩn kɨɓeg kɨ dɔd ĩn mberkɨnda mad kɨ kɔsɨ dɔd. 15Deg'n non ndɨ ɔjɨn kad kɨlag kɨ kam mberkɨndat lo Moij i kɨ ndang ngarkamdt. Ta kɨ kamdt ndɨ manaj dɔt, kaglo mad tagahd a hɔd kɨ ta, kaglo mad a ndig dɔt sed. 16A oon titbe kam ndɔt'n, Luwah a gangta kɨtakul Jeju Krist dɔ nyangt'n deg ɗan gid tilt, kɨgo hoitat kɨmaj'n m'ɗa m'la mbera.
Juipg kɨ mber kɨ nda lo Moij
(Oo Jer 8:8-9; Jak 4:16-17; Rom 14:13)
17Na ĩ i ndɨ i kun roi Juip, i ndɨ i ndɨna roi kad mberkɨndat, i ndɨ i gaburo kɨta Luwah loi, 18i ger ndig lo Luwah ɓet, mberkɨnda ndɨ ndooi tɔrr go nyag kɨmaj kɨ kɨmajal nat, 19ĩn i ndɨ oo roi an: Ĩ ngekɔrrta ɗob mundog, ĩ kunj kɨta deg'n ndɨn kam tilt. 20Ĩn i ndɨ oo roi ngekɔj nya deg kɨ ngékumja al, kɨ ngendoo ngan kɨdug kɨta i ndɨ kɨ nyager, i ger rota kɨtaagbe kam mberkɨndat. 21Ĩ kɨ ngendoo deg ye, i ndoo roi ale? Ĩn i ndɨ ndamber kɨ de ɓog al, ye la i ndɨ i ɓog yo? 22Ĩn i ndɨ i ndoo deg kɨ sahn dekɨdẽg al, kɨ ɗan ngaw al ho ye la, i ndɨ i sah dekɨdẽg yo? Ĩn i ndɨ i ndoo deg an: Yo i nya kɨ kɔked ye la i ndɨ i ɓog nyag kɨ kam kuj yogt yo? 23Ĩn i ndɨ i gaburo an: I ger mberkɨnda kɔikɔi ye la, i ndɨ i tɔi dɔ mberkɨnda i lan rosɔl dɔ Luwaht yo? 24Kɨtɔ 'nten la, ndangɨn ne kam maktubt kɨ kunjɗang anan: Girrdeg'n gerɨn Luwah al ndɨ kidɨn Luwah, kɨta kɨla ɗasɨ kɨmajal.
25Rota gaj kɨja taa kara tot, ĩla nya ɗa de kɨ ngejagaj i kɨgo mberkɨndat, na ĩla ndɨ tɔi dɔ mberkɨnda a ne, gaj kɨja loa tel gaj kɨja al. 26Kɨtɔ 'nten ĩla de kɨ ngejagaj al ndɨ tel ron go ngan mberkɨndagt kɨ kam mberkɨndat a ne, Luwah a oo gaj kɨja al loa ad i gaj kɨja ale? 27De'n jana gaj kam dãrot al, na ndɨ ɗa kɨgo mberkɨndat a ne, a gangta dɔit ĩ Juip'n i ndɨ kɨ maktub lo Luwah jiit, j'ain gaj tɔ, na i ndɨ i tɔi dɔ ta ye ale? 28Kɨtɔ Juip kɨ jeje hã i Juip kɨ koo kɨ kum kɨ tɨga al, gaj kɨ jeje hã i gaj kɨja kɨ dãrot tɨga koon al. 29Na Juip kɨ jeje i de'n Luwah mbel ngarkama, na gaj kɨja kɨ jeje i gajɨn Ndil Luwah ja ngarkam det. I kɨla ɗa Ndil Luwah, na i kɨgo tat kɨ ndang kam maktubt al. Juip kɨ tit'n non a ngah kɔsɨgon kokɨro degt al, na kokɨro Luwaht tã.
Currently Selected:
Romag 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Romag 2
2
Ta kɨgang kɨdenesew lo Luwah
(Oo Mat 7:1-5; Jak 2:12-13)
1Kɨtɔ 'nten, ĩ dekɨɗen'n i ndɨ gangta dɔ det mad, ĩ asɨ kɔrrta dɔit al, kɨta nya'n i ndɨ i gangɨn ta dɔ det mad nõ la, i ndɨ i hɔn roi kɨ ta ho ye, kɨta ĩ kɨɓe'n i ndɨ i gangta nõ i ndɨ ta ɗa nyat kɨ kɨ ɗa'n non. 2Kɨ ger ta kɨ gang lo Luwah dɔ degt'n ndɨn ta ɗa nyagt kɨmajal tit'n non i goɗobat. 3Ĩ de kɨ ngegangta dɔ degt kɨ ngéɗanyag kɨmajal kɨ titbe, na i ndɨ i ɗad ho ye, ooa an: A i tee ta takɨgangt lo Luwah nyai a? 4I ndɨ i kid ɗamaj loa kɨ ngãi, kɨ ndɨdɔt loa, kɨ kɨre ro njirir loa a? Na i ger kad ɗamaj lo Luwah ndɨ ɔrri kɨ tɔrrndit ale? 5Na kɨta kami kɨ kongkong i mbet tɔrrndii, ad i ndɨ ɔrrɨn wong lo Luwah kɨ dɔit, kam ndɔ wongt. Ndɔt'n non, Luwah a gangta dɔ degt kɨgoɗobat. 6Luwah a ba dekɨɗen kɨgo kɨla ɗaat. 7A ad kumkajir kɨ mbãkɨnõt deg'n ndɨ sahn kɔsɨgon, kɨ tɔko kɨro kɨ dum ndum, kɨ lo hɔtɔgbat kamɗamajt. 8Na wong kɨ tɨngabil lo Luwah i dɔ deg madgt'n ndɨ jangɨn kɨ na, ndɨ telɨn rod go tat al, ndɨ telɨn rod go nyaɗat kɨdenesew al tɔ. 9Nya kɨ to kɨ kamkɔl a ɗa dekɨɗen kɨ ngeɗamajal, a ɗa Juipg dasa, kamla a ɗa Grekg ho ye. 10Na Luwah a ad tɔko kɨ kɔsɨgon kɨ kamsɔllom dekɨɗen kɨ nge hɔ ɗa maj, a ad Juipg dasa kamla a ad Grekg ho ye. 11Kɨtɔ kɔrr de dene goto ro Luwaht. 12Deg tube'n ndɨ ɗan majal kɨkanj ger mberkɨnda lo Moij, a nujɨn kɔ kanj mberkɨnda ho, na deg tube'n ndɨn kɨ mberkɨnda lo Moij jidt na titbe kaa ndɨ ɗan majal ye, mberkɨnda a gangta dɔdt. 13Kɨtɔ ngékoo dɔ mberkɨnda hã ĩn deg kɨdenesew nõ Luwaht al, na ĩgɨn ndɨ ɗan kɨgo mberkɨndat la a ɔrrɨn ta dɔdt ye. 14Lon girrdeg'n gerɨn Luwah al, kɨ mberkɨnda lo Moij goto jidt, na ndɨ ɗan nya kɨgo mberkɨndat ye, i tit mberkɨnda i kamdt, ke mberkɨnda lod goto kaa ne, ĩn kɨɓeg kɨ dɔd ĩn mberkɨnda mad kɨ kɔsɨ dɔd. 15Deg'n non ndɨ ɔjɨn kad kɨlag kɨ kam mberkɨndat lo Moij i kɨ ndang ngarkamdt. Ta kɨ kamdt ndɨ manaj dɔt, kaglo mad tagahd a hɔd kɨ ta, kaglo mad a ndig dɔt sed. 16A oon titbe kam ndɔt'n, Luwah a gangta kɨtakul Jeju Krist dɔ nyangt'n deg ɗan gid tilt, kɨgo hoitat kɨmaj'n m'ɗa m'la mbera.
Juipg kɨ mber kɨ nda lo Moij
(Oo Jer 8:8-9; Jak 4:16-17; Rom 14:13)
17Na ĩ i ndɨ i kun roi Juip, i ndɨ i ndɨna roi kad mberkɨndat, i ndɨ i gaburo kɨta Luwah loi, 18i ger ndig lo Luwah ɓet, mberkɨnda ndɨ ndooi tɔrr go nyag kɨmaj kɨ kɨmajal nat, 19ĩn i ndɨ oo roi an: Ĩ ngekɔrrta ɗob mundog, ĩ kunj kɨta deg'n ndɨn kam tilt. 20Ĩn i ndɨ oo roi ngekɔj nya deg kɨ ngékumja al, kɨ ngendoo ngan kɨdug kɨta i ndɨ kɨ nyager, i ger rota kɨtaagbe kam mberkɨndat. 21Ĩ kɨ ngendoo deg ye, i ndoo roi ale? Ĩn i ndɨ ndamber kɨ de ɓog al, ye la i ndɨ i ɓog yo? 22Ĩn i ndɨ i ndoo deg kɨ sahn dekɨdẽg al, kɨ ɗan ngaw al ho ye la, i ndɨ i sah dekɨdẽg yo? Ĩn i ndɨ i ndoo deg an: Yo i nya kɨ kɔked ye la i ndɨ i ɓog nyag kɨ kam kuj yogt yo? 23Ĩn i ndɨ i gaburo an: I ger mberkɨnda kɔikɔi ye la, i ndɨ i tɔi dɔ mberkɨnda i lan rosɔl dɔ Luwaht yo? 24Kɨtɔ 'nten la, ndangɨn ne kam maktubt kɨ kunjɗang anan: Girrdeg'n gerɨn Luwah al ndɨ kidɨn Luwah, kɨta kɨla ɗasɨ kɨmajal.
25Rota gaj kɨja taa kara tot, ĩla nya ɗa de kɨ ngejagaj i kɨgo mberkɨndat, na ĩla ndɨ tɔi dɔ mberkɨnda a ne, gaj kɨja loa tel gaj kɨja al. 26Kɨtɔ 'nten ĩla de kɨ ngejagaj al ndɨ tel ron go ngan mberkɨndagt kɨ kam mberkɨndat a ne, Luwah a oo gaj kɨja al loa ad i gaj kɨja ale? 27De'n jana gaj kam dãrot al, na ndɨ ɗa kɨgo mberkɨndat a ne, a gangta dɔit ĩ Juip'n i ndɨ kɨ maktub lo Luwah jiit, j'ain gaj tɔ, na i ndɨ i tɔi dɔ ta ye ale? 28Kɨtɔ Juip kɨ jeje hã i Juip kɨ koo kɨ kum kɨ tɨga al, gaj kɨ jeje hã i gaj kɨja kɨ dãrot tɨga koon al. 29Na Juip kɨ jeje i de'n Luwah mbel ngarkama, na gaj kɨja kɨ jeje i gajɨn Ndil Luwah ja ngarkam det. I kɨla ɗa Ndil Luwah, na i kɨgo tat kɨ ndang kam maktubt al. Juip kɨ tit'n non a ngah kɔsɨgon kokɨro degt al, na kokɨro Luwaht tã.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.