Abdias Takɨdɔt
Takɨdɔt
Maktub lo Abdias i maktub kɨ goj ngãi kam maktubgt kɨ kam kunkɔt kɨ kete. Maktub'n elj ta dɔ nyat'n Abdias ngekelta kɨ ta Luwah oo kamndilt, njɔrag tube in 21, na ndɨ elta dɔ tat kɨgang lo Luwah dɔ Edomt, ad i girrdeg kɨ ngãi al be'n ndɨn dɔɔ ko lo kudukàdt kɨ dɔning Juda.
Maktub Abdias titɨn j'oon kam maktubt lo ngekelta kɨ ta Luwaht, Edom kɨ Esaw in girrdeg kɨ kɨɗabe. Esaw i bɨrabɔw deg kɨ Edomt (Yaɓ 36:9,43). Maktub Yaɓooda ndɨ ɔrrj girr ta'n to mbɨna Esawt kɨ Jakob'n i bɨrabɔw deg kɨ Israelt (Yaɓ 25:35). Yaɓooda elj kad j'oo girrdeg kɨ joo'n non kaglog tube ndoorɨn na.
Maktub lo Abdias elta dan dɔ kaglo kɨ ngang ngãi lo Israel. Kaglot'n non deg kɨ Babilont taan dɔning Juda. Lon Jerusalem ngahn tuj kam ɓalt 587 kete nõ Jeju Krist, deg kɨ Edom ɗe ndan rod nat kɨ deg kɨ Babilont tirrɨn nyag lo Israelag pur. Kɨgo tat'n ngekelta kɨ ta Luwaht Ejekel ɗob nina 35. Deg kɨ Edom taan dɔning mad kɨ Jude ko dɔɔ ndɨnt. Kɨtɔ 'nten la ta son dɔ Edomt ye ad i ngetanya nooj'n Juda. Kɨtɔ Edom kɨ Juda in ngankõnag.
Nya'n j'a kɨ ngah kam maktubt lo Abdias, hoita kɨ dɔ tujt lo Edom (Abd 1:1-9). Nya'n a ɗe kɨ tuj dɔ Edomt (Abd 1:10-16), majal lo deg kɨ Edom kɨ ngékɨɓe lo Esaw kɨro ngan Jakob.
Mber tet ɗɔɔ lo Israel (Abd 1:16-21) Israel taa ne gangɨn ta dɔat woi (Abd 1:16), na tajigla i ta lo ndeg girrdeg ta la maj kad ta kɨgnang so dɔdt ye. Maktub lo Abdias elta dɔ nyagt kɨ ton nõ, n'ton mbɨna girrdegt kɨ in ngankõ na. Abdias ɔj kad nya kɨ ɗa kɨgo lo ngetɔgt a ɗe kɨ tuj la koon ye. Maktub lo Jonas la aw go lo Abdiast, na hoita kɨ kamt ndɨ ndooj kad jĩ ngéɗa maktub kɨ ger maj girrdeg'n ndoorɨn Israel asɨn kad ngahn nyàgo majal lo Luwah ho. Ad maktub lo Adbias kɨ Jonas son go nat kɨɗabe.
Currently Selected:
Abdias Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.