Abdias 1
1
Takɨgang dɔ Edomt kɨta nyakɨto kɨ ɗa kɨ Jakob
1Nya 'nten dɔ adɨn Abdias.
Bɨraɓe Luwah elta dɔ Edomt titbe:
J'oo hoita mad kokɨro Bɨraɓet
na la ngombangkɨla mad ku girrdegt dang dang an:
I bãi dõ, ad j'aw
kɨ ɗɔɔn kɨ Edom.
Bɨraɓe gangta dɔ Edomt
2Oo, m'a m'teli kɨdu ku girrdegt dang dang,
a ĩ nya kɨkid ngãibe.
3Buro kɨga kɨ kamit ad i so mut,
ĩn i ndɨ mbɨna mbãggt,
ĩn i ndɨ dɔ logt kɨ dõ.
Na ĩ kɨɓe el kamit an:
Nõ a ɔsɨ lam mbã kɨningt a?
4Bɨraɓe el an:
Ke neni i ɓai kɨ dõ kɨ bɔgi tit yel kuro be,
ke neni i ɗa kuj loi ku kɨmẽgt kaa,
ko nu m'a m'ɔsɨ m'lai kɨ ningt.
5Ĩla ngeɓoog kɨ ngetirr nya pur
andɨn kam kujt loi ndɔ,
na ɔd roi al.
A ɔin nyag loi tube ale?
Ĩla ngeja kand nduu ɗen roit ye
a nyan ndeg kand nduu kad deg ɓurɨn ale?
6Ah, tit'n tirɨn ne nyag lo Edom kɨ ngoka Esaw pur.
Teen kɨ dɔ nyamajg loa kɨ yaro tube kɨ tɨga.
7Deg'n lan kɔd nat sei ye tuɓai mbã kɨ ɗobnint.
Ĩgɨn ĩn sei kɨ lapia ye goolɨn,
ngekel kan: Nin madkɨlaig
ĩngɨn san nyasa loi ye,
yan gum nõit, na i ger nya mad kamt al.
8Titbe Bɨraɓe: El an:
Ndɔt'n non m'a m'nuj ngeterrg kɨ Edom
kɨ ngégernyag kɨ Mbalbo Esaw kɔ
9Ah Teman, ro gõɗɔɔg loi, rod a ndad yatɨt
kɨta tubeg'n ĩn Ĩgɨn ko Mbalbo Esawt
a tɔlɨnd tube.
10Edom Kɨtɔ nyaɗai kɨlo
ngetɔgt ndoorɨn ngonkõi Jakob ye
rosɔl a ɗai
na a gangɨn kɔ mbãkɨnõt.
11Ndɔt'n i ɗa takumat,
ndɔt'n mbahg ɔin nyamajg loa
lon mbahg andɨn ta tabit loa kam ɓebot loa
na yan yuk dɔ Jerusalemt
kad'n kegɨn ne nya majg kɨ tit ye,
ĩ tɔ, ĩ tit kɨkɨɗa kudt ho.
12Edom sumba kad i ɗa ronel dɔ degt kɨ
Juda al, ndɔt'n tuj son dɔdt,
sumba kad i ga buro
ndɔt'n jarobãit teen dɔ degt kɨ Juda al.
Ot tee tai kɨbobe kɨta tajɨn ke kidɨn ngonkõi
ndɔ kamkɔlt
13Kɨtɔɗi and kɨ tabit kand kamɓet lo deg lom a?
Kaglo'n tuj teen dɔdt,
ke i ɗa ronel dɔ daiyogt lod
kam ndɔt'n nyag lod tube tujɨn,
kɨtɔɗi i nda jii dɔ nyamajgt lod
ndɔ'n kamkɔlt teen dɔdt.
14Kɨtɔɗi aw i ɗa ta tɔ ɗobt
kad i tɔl deg loa kɨ ngékãi tee ta yot,
kɨtɔɗi deg loa 'nten ta yot nãin a ne,
i lad ji madngétaat
ndɔ jarobãit a?
15Kɨtɔ ndɔ lo Bɨraɓe i nderbe, i ndɔ'n mĩ Bɨraɓe
M'a m'gangta dɔ girrdegt tube.
M'a m'ɗa sei tit'n i ɗan kɨ deg ho,
kɨlaɗai a tel so dɔit gog.
Tetɗɔɔ lo ngan Israelg
16Tit'n i ãin ne nya dɔ mbalbot lom kɨjaɓat
titbe tɔ la girrdeg tube a ãin nyakãi kɨkanj nya ta.
A ãin, a lan yalɨm
Kamla a tujɨnd kɔ ye.
17Na ndegag kɨ teen ta yot, a ndɨn kɨ dɔd dõ dɔ Mbalbo Siõt,
a i lo kɨjaɓat
na ngaka Jakob a taan nyakagɓe lod gog.
18Ngaka Jakob kɨ Jojep a telɨn tit horr,
Na ngaka Esaw a ĩn tit mũ,
Horr a õnd mugɨj ad goton,
Dekɨɗa ku ngaka Edomt a nãi kɨ dɔn dõ al,
Mĩ Bɨraɓe la m'elta ye.
19Ngéndɨ Negeb ko kɨjikõ, a taan Mbalbo Esaw,
ngendɨ kam dɨlambot a taan dɔning lo Pilistiag,
a taan dɔning Epraim kɨ dɔning Samari
na Benjami a taa dɔning Galaad.
20Ngan Israelag ĩgɨn awɨn ɓe ɓert a telɨn koosɨ ngéɗɔɔg
a taan dɔning lo Kanag mbã kɨ Sarepta
na ɓerg kɨ Jerusalemg'n ndɨn Separad
a taan ɓebog kɨ dɔning Negebt.
21Deg'n ajɨn ye, alɨn dɔ mbalbo Siõt
kɨta kõɓe dɔ Mbalbogt lo Esaw
Taa ne, Bɨraɓe a i ngar lod.
Currently Selected:
Abdias 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Abdias 1
1
Takɨgang dɔ Edomt kɨta nyakɨto kɨ ɗa kɨ Jakob
1Nya 'nten dɔ adɨn Abdias.
Bɨraɓe Luwah elta dɔ Edomt titbe:
J'oo hoita mad kokɨro Bɨraɓet
na la ngombangkɨla mad ku girrdegt dang dang an:
I bãi dõ, ad j'aw
kɨ ɗɔɔn kɨ Edom.
Bɨraɓe gangta dɔ Edomt
2Oo, m'a m'teli kɨdu ku girrdegt dang dang,
a ĩ nya kɨkid ngãibe.
3Buro kɨga kɨ kamit ad i so mut,
ĩn i ndɨ mbɨna mbãggt,
ĩn i ndɨ dɔ logt kɨ dõ.
Na ĩ kɨɓe el kamit an:
Nõ a ɔsɨ lam mbã kɨningt a?
4Bɨraɓe el an:
Ke neni i ɓai kɨ dõ kɨ bɔgi tit yel kuro be,
ke neni i ɗa kuj loi ku kɨmẽgt kaa,
ko nu m'a m'ɔsɨ m'lai kɨ ningt.
5Ĩla ngeɓoog kɨ ngetirr nya pur
andɨn kam kujt loi ndɔ,
na ɔd roi al.
A ɔin nyag loi tube ale?
Ĩla ngeja kand nduu ɗen roit ye
a nyan ndeg kand nduu kad deg ɓurɨn ale?
6Ah, tit'n tirɨn ne nyag lo Edom kɨ ngoka Esaw pur.
Teen kɨ dɔ nyamajg loa kɨ yaro tube kɨ tɨga.
7Deg'n lan kɔd nat sei ye tuɓai mbã kɨ ɗobnint.
Ĩgɨn ĩn sei kɨ lapia ye goolɨn,
ngekel kan: Nin madkɨlaig
ĩngɨn san nyasa loi ye,
yan gum nõit, na i ger nya mad kamt al.
8Titbe Bɨraɓe: El an:
Ndɔt'n non m'a m'nuj ngeterrg kɨ Edom
kɨ ngégernyag kɨ Mbalbo Esaw kɔ
9Ah Teman, ro gõɗɔɔg loi, rod a ndad yatɨt
kɨta tubeg'n ĩn Ĩgɨn ko Mbalbo Esawt
a tɔlɨnd tube.
10Edom Kɨtɔ nyaɗai kɨlo
ngetɔgt ndoorɨn ngonkõi Jakob ye
rosɔl a ɗai
na a gangɨn kɔ mbãkɨnõt.
11Ndɔt'n i ɗa takumat,
ndɔt'n mbahg ɔin nyamajg loa
lon mbahg andɨn ta tabit loa kam ɓebot loa
na yan yuk dɔ Jerusalemt
kad'n kegɨn ne nya majg kɨ tit ye,
ĩ tɔ, ĩ tit kɨkɨɗa kudt ho.
12Edom sumba kad i ɗa ronel dɔ degt kɨ
Juda al, ndɔt'n tuj son dɔdt,
sumba kad i ga buro
ndɔt'n jarobãit teen dɔ degt kɨ Juda al.
Ot tee tai kɨbobe kɨta tajɨn ke kidɨn ngonkõi
ndɔ kamkɔlt
13Kɨtɔɗi and kɨ tabit kand kamɓet lo deg lom a?
Kaglo'n tuj teen dɔdt,
ke i ɗa ronel dɔ daiyogt lod
kam ndɔt'n nyag lod tube tujɨn,
kɨtɔɗi i nda jii dɔ nyamajgt lod
ndɔ'n kamkɔlt teen dɔdt.
14Kɨtɔɗi aw i ɗa ta tɔ ɗobt
kad i tɔl deg loa kɨ ngékãi tee ta yot,
kɨtɔɗi deg loa 'nten ta yot nãin a ne,
i lad ji madngétaat
ndɔ jarobãit a?
15Kɨtɔ ndɔ lo Bɨraɓe i nderbe, i ndɔ'n mĩ Bɨraɓe
M'a m'gangta dɔ girrdegt tube.
M'a m'ɗa sei tit'n i ɗan kɨ deg ho,
kɨlaɗai a tel so dɔit gog.
Tetɗɔɔ lo ngan Israelg
16Tit'n i ãin ne nya dɔ mbalbot lom kɨjaɓat
titbe tɔ la girrdeg tube a ãin nyakãi kɨkanj nya ta.
A ãin, a lan yalɨm
Kamla a tujɨnd kɔ ye.
17Na ndegag kɨ teen ta yot, a ndɨn kɨ dɔd dõ dɔ Mbalbo Siõt,
a i lo kɨjaɓat
na ngaka Jakob a taan nyakagɓe lod gog.
18Ngaka Jakob kɨ Jojep a telɨn tit horr,
Na ngaka Esaw a ĩn tit mũ,
Horr a õnd mugɨj ad goton,
Dekɨɗa ku ngaka Edomt a nãi kɨ dɔn dõ al,
Mĩ Bɨraɓe la m'elta ye.
19Ngéndɨ Negeb ko kɨjikõ, a taan Mbalbo Esaw,
ngendɨ kam dɨlambot a taan dɔning lo Pilistiag,
a taan dɔning Epraim kɨ dɔning Samari
na Benjami a taa dɔning Galaad.
20Ngan Israelag ĩgɨn awɨn ɓe ɓert a telɨn koosɨ ngéɗɔɔg
a taan dɔning lo Kanag mbã kɨ Sarepta
na ɓerg kɨ Jerusalemg'n ndɨn Separad
a taan ɓebog kɨ dɔning Negebt.
21Deg'n ajɨn ye, alɨn dɔ mbalbo Siõt
kɨta kõɓe dɔ Mbalbogt lo Esaw
Taa ne, Bɨraɓe a i ngar lod.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.