Dakɔr deg 8
8
Bai lambag kɨ kaga
1Bɨraɓe elta kɨ Moij an: 2El Aarõ titbe an: Lon i ndah bai lambag dɔ kagat a ne, i ɗa ad horrag kɨtanãimɨta a unjɨn nõat. 3Aarõ ɗa titbe tɔ, ɗago horr lambag kad unjɨn kɨnõ kagat tit'n Bɨraɓe ndan mbera Moij. 4Ɗan lamba'n non titbe, ɗan kɨ nar ɔr kɨ nda mbujmbuj ko girrat mbã kɨ hutat, i nar ɔr kɨ nda mbujmbuj. Moij ɗa lamba'n non kɨgo nyandajt'n Bɨraɓe ɔja.
Moij nda Lebiag tadang kɨta kɨla lo Bɨraɓe
5Bɨraɓe elta kɨ Moij an: 6Ɔr Lebiag ku Israelagt na i ard. 7A i ɗa sed titbe kad i ard. I tud man nyàgokɔ dɔdt kad i ard, ad ngɨsen bĩ rod tube kɨ yinga, ad tugon kubg lod kad arɨn nyang. 8Goot gog a hɔn bɔw mang kɨɗa nat kɨ kadkari nduj loa kɨtoletlet kɨ lɔi kɨ yib, na i hɔ bɔw mang kɨɗang kadkari kɨtɔ majal kɨ ɗa. 9A i ad Lebiag ɗen nõ kujkub ndɔdnat na i kaw ngékawna lo Israelag kɨtaagbe kɨnat. 10Lon i ad Lebiag ndɔt'n kɨnõ Bɨraɓet Israelag a ndan jid do Lebiagt, 11kamla Aarõ a la Lebiag tit kadkari kɨbii nõ Bɨraɓet, ad i kadkari lo Israelag kad ɗan kɨlaɓer lo Bɨraɓe. 12Kamla Lebiag a ndan jid dɔ bɔw manggt na a lan kɨkɨɗa kadkari kɨtɔ majal kɨ ɗa na kɨmad kadkari kɨ lahort kad i nyakutdɔ majal lo Lebiag. 13A i ad Lebiag ɗàn nõ Aarõt kɨ ngana na i lad kadkarit kɨbii nõ Bɨraɓet. 14Titbe la a i ɔrrɨn Lebiag ku Israelagt na Lebiag a ĩn lom. 15Lebiag a ɗen ɗan kɨlaɓer kam kujkub ndɔdnat got'n hã i ard na i lad kadkarit kɨbii. 16Kɨtɔ admɨnd kɨtaagbe ku Israelagt, m'tad kɨlomt gan got nganderg ku ngander Israelagt tube, 17kɨta ngonderr kɨɗen ku Israelagt i lom, dɔ det mbã kɨdɔ dãgt, m'ndad kɔtkokɨɗa kɨtatɔm ndɔ'n m'tɔlɨn nganderg dɔning Ejipt't 18na m'oi Lebiag m'gan goot ngander Israelag tube. 19Mad Lebiag tube Aarõ kɨ ngana kadkarit ku Israelagt, kad ɗan kɨlaɓer lo Israelag kam kujkub ndɔdnat, kɨtakad lan kadkari kudt kɨtɔ majal lo Israelag kad yokoosɨ nuj Israelag al, lon ndɔt'n kɨ lot kɨjaɓat. 20Moij kɨ Aarõ kɨ ngékawna lo Israel tube ɗan kɨ Lebiag nyag tube'n Bɨraɓe nda mbera Moij kad ɗan kɨ Lebiag na Israelag ɗan sed titbe ho. 21Lebiag arɨn rod, tugon kubg lod na Aarõ lad tit kɨ kadkari kɨbii nõ Bɨraɓet, la kadkari kutdɔmajal lod kad ardɨn. 22Goot gog Lebiag ɗen, ɗan kɨlaɓer kam kujkub ndɔdnat nõ Aarõt kɨ ngana kɨgo tat'n Bɨraɓe nda mbera Moij ɔjɨn dɔ Lebiag. Ɗan sed titbe tɔ.
23Bɨraɓe elta kɨ Moij an: 24'Nten la i gaj lo Lebiag ye. Tube'n ɓald i dɔjoo gidaimi ke kɨtɔi 'nten, Lebia kɨɗen a and kam kɨlaɓert kam kujkub ndɔdnat. 25Na go ɓalt kɨdɔmi a ne, a ɔrrɨn rod kam kɨlaɓert na a tel ɗan gog al ta. 26A ɗan kɨ ngankõd kam kujkub ndɔdnat koon kad oon go nyag'n lan jidt na a ɗan kɨlaɓer gog al ta. Titbe la i ɗan kɨ Lebiag dɔ kɨlaɓert lod.
Currently Selected:
Dakɔr deg 8: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 8
8
Bai lambag kɨ kaga
1Bɨraɓe elta kɨ Moij an: 2El Aarõ titbe an: Lon i ndah bai lambag dɔ kagat a ne, i ɗa ad horrag kɨtanãimɨta a unjɨn nõat. 3Aarõ ɗa titbe tɔ, ɗago horr lambag kad unjɨn kɨnõ kagat tit'n Bɨraɓe ndan mbera Moij. 4Ɗan lamba'n non titbe, ɗan kɨ nar ɔr kɨ nda mbujmbuj ko girrat mbã kɨ hutat, i nar ɔr kɨ nda mbujmbuj. Moij ɗa lamba'n non kɨgo nyandajt'n Bɨraɓe ɔja.
Moij nda Lebiag tadang kɨta kɨla lo Bɨraɓe
5Bɨraɓe elta kɨ Moij an: 6Ɔr Lebiag ku Israelagt na i ard. 7A i ɗa sed titbe kad i ard. I tud man nyàgokɔ dɔdt kad i ard, ad ngɨsen bĩ rod tube kɨ yinga, ad tugon kubg lod kad arɨn nyang. 8Goot gog a hɔn bɔw mang kɨɗa nat kɨ kadkari nduj loa kɨtoletlet kɨ lɔi kɨ yib, na i hɔ bɔw mang kɨɗang kadkari kɨtɔ majal kɨ ɗa. 9A i ad Lebiag ɗen nõ kujkub ndɔdnat na i kaw ngékawna lo Israelag kɨtaagbe kɨnat. 10Lon i ad Lebiag ndɔt'n kɨnõ Bɨraɓet Israelag a ndan jid do Lebiagt, 11kamla Aarõ a la Lebiag tit kadkari kɨbii nõ Bɨraɓet, ad i kadkari lo Israelag kad ɗan kɨlaɓer lo Bɨraɓe. 12Kamla Lebiag a ndan jid dɔ bɔw manggt na a lan kɨkɨɗa kadkari kɨtɔ majal kɨ ɗa na kɨmad kadkari kɨ lahort kad i nyakutdɔ majal lo Lebiag. 13A i ad Lebiag ɗàn nõ Aarõt kɨ ngana na i lad kadkarit kɨbii nõ Bɨraɓet. 14Titbe la a i ɔrrɨn Lebiag ku Israelagt na Lebiag a ĩn lom. 15Lebiag a ɗen ɗan kɨlaɓer kam kujkub ndɔdnat got'n hã i ard na i lad kadkarit kɨbii. 16Kɨtɔ admɨnd kɨtaagbe ku Israelagt, m'tad kɨlomt gan got nganderg ku ngander Israelagt tube, 17kɨta ngonderr kɨɗen ku Israelagt i lom, dɔ det mbã kɨdɔ dãgt, m'ndad kɔtkokɨɗa kɨtatɔm ndɔ'n m'tɔlɨn nganderg dɔning Ejipt't 18na m'oi Lebiag m'gan goot ngander Israelag tube. 19Mad Lebiag tube Aarõ kɨ ngana kadkarit ku Israelagt, kad ɗan kɨlaɓer lo Israelag kam kujkub ndɔdnat, kɨtakad lan kadkari kudt kɨtɔ majal lo Israelag kad yokoosɨ nuj Israelag al, lon ndɔt'n kɨ lot kɨjaɓat. 20Moij kɨ Aarõ kɨ ngékawna lo Israel tube ɗan kɨ Lebiag nyag tube'n Bɨraɓe nda mbera Moij kad ɗan kɨ Lebiag na Israelag ɗan sed titbe ho. 21Lebiag arɨn rod, tugon kubg lod na Aarõ lad tit kɨ kadkari kɨbii nõ Bɨraɓet, la kadkari kutdɔmajal lod kad ardɨn. 22Goot gog Lebiag ɗen, ɗan kɨlaɓer kam kujkub ndɔdnat nõ Aarõt kɨ ngana kɨgo tat'n Bɨraɓe nda mbera Moij ɔjɨn dɔ Lebiag. Ɗan sed titbe tɔ.
23Bɨraɓe elta kɨ Moij an: 24'Nten la i gaj lo Lebiag ye. Tube'n ɓald i dɔjoo gidaimi ke kɨtɔi 'nten, Lebia kɨɗen a and kam kɨlaɓert kam kujkub ndɔdnat. 25Na go ɓalt kɨdɔmi a ne, a ɔrrɨn rod kam kɨlaɓert na a tel ɗan gog al ta. 26A ɗan kɨ ngankõd kam kujkub ndɔdnat koon kad oon go nyag'n lan jidt na a ɗan kɨlaɓer gog al ta. Titbe la i ɗan kɨ Lebiag dɔ kɨlaɓert lod.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.