Dakɔr deg 31
31
Takɨgang dɔ Madiãt
1Bɨraɓe el Moij an: 2I nda ngɨra lo Israelag dɔ Madiãgt, gog got a oi aw go ngeigt. 3Moij elta kɨ deg an: Oon go dekɨdɨngãg kusɨt kad ɗɔɔn kɨ Madiã, kɨta nda ngɨra lo Bɨraɓe. 4A i lan deg dub kɨɗa ku girr Israelt kɨɗen kɨta ɗɔɔ. 5Ɔin deg ku kɨdubgt lo Israel asɨn deg dub kɨlah gidaijoo kɨ ɗan rod oi kɨta ɗɔɔ. 6Moij lad lo ɗɔɔt, deg dub kɨɗa kɨgo girrkoojt kɨɗen nat kɨ Pinẽas ngon Eleajar ngejanyamosɨ'n to nyag kɨ kam lot kɨjaɓat kɨ towg kɨkoo ngãi jint.
7Ɗɔɔn kɨ Madiã tit'n Bɨraɓe ndan mbera Moij na tɔlɨn dekɨdɨngãg tube. 8Tɔlɨn ngarg kɨ Madiã nat kɨ deg lod, ad i Ebi, Rekem, Sur, Hur kɨ Reba, ngarg kɨmi kɨ Madiã, tɔlɨn Balam ngon Beor kɨ kiyaɗɔɔ tɔ. 9Israelag hɔn dekɨdẽg lo Madiã ɓert nat kɨ ngandg, hɔn dãg lod kɨ ɓut nyakulg lod kɨ nyamajg lod tube. 10Lan horr ɓebog lod ĩn ndɨnt kɨ lo hɔlondɨg lod tube. 11Ɔin nyag lod tube'n hɔ taɗɔɔt, deg ho dãg ho, 12kamla ɗen kɨ ɓerg, kɨ nyamajg kɨ hɔn taɗɔɔt ro Moijt kɨ Eleajar ngejanyamosɨ kɨ ngékawna lo Israel kam londɨt kam dɨlambogt kɨ Moab kad bah Jurdẽt'n sumba Jeriko sew.
13Moij kɨ Eleajar ngejanyamosɨ kɨ kɨbog lo ngékawna teen, aw lan tad gid londɨt. 14Na Moij ɓawong kɨ bɨradɔg dɔ ngéɗɔɔt, ad i deg kɨdɔ kɨdubgt kɨ deg kɨdɔ kɨ ɓugt'n telɨn lo ɗɔɔt. 15Moij ndɨjed an: I nyan dekɨdẽg tube kumkajir a? 16Oon maj, dekɨdẽg'n ɗan la telɨn rod go takɔjt lo Balam, ɔrrɨn Israelag ad ɗan kaya ndoorɨn ne Bɨraɓe kam tat lo Peor, titbe la yokoosɨ soon dɔ ngékawnat lo Bɨraɓe ye. 17Tajigla i tɔlɨn ngon kɨdɨngã kɨɗen na i tɔlɨn dekɨdẽ kɨɗen'n ger ɓi kɨ ngaw, 18na ngan kɨdẽg tube'n gerɨn ɓi kɨ ngaw al ɓaitɔ, i ngomɨnd kumkajir kɨta rosɨ. 19Na i ndɨn tɨga gid londɨt ndɔ tanãimɨta, ĩn tube'n i tɔlɨn de ke ɔdɨn nin. Ĩn tube arɨn rosɨ ndɔt kɨkõmɨta kɨ kɨkõtanãmɨta, ĩn kɨ ɓerg losɨ. 20A arɨn kubg losɨ tube kɨ nya kɨɗen kɨ ɗa kɨ ndar, kɨ nya kɨɗen kɨ ɗa kɨ bĩ bĩã, kɨ nya kɨɗen kɨ ɗa kɨ kag.
21Eleajar ngejanyamosɨ el ngéɗɔɔ'n awɨn ɗɔɔt an: Oon, 'nten i takɨ gang kɨgo mberkɨnda'n Bɨraɓe nda mbera Moij. 22Nar ɔr, nar arjã, ningakasɨ, hand, nar etẽ kɨ nar plomb, 23nya kɨɗen'n horr a õa al, a adɨna tɔi kam horrt kad tel kɨkar nyang na nya kɨɗen'n horr a õa, a i tugon kɨ man kar ro, a adɨna tɔi kam mant. 24Ndɔ kɨkõtanãmɨta a i tugon kubg losɨ na a ĩn kɨkar nyang, gog got a i andɨn londɨt.
Ta dɔ keg nyamajg kɨ hɔ taɗɔɔt
25Bɨraɓe el Moij an: 26Ĩ kɨ Eleajar ngejanyamosɨ kɨ bɨrabɔwg lo ngékawna, i tɨdan nyatetɗɔɔ, nyag'n ɔin, deg kɨ dãg. 27A i keg nyatetɗɔɔ gaj joo, kɨɗa kɨta ngéɗɔɔ'n awɨn ɗɔɔ, na kɨmad kɨta ngékawna kɨtaagbe. 28A i ta gaj nya lo ngéɗɔɔ'n awɨn ɗɔɔ kɨta Bɨraɓe, a i gaj kɨɗa ku kɨ ɓumit, la girra dɔ degt kɨ mangg kɨ korrog kɨ nyakulg. 29A i taa kam nyat'n non i lo Bɨraɓe ad Eleajar ngejanyamosɨ. 30Na kam nyat lo Israelag a i taa gaj kɨɗa ku kɨdɔmit, la girra dɔ degt kɨ mangg kɨ korrog kɨ nyakulg kɨ dã kɨɗen ad Lebiag, ngéngom kujkub londɨ lo Bɨraɓe. 31Moij kɨ Eleajar ngejanyamosɨ ɗan nya'n Bɨraɓe nda mbera Moij. 32Ndeg nyamajg'n hɔn taɗɔɔt kɨnãi kam nyagt tube'n ngéɗɔɔ ɔin laten: Batg asɨn 675 000, 33mangg asɨn 72 000, 34korrog asɨn 61 000, 35ngan kɨdẽg'n gerɨn ɓi kɨ ngaw al asɨn 32 000.
36Nya'n i gaj lo ngékaw ɗɔɔ laten: Batg asɨn 337 500, 37na batg'n adɨn Bɨraɓe asɨn 675, 38mangg asɨn 36 000 na adɨn Bɨraɓe kamt asɨ 72. 39Korrog asɨn 30 500 na adɨn Bɨraɓe kamt asɨ 61. 40Ngan kɨdẽg asɨn 16 000 na adɨn Bɨraɓe kamt asɨ 32. 41Moij ad Eleajar ngejanyamosɨ dɔ nyag tube'n tirɨn adɨn Bɨraɓe tit'n Bɨraɓe ndan mbera Moij.
42Nya'n i gaj lo Israelag in Moij ɔrr kam nyagt lo ngékawɗɔɔ ndaa kɔtkokɨɗa 43kad i gaj lo ngékawna laten: Batg asɨn 337 500, 44mangg asɨn 36 000, 45korrog asɨn 30 500, 46ngan kɨdẽg asɨn 16 000. 47Kokam nyat lo Israelag Moij un gaj kɨɗa ku kɨdɔmit lo deg kɨ dãg ad Lebiag'n ngomɨn kujkub londɨ lo Bɨraɓe tit'n Bɨraɓe ndan mbera.
48Bɨradɔg'n ĩn dɔ kɨdubgt, deg kɨdɔ kɨdubt kɨ deg kɨdɔ kɨɓugt, ndɔt'n kɨ ro Moijt elɨna anan: 49Ɓerg loi tɨdan deg ngéɗɔɔg'n ĩn jidt, na kɨkɨɗa kɨnãi kɔ goto. 50Jĩ kɨ ɗe kɨ kadkari jad Bɨraɓe, nyag'n dekɨɗen kuujt ngah, nyag kɨ ɗan kɨ nar ɔr, ninga kɨ njat kɨ jit kɨ ngan ninga kɨ ji kɨ ningambi kɨ kɨla kɨ la kɔt, kad i nya kutdɔ majal loj nõ Bɨraɓet. 51Moij kɨ Eleajar ngejanyamosɨ taan nyag tube'n ɗan kɨ nar ɔr jidt. 52Nar ɔr tube'n bɨradɔg kɨdɔ kɨdubgt kɨ bɨradɔg kɨdɔ kɨɓugt adɨn Bɨraɓe kadkari kɨla kɨ dõ, kɔia asɨ kɨlo 170. 53Ngéɗɔɔg tube oin nyatetɗɔɔ, dekɨɗen kudt ho kɨta ron. 54Moij kɨ Eleajar ngejanyamosɨ taan nar ɔr lo bɨradɔg kɨdɔ kɨdubgt kɨ bɨradɔg kɨdɔ kɨɓugt, awɨn ne kam kujkub ndɔdnat kad i nyagakamdɔt lo Israelagt kɨnõ Bɨraɓet.
Currently Selected:
Dakɔr deg 31: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 31
31
Takɨgang dɔ Madiãt
1Bɨraɓe el Moij an: 2I nda ngɨra lo Israelag dɔ Madiãgt, gog got a oi aw go ngeigt. 3Moij elta kɨ deg an: Oon go dekɨdɨngãg kusɨt kad ɗɔɔn kɨ Madiã, kɨta nda ngɨra lo Bɨraɓe. 4A i lan deg dub kɨɗa ku girr Israelt kɨɗen kɨta ɗɔɔ. 5Ɔin deg ku kɨdubgt lo Israel asɨn deg dub kɨlah gidaijoo kɨ ɗan rod oi kɨta ɗɔɔ. 6Moij lad lo ɗɔɔt, deg dub kɨɗa kɨgo girrkoojt kɨɗen nat kɨ Pinẽas ngon Eleajar ngejanyamosɨ'n to nyag kɨ kam lot kɨjaɓat kɨ towg kɨkoo ngãi jint.
7Ɗɔɔn kɨ Madiã tit'n Bɨraɓe ndan mbera Moij na tɔlɨn dekɨdɨngãg tube. 8Tɔlɨn ngarg kɨ Madiã nat kɨ deg lod, ad i Ebi, Rekem, Sur, Hur kɨ Reba, ngarg kɨmi kɨ Madiã, tɔlɨn Balam ngon Beor kɨ kiyaɗɔɔ tɔ. 9Israelag hɔn dekɨdẽg lo Madiã ɓert nat kɨ ngandg, hɔn dãg lod kɨ ɓut nyakulg lod kɨ nyamajg lod tube. 10Lan horr ɓebog lod ĩn ndɨnt kɨ lo hɔlondɨg lod tube. 11Ɔin nyag lod tube'n hɔ taɗɔɔt, deg ho dãg ho, 12kamla ɗen kɨ ɓerg, kɨ nyamajg kɨ hɔn taɗɔɔt ro Moijt kɨ Eleajar ngejanyamosɨ kɨ ngékawna lo Israel kam londɨt kam dɨlambogt kɨ Moab kad bah Jurdẽt'n sumba Jeriko sew.
13Moij kɨ Eleajar ngejanyamosɨ kɨ kɨbog lo ngékawna teen, aw lan tad gid londɨt. 14Na Moij ɓawong kɨ bɨradɔg dɔ ngéɗɔɔt, ad i deg kɨdɔ kɨdubgt kɨ deg kɨdɔ kɨ ɓugt'n telɨn lo ɗɔɔt. 15Moij ndɨjed an: I nyan dekɨdẽg tube kumkajir a? 16Oon maj, dekɨdẽg'n ɗan la telɨn rod go takɔjt lo Balam, ɔrrɨn Israelag ad ɗan kaya ndoorɨn ne Bɨraɓe kam tat lo Peor, titbe la yokoosɨ soon dɔ ngékawnat lo Bɨraɓe ye. 17Tajigla i tɔlɨn ngon kɨdɨngã kɨɗen na i tɔlɨn dekɨdẽ kɨɗen'n ger ɓi kɨ ngaw, 18na ngan kɨdẽg tube'n gerɨn ɓi kɨ ngaw al ɓaitɔ, i ngomɨnd kumkajir kɨta rosɨ. 19Na i ndɨn tɨga gid londɨt ndɔ tanãimɨta, ĩn tube'n i tɔlɨn de ke ɔdɨn nin. Ĩn tube arɨn rosɨ ndɔt kɨkõmɨta kɨ kɨkõtanãmɨta, ĩn kɨ ɓerg losɨ. 20A arɨn kubg losɨ tube kɨ nya kɨɗen kɨ ɗa kɨ ndar, kɨ nya kɨɗen kɨ ɗa kɨ bĩ bĩã, kɨ nya kɨɗen kɨ ɗa kɨ kag.
21Eleajar ngejanyamosɨ el ngéɗɔɔ'n awɨn ɗɔɔt an: Oon, 'nten i takɨ gang kɨgo mberkɨnda'n Bɨraɓe nda mbera Moij. 22Nar ɔr, nar arjã, ningakasɨ, hand, nar etẽ kɨ nar plomb, 23nya kɨɗen'n horr a õa al, a adɨna tɔi kam horrt kad tel kɨkar nyang na nya kɨɗen'n horr a õa, a i tugon kɨ man kar ro, a adɨna tɔi kam mant. 24Ndɔ kɨkõtanãmɨta a i tugon kubg losɨ na a ĩn kɨkar nyang, gog got a i andɨn londɨt.
Ta dɔ keg nyamajg kɨ hɔ taɗɔɔt
25Bɨraɓe el Moij an: 26Ĩ kɨ Eleajar ngejanyamosɨ kɨ bɨrabɔwg lo ngékawna, i tɨdan nyatetɗɔɔ, nyag'n ɔin, deg kɨ dãg. 27A i keg nyatetɗɔɔ gaj joo, kɨɗa kɨta ngéɗɔɔ'n awɨn ɗɔɔ, na kɨmad kɨta ngékawna kɨtaagbe. 28A i ta gaj nya lo ngéɗɔɔ'n awɨn ɗɔɔ kɨta Bɨraɓe, a i gaj kɨɗa ku kɨ ɓumit, la girra dɔ degt kɨ mangg kɨ korrog kɨ nyakulg. 29A i taa kam nyat'n non i lo Bɨraɓe ad Eleajar ngejanyamosɨ. 30Na kam nyat lo Israelag a i taa gaj kɨɗa ku kɨdɔmit, la girra dɔ degt kɨ mangg kɨ korrog kɨ nyakulg kɨ dã kɨɗen ad Lebiag, ngéngom kujkub londɨ lo Bɨraɓe. 31Moij kɨ Eleajar ngejanyamosɨ ɗan nya'n Bɨraɓe nda mbera Moij. 32Ndeg nyamajg'n hɔn taɗɔɔt kɨnãi kam nyagt tube'n ngéɗɔɔ ɔin laten: Batg asɨn 675 000, 33mangg asɨn 72 000, 34korrog asɨn 61 000, 35ngan kɨdẽg'n gerɨn ɓi kɨ ngaw al asɨn 32 000.
36Nya'n i gaj lo ngékaw ɗɔɔ laten: Batg asɨn 337 500, 37na batg'n adɨn Bɨraɓe asɨn 675, 38mangg asɨn 36 000 na adɨn Bɨraɓe kamt asɨ 72. 39Korrog asɨn 30 500 na adɨn Bɨraɓe kamt asɨ 61. 40Ngan kɨdẽg asɨn 16 000 na adɨn Bɨraɓe kamt asɨ 32. 41Moij ad Eleajar ngejanyamosɨ dɔ nyag tube'n tirɨn adɨn Bɨraɓe tit'n Bɨraɓe ndan mbera Moij.
42Nya'n i gaj lo Israelag in Moij ɔrr kam nyagt lo ngékawɗɔɔ ndaa kɔtkokɨɗa 43kad i gaj lo ngékawna laten: Batg asɨn 337 500, 44mangg asɨn 36 000, 45korrog asɨn 30 500, 46ngan kɨdẽg asɨn 16 000. 47Kokam nyat lo Israelag Moij un gaj kɨɗa ku kɨdɔmit lo deg kɨ dãg ad Lebiag'n ngomɨn kujkub londɨ lo Bɨraɓe tit'n Bɨraɓe ndan mbera.
48Bɨradɔg'n ĩn dɔ kɨdubgt, deg kɨdɔ kɨdubt kɨ deg kɨdɔ kɨɓugt, ndɔt'n kɨ ro Moijt elɨna anan: 49Ɓerg loi tɨdan deg ngéɗɔɔg'n ĩn jidt, na kɨkɨɗa kɨnãi kɔ goto. 50Jĩ kɨ ɗe kɨ kadkari jad Bɨraɓe, nyag'n dekɨɗen kuujt ngah, nyag kɨ ɗan kɨ nar ɔr, ninga kɨ njat kɨ jit kɨ ngan ninga kɨ ji kɨ ningambi kɨ kɨla kɨ la kɔt, kad i nya kutdɔ majal loj nõ Bɨraɓet. 51Moij kɨ Eleajar ngejanyamosɨ taan nyag tube'n ɗan kɨ nar ɔr jidt. 52Nar ɔr tube'n bɨradɔg kɨdɔ kɨdubgt kɨ bɨradɔg kɨdɔ kɨɓugt adɨn Bɨraɓe kadkari kɨla kɨ dõ, kɔia asɨ kɨlo 170. 53Ngéɗɔɔg tube oin nyatetɗɔɔ, dekɨɗen kudt ho kɨta ron. 54Moij kɨ Eleajar ngejanyamosɨ taan nar ɔr lo bɨradɔg kɨdɔ kɨdubgt kɨ bɨradɔg kɨdɔ kɨɓugt, awɨn ne kam kujkub ndɔdnat kad i nyagakamdɔt lo Israelagt kɨnõ Bɨraɓet.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.