Dakɔr deg 30
30
Ta dɔ yokɨndat
1Moij el ngan Israelg nyag tube'n Bɨraɓe ndaa mbera.
2Moij elta kɨ mbaiɓeg lo girr Israelag an: Oon nya'n Bɨraɓe nda mbera laten: 3Lon de kɨdɨngã mad un kɔn ad Bɨraɓe ke nda yo kad ɗa'n nya mad a ne, a mbel kɔn al bat na a ɗa kɨgo tat'n tee taat.
4Lon ngon kɨdẽ kɨmand i kam kujt lo bɔwɨn ɓaitɔ, un kɔn ad Bɨraɓe na nda yo dɔnt, 5na bɔwa ger kunkɔ loa kɨ yokɨnda dɔnt na elta mad al a ne, kunkɔg loa kɨ yokɨndag tube a ton lotodt. 6Na ĩla bɔwa ndig sia al, ndɔt'n oon dɔ a ne, kunkɔg kɨ yokɨndag loa'n nda kɨdõt a ton lotodt al.
7Ĩla ngon kɨdẽ taa ngaw got'n un kɔn, ke ta mad tee taat kanj kad ger go, 8na ngawa oo ta loa, elta dɔt al ndɔt'n oon dɔ nõ a ne, kunkɔg loa a ton lotodt, yokɨndag'n nda kɨdɔnt a ton lotodt tɔ. 9Na ĩla ngawa ndig sia al, ndɔt'n oon dɔ nõ a ne, a ad kunkɔ loa kɨ ta kɨ tee taat kanj kad ger go telɨn nya kɨkari na Bɨraɓe a nyàgo kɔ ada. 10Kunkɔ kɨ yokɨnda lo ngengawkoi ke lo dekɨdẽ kɨ tuɓa kɔ, yokɨnda kɨɗen kɨ nda kɨdɔnt a to lotont. 11Lon dekɨdẽ, i kam kujt lo ngawɨn, un kɔn ke nda yo dɔnt 12na ngawa oo ta loa, elta dɔt al, na ndig sia a ne, kunkɔg loa a ton lotodt, yokɨndag loa tube kɨ nda kɨdɔnt a ton lotodt tɔ. 13Na ĩla ngawa tuj tag loa ndɔt'n oon dɔ nõ a ne, kunkɔ kɨɗen, kɨ ta kɨ tee taat kɨɗen a to lotont al, kɨta ngawa tujd na Bɨraɓe a nyàgo kɔ ada. 14Kunkɔ kɨɗen kɨ yokɨnda kɨɗen'n nda kɨdɔnt, ngawa asɨ nya kad to lotont ke tuj. 15Ĩla ngawa elta dɔt ndɔt'n non al a ne, kunkɔg loa kɨ yokɨndag loa'n nda kɨdɔnt tube a ton lotodt. Ngawa ad'd ton lotodt kɨta ela ta dɔt al ndɔt'n oon dɔ. 16Ĩla nya ad tag'n non ton lotodt ndɔt'n oon dɔ a ne, ta majal lo nẽa a i dɔat.
17Ĩgɨn ten la ĩn mberkɨndag'n Bɨraɓe ad Moij ɔjɨn dɔ dekɨdɨngã kɨ nẽn kɨ bɔw kɨ ngon kɨdẽ, lon i ngon kɨmand kam kujt lo bɔwɨn ɓaitɔ ye.
Currently Selected:
Dakɔr deg 30: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
