Dakɔr deg 25
25
Israelag ɗan majal Sitim
1Israelag ndɨn Sitim na lan girr ɗa kaya kɨ ngan kɨdẽg kɨ Moab. 2Deg'n non kunɨn Israelag kɨ lo kadkarit lod kɨjakɔ'n ndan nõ yogt. San nya na ɔsɨn dɔd ber nõ yogt lod. 3Titbe Israel nda ron nat kɨ yo Baal Peor, na Bɨraɓe ɓawong kɨ tɨngabil kɨ Israelag. 4Bɨraɓe el Moij an: I kaw mbaiɓeg lo deg kɨnat tube, i gad dõ dɔ kagt dan kàda nõ Bɨraɓet kɨtakad wong lo Bɨraɓe kɨtɔlsɔkɨr goto dɔ Israelt. 5Moij el ngégangtag lo Israel an: Kɨ dekɨɗen tɔl deg lon'n ndan rod nat kɨ yo Baal Peor. 6Taa ne, Israela mad ɔrr dekɨdẽ Madiã mad ɗe sia kɨ ro ngankõngt takum Moijt kɨ ngékawna lo Israel tube lon ndɨ nõn ne tabit kujkub ndɔdnat. 7Lon Pinẽas ngon Eleajar kɨ ngon Aarõ ngejanyamosɨ oo nya 'nten ye, ɓai dan ngékawnat, un ninga jint, 8ndulo go Israela'n non kɨ kam kujkubt loa, na ɔsɨd dɔnat tɔld tujoo, Israela nat kɨ dekɨdẽ kɨ Madiãt'n non. Kamla yokoosɨ nya ta tɔl Israelag. 9Kɔr deg'n yokoosɨ tɔld i 24 000. 10Bɨraɓe el Moij an: 11Pinẽas ngon Eleajar kɨ ngon Aarõ ngejanyamosɨ la ad wong lom tel sɔl dɔ Israelagt kɨta ĩ kɨ kɨɗan kudt la jàng ɗaa tit mĩ be, ad m'tɔl Israelag kɔ kam wongt lom al ye. 12Kɨtɔ 'nten a ela kad m'ada kunkɔ kɨ lapia lom. 13Kunkɔ'n non a i kɨtaa, kɨta ngakaa kɨgoat, ad i kunkɔ lo ngejanyamosɨ kɨ tokɨnõ, kɨta jàng ɗaa kɨta Luwah loa na ɗa nya kɨta kutdɔ majal kɨ ɗa lo Israel. 14Israela'n tɔlɨna nat kɨ dekɨdẽ Madiã ye, tɔa i Jimri ngon Salu. I bɨrabɔw girrkooj Simeõiag. 15Dekɨdẽ Madiã'n tɔlɨn na tɔa i Kosbi ngon Sur'n i bɨrabɔw girrkooj mad ku Madiãgt. 16Bɨraɓe el Moij an: 17I da kum Madiãg ndo, i tɔld kɔ 18kɨta dan kumsɨ ndo ad goolsɨn kɨ ndokum lod kam tat lo Peor kɨ kam tat lo Kosbi ngon mbaiɓe lo Madiãg kɨdẽ, kõnand'n tɔlɨna ndɔ yokoosɨt'n ɗe dɔdt kɨta Peor. 19Gog go yokoosɨt.
Currently Selected:
Dakɔr deg 25: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 25
25
Israelag ɗan majal Sitim
1Israelag ndɨn Sitim na lan girr ɗa kaya kɨ ngan kɨdẽg kɨ Moab. 2Deg'n non kunɨn Israelag kɨ lo kadkarit lod kɨjakɔ'n ndan nõ yogt. San nya na ɔsɨn dɔd ber nõ yogt lod. 3Titbe Israel nda ron nat kɨ yo Baal Peor, na Bɨraɓe ɓawong kɨ tɨngabil kɨ Israelag. 4Bɨraɓe el Moij an: I kaw mbaiɓeg lo deg kɨnat tube, i gad dõ dɔ kagt dan kàda nõ Bɨraɓet kɨtakad wong lo Bɨraɓe kɨtɔlsɔkɨr goto dɔ Israelt. 5Moij el ngégangtag lo Israel an: Kɨ dekɨɗen tɔl deg lon'n ndan rod nat kɨ yo Baal Peor. 6Taa ne, Israela mad ɔrr dekɨdẽ Madiã mad ɗe sia kɨ ro ngankõngt takum Moijt kɨ ngékawna lo Israel tube lon ndɨ nõn ne tabit kujkub ndɔdnat. 7Lon Pinẽas ngon Eleajar kɨ ngon Aarõ ngejanyamosɨ oo nya 'nten ye, ɓai dan ngékawnat, un ninga jint, 8ndulo go Israela'n non kɨ kam kujkubt loa, na ɔsɨd dɔnat tɔld tujoo, Israela nat kɨ dekɨdẽ kɨ Madiãt'n non. Kamla yokoosɨ nya ta tɔl Israelag. 9Kɔr deg'n yokoosɨ tɔld i 24 000. 10Bɨraɓe el Moij an: 11Pinẽas ngon Eleajar kɨ ngon Aarõ ngejanyamosɨ la ad wong lom tel sɔl dɔ Israelagt kɨta ĩ kɨ kɨɗan kudt la jàng ɗaa tit mĩ be, ad m'tɔl Israelag kɔ kam wongt lom al ye. 12Kɨtɔ 'nten a ela kad m'ada kunkɔ kɨ lapia lom. 13Kunkɔ'n non a i kɨtaa, kɨta ngakaa kɨgoat, ad i kunkɔ lo ngejanyamosɨ kɨ tokɨnõ, kɨta jàng ɗaa kɨta Luwah loa na ɗa nya kɨta kutdɔ majal kɨ ɗa lo Israel. 14Israela'n tɔlɨna nat kɨ dekɨdẽ Madiã ye, tɔa i Jimri ngon Salu. I bɨrabɔw girrkooj Simeõiag. 15Dekɨdẽ Madiã'n tɔlɨn na tɔa i Kosbi ngon Sur'n i bɨrabɔw girrkooj mad ku Madiãgt. 16Bɨraɓe el Moij an: 17I da kum Madiãg ndo, i tɔld kɔ 18kɨta dan kumsɨ ndo ad goolsɨn kɨ ndokum lod kam tat lo Peor kɨ kam tat lo Kosbi ngon mbaiɓe lo Madiãg kɨdẽ, kõnand'n tɔlɨna ndɔ yokoosɨt'n ɗe dɔdt kɨta Peor. 19Gog go yokoosɨt.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.