Dakɔr deg 19
19
Ta dɔ tugo nyagt kɨyerr
1Bɨraɓe elta kɨ Moij kɨ Aarõ an: 2'Nten la i ta lo mberkɨnda'n Bɨraɓe nda mbera an: Elta kɨ Israelag kad ɗen kɨ mand mang kɨkɨre kɨkanj dɔ, kɨ nya mad ɗaa al ĩn un jug al ɓaitɔ. 3A adɨn Eleajar ngejanyamosɨ, kad ɔrra tee sia tɨga gid londɨt ad deg tɔlɨna nõat. 4Eleajar ngejanyamosɨ a ɔd mosɨ mang kɨ ngon jin, tud nja tanãimɨta nõ kujkub ndɔdnat. 5De mad a lahor dã mang takumat na a lan horr ndara kɨ dãã kɨ mosa nat kɨ kiã. 6Ngejanyamosɨ a un kag sedɨr kɨ dɔj kag hisop, kɨ kɨla kɨre ũd kam horrt'n ndɨ õ dã mang. 7Kamla ngejanyamosɨ a tugo kub lon, a ndog man, got gog a tel and kam londɨt gog na a i kɨyerr mbã lokɨsɔle. 8De kɨ ngelahorr dã mang'n non a tugo kub lon, a ndog man na a i kɨyerr mbã lokɨsɔle. 9De kɨkar mad a ɔi buhoor mang, a ũ kɔ gid londɨt kam lot mad kɨkar nyang tɔ. A ngomɨn buhoor kɨta ngékawna lo Israel kɨta man kar ro dɔ majalt. I kɨta kar ro dɔ majalt. 10De kɨ ngekɔi buhoor mang'n non a tugo kub lon, a i kɨyerr mbã lokɨsɔle. 'Nten i mberkɨnda kɨ tokɨnõ kɨta Israelag kɨ kɨta mbah'n hɔlondɨt kudt.
11De'n ɔd nin de mad a ne, a i kɨyerr ndɔ tanãimɨta. 12A ar ron kɨ man'n non kam ndɔt kɨkõmɨta kɨ kɨkõtanãimɨta, na a i kɨkar, na ĩla ar ron ndɔt kɨkõmɨta kɨ kɨkõtanãimɨta al a ne, a i kɨ kar al. 13De'n ɔd nin mad, ad i dãro de kɨkoi, na ar ron al a ne, yerr kɨ kujkub londɨ lo Bɨraɓe. De'n non a ɔrrɨna kɔ ku Israelagt kɨta tudɨn man kar ro dɔ majalt dɔat al. I kɨyerr, yerr loa i dɔat ɓaitɔ.
14Mberkɨnda mad laten: Lon de mad oi kam kujkubt, de'n a and kam kujkubt nõ, kɨ de'n i kamt, a i kɨyerr ndɔ tanãimɨta. 15Jo kɨɗen'n nya kut taa i kɨ dɔɔ al a ne, a i kɨyerr. 16Dekɨɗen'n ɔd nin de'n tɔlɨna kɨ nyakat kam mut, ke ɔd nin de, ke ɔd kɨnga de, ke dɔɓada a ne, a i kɨyerr ndɔ tanãimɨta. 17Kɨtɔ kar de kɨyerr ye, a ɔdɨn buhoor dã kadkari kɨtɔ majal kɨɗa, ũn kam jot, ɔdɨn man kɨnu, mbelɨn dɔt. 18De mad kɨkar a un mbi kag hisop, la kam mant, na a tud dɔ kujkubt kɨ nyag kɨ kamt tube. A tud dɔ degt kɨ ndɨn loat'n non, kɨ dɔ det'n ɔd kɨnga, ke ɔd de'n tɔlɨna, ke nin, ke dɔɓad. 19De kɨkar a tud man'n non dɔ det kɨ ar al kam ndɔt kɨkõmɨta kɨ kɨkõtanãimɨta, na titbe ndɔ kɨkõtanãimɨta a tela kɨkar. A tugo kub lon, a ndog man na lokɨsɔle a i kɨkar nyang. 20De'n i kɨ kar al, na ar ron al tɔ a ne, a ɔrrɨna kɔ ku ngékawnat na ɓeta yerr kɨ lo kɨjaɓat lo Bɨraɓe. Man kar ro dɔ majalt i kɨtud dɔat al, i kɨyerr. 21'Nten a i mberkɨnda kɨ tokɨnõ kɨtad. De kɨ ngetud man kar ro dɔ majalt'n non a tugo kub lon na de'n a ɔd man kar ro dɔ majalt'n non a ne, a i kɨyerr mbã lokɨsɔle. 22Nya kɨɗen'n de kɨ kar al'n non ɔd a ne, a i kɨyerr ho, na de'n ɔd nya nõ a i kɨyerr mbã lokɨsɔle.
Currently Selected:
Dakɔr deg 19: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 19
19
Ta dɔ tugo nyagt kɨyerr
1Bɨraɓe elta kɨ Moij kɨ Aarõ an: 2'Nten la i ta lo mberkɨnda'n Bɨraɓe nda mbera an: Elta kɨ Israelag kad ɗen kɨ mand mang kɨkɨre kɨkanj dɔ, kɨ nya mad ɗaa al ĩn un jug al ɓaitɔ. 3A adɨn Eleajar ngejanyamosɨ, kad ɔrra tee sia tɨga gid londɨt ad deg tɔlɨna nõat. 4Eleajar ngejanyamosɨ a ɔd mosɨ mang kɨ ngon jin, tud nja tanãimɨta nõ kujkub ndɔdnat. 5De mad a lahor dã mang takumat na a lan horr ndara kɨ dãã kɨ mosa nat kɨ kiã. 6Ngejanyamosɨ a un kag sedɨr kɨ dɔj kag hisop, kɨ kɨla kɨre ũd kam horrt'n ndɨ õ dã mang. 7Kamla ngejanyamosɨ a tugo kub lon, a ndog man, got gog a tel and kam londɨt gog na a i kɨyerr mbã lokɨsɔle. 8De kɨ ngelahorr dã mang'n non a tugo kub lon, a ndog man na a i kɨyerr mbã lokɨsɔle. 9De kɨkar mad a ɔi buhoor mang, a ũ kɔ gid londɨt kam lot mad kɨkar nyang tɔ. A ngomɨn buhoor kɨta ngékawna lo Israel kɨta man kar ro dɔ majalt. I kɨta kar ro dɔ majalt. 10De kɨ ngekɔi buhoor mang'n non a tugo kub lon, a i kɨyerr mbã lokɨsɔle. 'Nten i mberkɨnda kɨ tokɨnõ kɨta Israelag kɨ kɨta mbah'n hɔlondɨt kudt.
11De'n ɔd nin de mad a ne, a i kɨyerr ndɔ tanãimɨta. 12A ar ron kɨ man'n non kam ndɔt kɨkõmɨta kɨ kɨkõtanãimɨta, na a i kɨkar, na ĩla ar ron ndɔt kɨkõmɨta kɨ kɨkõtanãimɨta al a ne, a i kɨ kar al. 13De'n ɔd nin mad, ad i dãro de kɨkoi, na ar ron al a ne, yerr kɨ kujkub londɨ lo Bɨraɓe. De'n non a ɔrrɨna kɔ ku Israelagt kɨta tudɨn man kar ro dɔ majalt dɔat al. I kɨyerr, yerr loa i dɔat ɓaitɔ.
14Mberkɨnda mad laten: Lon de mad oi kam kujkubt, de'n a and kam kujkubt nõ, kɨ de'n i kamt, a i kɨyerr ndɔ tanãimɨta. 15Jo kɨɗen'n nya kut taa i kɨ dɔɔ al a ne, a i kɨyerr. 16Dekɨɗen'n ɔd nin de'n tɔlɨna kɨ nyakat kam mut, ke ɔd nin de, ke ɔd kɨnga de, ke dɔɓada a ne, a i kɨyerr ndɔ tanãimɨta. 17Kɨtɔ kar de kɨyerr ye, a ɔdɨn buhoor dã kadkari kɨtɔ majal kɨɗa, ũn kam jot, ɔdɨn man kɨnu, mbelɨn dɔt. 18De mad kɨkar a un mbi kag hisop, la kam mant, na a tud dɔ kujkubt kɨ nyag kɨ kamt tube. A tud dɔ degt kɨ ndɨn loat'n non, kɨ dɔ det'n ɔd kɨnga, ke ɔd de'n tɔlɨna, ke nin, ke dɔɓad. 19De kɨkar a tud man'n non dɔ det kɨ ar al kam ndɔt kɨkõmɨta kɨ kɨkõtanãimɨta, na titbe ndɔ kɨkõtanãimɨta a tela kɨkar. A tugo kub lon, a ndog man na lokɨsɔle a i kɨkar nyang. 20De'n i kɨ kar al, na ar ron al tɔ a ne, a ɔrrɨna kɔ ku ngékawnat na ɓeta yerr kɨ lo kɨjaɓat lo Bɨraɓe. Man kar ro dɔ majalt i kɨtud dɔat al, i kɨyerr. 21'Nten a i mberkɨnda kɨ tokɨnõ kɨtad. De kɨ ngetud man kar ro dɔ majalt'n non a tugo kub lon na de'n a ɔd man kar ro dɔ majalt'n non a ne, a i kɨyerr mbã lokɨsɔle. 22Nya kɨɗen'n de kɨ kar al'n non ɔd a ne, a i kɨyerr ho, na de'n ɔd nya nõ a i kɨyerr mbã lokɨsɔle.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.