Dakɔr deg 13
13
Ngéndalog awɨn Kana
1Bɨraɓe el Moij an: 2I la kɨ ngéndalog kad oon dɔning Kana ĩn mad Israelag. A i la de kɨɗa ku girrkooj bɔwdt kɨɗen na dekɨɗen kudt i mbaiɓe, 3Ko dɨlalot kɨ Parã Moij la deg kɨgo mberkɨnda lo Bɨraɓe, na deg'n non tube'n bɨradɔg lo Israelag. 4Tɔd laten: Ko girr Ruben, Samua ngon Jakur, 5Ko girr Simeõ, Sapat ngon Hori 6Ko girr Juda, Kaleb ngon Jepune, 7Ko girr Isakar, Jigal ngon Jojep, 8Ko girr Epraim, Oje ngon Nun, 9Ko girr Benjami, Palti ngon Rapu, 10Ko girr Jabulon, Gadel ngon Sodi, 11Ko girr Jojep, ad i ko girr Manase, Gaddi ngon Susi, 12Ko girr Dan, Amiel ngon Gemali, 13Ko girr Ajer, Setur ngon Mikael, 14Ko girr Neptali, Naki ngon Bopsi, 15a Ko girr Gad, Gewel ngon Maki. 16Ĩgɨn non la ĩn tɔ deg'n Moij lad kad ndan m'ãi, lo kɨ dɔningt, Moij mbel tɔ Oje ngon Nun, ndah Jojue.
17Moij lad kad ndan m'ãi dɔning Kana, eld an: Awɨn, ɓan tasɨ ko jikõt, awɨn kam dɔning mbalt 18kad oon ke dɔning'n non to titbãi, ngendɨt ĩn deg kɨngang ke tɔgd goto, ĩn koosɨg a ke ĩn tẽbe a? 19A i oon dɔning'n ndɨnt, i kɨmaj ke kɨmajal, ɓebog ĩn ndɨnt ĩn kari, ke ĩn ɓebog kɨngang, 20dɔning i kɨmaj ke kɨmajal, kagg ɗant ke gotont Iren kamsɨ njirir, i ɗen kɨ kand kag kɨ dɔningt'n non. I kaglo mbuj kand nduu kɨdasa, 21Awɨn na ndan m'ãi lo gugɨn dɔ dɔning'n non, mbã girra dɔ dɨlalot kɨ Sin mbã Rehob dɔ ɗob kaw Hamat. 22Awɨn ko jikõ, na teen Hebrõ lot'n Ahiman, Sesai kɨ Talmai, ngan Anak ndɨnt, (Ndan Hebrõ bal tanãimɨta kete nõ Soan kɨ dɔning Ejipt't) 23Teen hollot kɨ Eskol na jan bɨra ndu kɨɗa ad deg lan kag tit ton ne, oin kand kag grenadie kɨ kand mbaiɓood tɔ. 24Kunɨn tɔ hollo'n non Eskol kɨta bɨra ndu in Israelag jan tit.
25Telɨn lo nda m'ãi dɔning go ndot kɨdɔsɔɔ. 26Lon ten londɨt ye awɨn ro Moijt kɨ Aarõ kɨ ngékawna lo Israel tube Kades kam dɨlalot kɨ Parã, ɔrrɨn hoi nyag adɨn ngékawna tube, oojɨnd kand nya kɨ dɔningt'n non tɔ. 27Ɔrrɨn hoia Moij anan: Rota i dɔning'n mbà kɨ tej nũt na oo kanda laten, 28na ngendɨ dɔningt'n non ĩn deg kɨngang, ɓebog lod ɗan ndogbɔrr kɨngang gugɨn ne dɔ, ĩn kɨbobo, j'oo Anakiag nu tɔ ho. 29Amalekag ndɨn dɔningt nõ ko jikõ, Hetiag kɨ Jebusiag kɨ Amoriag ndɨn dɔning mbalt na Kananiag ndɨn kad bahbot kɨ kad bah Jurdẽ. 30Kaleb ad deg ngenyurta do Moijt nyan tad, el an: Ad j'awɨn kɨ taan dɔning'n non, jĩ j'a kɨ tetɗɔɔ. 31Na deg in, n'awɨn nat sia elɨn anan: Jĩ, j'asɨ ɗɔɔ kɨ deg'n non al kɨta ĩn kɨtɔg tɔijɨn. 32Deg'n non ɔrrɨn hoita kɨmajal dɔ dɔning'n ndan m'ãia nõ Israelagt anan: Dɔning ĩn kɨ ndian kamt kad kɨ nda m'ãi, a i dɔning'n tɔ koh deg ngendɨt. Deg tube'n j'ɔid ĩn deg kɨ ngal, 33j'oo sikɨm deg, Anakiag, girrkooj sikɨm deg, j'asɨ nya mad al, kɨta j'oo roj tit kɨ betg be nõdt, ko rodt taa ne oojɨn, titbe tɔ.
Currently Selected:
Dakɔr deg 13: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 13
13
Ngéndalog awɨn Kana
1Bɨraɓe el Moij an: 2I la kɨ ngéndalog kad oon dɔning Kana ĩn mad Israelag. A i la de kɨɗa ku girrkooj bɔwdt kɨɗen na dekɨɗen kudt i mbaiɓe, 3Ko dɨlalot kɨ Parã Moij la deg kɨgo mberkɨnda lo Bɨraɓe, na deg'n non tube'n bɨradɔg lo Israelag. 4Tɔd laten: Ko girr Ruben, Samua ngon Jakur, 5Ko girr Simeõ, Sapat ngon Hori 6Ko girr Juda, Kaleb ngon Jepune, 7Ko girr Isakar, Jigal ngon Jojep, 8Ko girr Epraim, Oje ngon Nun, 9Ko girr Benjami, Palti ngon Rapu, 10Ko girr Jabulon, Gadel ngon Sodi, 11Ko girr Jojep, ad i ko girr Manase, Gaddi ngon Susi, 12Ko girr Dan, Amiel ngon Gemali, 13Ko girr Ajer, Setur ngon Mikael, 14Ko girr Neptali, Naki ngon Bopsi, 15a Ko girr Gad, Gewel ngon Maki. 16Ĩgɨn non la ĩn tɔ deg'n Moij lad kad ndan m'ãi, lo kɨ dɔningt, Moij mbel tɔ Oje ngon Nun, ndah Jojue.
17Moij lad kad ndan m'ãi dɔning Kana, eld an: Awɨn, ɓan tasɨ ko jikõt, awɨn kam dɔning mbalt 18kad oon ke dɔning'n non to titbãi, ngendɨt ĩn deg kɨngang ke tɔgd goto, ĩn koosɨg a ke ĩn tẽbe a? 19A i oon dɔning'n ndɨnt, i kɨmaj ke kɨmajal, ɓebog ĩn ndɨnt ĩn kari, ke ĩn ɓebog kɨngang, 20dɔning i kɨmaj ke kɨmajal, kagg ɗant ke gotont Iren kamsɨ njirir, i ɗen kɨ kand kag kɨ dɔningt'n non. I kaglo mbuj kand nduu kɨdasa, 21Awɨn na ndan m'ãi lo gugɨn dɔ dɔning'n non, mbã girra dɔ dɨlalot kɨ Sin mbã Rehob dɔ ɗob kaw Hamat. 22Awɨn ko jikõ, na teen Hebrõ lot'n Ahiman, Sesai kɨ Talmai, ngan Anak ndɨnt, (Ndan Hebrõ bal tanãimɨta kete nõ Soan kɨ dɔning Ejipt't) 23Teen hollot kɨ Eskol na jan bɨra ndu kɨɗa ad deg lan kag tit ton ne, oin kand kag grenadie kɨ kand mbaiɓood tɔ. 24Kunɨn tɔ hollo'n non Eskol kɨta bɨra ndu in Israelag jan tit.
25Telɨn lo nda m'ãi dɔning go ndot kɨdɔsɔɔ. 26Lon ten londɨt ye awɨn ro Moijt kɨ Aarõ kɨ ngékawna lo Israel tube Kades kam dɨlalot kɨ Parã, ɔrrɨn hoi nyag adɨn ngékawna tube, oojɨnd kand nya kɨ dɔningt'n non tɔ. 27Ɔrrɨn hoia Moij anan: Rota i dɔning'n mbà kɨ tej nũt na oo kanda laten, 28na ngendɨ dɔningt'n non ĩn deg kɨngang, ɓebog lod ɗan ndogbɔrr kɨngang gugɨn ne dɔ, ĩn kɨbobo, j'oo Anakiag nu tɔ ho. 29Amalekag ndɨn dɔningt nõ ko jikõ, Hetiag kɨ Jebusiag kɨ Amoriag ndɨn dɔning mbalt na Kananiag ndɨn kad bahbot kɨ kad bah Jurdẽ. 30Kaleb ad deg ngenyurta do Moijt nyan tad, el an: Ad j'awɨn kɨ taan dɔning'n non, jĩ j'a kɨ tetɗɔɔ. 31Na deg in, n'awɨn nat sia elɨn anan: Jĩ, j'asɨ ɗɔɔ kɨ deg'n non al kɨta ĩn kɨtɔg tɔijɨn. 32Deg'n non ɔrrɨn hoita kɨmajal dɔ dɔning'n ndan m'ãia nõ Israelagt anan: Dɔning ĩn kɨ ndian kamt kad kɨ nda m'ãi, a i dɔning'n tɔ koh deg ngendɨt. Deg tube'n j'ɔid ĩn deg kɨ ngal, 33j'oo sikɨm deg, Anakiag, girrkooj sikɨm deg, j'asɨ nya mad al, kɨta j'oo roj tit kɨ betg be nõdt, ko rodt taa ne oojɨn, titbe tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.