Dakɔr deg 12
12
Aarõ kɨ Maɗi ndoorɨn Moij
1Lon Mari kɨ Aarõ elɨn ta ndoorɨn ne Moij kɨta ta lo dekɨdẽ kɨ Nubiat, kɨta taa dekɨdẽ, kɨ Nubiat nẽnt. Elɨn anan: 2Moij kɨ kɨɗabe la Bɨraɓe a elta kɨtakula a? A elta kɨ takulj tɔ ho ale? Na Bɨraɓe oo dɔ. 3Taa ne, Moij i de kɨsayelel tɔi ndeg deg tube kɨ dɔningt. 4Tentenbe Bɨraɓe el Moij kɨ Aarõ kɨ Mari an: Ĩn tumɨta awɨn ta kujkub ndɔdnat na ĩn tumɨta awɨn. 5Bɨraɓe ɗisɨ kam pilie kilndiit duba ta kujkub ndɔdnat, kun Aarõ kɨ Mari, tujoo ndɔt'n nderbe, 6Bɨraɓe el an: Oon dɔ tag lom maj. Ĩla ngekelta kɨ tamt i kusɨt a ne, m'tee dɔ m'ada gerɨm mĩ Bɨraɓe kɨtakul nyakookamndilt na m'ela to kam niit. 7I titbe hã m'ɗan kɨ ɓer lom Moij al, I ngeɗa nyakɨro ku ngékɨɓet lom tube. 8M'ela ta kum kɨ kum tɨga wang kanj ya dɔ na oo ɓakumta Bɨraɓe, Kɨtɔɗi i ɓoolɨn al na elɨn ta kɨmajal dɔ ɓert lom Moij a?
9Bɨraɓe ɓa sed wong kɨtɨngabil, nyad na aw. 10Kilndii ɓai kɔ dɔ kujkubt na oo banj tee ro Marit ad roa ndà ngũng tit bul be, Aarõ mbel kɨ ro Marit na banj ta roa pelpel. 11Kamla Aarõ el Moij an: A ngeem, m'kɔi, ot nya majal'n kɨ ɗa kɨlo ɓoodt kɨdɔjt kɨta jin, kɨ ɗa majal. 12A, ot kad Mari i tit ngon kɨkɔr in nusɨ dãroa oi njɔrr lon teen kamkõnt. 13Moij ko kɨdɔ Bɨraɓet an: A Luwah, m'kɔi kad i yoota. 14Bɨraɓe el Moij an: Ĩla bɔwa tiw horr takumat a ne, a i kɨ rosɔl ndɔ tanãimɨta ale? Ad utɨna gid londɨt asɨ ndɔ tanãimɨta gog got a telɨn sia kɨ rodt. 15Titbe utɨn Mari gid londɨt ndɔ tanãimɨta, na deg awɨn kete al mbã telɨn kɨ Mari kɨ kam londɨt gog, 16kamla deg ɓai Haserot awɨn, hɔn londɨ kam dɨlalot kɨ Parã.
Currently Selected:
Dakɔr deg 12: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
