Dakɔr deg 10
10
Tow nar arjãg joo
1Bɨraɓe el Moij an: 2I ɗa towg joo kɨ nar arjã, a i kɨ ɗa kɨ nar arjã kɨ nda mbujmbuj. A ĩn kɨta kun tow kɨta ngékawna, na kɨta kɔjd kaglo ɓai lo hɔlondɨt. 3Lon a kunɨn towg'n non a ne, ngékawna tube a kawɨn na kɨ roit tabit kujkub ndɔdnat, 4na lon a kunɨn tow kɨɗabe a ne, mbaiɓeg, bɨradɔ girrkooj Israelag a kawɨn na kɨ roit. 5Lon a i kunɨn tow kɨ tɔg ngãi a ne, deg'n hɔn londɨ ko loɓakàdt a awɨn. 6Lon a i kunɨn kɨkõjoo kɨ tɔg ngãi a ne, deg'n hɔn londɨ ko jikõ a awɨn. A kunɨn tow kɨ tɔg ngãi lon i kɨta kaw. 7Lon a i kawɨn ngékawna kɨnat a ne, a i kunɨn tow ho, na a kunɨn kɨ tɔg ngãi al. 8Ngan Aarõ, ngejanyamosɨ, a kunɨn towg. A i mberkɨnda kɨ tokɨnõ kɨ tɔsɨ kɨ ngakat kɨ ngaka. 9Lon i awɨn ɗɔɔ kɨ madngétasɨ, ngedakumsɨ ndo, kam dɔningt losɨ a ne, a i kunɨn tow kɨ tɔg ngãi na Bɨraɓe Luwah a ga kamɨn dɔsɨt kad ug ɔrrsɨ ji madngétasɨgt. 10Kam ndɔ ronelt losɨ kɨ ndɔ nahg losɨ kɨ ndɔ kij nahg losɨ a i kunɨn towg dɔ kadkarigt losɨ kɨlahorrt kɨ kadkarig losɨ kɨ kad kamsɔllom, a i nyagakamdɔt kɨtɔsɨ nõ Luwaht losɨ. Mĩ la mĩ Bɨraɓe Luwah losɨ ye.
Israelag ɓai Sinai
11Ɓal kɨkõjoo kɨ nah kɨkõjoo kɨ ndɔ kɨdɔjoo lo nah'n non ye, kilndii ɓai dɔ kujkub najkɨmat, 12na Israelag ɓain kam dɨlalot kɨ Sinai, ndian kɨgoagoa mbã kilndii duba kam dɨlalot kɨ Parã. 13'Nten i kaw kɨdasabang'n awɨn kɨgo mberkɨnda lo Bɨraɓe'n ad kɨtakul Moij. 14Drapo lo girr Juda ɓai aw dasabang nat kɨ koosɨg loa. Bɨradɔ koosɨ Judag i Nason ngon Aminadab. 15Bɨradɔ koosɨ Isakariag i Netanel ngon Suar. 16Bɨradɔ koosɨ Jabuloniag i Eliab ngon Helon. 17Tɔrrɨn kujkub londɨ ta nat ad Gersoniag kɨ Merariag ton na awɨn ne.
18Drapo lo girr Ruben aw nat kɨ koosɨg loa. Bɨradɔ koosɨ Rubeniag i Elisur ngon Sedewur. 19Bɨradɔ koosɨ Simeõiag i Selumiel ngon Surisadai. 20Bɨradɔ koosɨ Gadiag i Eliajap ngon Dewel.
21Kehatiag, ngetonyag kɨ kam lot kɨjaɓat awɨn na deg madg tɨlan kujkub londɨ ta nat gog ngon ne mbã kad teen nu kam londɨt kɨkij. 22Drapo lo girr Epraim aw nat kɨ koosɨg loa. Bɨradɔ koosɨ Epraimiag i Elisama ngon Amihud. 23Bɨradɔ koosɨ Manaseag i Gamaliel ngon Pedasur. 24Bɨradɔ koosɨ Benjamiag i Abidan ngon Gideoni.
25Kamla drapo lo girr Dan aw na ĩn ngekutgo koosɨg tube. Awɨn kɨɓutaɓuta, na bɨradɔ koosɨ Daniag i Ahiejer ngon Amisadai. 26Bɨradɔ koosɨ Aseriag i Pagiel ngon Okran. 27Bɨradɔ koosɨ Neptaliag i Ahira ngon Enan. 28'Nten la i ta kɨdɔ ndia Israelagt kɨgo koosɨgt lod, lon awɨn.
29Moij elta kɨ sajɨn Hobab, ngon Rewel de kɨ Madiã kɨ mum Moij, an: Kɨ ndɨ kɨ j'aw lot'n Bɨraɓe eltaa an: M'a m'adsɨ dɔning'n non. I ɗe nat sej, na j'a kɨ ɗai maj kɨta Bɨraɓe un kɔn kad kɨ n'ɗa maj kɨ Israelag. 30Hobab tura an: M'a m'aw al na m'a m'aw dɔningt lom kɨ ɓe koojɨmt. 31Moij ela an: Ot nyàj kɨta i ger tit'n j'a kɨ hɔn londɨ kam dɨlalot. A i tel tit kumj be. 32Ĩla i aw nat sej a ne, maj'n Bɨraɓe ɗa sej ye, j'a kɨ ɗa sei titbe tɔ ho.
33Ɓain kad mbalbot lo Bɨraɓe, ndian ndɔ mɨta, na sund kunkɔ lo Bɨraɓe aw nõdt. Ndian ndɔ mɨta kad sahn lo taakò kɨtɔd. 34Dan kàda kilndii lo Bɨraɓe i dõ dɔdt lon ɓain ne londɨt.
35Lon sund kunkɔ ndɨ aw ye, Moij el an: I ɓai dõ Bɨraɓe, ad madngétaig'n kɨ tĩ na kɔ. Ad ngékɔsɨta ãin na kɔ nõit. 36Lon sund duba ye el an: Bɨraɓe, i tel ɗe ro kɨdubgt nja dub kɨlah lo Israel.
Currently Selected:
Dakɔr deg 10: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 10
10
Tow nar arjãg joo
1Bɨraɓe el Moij an: 2I ɗa towg joo kɨ nar arjã, a i kɨ ɗa kɨ nar arjã kɨ nda mbujmbuj. A ĩn kɨta kun tow kɨta ngékawna, na kɨta kɔjd kaglo ɓai lo hɔlondɨt. 3Lon a kunɨn towg'n non a ne, ngékawna tube a kawɨn na kɨ roit tabit kujkub ndɔdnat, 4na lon a kunɨn tow kɨɗabe a ne, mbaiɓeg, bɨradɔ girrkooj Israelag a kawɨn na kɨ roit. 5Lon a i kunɨn tow kɨ tɔg ngãi a ne, deg'n hɔn londɨ ko loɓakàdt a awɨn. 6Lon a i kunɨn kɨkõjoo kɨ tɔg ngãi a ne, deg'n hɔn londɨ ko jikõ a awɨn. A kunɨn tow kɨ tɔg ngãi lon i kɨta kaw. 7Lon a i kawɨn ngékawna kɨnat a ne, a i kunɨn tow ho, na a kunɨn kɨ tɔg ngãi al. 8Ngan Aarõ, ngejanyamosɨ, a kunɨn towg. A i mberkɨnda kɨ tokɨnõ kɨ tɔsɨ kɨ ngakat kɨ ngaka. 9Lon i awɨn ɗɔɔ kɨ madngétasɨ, ngedakumsɨ ndo, kam dɔningt losɨ a ne, a i kunɨn tow kɨ tɔg ngãi na Bɨraɓe Luwah a ga kamɨn dɔsɨt kad ug ɔrrsɨ ji madngétasɨgt. 10Kam ndɔ ronelt losɨ kɨ ndɔ nahg losɨ kɨ ndɔ kij nahg losɨ a i kunɨn towg dɔ kadkarigt losɨ kɨlahorrt kɨ kadkarig losɨ kɨ kad kamsɔllom, a i nyagakamdɔt kɨtɔsɨ nõ Luwaht losɨ. Mĩ la mĩ Bɨraɓe Luwah losɨ ye.
Israelag ɓai Sinai
11Ɓal kɨkõjoo kɨ nah kɨkõjoo kɨ ndɔ kɨdɔjoo lo nah'n non ye, kilndii ɓai dɔ kujkub najkɨmat, 12na Israelag ɓain kam dɨlalot kɨ Sinai, ndian kɨgoagoa mbã kilndii duba kam dɨlalot kɨ Parã. 13'Nten i kaw kɨdasabang'n awɨn kɨgo mberkɨnda lo Bɨraɓe'n ad kɨtakul Moij. 14Drapo lo girr Juda ɓai aw dasabang nat kɨ koosɨg loa. Bɨradɔ koosɨ Judag i Nason ngon Aminadab. 15Bɨradɔ koosɨ Isakariag i Netanel ngon Suar. 16Bɨradɔ koosɨ Jabuloniag i Eliab ngon Helon. 17Tɔrrɨn kujkub londɨ ta nat ad Gersoniag kɨ Merariag ton na awɨn ne.
18Drapo lo girr Ruben aw nat kɨ koosɨg loa. Bɨradɔ koosɨ Rubeniag i Elisur ngon Sedewur. 19Bɨradɔ koosɨ Simeõiag i Selumiel ngon Surisadai. 20Bɨradɔ koosɨ Gadiag i Eliajap ngon Dewel.
21Kehatiag, ngetonyag kɨ kam lot kɨjaɓat awɨn na deg madg tɨlan kujkub londɨ ta nat gog ngon ne mbã kad teen nu kam londɨt kɨkij. 22Drapo lo girr Epraim aw nat kɨ koosɨg loa. Bɨradɔ koosɨ Epraimiag i Elisama ngon Amihud. 23Bɨradɔ koosɨ Manaseag i Gamaliel ngon Pedasur. 24Bɨradɔ koosɨ Benjamiag i Abidan ngon Gideoni.
25Kamla drapo lo girr Dan aw na ĩn ngekutgo koosɨg tube. Awɨn kɨɓutaɓuta, na bɨradɔ koosɨ Daniag i Ahiejer ngon Amisadai. 26Bɨradɔ koosɨ Aseriag i Pagiel ngon Okran. 27Bɨradɔ koosɨ Neptaliag i Ahira ngon Enan. 28'Nten la i ta kɨdɔ ndia Israelagt kɨgo koosɨgt lod, lon awɨn.
29Moij elta kɨ sajɨn Hobab, ngon Rewel de kɨ Madiã kɨ mum Moij, an: Kɨ ndɨ kɨ j'aw lot'n Bɨraɓe eltaa an: M'a m'adsɨ dɔning'n non. I ɗe nat sej, na j'a kɨ ɗai maj kɨta Bɨraɓe un kɔn kad kɨ n'ɗa maj kɨ Israelag. 30Hobab tura an: M'a m'aw al na m'a m'aw dɔningt lom kɨ ɓe koojɨmt. 31Moij ela an: Ot nyàj kɨta i ger tit'n j'a kɨ hɔn londɨ kam dɨlalot. A i tel tit kumj be. 32Ĩla i aw nat sej a ne, maj'n Bɨraɓe ɗa sej ye, j'a kɨ ɗa sei titbe tɔ ho.
33Ɓain kad mbalbot lo Bɨraɓe, ndian ndɔ mɨta, na sund kunkɔ lo Bɨraɓe aw nõdt. Ndian ndɔ mɨta kad sahn lo taakò kɨtɔd. 34Dan kàda kilndii lo Bɨraɓe i dõ dɔdt lon ɓain ne londɨt.
35Lon sund kunkɔ ndɨ aw ye, Moij el an: I ɓai dõ Bɨraɓe, ad madngétaig'n kɨ tĩ na kɔ. Ad ngékɔsɨta ãin na kɔ nõit. 36Lon sund duba ye el an: Bɨraɓe, i tel ɗe ro kɨdubgt nja dub kɨlah lo Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.