Nahum Takɨdɔt
Takɨdɔt
Maktub lo Nahum elta kɨ ɔj dɔ dɔboi ɓebo kɨ Ninib, kɨ dɔboi kõɓe lo Asiriag. Deg'n non õɓe dɔ ndeg girrdegt kɨgo lo ngetɔgt kɨ kamkil asɨ ɓal ɓujijoo teen ɓu tanãimɨta kete nõ kooj Jeju Krist. Asiriag kɨ kõɓe lod majal ngãi ɗan nya kɨ deg kɨkoot ɓool kɨ nyag kɨ to kɨ deg.
Maktub lo Nahum elj ad kɨ ger kaglo'n Luwah tee dɔ ta lon jeje ad j'oo al. Deg kɨ Babilont ɗe taan ɓebo kɨ Asirit kɨ ɓal kɨ 612 kete nõ Jeju Krist. Nahum la mber elɨn deg ta dɔ tuj ɓebot'n non kete woi kad ɓebo'n non Luwah a ad tuj.
Maktub lo Nahum ĩ kɨ keg lo mɨta:
Takɨdɔt el an: Luwah i kɨbo dɔ nyandagt tube (Nah 1:2-8). I Luwah kɨmaj ho in Luwah kɨ ndah kumɨn go nyagt kad de nya kɨgo ndig, ndoorint al.
Gaj maktub lo Nahum kɨkõjoo i tag'n Luwah ad ngekelta kɨ tant Nahum ɔjɨn dɔ deg kɨ Judat kɨ deg kɨ Ninibt (Nah 1:9—2:3). Nuhum oo nyag'n lambera nõ ɗan nya takumat. Luwah ɔj tɔgɨn lon tuj ĩn ɓebo kɨ Ninib. Nõbe, taan deg kɨ Juda nyànd dõ.
Gaj maktub kɨ kõmɨta, ngekelta kɨ ta Luwaht elta kɨ dɔboi kõɓe kɨ Ninibt kɨ kõɓe lo deg kɨ Asirit (Nah 2:4—3:19). Nahum ɗa ronel ngãi dɔ tetɗɔɔt'n Luwah tetɗɔɔ tɔgt kɨmajal.
Lon j'oo ngekelta kɨ ta Luwaht ɗan ronel dɔ koit lo madngéta ngan Israelgt, i kɨtɔ Luwah nya ta ɗob ad majal kɨ ɗa tetɗɔɔ dɔ majt kɨ ɗa al. Ta'n ngekelta kɨ dɔ Luwaht el sumban dɔ ɓebo kɨ Ninibt ye, el ɔjɨn dɔ deg tube'n ndɨ õɓe dɔ degt kɨ go lo ngetɔgt ho elta ɔjɨn dɔ degt ndɨ ngahn kõ ji degt ndɨ ɗand takõ ho ndɨ dan kumd ndo ho. I hoita kɨ ndɨ ndooj kad ger maj, kõɓe kɨɗen deg ndɨ kɨgo ɓobat al dɔboia i nõ. I kõɓe kɨ a ndɨ parkɨnõnt al.
Currently Selected:
Nahum Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.