Mark 5
5
Jeju yoot de kɨ ngendil kɨyerr
(Mat 8:28-34; Luk 8:26-39)
1Jeju kɨ ngéndoog lon ten gid baht ko nu kam dɔningt lo deg kɨ Geraja. 2Lon Jeju ɗisɨ kam toot kɨ ber ye, 3tentenbe de mad tee ko kɨ dɔɓadgt, de kɨ asɨ dɔa kɨ jinjir goto. 4Kɨtɔ kɨ nja natnatbe dɔn jia kɨ njaa kɨ jinjir ho, lan kag njaat ho, na tuɓa jinjir gang, na tɨnda kag'n lan njaat tet ɗel ɗel; de kɨ asɨ hɔa girr tɔgɨnt ad ndɨ lokɨɗah goto. 5Kɨ kaglo tube, ndɔ ho kàda ho ndaɓe dɔɓagt, kɨ mbɨna mbalgt. Ndɨ ga kɔl, ndɨ rui ron kɨ doo kɨ gaj mbal. 6Lon oo Jeju ko sãi ye, ãi ngɔd kɨ dɔat, ɗe ɔsɨ gojɨn ber nõat, na ko kɨ ndin kɨbo an: 7Jeju Ngon Luwah kɨ Ngetɔitɔi, ɗi gom nat sei a? Un kɔi kɨ yokɨnda kam tɔ Luwaht kad a i ɗa sem nyakɨto al. 8Elta titbe kɨta Jeju ndánga kɨ tɔgɨn an: Ndil kɨyerr, i tee kɔ kam det'n ɗan. 9Jeju ndɨjea an: Tɔi i ɗi a? Tura an: Tɔm i Lejion, ad i koosɨg kɨta jĩ ngãibe. 10De kɨ ngendil kɨyerr kɔ kɨ rotĩn kad tuɓad dɔningt'n ɗan al.
11Lot'n non baaba, ɓut boorg kɨ bɨlan ngãibe ɗan tit nõ, ɗa san nya nderbe kad door lot. 12Ndil kɨyerrg kɔn Jeju kɨ rotĩd anan: I laj kɨ ku boorgt'n ɗan ɗan, na adj ta ɗob ad j'and kamdt. 13Jeju nya ta ɗob ad'd. Ndil kɨyerrg teen kam det'n non a kɨ andɨn kam boorgt kɨ asɨn dub joo. Boorg hurɨn ngɔd door lot kɨ hollot, ad tuson kam baht, na oin kam mant. 14Ngéngom boorg ãi awɨn ɓebogt kɨ nganɓeg ɔrrɨn hoi nya'n ɗa nya, ad deg tee ɗen kɨ n'oon nya'n ɗa nya nõ. 15Ɗe teen ro Jejut, oon de'n maɗi aw kɨ ndil kɨyerrg ye, ndɨ ber, la kub ront, kuma tɨja roi, ad ɓoolɨn ho, ndadɨn ho. 16Ĩgɨn oon nyag tube'n ɗa nya ye, ɔrrɨn hoi nya'n ɗa de kɨ ngendil kɨyerrg, kɨ boorg nõ. 17Taa ne, deg mbã girr kɔ Jeju kɨ rotĩd kad nya dɔning lod kɔ. 18Jeju al kam toot. De kɨ maɗi ndɨ kɨ ndil kɨyerrg ye, ndɨjea an: Ĩla i ndig loi a ne, ad m'aw sei.
19Jeju ndig dɔt sia al, na ela an: I tel aw ɓe loi, kɨ ro noojigt, ɔrrd hoi nyag kɨbobo'n Luwah ɗa kɨtatɔi ke titbãi oon kumi kɨ lotondot. 20De'n non tɔi aw, mba girr la mber hoita nyag tube'n Jeju ɗa kɨtatɔa kam dɔningt kɨ ɓebog loa ĩn kɨlah, ad ta ya deg tube.
Jeju yoot dekɨdẽ ho ad kumkajir ngon Jairus kɨdẽ ho.
(Oo Mat 9:18-26; Luk 8:40-56)
21Lon Jeju tel gang bah gog gid ko mad ye, koosɨdeg kawɨn na kɨ dɔat. Jeju ɗa ta baht. 22Kamla de mad, kɨbo kam kuj kawnat lo Juipg tɔa i Jairus ɗe ro Jejut, lon oo Jeju ye, so kɨ ber nõat, 23kɔa kɨ rotĩn an: Ngonɨm kɨdẽ kɨdu to takoit: M'kɔi kad aw i nda jii dɔat, kad yoot ho, kɨ ndɨ kɨ dɔn dõ ho. 24Jeju aw sia nat, koosɨdeg ngãibe ndulon goa, deg rumbon na mbã rumbon ne Jeju.
25Ku koosɨdegt nõ, dekɨdẽ mad ɗat nõ, mosɨ ũa ɓal kɨlah gidaijoo. 26Dekɨdẽ'n non, ngahkõ ngãi ji ngékĩgt ngãibe, tɨnda nar lon tube tĩ, be kaa ne, roa to soot al bat, na mõi loa ndɔt kɨ ketekete. 27Lon dekɨdẽ'n non oo hoi Jeju ye, ɗe and ku degt ɗa ko gid Jejut, kamla la jin ɔdɨn kub loa. 28Kɨtɔ gaa kamɨnt an: Ke ĩla m'ɔd kub loa ta kɔd kaa ne, m'a m'yoot. 29Tajigt, lon la jin ɔdɨn Jeju ye, mosɨ duba ta kũa. Ad ger kam dãront kad n'yoot dɔ mõit'n ɗan nõ. 30Na Jeju ger kad tɔg tee kam ront, ad tur ron kɨ ro koosɨdegt ndɨjed ta an: Nõ ɔd kub lom a?
31Ngéndoog loa turɨna anan: I ger maj, kad koosɨdeg'n gugɨn dɔi la ɗa rumboin ye, ɗa titbãi hã an: Nõ ɔdi a? 32Na Jeju nɔl lo mbet't kɨ n'oo de'n ɗa nya nõ. 33Ad ɓool tɔl dekɨdẽ nõ sɔkɨr, roa ndad yatɨt, kɨta ger nya'n ɗa nya nõ ɓet, tɔi so ber kɨ nja Jejut, ela nya'n ɗa nõ je. 34Jeju ela an: Ngonɨm kɨdẽ, kadkam Luwah loi aji, aw kɨ kam kɨsokɨber, ĩ kɨ yoot dɔ mõit'n ɗai nõ.
35Na kaglot'n Jeju ɗa eltat, deg madg ɓain ɓe lo Jairus ɗe elɨna anan: Ngoni kɨdẽ oi woi, kɨtɔɗi i ɗa i ndan ngendoo deg dɨlalot a? 36Na Jeju nda kumɨn go tagt lod al, na el kɨbo lo kuj kawna lo Juipg an: Ot ɓool nya mad, na i ndahkami dɔ Luwaht kɨɗabe koon. 37Na Jeju nya de mad ad aw sen al, na Pierr kɨ Jak, kɨ Jã kɨ ngonkõ Jak tã. 38Aw teen ɓe lo Jairus, deg kɨsen mbiting. Jeju oo deg ndɨ non ngãi, ndɨ udɨn wi ngãibe tɔ. 39Jeju and kam kujt na eld an: Kɨtɔɗi i ndi kɨsen ne titbe a? Kɨtɔɗi i ndɨ nõ ne titbe tɔ a? Ngon oi al, na to ɓi ta ɓi. 40Deg gon Jeju raka. Jeju ad deg tube teen kɨ tɨga, un bɔw ngon kɨ kõ ngon nat kɨ ngéndoog lon mɨta; kamla and kam kujt'n ngon kɨdẽ tot. 41Jeju hɔ ji ngon kɨdẽ unan kɨ dõ, na el an: Talita kumi. Girra i titbe Ngon kɨdẽ m'ndɨ m'eli m'an i ɓai dõ.
42Ngon kɨdẽ ɓai dõ tajigt mba girr ɓaning kɨta ɓala asɨ kɨlah gidaijoo. Deg tube'n ɗan loat nõ, ta yad biw. 43Na Jeju ndad mber kɨ tɔgɨn kɨ de mad elta dɔ nyat'n ɗa nya nõ al. Kamla eld an adɨna nya ad sa.
Currently Selected:
Mark 5: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Mark 5
5
Jeju yoot de kɨ ngendil kɨyerr
(Mat 8:28-34; Luk 8:26-39)
1Jeju kɨ ngéndoog lon ten gid baht ko nu kam dɔningt lo deg kɨ Geraja. 2Lon Jeju ɗisɨ kam toot kɨ ber ye, 3tentenbe de mad tee ko kɨ dɔɓadgt, de kɨ asɨ dɔa kɨ jinjir goto. 4Kɨtɔ kɨ nja natnatbe dɔn jia kɨ njaa kɨ jinjir ho, lan kag njaat ho, na tuɓa jinjir gang, na tɨnda kag'n lan njaat tet ɗel ɗel; de kɨ asɨ hɔa girr tɔgɨnt ad ndɨ lokɨɗah goto. 5Kɨ kaglo tube, ndɔ ho kàda ho ndaɓe dɔɓagt, kɨ mbɨna mbalgt. Ndɨ ga kɔl, ndɨ rui ron kɨ doo kɨ gaj mbal. 6Lon oo Jeju ko sãi ye, ãi ngɔd kɨ dɔat, ɗe ɔsɨ gojɨn ber nõat, na ko kɨ ndin kɨbo an: 7Jeju Ngon Luwah kɨ Ngetɔitɔi, ɗi gom nat sei a? Un kɔi kɨ yokɨnda kam tɔ Luwaht kad a i ɗa sem nyakɨto al. 8Elta titbe kɨta Jeju ndánga kɨ tɔgɨn an: Ndil kɨyerr, i tee kɔ kam det'n ɗan. 9Jeju ndɨjea an: Tɔi i ɗi a? Tura an: Tɔm i Lejion, ad i koosɨg kɨta jĩ ngãibe. 10De kɨ ngendil kɨyerr kɔ kɨ rotĩn kad tuɓad dɔningt'n ɗan al.
11Lot'n non baaba, ɓut boorg kɨ bɨlan ngãibe ɗan tit nõ, ɗa san nya nderbe kad door lot. 12Ndil kɨyerrg kɔn Jeju kɨ rotĩd anan: I laj kɨ ku boorgt'n ɗan ɗan, na adj ta ɗob ad j'and kamdt. 13Jeju nya ta ɗob ad'd. Ndil kɨyerrg teen kam det'n non a kɨ andɨn kam boorgt kɨ asɨn dub joo. Boorg hurɨn ngɔd door lot kɨ hollot, ad tuson kam baht, na oin kam mant. 14Ngéngom boorg ãi awɨn ɓebogt kɨ nganɓeg ɔrrɨn hoi nya'n ɗa nya, ad deg tee ɗen kɨ n'oon nya'n ɗa nya nõ. 15Ɗe teen ro Jejut, oon de'n maɗi aw kɨ ndil kɨyerrg ye, ndɨ ber, la kub ront, kuma tɨja roi, ad ɓoolɨn ho, ndadɨn ho. 16Ĩgɨn oon nyag tube'n ɗa nya ye, ɔrrɨn hoi nya'n ɗa de kɨ ngendil kɨyerrg, kɨ boorg nõ. 17Taa ne, deg mbã girr kɔ Jeju kɨ rotĩd kad nya dɔning lod kɔ. 18Jeju al kam toot. De kɨ maɗi ndɨ kɨ ndil kɨyerrg ye, ndɨjea an: Ĩla i ndig loi a ne, ad m'aw sei.
19Jeju ndig dɔt sia al, na ela an: I tel aw ɓe loi, kɨ ro noojigt, ɔrrd hoi nyag kɨbobo'n Luwah ɗa kɨtatɔi ke titbãi oon kumi kɨ lotondot. 20De'n non tɔi aw, mba girr la mber hoita nyag tube'n Jeju ɗa kɨtatɔa kam dɔningt kɨ ɓebog loa ĩn kɨlah, ad ta ya deg tube.
Jeju yoot dekɨdẽ ho ad kumkajir ngon Jairus kɨdẽ ho.
(Oo Mat 9:18-26; Luk 8:40-56)
21Lon Jeju tel gang bah gog gid ko mad ye, koosɨdeg kawɨn na kɨ dɔat. Jeju ɗa ta baht. 22Kamla de mad, kɨbo kam kuj kawnat lo Juipg tɔa i Jairus ɗe ro Jejut, lon oo Jeju ye, so kɨ ber nõat, 23kɔa kɨ rotĩn an: Ngonɨm kɨdẽ kɨdu to takoit: M'kɔi kad aw i nda jii dɔat, kad yoot ho, kɨ ndɨ kɨ dɔn dõ ho. 24Jeju aw sia nat, koosɨdeg ngãibe ndulon goa, deg rumbon na mbã rumbon ne Jeju.
25Ku koosɨdegt nõ, dekɨdẽ mad ɗat nõ, mosɨ ũa ɓal kɨlah gidaijoo. 26Dekɨdẽ'n non, ngahkõ ngãi ji ngékĩgt ngãibe, tɨnda nar lon tube tĩ, be kaa ne, roa to soot al bat, na mõi loa ndɔt kɨ ketekete. 27Lon dekɨdẽ'n non oo hoi Jeju ye, ɗe and ku degt ɗa ko gid Jejut, kamla la jin ɔdɨn kub loa. 28Kɨtɔ gaa kamɨnt an: Ke ĩla m'ɔd kub loa ta kɔd kaa ne, m'a m'yoot. 29Tajigt, lon la jin ɔdɨn Jeju ye, mosɨ duba ta kũa. Ad ger kam dãront kad n'yoot dɔ mõit'n ɗan nõ. 30Na Jeju ger kad tɔg tee kam ront, ad tur ron kɨ ro koosɨdegt ndɨjed ta an: Nõ ɔd kub lom a?
31Ngéndoog loa turɨna anan: I ger maj, kad koosɨdeg'n gugɨn dɔi la ɗa rumboin ye, ɗa titbãi hã an: Nõ ɔdi a? 32Na Jeju nɔl lo mbet't kɨ n'oo de'n ɗa nya nõ. 33Ad ɓool tɔl dekɨdẽ nõ sɔkɨr, roa ndad yatɨt, kɨta ger nya'n ɗa nya nõ ɓet, tɔi so ber kɨ nja Jejut, ela nya'n ɗa nõ je. 34Jeju ela an: Ngonɨm kɨdẽ, kadkam Luwah loi aji, aw kɨ kam kɨsokɨber, ĩ kɨ yoot dɔ mõit'n ɗai nõ.
35Na kaglot'n Jeju ɗa eltat, deg madg ɓain ɓe lo Jairus ɗe elɨna anan: Ngoni kɨdẽ oi woi, kɨtɔɗi i ɗa i ndan ngendoo deg dɨlalot a? 36Na Jeju nda kumɨn go tagt lod al, na el kɨbo lo kuj kawna lo Juipg an: Ot ɓool nya mad, na i ndahkami dɔ Luwaht kɨɗabe koon. 37Na Jeju nya de mad ad aw sen al, na Pierr kɨ Jak, kɨ Jã kɨ ngonkõ Jak tã. 38Aw teen ɓe lo Jairus, deg kɨsen mbiting. Jeju oo deg ndɨ non ngãi, ndɨ udɨn wi ngãibe tɔ. 39Jeju and kam kujt na eld an: Kɨtɔɗi i ndi kɨsen ne titbe a? Kɨtɔɗi i ndɨ nõ ne titbe tɔ a? Ngon oi al, na to ɓi ta ɓi. 40Deg gon Jeju raka. Jeju ad deg tube teen kɨ tɨga, un bɔw ngon kɨ kõ ngon nat kɨ ngéndoog lon mɨta; kamla and kam kujt'n ngon kɨdẽ tot. 41Jeju hɔ ji ngon kɨdẽ unan kɨ dõ, na el an: Talita kumi. Girra i titbe Ngon kɨdẽ m'ndɨ m'eli m'an i ɓai dõ.
42Ngon kɨdẽ ɓai dõ tajigt mba girr ɓaning kɨta ɓala asɨ kɨlah gidaijoo. Deg tube'n ɗan loat nõ, ta yad biw. 43Na Jeju ndad mber kɨ tɔgɨn kɨ de mad elta dɔ nyat'n ɗa nya nõ al. Kamla eld an adɨna nya ad sa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.