Mark 1
1
Jã ngeɗa deg baptem deg
(Oo Mat 3:1-12; Luk 3:1-18)
1Yaɓood Hoita kɨmaj lo Jeju Krist kɨ Ngon Luwah, yaɓoodɨn 2kɨgo tat'n ndangɨn kam maktubt lo Ejai ngekelta kɨ ta Luwaht:
Oon m'ndɨ m'la kɨ ngombangkɨla lom kete nõit,
ĩla a ɗago ɗob loi, kel Bɨraɓe;
3ndi de mad ko kam dɨlalot an:
I ɗan go ɗob lo Bɨraɓe,
i ɗan go ngan ɗobg loa ad asɨna jerɨr.
4Jã ngeɗa deg baptem deg ye, ɗa kam dɨlalot, ɗa ɗa deg baptem, ɗa lamber deg kad tɔrrɨn ndɨd dɔ majalt, kɨtakad Luwah nyàgo majalg lo deg kɔ. 5Deg kɨ dɔning Judet kɨ deg kɨ ɓebot kɨ Jerusalem tube tee awɨn kɨ roat. Deg'n non ɗa tɔ'n tad dɔ majalgt lod, ad Jã ɗad baptem kam bah Jurdẽt.
6Jã la kub bĩ lukum ront, ngaland nda ɓoa i ndar; nyasaa i kɨbetg kɨ tej kɨ mut. 7Ɗa lamberta an: De mad ndɨ ɗe gomt nõ, de'n non tɔim kɨ tɔg, m'asɨ kad m'ũd gat m'tut kɨla sanja loa al. 8Mĩ taa ne, m'ɗa m'ɗasɨ baptem kam mant, na de'n ndɨ ɗe nõ, a ɗasɨ baptem kam Ndilt kɨkunjɗang.
Jã ɗa baptem Jeju, kamla Sɨtan náa
(Oo Mat 3:13-17; Mat 4:1-11; Luk 3:21-23; Luk 4:1-13)
9Kam ndɔgt'n non Jeju ɓai ɓet kɨ Najaret kam dɔning Galilet ɗe kad Jã ɗa'n baptem kam bah Jurdẽt. 10Na lon Jeju ndɨ tee kam mant ye, oo dɔrã tee tan, Ndil Kɨkunjɗang ɗisɨ tit derrngɔt be ndɨ dɔat. 11Ndita mad tee ko dõ dɔrãt an: Ĩn ɗan I ngonɨm kɨ ngetar lom; ĩn rom nelɨm sia kɨ dumbit.
12Na, Ndil ɔsɨ Jeju aw sia kam dɨlalot. 13Jeju ɗa ndɔ dɔsɔɔ kam dɨlalot, Sɨtan ɗa náa, i nat kɨ dãg kɨ mut, ad malaikag ɗe ɗan sia.
Jeju kun ngéndoog lon kɨdasa
(Oo Mat 4:12-22; Luk 4:14-15; Luk 5:1-11; Jã 1:35-43)
14Got, lon hɔn Jã kɨ ngeɗa deg baptem dangait ye, Jeju aw kam dɔning Galilet la mber Hoita kɨmaj lo Luwah, 15el an: Kaglo asɨ woi, kõɓe lo Luwah i nderbe, i tɔrrɨn ndisɨ, na adɨn kamsɨ Hoita kɨmaj.
16Jeju a ndia ta bahbo Galilet, oo Simõ kɨ Andre kɨ ngonkõ Simõ ndɨ ũn band bɨrag lod kam bahbot kɨta ĩn nawg. 17Jeju eld an: I ndulon gom, na m'a mad i telɨn naw hɔ deg.
18Tentenbe, tĩnyan bandbɨrag lod, na ndulon goa. 19Jeju tɔi kɨ kete ngonsĩ ɓaitɔ a ne, oo Jak ngon Jebede kɨ ngonkõa Jã ndɨn kam toot, ndɨ ɗan go bandbɨrag lod. 20Lon Jeju kund ye, tajigt, tĩnyan bɔwd Jebede kɨ kam toot kɨ ngan ngéɗakɨlag, na ndulon goa.
Jeju yoot de kɨ ngendil kɨmajal
(Oo Mat 8:14-17; Luk 4:31-44; Knk 10:38)
21Kamla aw teen ɓebo Kapernawmt. Kɨ tajigt Jeju and kam kuj kawnat lo Juipg, kɨ ndɔ taakò lo Juipg ɗa ndoo deg tit. 22Deg tube'n oon dɔ nyandoo loa ye, ta yad biw, kɨta ndood tat lo Luwah kɨ tɔg kɨbo tɔi kɨ lo ngéndang maktubg.
23Kam kuj kawnat lod de mad, kɨ ngendil kɨmajal ndit nõ; ɓako kɨ ndin kɨbo an: 24Jeju kɨ Najaret't, ɗi gooj nat sei a? I ɗe kɨta nuj'j kɔ ɔ? M'geri maj, ĩ kɨkunjɗang lo Luwah.
25Na Jeju ndánga an: Ut tai, i tee kɔ kam det'n ɗan. 26Ndil kɨmajal tur de'n non murmur kɨ tɔgɨn, na ko bang kɨ ndin kɨbo, kamla nda lo tee kamat kɨ tɨga kɔ ye. 27Deg tube ta yad biw, ad ndɨjen na ta kudt anan: I ɗi kɨ titbe a? De'n non ndɨ kɨ nyandoo kɨ kij kɨ aw kɨ tɔg ngãi. Mbã ndɨ ndáng ndil kɨmajalg kɨ tɔgɨn, ad telɨn rod go tat loa tɔ. 28Na hoi Jeju nda lo gang, ad deg tube elɨn ta loa kam dɔning Galilet kɨtaagbe.
Jeju yoot deg koosɨg
29Lon ten kam kuj kawnat lo Juipg ye, Jeju aw ɓe lo Simõ kɨ Andre sed Jak kɨ Jã. 30Mum Simõ kɨdẽ, nél bo ndaa mburung, dɔa gaa, ad to ber kɨ kɔtɨn. Tajigt, elɨn Jeju ta loa. 31Jeju ndɔt kɨ roat, hɔ jia unan kɨ dõ, kɨ tajigt nél bo'n ndaa ye, tĩ nyàa, ad oo god kɨ nyasa.
32Lon lo sɔl ye, go kud kàdt, deg ɗen kɨ ngémõig tube kɨ deg tube'n ndilg kɨyerr ĩn kamdt kɨ ro Jejut. 33Deg tube kɨ kam ɓet kawɨn na kɨ tabit kujt. 34Jeju yoot ngérotog ngãibe dɔ mõigt kɨdangdang'n ɗad. Tuɓa ndilg kɨyerrg ngãibe kɔ, na nya ta ɗob ad elɨn ta al kɨta gerɨna ɓet.
Jeju la mber Hoita kɨmaj kam dɔning Galilet
(Oo Luk 4:42-44)
35Lon loti al ɓaitɔ ye, Jeju ɓai kɨ girr ɓodbah aw dɨlalot kɨ de gotot, ndɨ nõbe kad nelta kɨ Luwah. 36Simõ kɨ deg'n ĩn nat sia tee awɨn go Jejut 37Lon ngahna ye elɨna anan: Deg tube ɗa sahin. 38Jeju eld an: Ad kɨ j'awɨn lot kɨɗang kam ngan ɓegt kɨ nderbe, nõbe kaa ne, sumba kad m'la mber Hoita kɨmaj tit, kɨta ĩ nõ la m'ɗen ye. 39Jeju aw kam dɔning Galilet kɨtaagbe la mber Hoita kɨmaj kam kuj kawnat lo Juipg ho, tuɓa ndilg kɨyerr ho.
Jeju yoot ngebanj
(Oo Mat 8:2-4; Luk 5:12-16; Luk 17:12-19)
40Ngebanj mad ɗe ro Jejut, ɔsɨ gojɨn ber nõat, na ndɨjea an: Ĩla i ndig a ne, asɨ karɨm kad banj lom goto. 41Jeju oo kumtondo loa ad la jin ɔdan na ela an: M'ndig kad ar dɔ banjt loi.
42Kɨtajigt be, banj loa urr kɔ, ad roa ar nyang. 43Kete tã kad Jeju tĩnya ngebanj, na kɨ n'aw ye, ndaa mber kɨ tɔgɨn. 44Ela an: Oo maj. Ot kelta de mad. Na aw, i da roi ngejanyamosɨkadkari, na i la kadkari'n Moij nda mbera, kɨtakad deg tube gerɨn kad ĩ kɨ kar, banj loi urr, kɨtakad i najkɨma nõ degt ho. 45Na lon de'n non tɔi ye, a ɔrr girr nyan ɗa nya nõ deg ngãibe, tɨndan ta'n non tĩ kɨ log tube, mbã ad Jeju asɨ kand kam ɓet kɨtɨga wakɨsɨ al, na i gidɓet tɨga, kam logt kɨ garon. Na deg ɗen roat kɨ go log tube.
Currently Selected:
Mark 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Mark 1
1
Jã ngeɗa deg baptem deg
(Oo Mat 3:1-12; Luk 3:1-18)
1Yaɓood Hoita kɨmaj lo Jeju Krist kɨ Ngon Luwah, yaɓoodɨn 2kɨgo tat'n ndangɨn kam maktubt lo Ejai ngekelta kɨ ta Luwaht:
Oon m'ndɨ m'la kɨ ngombangkɨla lom kete nõit,
ĩla a ɗago ɗob loi, kel Bɨraɓe;
3ndi de mad ko kam dɨlalot an:
I ɗan go ɗob lo Bɨraɓe,
i ɗan go ngan ɗobg loa ad asɨna jerɨr.
4Jã ngeɗa deg baptem deg ye, ɗa kam dɨlalot, ɗa ɗa deg baptem, ɗa lamber deg kad tɔrrɨn ndɨd dɔ majalt, kɨtakad Luwah nyàgo majalg lo deg kɔ. 5Deg kɨ dɔning Judet kɨ deg kɨ ɓebot kɨ Jerusalem tube tee awɨn kɨ roat. Deg'n non ɗa tɔ'n tad dɔ majalgt lod, ad Jã ɗad baptem kam bah Jurdẽt.
6Jã la kub bĩ lukum ront, ngaland nda ɓoa i ndar; nyasaa i kɨbetg kɨ tej kɨ mut. 7Ɗa lamberta an: De mad ndɨ ɗe gomt nõ, de'n non tɔim kɨ tɔg, m'asɨ kad m'ũd gat m'tut kɨla sanja loa al. 8Mĩ taa ne, m'ɗa m'ɗasɨ baptem kam mant, na de'n ndɨ ɗe nõ, a ɗasɨ baptem kam Ndilt kɨkunjɗang.
Jã ɗa baptem Jeju, kamla Sɨtan náa
(Oo Mat 3:13-17; Mat 4:1-11; Luk 3:21-23; Luk 4:1-13)
9Kam ndɔgt'n non Jeju ɓai ɓet kɨ Najaret kam dɔning Galilet ɗe kad Jã ɗa'n baptem kam bah Jurdẽt. 10Na lon Jeju ndɨ tee kam mant ye, oo dɔrã tee tan, Ndil Kɨkunjɗang ɗisɨ tit derrngɔt be ndɨ dɔat. 11Ndita mad tee ko dõ dɔrãt an: Ĩn ɗan I ngonɨm kɨ ngetar lom; ĩn rom nelɨm sia kɨ dumbit.
12Na, Ndil ɔsɨ Jeju aw sia kam dɨlalot. 13Jeju ɗa ndɔ dɔsɔɔ kam dɨlalot, Sɨtan ɗa náa, i nat kɨ dãg kɨ mut, ad malaikag ɗe ɗan sia.
Jeju kun ngéndoog lon kɨdasa
(Oo Mat 4:12-22; Luk 4:14-15; Luk 5:1-11; Jã 1:35-43)
14Got, lon hɔn Jã kɨ ngeɗa deg baptem dangait ye, Jeju aw kam dɔning Galilet la mber Hoita kɨmaj lo Luwah, 15el an: Kaglo asɨ woi, kõɓe lo Luwah i nderbe, i tɔrrɨn ndisɨ, na adɨn kamsɨ Hoita kɨmaj.
16Jeju a ndia ta bahbo Galilet, oo Simõ kɨ Andre kɨ ngonkõ Simõ ndɨ ũn band bɨrag lod kam bahbot kɨta ĩn nawg. 17Jeju eld an: I ndulon gom, na m'a mad i telɨn naw hɔ deg.
18Tentenbe, tĩnyan bandbɨrag lod, na ndulon goa. 19Jeju tɔi kɨ kete ngonsĩ ɓaitɔ a ne, oo Jak ngon Jebede kɨ ngonkõa Jã ndɨn kam toot, ndɨ ɗan go bandbɨrag lod. 20Lon Jeju kund ye, tajigt, tĩnyan bɔwd Jebede kɨ kam toot kɨ ngan ngéɗakɨlag, na ndulon goa.
Jeju yoot de kɨ ngendil kɨmajal
(Oo Mat 8:14-17; Luk 4:31-44; Knk 10:38)
21Kamla aw teen ɓebo Kapernawmt. Kɨ tajigt Jeju and kam kuj kawnat lo Juipg, kɨ ndɔ taakò lo Juipg ɗa ndoo deg tit. 22Deg tube'n oon dɔ nyandoo loa ye, ta yad biw, kɨta ndood tat lo Luwah kɨ tɔg kɨbo tɔi kɨ lo ngéndang maktubg.
23Kam kuj kawnat lod de mad, kɨ ngendil kɨmajal ndit nõ; ɓako kɨ ndin kɨbo an: 24Jeju kɨ Najaret't, ɗi gooj nat sei a? I ɗe kɨta nuj'j kɔ ɔ? M'geri maj, ĩ kɨkunjɗang lo Luwah.
25Na Jeju ndánga an: Ut tai, i tee kɔ kam det'n ɗan. 26Ndil kɨmajal tur de'n non murmur kɨ tɔgɨn, na ko bang kɨ ndin kɨbo, kamla nda lo tee kamat kɨ tɨga kɔ ye. 27Deg tube ta yad biw, ad ndɨjen na ta kudt anan: I ɗi kɨ titbe a? De'n non ndɨ kɨ nyandoo kɨ kij kɨ aw kɨ tɔg ngãi. Mbã ndɨ ndáng ndil kɨmajalg kɨ tɔgɨn, ad telɨn rod go tat loa tɔ. 28Na hoi Jeju nda lo gang, ad deg tube elɨn ta loa kam dɔning Galilet kɨtaagbe.
Jeju yoot deg koosɨg
29Lon ten kam kuj kawnat lo Juipg ye, Jeju aw ɓe lo Simõ kɨ Andre sed Jak kɨ Jã. 30Mum Simõ kɨdẽ, nél bo ndaa mburung, dɔa gaa, ad to ber kɨ kɔtɨn. Tajigt, elɨn Jeju ta loa. 31Jeju ndɔt kɨ roat, hɔ jia unan kɨ dõ, kɨ tajigt nél bo'n ndaa ye, tĩ nyàa, ad oo god kɨ nyasa.
32Lon lo sɔl ye, go kud kàdt, deg ɗen kɨ ngémõig tube kɨ deg tube'n ndilg kɨyerr ĩn kamdt kɨ ro Jejut. 33Deg tube kɨ kam ɓet kawɨn na kɨ tabit kujt. 34Jeju yoot ngérotog ngãibe dɔ mõigt kɨdangdang'n ɗad. Tuɓa ndilg kɨyerrg ngãibe kɔ, na nya ta ɗob ad elɨn ta al kɨta gerɨna ɓet.
Jeju la mber Hoita kɨmaj kam dɔning Galilet
(Oo Luk 4:42-44)
35Lon loti al ɓaitɔ ye, Jeju ɓai kɨ girr ɓodbah aw dɨlalot kɨ de gotot, ndɨ nõbe kad nelta kɨ Luwah. 36Simõ kɨ deg'n ĩn nat sia tee awɨn go Jejut 37Lon ngahna ye elɨna anan: Deg tube ɗa sahin. 38Jeju eld an: Ad kɨ j'awɨn lot kɨɗang kam ngan ɓegt kɨ nderbe, nõbe kaa ne, sumba kad m'la mber Hoita kɨmaj tit, kɨta ĩ nõ la m'ɗen ye. 39Jeju aw kam dɔning Galilet kɨtaagbe la mber Hoita kɨmaj kam kuj kawnat lo Juipg ho, tuɓa ndilg kɨyerr ho.
Jeju yoot ngebanj
(Oo Mat 8:2-4; Luk 5:12-16; Luk 17:12-19)
40Ngebanj mad ɗe ro Jejut, ɔsɨ gojɨn ber nõat, na ndɨjea an: Ĩla i ndig a ne, asɨ karɨm kad banj lom goto. 41Jeju oo kumtondo loa ad la jin ɔdan na ela an: M'ndig kad ar dɔ banjt loi.
42Kɨtajigt be, banj loa urr kɔ, ad roa ar nyang. 43Kete tã kad Jeju tĩnya ngebanj, na kɨ n'aw ye, ndaa mber kɨ tɔgɨn. 44Ela an: Oo maj. Ot kelta de mad. Na aw, i da roi ngejanyamosɨkadkari, na i la kadkari'n Moij nda mbera, kɨtakad deg tube gerɨn kad ĩ kɨ kar, banj loi urr, kɨtakad i najkɨma nõ degt ho. 45Na lon de'n non tɔi ye, a ɔrr girr nyan ɗa nya nõ deg ngãibe, tɨndan ta'n non tĩ kɨ log tube, mbã ad Jeju asɨ kand kam ɓet kɨtɨga wakɨsɨ al, na i gidɓet tɨga, kam logt kɨ garon. Na deg ɗen roat kɨ go log tube.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.