Mika Takɨdɔt
Takɨdɔt
Mika i ngekelta kɨ ta Luwah ɗa kɨlaɓer lon mbɨna ɓalt kɨ 740 kɨ 700 kete nõ kooj Jejut kam kõɓet lo Juda. Ngekelta kɨ ta Luwaht Ejai ɗa kɨla kaglot kɨ kɨɗan nõ ho, kaglot'n deg kɨ Asirit ɗe ɗɔɔ kɨ kõɓe kɨ Juda kɨ Israel taan dɔning kɨ Israel. Titɨn ɓebo kɨ Samari kam ɓalt kɨ 722 teen 721 kete nõ kooj Jeju Krist't. Mika el deg kɨ Judat; Ĩng kaa nya tee dɔ Israelt nõ la tee dɔ Jerusalemt tujɨna titɨn tujɨne ɓebo kɨ Samarit.
Maktub lo Mika elta dɔ takɨgang lo Luwah dɔ girrdegt loa. Nyag'n Bɨraɓe in kɨ ta kɨ deg lon laten: Ɗa nya kɨ goot al kɨ ngéndɔɔg. Deg'n ta 'nten so dɔdt in kɨbog; ngékɔrrnõ deg, ngégangtag ngéjanyamosɨ kɨ ngékelta kɨ Luwaht (oo Mik 3:1-12). Ta'n Mika el i ta kɨ ngang ngãi kad ndigɨn dɔt. Deg madg elɨn ta kɨ dang ho. Ngékelta madg goolɨn deg kɨ ta kɨ ngom (Mik 3:5-8).
Ɓebo kɨ Jerusalem'n Luwah kɔta tel ɓebo kɨ ngetɔldeg. Kɨtɔ 'nten la deg kɨ tit a awɨn ɓert ye (Mik 4:10). Kɨ wurɨn Israel ndɨ ngooa ad i ngar'n Luwah kɔta kad õɓe ndɨ ɗe ko Betlehem (Mik 5:1-4).
Maktub Mika el nyag joo: Kɨdasa Luwah a gangta dɔ degt lon Mik 1:3; 6:1-7. Kɨkõjoo, Luwah un kɔn kad n'a n'aj deg lon Mik 4:5; 7:8-20. Tag'n ɔj dɔ takɨgang kɨ kaj lo Luwah, kaj i ɗob kɨ Luwah tee adj kad kɨ ndɨn dɔ dõ. Mika lamber kad ngekaj deg. A õɓe dɔ degt kɨ ɗob kɔrnõ deg kam nyaɗat kɨ denesew. Kam maktubt lo Mika ɓe kɨ Betlehem ndoor ɓebo kɨ Jerusalem. Betlehem i lon oojɨm ngar Dabidt, na Jerusalem i lon ngar Dabid õɓet. Na kõɓe kɨ Jerusalemt taa ne tel kõɓe kɨ majal ho ngedɔngang nõ Luwaht ho. Maj kad Jerusalem mbel kɨ taagbe ĩla Jerusalem ndig kad'n tel ɓebo lo Luwah gog. Mika el deg'n ndɨ oon dɔ tag loa: Maj kad gaan ta ho ndɨjen rod dɔ nyat'n Luwah ndɨ ngoo ko ro girrdeg lon.
Mika lamber ɔj dɔ takɨgang lo Luwah ho elta dɔ ɗobgt'n ndɨ ad de ndɨ dɔn dõ. Nyag kɨ joo'n non ko ro ngekeltat kɨ ta Luwaht i nyag kɨ awɨn nat kɨɗaɓe. Takɨgang kɨ kaj in nyag ndian kad nat kɨɗabe. I nyang kɨ mbaj kad de gangd nat al, kɨta lon Luwah gangta dɔ degt ye a ɔjd nya'n ɔgd kad ndɨn kɨ dɔd dõ kamla a la ɗob ad'd kaglo kad ndɨn ne kɨ dɔd dõ.
Currently Selected:
Mika Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.