Mika 7
7
Israel ɗoosɨ kɨ ɗagootal
1Beto lom, mĩ Mika.
Kɨta mĩ tit de'n ɗe kam ndɔɔt
kad ja nja kand nduu
na ngah nya mad al,
kɨta deg ɓurɨn goot nya kɨ nãi
kam ndɔɔt ad nya kɨ sa goto.
Bɨra nduu kɨɗa kɨ nãi kɨ asɨ sa goto,
kand mbaiɓood kɨdasa kɨ kamm ge goto tɔ
2De kɨro goto dɔningt,
de kɨdenesew nõ Luwaht goto ku degt,
ĩn tube ndɨ sahn kɨ'n ũ mosɨ kɔ koon,
ndɨ yan gum kad'n hɔn ne ngankõdg.
3A lan jid ɗan ne majal kɨ rotĩd
Mbaiɓeg ndɨ ndɨjen kadkari,
ngégangta ndɨ ndɨjen nyabaji,
lon ndɨ gangɨn ne ta
Kɨbog ndɨ elɨn ta dɔ nart
kad deg adɨnd kɨ tɨga wakɨsɨ.
Titbe la kɨlaɗa kɨ takeld i kɨɗabe.
4De kɨmajtɔi kudt i nya kɨpãbe tit kon,
de'n denesew loa tɔid tube ye,
i nya kɨpãbe tɔi kɨnga kõn.
Ndɔ kɔjkum'n ngéngomlog loi
ad i ngékelta kɨ ta Luwaht
elɨn ta dɔt kete ye ɗe woi,
Na tajigla deg'n kam ɓoolt kɨta kamd dad ta paa.
5Ot kad kami madɓeit.
Ot ɓakul nami.
I ndom tai nõ dekɨdẽt kɨ to kadit.
6Kɨtɔ ngon kɨdɨngã kid bɔwɨn,
ngon kɨdẽ ɓai ndoor kõn,
mum kɨdẽ ndɨ ndoor mumɨn kɨdẽ,
madngéta de, ĩn deg kɨ kam kujat,
7Na mĩ taa, m'a m'ur kumm kɨdɔ Bɨraɓet,
m'a m'nda kamm dɔ Luwaht kɨ ngekajɨm,
Luwah lom a oo dɔ kɔ lom.
M'nda kam dɔ Bɨraɓe kɨ ngekajɨm
8Ĩ madngétam, ot go dɔmt.
Ĩla m'so kaa ne, m'a m'ɓai.
Lon m'ndɨn kam tilt kɨ diw kirir,
Bɨraɓe a i kunj lom,
9M'a m'hɔ tɔgɨm bá
dɔ wongt lo Bɨraɓe.
Kɨtɔ m'ɗa majal m'ndooran
Na kaglo a ɗe nõ
Bɨraɓe a ɔrr ta dɔmt, na a ɗa sem
A ɔrrɨm ta ɗob kɨ kam kunjt,
kɨtakad m'oon kɨlaɗaa kɨdenesew.
10Kamla madngétam ad i Babilon a oo nya'n non,
rosɔl a ɗa ngekelɨm ta kan:
Bɨraɓe Luwah loi i ɗah a?
Kumm a oo rosɔl loa kɨ ronel.
A ɓana mbujmbuj kɨber
tit bɔr kɨdɔ ɗobt be.
Na mĩ m'a m'ooa kɨ kumm
11Ndɔat'n a ɗan ndogbɔrrg kɨ ngang
lo ɓebo Jerusalem gog,
Ndɔt'n non a ndɔt'n kɨ ɗobning kɨkete.
12Ndɔt'n non deg a ɗen roit
a ɓain ko dɔning Asirit mbã dɔning Ejipt't,
ko kɨ dɔning Ejipt't mbã Bahbo Eprat't,
ko bahbot kɔtkokɨ mad mbã teen bahbot mad,
ɓai dɔ mbalbot mad mbã teen mbalbot mad.
13Na dɔning lo madngétag a tel gootlo
kɨta kɨlaɗa ngendɨt kɨta kand nyaɗad kɨmajal.
Ta õn kam Bɨraɓe kɨta Israel
14Bɨraɓe, i ɔrr deg loi ta ɗob kɨ gɔlkɔp loi.
Ĩn ɓut bat nyakagɓe loi,
tajigla ndɨn kɨ kɨɗadbe kam kút
ngawden dɔning ndɔɔ kɨ Karmel.
Ad'd san nya dɔning Basan kɨ dɔning Galaad
tit kɨ ndɔg kɨmaɗi be.
15Bɨraɓe tur an: M'a m'adsɨ oon nyakɔj kɨyaya
tit kɨ ndɔ'n deg lom teen ne kam dɔning Ejipt't kɨtɨga.
16Girrdeg kɨ dang dang a oon nya 'nten,
na rod a sɔld ke tɔgd i ngãi kaa ne,
A oon ta kɨ kad elɨn al ho
A utɨn mbid, na ɓet'n oon dɔ nya mad.
17A san buning tit li
tit kɨ nyag kɨ kɔrr kɔd'd ber dɔningt,
a teen kam longomrodt kɨtɨga kɨ rondad,
kɨngasa a gad ad telɨn kɨ ro Bɨraɓe Luwaht loj,
a ɓoolɨn tɔgi kɨ ngãi.
18Luwah, nõ i tit sei a?
I ndɨ i nyàgo ɗagootal lo deg loi kɔ,
ad kami ɔi dɔ tɔidɔta lo ndeg deg'n
ĩn nyakagɓe loi.
Luwah a hɔ ɗa wong mbãkɨnõt al
kɨtaɗa ronel dɔ kɔj kamkẽt.
19Ta a õ, kama gog kɨtaj,
a ɓa ɗagootal loj girr njant.
A la majalg loj tube ɓul bahbot kɨwo kɨɓing.
20A ɔj ngaka Jakob nyaɗai kɨro,
a ɔj kamkẽ loi ngaka Abraham
tit'n i ndan yo ad bɔwjg
kam ndɔgt kɨmaɗi nu.
Currently Selected:
Mika 7: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Mika 7
7
Israel ɗoosɨ kɨ ɗagootal
1Beto lom, mĩ Mika.
Kɨta mĩ tit de'n ɗe kam ndɔɔt
kad ja nja kand nduu
na ngah nya mad al,
kɨta deg ɓurɨn goot nya kɨ nãi
kam ndɔɔt ad nya kɨ sa goto.
Bɨra nduu kɨɗa kɨ nãi kɨ asɨ sa goto,
kand mbaiɓood kɨdasa kɨ kamm ge goto tɔ
2De kɨro goto dɔningt,
de kɨdenesew nõ Luwaht goto ku degt,
ĩn tube ndɨ sahn kɨ'n ũ mosɨ kɔ koon,
ndɨ yan gum kad'n hɔn ne ngankõdg.
3A lan jid ɗan ne majal kɨ rotĩd
Mbaiɓeg ndɨ ndɨjen kadkari,
ngégangta ndɨ ndɨjen nyabaji,
lon ndɨ gangɨn ne ta
Kɨbog ndɨ elɨn ta dɔ nart
kad deg adɨnd kɨ tɨga wakɨsɨ.
Titbe la kɨlaɗa kɨ takeld i kɨɗabe.
4De kɨmajtɔi kudt i nya kɨpãbe tit kon,
de'n denesew loa tɔid tube ye,
i nya kɨpãbe tɔi kɨnga kõn.
Ndɔ kɔjkum'n ngéngomlog loi
ad i ngékelta kɨ ta Luwaht
elɨn ta dɔt kete ye ɗe woi,
Na tajigla deg'n kam ɓoolt kɨta kamd dad ta paa.
5Ot kad kami madɓeit.
Ot ɓakul nami.
I ndom tai nõ dekɨdẽt kɨ to kadit.
6Kɨtɔ ngon kɨdɨngã kid bɔwɨn,
ngon kɨdẽ ɓai ndoor kõn,
mum kɨdẽ ndɨ ndoor mumɨn kɨdẽ,
madngéta de, ĩn deg kɨ kam kujat,
7Na mĩ taa, m'a m'ur kumm kɨdɔ Bɨraɓet,
m'a m'nda kamm dɔ Luwaht kɨ ngekajɨm,
Luwah lom a oo dɔ kɔ lom.
M'nda kam dɔ Bɨraɓe kɨ ngekajɨm
8Ĩ madngétam, ot go dɔmt.
Ĩla m'so kaa ne, m'a m'ɓai.
Lon m'ndɨn kam tilt kɨ diw kirir,
Bɨraɓe a i kunj lom,
9M'a m'hɔ tɔgɨm bá
dɔ wongt lo Bɨraɓe.
Kɨtɔ m'ɗa majal m'ndooran
Na kaglo a ɗe nõ
Bɨraɓe a ɔrr ta dɔmt, na a ɗa sem
A ɔrrɨm ta ɗob kɨ kam kunjt,
kɨtakad m'oon kɨlaɗaa kɨdenesew.
10Kamla madngétam ad i Babilon a oo nya'n non,
rosɔl a ɗa ngekelɨm ta kan:
Bɨraɓe Luwah loi i ɗah a?
Kumm a oo rosɔl loa kɨ ronel.
A ɓana mbujmbuj kɨber
tit bɔr kɨdɔ ɗobt be.
Na mĩ m'a m'ooa kɨ kumm
11Ndɔat'n a ɗan ndogbɔrrg kɨ ngang
lo ɓebo Jerusalem gog,
Ndɔt'n non a ndɔt'n kɨ ɗobning kɨkete.
12Ndɔt'n non deg a ɗen roit
a ɓain ko dɔning Asirit mbã dɔning Ejipt't,
ko kɨ dɔning Ejipt't mbã Bahbo Eprat't,
ko bahbot kɔtkokɨ mad mbã teen bahbot mad,
ɓai dɔ mbalbot mad mbã teen mbalbot mad.
13Na dɔning lo madngétag a tel gootlo
kɨta kɨlaɗa ngendɨt kɨta kand nyaɗad kɨmajal.
Ta õn kam Bɨraɓe kɨta Israel
14Bɨraɓe, i ɔrr deg loi ta ɗob kɨ gɔlkɔp loi.
Ĩn ɓut bat nyakagɓe loi,
tajigla ndɨn kɨ kɨɗadbe kam kút
ngawden dɔning ndɔɔ kɨ Karmel.
Ad'd san nya dɔning Basan kɨ dɔning Galaad
tit kɨ ndɔg kɨmaɗi be.
15Bɨraɓe tur an: M'a m'adsɨ oon nyakɔj kɨyaya
tit kɨ ndɔ'n deg lom teen ne kam dɔning Ejipt't kɨtɨga.
16Girrdeg kɨ dang dang a oon nya 'nten,
na rod a sɔld ke tɔgd i ngãi kaa ne,
A oon ta kɨ kad elɨn al ho
A utɨn mbid, na ɓet'n oon dɔ nya mad.
17A san buning tit li
tit kɨ nyag kɨ kɔrr kɔd'd ber dɔningt,
a teen kam longomrodt kɨtɨga kɨ rondad,
kɨngasa a gad ad telɨn kɨ ro Bɨraɓe Luwaht loj,
a ɓoolɨn tɔgi kɨ ngãi.
18Luwah, nõ i tit sei a?
I ndɨ i nyàgo ɗagootal lo deg loi kɔ,
ad kami ɔi dɔ tɔidɔta lo ndeg deg'n
ĩn nyakagɓe loi.
Luwah a hɔ ɗa wong mbãkɨnõt al
kɨtaɗa ronel dɔ kɔj kamkẽt.
19Ta a õ, kama gog kɨtaj,
a ɓa ɗagootal loj girr njant.
A la majalg loj tube ɓul bahbot kɨwo kɨɓing.
20A ɔj ngaka Jakob nyaɗai kɨro,
a ɔj kamkẽ loi ngaka Abraham
tit'n i ndan yo ad bɔwjg
kam ndɔgt kɨmaɗi nu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.