Matie 6
6
Nyandoo lo Jeju dɔ ɗamajt kɨ ngéndog
(Oo Luk 11:2-4)
1Oon go rosɨ maj kad i ɗan nyaɗag kɨdenesew losɨ nõ degt kad oosɨn. Ĩla i ɗan titbe a ne, nyabajisɨ mad goto ro Bɔwsɨt kɨ kam dɔrãt dõ. 2Kɨtɔ 'nten lon i ndɨ ad kadkari ngendo mad a ne, ot kun towmand dɔt, tit'n ngéndokumdeg ndɨ ɗan ne kam kuj kawnagt lo Juipg, kɨgo ɗobg, kɨtakad'n ngahn ne kɔsɨgon ro degt. M'ndɨ m'elsɨ ta kɨ rota: Deg'n non taan nyabajid woi. 3Na lon i ndɨ ad nya mad, kɨ i ɗan kɨ ngendo mad a ne, ot kad jigeli ger nya'n jikõi ndɨ ad, 4kɨtakad kadkari loi i kɨ kad gid tilt. Bɔwi'n ndɨ oo nya'n i ndɨ i ɗa gid tilt ye, a bajii.
Nyandoo lo Jeju dɔ keltat kɨ Luwah
(Oo Luk 11:1-5; Mat 18:21-35)
5Lon i ndɨ elɨn ta kɨ Luwah a ne, kɨ ĩn tit ngéndokumdeg al; kɨta ndigɨn ɗa dõ kelta kɨ Luwah kam kuj kawnagt lo Juipg, kɨ dɔkum ɗobg kad deg oond. M'ndɨ m'elsɨ ta kɨ rota: Deg'n non taan nyabajid woi.
6Na ĩ, lon i ndɨ elta kɨ Luwah a ne, and gɨlelot loi, ut tabit loi, kamla elta kɨ Bɔwi'n ndɨ lo yarot; na Bɔwi'n ndɨ oo nya'n i ndɨ ɗa gid tilt ye, a bajii.
7Na lon i ndɨ elɨn ta kɨ Luwah a ne, ot kelɨn tag kɨ pãbe kɨ dɔ nat nat tit'n ngéger Luwah al ndɨ ɗan ne, kɨta ndɨ oon a anan i kɨtakul tag kɨ kel ngãi lod la Luwah a oon dɔ kɔɔ lod ye. 8Kɨtɔ 'nten, ot kĩn titd; kɨta bɔwsɨ ger nyag'n i geen, kete lon i kɔɔna ne al ɓaitɔ. 9Oon, sumba kad elɨn ta kɨ Luwah titbe:
Bɔwj'n i kam dɔrãt dõ,
kɨ tɔi to kɨkunjɗang.
10Kɨ kõɓe loi ɗe.
Kɨ nya'n i ndig, kɨ ɗan dɔningt ne,
tit kɨ ĩn ndɨ ɗan kam dɔrãt dõ.
11Adj nyasaj kɨ ndɔ kɨɗa kɨndɔgndɔg.
12I nyàgo majalg loj,
tit'n kɨ ndɨ kɨ nyan go majalg lo ngéɗaj majal ye ho,
13ot kaw sej kad nájɨn, na i taaj ji ngemajalt. Kɨtɔ ĩla kõɓe i loi, kɨ tɔg kɨ kɔsɨgon kɨ mbãkɨnõt. Amin.
14Titbe, ĩla i ndɨ i nyan go majalg'n deg ɗan sesɨ kɔ a ne, Bɔwsɨ kɨ dɔrãt kaa a nyàgo majalg losɨ ho. 15Na ĩla i nyan go majalg'n deg ɗan sesɨ nõ kɔ al a ne, Bɔwsɨ kaa a nyàgo majalg losɨ al ho.
Nyandoo lo Jeju dɔ kɔg ro nyasat
16Lon i ndɨ ɔgɨn rosɨ nyasa a ne, ot kadɨn takumsɨ hɔndo, tit'n ngéndokumdeg a ɗan ne; kɨta ndɨ lan kumd nat kad deg oon ne kad n'ɔgɨn rod nyasa. M'ndɨ m'elsɨ ta kɨ rota: Deg'n non taan nyabajid woi. 17Na ĩ, lon i ndɨ ɔg roi nyasa a ne, i wur dɔi kɨ yib, i tugo kumi, 18kɨtakad deg oon takad ɔg roi nyasa al. Bɔwi kɨɗabe tã la a oo kɨ lo yarot ye. Na Bɔwi'n ndɨ oo nya'n i ndɨ i ɗa gid tilt ye, a bajii.
Nyandoo lo Jeju dɔ nyamajgt kɨ kam dɔrãt
(Oo Luk 11:34-36; Luk 12:15-34; 1 Tim 6:9-10)
19Ot mbõn nyamajg kɨta rosɨ dɔningt ne, lot'n nyõ kɨ nõ ndɨ tujɨn nyat; lot'n ɓogg ndɨ mbut ɓogɨnt tɔ. 20Na i mbõn nyamajg kɨta rosɨ kɨ kam dɔrãt dõ; lot'n nyõ kɨ nõ a tujɨn nyat al, ɓogg a mbut ɓogɨnt al tɔ. 21Kɨtɔ lon nyamajg loi i tit a ne, nõ be la ngarkami i tit ye.
Nyandoo lo Jeju dɔ kunjt kɨ kam det
(Oo Luk 11:34-36)
22Kum de i lamba lo dãroa, ĩla kumi janjoi a ne, dãroi kɨtaagbe a unj, 23na ĩla kumi majal a ne, dãroi kɨtaagbe a i til. Ĩla kunj kɨ kamit i til ye, tɨla a diw kirir kɨ tɔi.
Jeju ndoo deg ta dɔ ɗa ɓert lo Luwah kɨ nyamajg
(Oo Luk 16:13; Luk 12:22-31)
24De kɨ asɨ ɗa ɓer lo bɨraɓeg joo goto. Kɨtɔ a ɔsɨ ta kɨkɨɗa, na a tar kɨmad, ala, a hɔnooj kɨkɨɗa, na a i kid kɨmad. Asɨn ɗa ɓer lo Luwah kɨ lo Mamõ ad nyamajg, tu joo al.
Jeju ndoo deg kad ɓankul Luwah, na kɨ soolɨn al
(Oo Luk 12:22-31)
25Kɨtɔ 'nten la m'ndɨ m'elsɨn m'an: Ot soolɨn dɔ ndɨsɨt kɨdɔsɨ dõ, kɨta nyasasɨ, ke dɔ dãrosɨt kɨta nyag'n a i lan rosɨt. Kumkajir lo de tɔi nyasa ale? Dãro de tɔ tɔi kub ale? 26Oon yelg kɨ dõ, duwɨn kohnya al, jan nyako al, kawɨn nyako kɨ dama al ho, na Bɔwsɨ kɨ dõ dɔrãt ndɨ uld. Ĩn nya kɨ ngãi tɔi yelg ale? 27Nõ kusɨt asɨ la ɓal kɨda dɔ kaglo ndɨnt kɨ dɔndõ kɨta soolg lon a?
28Kɨtɔɗi i ndɨ i soolɨn ne dɔ kubt kɨ la rot a? I ndan kumsɨ i nɔlɨn ne Hutkamg kɨ kam mut, oon titbãi ɗa ɓa tɔgɨn ne; ɗan kɨla al, ɓewɨn kɨla kub al, 29na m'elsɨ: Salomõ kɨɓe kɨdɔn kam nyamajgt lon tube, la kub kɨmaj tit kɨkɨɗa ku hutkamgt'n non al. 30Mũ kɨ kam gawt'n ɗa ɓola, na loti a lana kam horrt, na Luwah ndɨ laa kub titbe ye la, ĩng tã Luwah a oo gosɨ kɨ kub al yo? Kadkam Luwah losɨ i tẽbe. 31Kɨtɔ 'nten ot soolɨn bat, na ot Kana: Ɗi j'a kɨ sa a? Ke ɗi ja kɨ j'ãi a? Ke ɗi j'a kɨ la rojt a? 32Kɨtɔ nyag'n non tube deg kɨ gerɨn Luwah al la ndɨ sahnd ye. Bɔwsɨ kɨ dõ dɔrãt ger ɓet, i ndɨ i geen nyag'n non tube. 33Kɨtɔ 'nten dasabang i sahn kõɓe loa kɨ nyaɗa kɨdenesew kɨgo ndigt loa, na nyag'n non tube tɔ a adsɨ dɔt. 34Kɨtɔ 'nten ot soolɨn dɔ lotit; kɨta loti a sool dɔ nyagt kɨ kɔsɨdɔn. Ke ndɔ kɨɗen kɔr loa asa.
Currently Selected:
Matie 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Matie 6
6
Nyandoo lo Jeju dɔ ɗamajt kɨ ngéndog
(Oo Luk 11:2-4)
1Oon go rosɨ maj kad i ɗan nyaɗag kɨdenesew losɨ nõ degt kad oosɨn. Ĩla i ɗan titbe a ne, nyabajisɨ mad goto ro Bɔwsɨt kɨ kam dɔrãt dõ. 2Kɨtɔ 'nten lon i ndɨ ad kadkari ngendo mad a ne, ot kun towmand dɔt, tit'n ngéndokumdeg ndɨ ɗan ne kam kuj kawnagt lo Juipg, kɨgo ɗobg, kɨtakad'n ngahn ne kɔsɨgon ro degt. M'ndɨ m'elsɨ ta kɨ rota: Deg'n non taan nyabajid woi. 3Na lon i ndɨ ad nya mad, kɨ i ɗan kɨ ngendo mad a ne, ot kad jigeli ger nya'n jikõi ndɨ ad, 4kɨtakad kadkari loi i kɨ kad gid tilt. Bɔwi'n ndɨ oo nya'n i ndɨ i ɗa gid tilt ye, a bajii.
Nyandoo lo Jeju dɔ keltat kɨ Luwah
(Oo Luk 11:1-5; Mat 18:21-35)
5Lon i ndɨ elɨn ta kɨ Luwah a ne, kɨ ĩn tit ngéndokumdeg al; kɨta ndigɨn ɗa dõ kelta kɨ Luwah kam kuj kawnagt lo Juipg, kɨ dɔkum ɗobg kad deg oond. M'ndɨ m'elsɨ ta kɨ rota: Deg'n non taan nyabajid woi.
6Na ĩ, lon i ndɨ elta kɨ Luwah a ne, and gɨlelot loi, ut tabit loi, kamla elta kɨ Bɔwi'n ndɨ lo yarot; na Bɔwi'n ndɨ oo nya'n i ndɨ ɗa gid tilt ye, a bajii.
7Na lon i ndɨ elɨn ta kɨ Luwah a ne, ot kelɨn tag kɨ pãbe kɨ dɔ nat nat tit'n ngéger Luwah al ndɨ ɗan ne, kɨta ndɨ oon a anan i kɨtakul tag kɨ kel ngãi lod la Luwah a oon dɔ kɔɔ lod ye. 8Kɨtɔ 'nten, ot kĩn titd; kɨta bɔwsɨ ger nyag'n i geen, kete lon i kɔɔna ne al ɓaitɔ. 9Oon, sumba kad elɨn ta kɨ Luwah titbe:
Bɔwj'n i kam dɔrãt dõ,
kɨ tɔi to kɨkunjɗang.
10Kɨ kõɓe loi ɗe.
Kɨ nya'n i ndig, kɨ ɗan dɔningt ne,
tit kɨ ĩn ndɨ ɗan kam dɔrãt dõ.
11Adj nyasaj kɨ ndɔ kɨɗa kɨndɔgndɔg.
12I nyàgo majalg loj,
tit'n kɨ ndɨ kɨ nyan go majalg lo ngéɗaj majal ye ho,
13ot kaw sej kad nájɨn, na i taaj ji ngemajalt. Kɨtɔ ĩla kõɓe i loi, kɨ tɔg kɨ kɔsɨgon kɨ mbãkɨnõt. Amin.
14Titbe, ĩla i ndɨ i nyan go majalg'n deg ɗan sesɨ kɔ a ne, Bɔwsɨ kɨ dɔrãt kaa a nyàgo majalg losɨ ho. 15Na ĩla i nyan go majalg'n deg ɗan sesɨ nõ kɔ al a ne, Bɔwsɨ kaa a nyàgo majalg losɨ al ho.
Nyandoo lo Jeju dɔ kɔg ro nyasat
16Lon i ndɨ ɔgɨn rosɨ nyasa a ne, ot kadɨn takumsɨ hɔndo, tit'n ngéndokumdeg a ɗan ne; kɨta ndɨ lan kumd nat kad deg oon ne kad n'ɔgɨn rod nyasa. M'ndɨ m'elsɨ ta kɨ rota: Deg'n non taan nyabajid woi. 17Na ĩ, lon i ndɨ ɔg roi nyasa a ne, i wur dɔi kɨ yib, i tugo kumi, 18kɨtakad deg oon takad ɔg roi nyasa al. Bɔwi kɨɗabe tã la a oo kɨ lo yarot ye. Na Bɔwi'n ndɨ oo nya'n i ndɨ i ɗa gid tilt ye, a bajii.
Nyandoo lo Jeju dɔ nyamajgt kɨ kam dɔrãt
(Oo Luk 11:34-36; Luk 12:15-34; 1 Tim 6:9-10)
19Ot mbõn nyamajg kɨta rosɨ dɔningt ne, lot'n nyõ kɨ nõ ndɨ tujɨn nyat; lot'n ɓogg ndɨ mbut ɓogɨnt tɔ. 20Na i mbõn nyamajg kɨta rosɨ kɨ kam dɔrãt dõ; lot'n nyõ kɨ nõ a tujɨn nyat al, ɓogg a mbut ɓogɨnt al tɔ. 21Kɨtɔ lon nyamajg loi i tit a ne, nõ be la ngarkami i tit ye.
Nyandoo lo Jeju dɔ kunjt kɨ kam det
(Oo Luk 11:34-36)
22Kum de i lamba lo dãroa, ĩla kumi janjoi a ne, dãroi kɨtaagbe a unj, 23na ĩla kumi majal a ne, dãroi kɨtaagbe a i til. Ĩla kunj kɨ kamit i til ye, tɨla a diw kirir kɨ tɔi.
Jeju ndoo deg ta dɔ ɗa ɓert lo Luwah kɨ nyamajg
(Oo Luk 16:13; Luk 12:22-31)
24De kɨ asɨ ɗa ɓer lo bɨraɓeg joo goto. Kɨtɔ a ɔsɨ ta kɨkɨɗa, na a tar kɨmad, ala, a hɔnooj kɨkɨɗa, na a i kid kɨmad. Asɨn ɗa ɓer lo Luwah kɨ lo Mamõ ad nyamajg, tu joo al.
Jeju ndoo deg kad ɓankul Luwah, na kɨ soolɨn al
(Oo Luk 12:22-31)
25Kɨtɔ 'nten la m'ndɨ m'elsɨn m'an: Ot soolɨn dɔ ndɨsɨt kɨdɔsɨ dõ, kɨta nyasasɨ, ke dɔ dãrosɨt kɨta nyag'n a i lan rosɨt. Kumkajir lo de tɔi nyasa ale? Dãro de tɔ tɔi kub ale? 26Oon yelg kɨ dõ, duwɨn kohnya al, jan nyako al, kawɨn nyako kɨ dama al ho, na Bɔwsɨ kɨ dõ dɔrãt ndɨ uld. Ĩn nya kɨ ngãi tɔi yelg ale? 27Nõ kusɨt asɨ la ɓal kɨda dɔ kaglo ndɨnt kɨ dɔndõ kɨta soolg lon a?
28Kɨtɔɗi i ndɨ i soolɨn ne dɔ kubt kɨ la rot a? I ndan kumsɨ i nɔlɨn ne Hutkamg kɨ kam mut, oon titbãi ɗa ɓa tɔgɨn ne; ɗan kɨla al, ɓewɨn kɨla kub al, 29na m'elsɨ: Salomõ kɨɓe kɨdɔn kam nyamajgt lon tube, la kub kɨmaj tit kɨkɨɗa ku hutkamgt'n non al. 30Mũ kɨ kam gawt'n ɗa ɓola, na loti a lana kam horrt, na Luwah ndɨ laa kub titbe ye la, ĩng tã Luwah a oo gosɨ kɨ kub al yo? Kadkam Luwah losɨ i tẽbe. 31Kɨtɔ 'nten ot soolɨn bat, na ot Kana: Ɗi j'a kɨ sa a? Ke ɗi ja kɨ j'ãi a? Ke ɗi j'a kɨ la rojt a? 32Kɨtɔ nyag'n non tube deg kɨ gerɨn Luwah al la ndɨ sahnd ye. Bɔwsɨ kɨ dõ dɔrãt ger ɓet, i ndɨ i geen nyag'n non tube. 33Kɨtɔ 'nten dasabang i sahn kõɓe loa kɨ nyaɗa kɨdenesew kɨgo ndigt loa, na nyag'n non tube tɔ a adsɨ dɔt. 34Kɨtɔ 'nten ot soolɨn dɔ lotit; kɨta loti a sool dɔ nyagt kɨ kɔsɨdɔn. Ke ndɔ kɨɗen kɔr loa asa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.