Matie 12
12
Ngéndoog lo Jeju tetɨn dɔ nyako ndɔ taakòt
(Oo Mrk 2:23-28; 3:1-6; Luk 6:1-11)
1Kaglot'n non Jeju a gang kam ndɔ nyakogt kɨ ndɔ taakò. Ɓo õ ngéndoog loa, ad tetɨn dɔ nyako ɗa san. 2Lon Parisɨg oon nya'n non ye, elɨna anan: Oo. Ngéndoog loi a ɗan nya'n i goɗobat al kad de ɗa kɨ ndɔ taakò.
3Jeju turd an: I dan kam maktubt oon nya'n Dabid ɗa, lon ɓo õa'n kɨ ĩgɨn ĩn nat sia ye ale? 4Titbãi and kuju lo Luwah, sa bɨnag kɨ nda nõ Luwaht, nat kɨ deg lon a? I goɗobat al kad ĩ kɨɓe ke ngékaw sia nat san bɨnag kɨ nda nõ Luwaht, na ngéjanyamosɨkadkari tã la a san ye. 5Ke i dan kam mberkɨndat lo Moij, kad ndɔ taakòt, kam kuj ndub Luwaht, ngéjamosɨ kadkarig ndɨ tɔin dɔ mberkɨnda dɔ ndɔ taakòt kɨkanj kad ta hɔd ale? 6Na m'ndɨ m'elsɨ nya mad kɨbo tɔi kuj ndub Luwah i nẽ. 7Na neni, i gerɨn girr ta lo Luwah'n el an: M'ndig kamkẽ, na kadkari kɨjakɔ al nõ a ne, neni a i hɔn ĩgɨn ta lod goto kɨ ta al. 8Kɨtɔ Ngon de i Bɨraɓe lo ndɔ taakò.
Jeju yoot dekɨdɨngã mad kɨ ngerokoinjɔr kɨ ndɔ taakò
(Oo Mrk 3:1-6; Luk 6:6-11)
9Jeju ɓai nõbe ud kam kuj kawnat lod. 10Oo de mad kɨ jia kɨɗa oi njɔrr ndɨ tit nõ. Ndɨjen Jeju anan: I goɗobat kad de yoot de ndɔ taakòt e? Ndɨjen titbe kad n'lan ne ta dɔat.
11Na Jeju turd an: Nõ kusɨt hã aw kɨ bat kɨɗabe, na bat loa nõ so holɓet ndɔ taakòt a ne, a hɔ ɔrra al a? 12Gat de tɔi kɨlo bat sãi ale? Ad i goɗobat kari kad de ɗamaj ndɔ taakòt.
13Kamla el de'n non an: I sɨra jii.
De'n non sɨra jin, na jia to maj kari, tit kɨ mad. 14Na Parisɨg teen tɨga, ɔjɨn na ta dɔat, ke titbãi n'an nujɨna ne kɔ a? 15Na lon Jeju ger kad a sahn ɗob tɔlɨn ye, ɓai aw sãi kad lot'n non. Deg ngãibe ndulon goa, na yoot mõig tube; 16na ndad mber kɨ tɔgɨn kad kɨ adɨn deg gernɨn al, 17kɨtakad tɔlɨn ne ta ta'n Ejai Ngekelta kɨ ta Luwaht el an:
18Oon so, ɓer lom'n m'mbeda la ɗan,
ngetar lom kɨ rom nelɨm sia ngãi;
m'a m'ũ ndilɨm dɔat,
na a lamber nyaɗa kɨdenesew kɨ ro girrdegt kɨ dɔningt.
19A sah ta al, a ko mborɨr mborɨr al,
de a oo ka ndia dɔ ɗobgt al ho.
20A hɔ kad nya kɨ tɔɔ tet al,
a tɔl horr kɨ ndɨ õ m'el m'el ɓaitɔ al,
mbã kad mber nyaɗa kɨdenesew loa tetɗɔɔ.
21Girrdeg kɨ dɔningt a ndan kamd dɔat.
Jeju kɨ Beljebul
(Oo Mrk 3:20-27; Luk 11:14-23)
22Kamla ɗen kɨ de mad ro Jejut, i de kɨ ngéndil kɨmajal, i mundo, na a elta set ho. Jeju yoota, ad oo lo, na elta ho tɔ. 23Ta ya koosɨdeg tube ad anan: De'n ɗan i ngon Dabid ale?
24Na lon Parisɨg oon dɔ ye anan: De'n ɗan ɔrr ndil kɨyerrg kɔ kɨ dɔn al, na kɨtakul Beljebul ngar lo ndil kɨmajalg.
25Na Jeju ger tagahd, ad el an: Kõɓe kɨɗen gang joo ndoor dɔn a ne, a tel gotɓe. Deg kɨ kam ɓebot kɨɗen ke deg kɨ kam kujt kɨɗen a gangɨn na joo ndoorɨn na a ne, a ɗan lo ɗadt al.
26Ĩla Sɨtan ndɨ ɔrr Sɨtan kɔ a ne, kõɓe loa gang joo ndoor ron ĩ kɨɓe, ye titbãi hã kõɓe loa a ɗa lo ɗant a? 27Na ĩla m'ndɨ m'tuɓa ndil kɨmajalg kɔ kɨtakul Beljebul a ne, kɨtakul nõ ngéndoog losɨ ndɨ tuɓan ne ndilg kɨmajal kɔ a? Kɨtɔ 'nten ngéndoog losɨ ĩn kɨɓeg a ĩn ngégangta dɔsɨt. 28Na ĩla i kɨtakul Ndil Luwah la m'ndɨ m'ɔrrɨn ndil kɨmajalg kɔ a ne, kõɓe lo Luwah hursɨ yedeng, tee rosɨt woi.
29Titbãi de mad a asɨ kand kuju lo ngetɔgde kɨ n'ɔi nyag loa ĩla dɔɔ ngetɔgde'n non kete kamtã al a? A dɔa kete kamla a tirr nyag kɨ kam kujt loa pur ye. 30De'n i sem al a ne, i ngendorɨm; de'n ndɨ kaw nyag kɨ nat sem al a ne, ndɨ tɨnda nyag tĩ kɔ. 31Ĩ nõ la m'ndɨ m'elsɨn m'an: Luwah a nyàgo majal kɨɗen kɨ takɨmal kɨɗen lo deg, na a nyàgo takɨmal kɨ kel dɔ Ndil Luwaht al bat. 32Na ĩla de mad elta kɨ ndoor Ngon de a ne, Luwah a nyàgo kɔ, na ĩla elta kɨ ndoor Ndil Kɨkunjɗang a ne, Luwah a nyàgo majal loa kɔ al, ke kam kaglot kɨ tajigla ke kam kaglot'n a ɗe.
Tag kɨ tee ta det kɨ ngarkam de, kag kɨ kanda
(Oo Luk 6:43-45; Mat 7:16-17)
33Ĩla kag i kɨmaj a ne, kanda kaa i kɨmaj ho na ĩla kag i kɨmajal a ne, kanda kaa i kɨmajal ho: a gerɨn kag kɨtakul kanda. 34Ngaka kɔka, lon ĩn kɨmajalg titbe ye, titbãi a asɨn kelta kɨmaj a? Kɨtɔ ta'n ndɨ tee ta det i nya kɨ ɗoosɨ ngarkama taa ũ pia pia. 35De kɨmaj ndɨ tee kɨ nyag kɨmaj ko kam nyaɓɔt lon kɨmaj, na de kɨmajal ndɨ tee kɨ nyag kɨmajal ko kam nyaɓɔt lon kɨmajal. 36Na m'ndɨ m'elsɨ, kɨ tɨga wakɨsɨ, ta kɨ kari pãbe tube'n deg ndɨ elɨn nõ, a dan kɔra ndɔ gangtat. 37Kɨtɔ i kɨgo tat loi la a ɔrrɨn nẽ ta dɔit, na i kɨgo tat loi ho la a hɔin ne kɨ ta ho ye.
Deg sahn nyakɔj mad ro Jejut
(Oo Luk 11:24-32)
38Kamla ngéndang maktub madg kɨ Parisɨg unɨn ta anan: Ngendoo deg kɨ ndig kad i ɗa nyakɔj mad ad j'oo.
39Na Jeju turd an: Ngakaa deg kɨmajal, ngétet kɔw, ndɨjen nyakɔj mad. Na a adɨnd nyakɔj mad kɨɗang al, na nyakɔj lo Jonas ngekelta kɨ ta Luwaht nõ koon. 40Kɨtɔ tit'n Jonas ton kam ɓɔlɓoo kanjt kɨbobe kɨ kam bahbot ndɔ mɨta kɨ kàd mɨta ye, titbe la Ngon de a ton ndɔ mɨta kɨ kad mɨta kam dɔningt ho ye. 41Deg kɨ Ninibt a ɓai ɗan dõ ndɔ gangtat nat kɨ ngakaa deg'n non, a hɔnd kɨ ta kɨta tɔrrɨn ndid lon Jonas ladɨn mber ta lo Luwah, na oon so. De mad kɨ bo tɔi Jonas i ne. 42Ngar kɨdẽ kɨ ko dɔɔ a ɓai ɗa dõ ndɔ gangtat nat kɨ ngakaa deg'n non, a hɔd kɨ ta kɨta ɓai ko dɔboi dɔningt ɗe kɨ n'oo dɔ terr lo Salomõ, na oon so, de mad kɨbo tɔi Salomõ i ne.
Tel ndil kɨyerr kɨ kam det gog
(Oo Luk 11:24-26)
43Lon ndil kɨyerr tee kam det ye, lago log kɨ man gotot, sah lotaakò, na ngah al a ne, 44a el an: M'a m'tel kɨ ɓe lom gog lot'n m'teet. Tel ɗe taa ne ngaha to kari, i kɨ tisapatpat, kɨ ɗago woi. 45Ta la tee aw ɔi ndil kɨmadg tanãimɨta kɨmajal kɨ tɔgd tɔi kɨ loa, na ɗe andɨn kam det'n non ndɨn tit. De'n non jindia kɨ dɔboit tel majal tɔi kɨdasa. Titbe ho la nya'n non a ɗan ngakaa deg kɨmajal'n non ye.
Nõg ĩn kõ Jeju kɨ ngankõa kɨ jeje?
(Oo Mrk 3:31-35; Luk 8:19-21)
46Lon Jeju ndɨ elta kɨ koosɨdeg ɓaitɔ ye, oon kõa kɨ ngankõa kɨdɨngãg ɗan tɨga sahn kɨ nelɨna ta. 47De mad ela an: Oo so, kõi kɨ ngankõi kɨdɨngãng ɗan tɨga nõ, sah kɨ nelinta.
48Na Jeju turta de'n ela ta nõ an: Nõ i kõm na nõg ĩn ngankom a?
49Kamla la jin kɨ dɔ ngéndoogt lon, na an: Oo kom kɨ ngankom so.
50Kɨtɔ dekɨɗen ndɨ ɗago ndigt lo Bɔwm ĩn i kam dɔrãt dõ a ne, ĩla i ngonkom kɨdɨngã, kɨ ngonkom kɨdẽ kɨ kom ho ye.
Currently Selected:
Matie 12: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Matie 12
12
Ngéndoog lo Jeju tetɨn dɔ nyako ndɔ taakòt
(Oo Mrk 2:23-28; 3:1-6; Luk 6:1-11)
1Kaglot'n non Jeju a gang kam ndɔ nyakogt kɨ ndɔ taakò. Ɓo õ ngéndoog loa, ad tetɨn dɔ nyako ɗa san. 2Lon Parisɨg oon nya'n non ye, elɨna anan: Oo. Ngéndoog loi a ɗan nya'n i goɗobat al kad de ɗa kɨ ndɔ taakò.
3Jeju turd an: I dan kam maktubt oon nya'n Dabid ɗa, lon ɓo õa'n kɨ ĩgɨn ĩn nat sia ye ale? 4Titbãi and kuju lo Luwah, sa bɨnag kɨ nda nõ Luwaht, nat kɨ deg lon a? I goɗobat al kad ĩ kɨɓe ke ngékaw sia nat san bɨnag kɨ nda nõ Luwaht, na ngéjanyamosɨkadkari tã la a san ye. 5Ke i dan kam mberkɨndat lo Moij, kad ndɔ taakòt, kam kuj ndub Luwaht, ngéjamosɨ kadkarig ndɨ tɔin dɔ mberkɨnda dɔ ndɔ taakòt kɨkanj kad ta hɔd ale? 6Na m'ndɨ m'elsɨ nya mad kɨbo tɔi kuj ndub Luwah i nẽ. 7Na neni, i gerɨn girr ta lo Luwah'n el an: M'ndig kamkẽ, na kadkari kɨjakɔ al nõ a ne, neni a i hɔn ĩgɨn ta lod goto kɨ ta al. 8Kɨtɔ Ngon de i Bɨraɓe lo ndɔ taakò.
Jeju yoot dekɨdɨngã mad kɨ ngerokoinjɔr kɨ ndɔ taakò
(Oo Mrk 3:1-6; Luk 6:6-11)
9Jeju ɓai nõbe ud kam kuj kawnat lod. 10Oo de mad kɨ jia kɨɗa oi njɔrr ndɨ tit nõ. Ndɨjen Jeju anan: I goɗobat kad de yoot de ndɔ taakòt e? Ndɨjen titbe kad n'lan ne ta dɔat.
11Na Jeju turd an: Nõ kusɨt hã aw kɨ bat kɨɗabe, na bat loa nõ so holɓet ndɔ taakòt a ne, a hɔ ɔrra al a? 12Gat de tɔi kɨlo bat sãi ale? Ad i goɗobat kari kad de ɗamaj ndɔ taakòt.
13Kamla el de'n non an: I sɨra jii.
De'n non sɨra jin, na jia to maj kari, tit kɨ mad. 14Na Parisɨg teen tɨga, ɔjɨn na ta dɔat, ke titbãi n'an nujɨna ne kɔ a? 15Na lon Jeju ger kad a sahn ɗob tɔlɨn ye, ɓai aw sãi kad lot'n non. Deg ngãibe ndulon goa, na yoot mõig tube; 16na ndad mber kɨ tɔgɨn kad kɨ adɨn deg gernɨn al, 17kɨtakad tɔlɨn ne ta ta'n Ejai Ngekelta kɨ ta Luwaht el an:
18Oon so, ɓer lom'n m'mbeda la ɗan,
ngetar lom kɨ rom nelɨm sia ngãi;
m'a m'ũ ndilɨm dɔat,
na a lamber nyaɗa kɨdenesew kɨ ro girrdegt kɨ dɔningt.
19A sah ta al, a ko mborɨr mborɨr al,
de a oo ka ndia dɔ ɗobgt al ho.
20A hɔ kad nya kɨ tɔɔ tet al,
a tɔl horr kɨ ndɨ õ m'el m'el ɓaitɔ al,
mbã kad mber nyaɗa kɨdenesew loa tetɗɔɔ.
21Girrdeg kɨ dɔningt a ndan kamd dɔat.
Jeju kɨ Beljebul
(Oo Mrk 3:20-27; Luk 11:14-23)
22Kamla ɗen kɨ de mad ro Jejut, i de kɨ ngéndil kɨmajal, i mundo, na a elta set ho. Jeju yoota, ad oo lo, na elta ho tɔ. 23Ta ya koosɨdeg tube ad anan: De'n ɗan i ngon Dabid ale?
24Na lon Parisɨg oon dɔ ye anan: De'n ɗan ɔrr ndil kɨyerrg kɔ kɨ dɔn al, na kɨtakul Beljebul ngar lo ndil kɨmajalg.
25Na Jeju ger tagahd, ad el an: Kõɓe kɨɗen gang joo ndoor dɔn a ne, a tel gotɓe. Deg kɨ kam ɓebot kɨɗen ke deg kɨ kam kujt kɨɗen a gangɨn na joo ndoorɨn na a ne, a ɗan lo ɗadt al.
26Ĩla Sɨtan ndɨ ɔrr Sɨtan kɔ a ne, kõɓe loa gang joo ndoor ron ĩ kɨɓe, ye titbãi hã kõɓe loa a ɗa lo ɗant a? 27Na ĩla m'ndɨ m'tuɓa ndil kɨmajalg kɔ kɨtakul Beljebul a ne, kɨtakul nõ ngéndoog losɨ ndɨ tuɓan ne ndilg kɨmajal kɔ a? Kɨtɔ 'nten ngéndoog losɨ ĩn kɨɓeg a ĩn ngégangta dɔsɨt. 28Na ĩla i kɨtakul Ndil Luwah la m'ndɨ m'ɔrrɨn ndil kɨmajalg kɔ a ne, kõɓe lo Luwah hursɨ yedeng, tee rosɨt woi.
29Titbãi de mad a asɨ kand kuju lo ngetɔgde kɨ n'ɔi nyag loa ĩla dɔɔ ngetɔgde'n non kete kamtã al a? A dɔa kete kamla a tirr nyag kɨ kam kujt loa pur ye. 30De'n i sem al a ne, i ngendorɨm; de'n ndɨ kaw nyag kɨ nat sem al a ne, ndɨ tɨnda nyag tĩ kɔ. 31Ĩ nõ la m'ndɨ m'elsɨn m'an: Luwah a nyàgo majal kɨɗen kɨ takɨmal kɨɗen lo deg, na a nyàgo takɨmal kɨ kel dɔ Ndil Luwaht al bat. 32Na ĩla de mad elta kɨ ndoor Ngon de a ne, Luwah a nyàgo kɔ, na ĩla elta kɨ ndoor Ndil Kɨkunjɗang a ne, Luwah a nyàgo majal loa kɔ al, ke kam kaglot kɨ tajigla ke kam kaglot'n a ɗe.
Tag kɨ tee ta det kɨ ngarkam de, kag kɨ kanda
(Oo Luk 6:43-45; Mat 7:16-17)
33Ĩla kag i kɨmaj a ne, kanda kaa i kɨmaj ho na ĩla kag i kɨmajal a ne, kanda kaa i kɨmajal ho: a gerɨn kag kɨtakul kanda. 34Ngaka kɔka, lon ĩn kɨmajalg titbe ye, titbãi a asɨn kelta kɨmaj a? Kɨtɔ ta'n ndɨ tee ta det i nya kɨ ɗoosɨ ngarkama taa ũ pia pia. 35De kɨmaj ndɨ tee kɨ nyag kɨmaj ko kam nyaɓɔt lon kɨmaj, na de kɨmajal ndɨ tee kɨ nyag kɨmajal ko kam nyaɓɔt lon kɨmajal. 36Na m'ndɨ m'elsɨ, kɨ tɨga wakɨsɨ, ta kɨ kari pãbe tube'n deg ndɨ elɨn nõ, a dan kɔra ndɔ gangtat. 37Kɨtɔ i kɨgo tat loi la a ɔrrɨn nẽ ta dɔit, na i kɨgo tat loi ho la a hɔin ne kɨ ta ho ye.
Deg sahn nyakɔj mad ro Jejut
(Oo Luk 11:24-32)
38Kamla ngéndang maktub madg kɨ Parisɨg unɨn ta anan: Ngendoo deg kɨ ndig kad i ɗa nyakɔj mad ad j'oo.
39Na Jeju turd an: Ngakaa deg kɨmajal, ngétet kɔw, ndɨjen nyakɔj mad. Na a adɨnd nyakɔj mad kɨɗang al, na nyakɔj lo Jonas ngekelta kɨ ta Luwaht nõ koon. 40Kɨtɔ tit'n Jonas ton kam ɓɔlɓoo kanjt kɨbobe kɨ kam bahbot ndɔ mɨta kɨ kàd mɨta ye, titbe la Ngon de a ton ndɔ mɨta kɨ kad mɨta kam dɔningt ho ye. 41Deg kɨ Ninibt a ɓai ɗan dõ ndɔ gangtat nat kɨ ngakaa deg'n non, a hɔnd kɨ ta kɨta tɔrrɨn ndid lon Jonas ladɨn mber ta lo Luwah, na oon so. De mad kɨ bo tɔi Jonas i ne. 42Ngar kɨdẽ kɨ ko dɔɔ a ɓai ɗa dõ ndɔ gangtat nat kɨ ngakaa deg'n non, a hɔd kɨ ta kɨta ɓai ko dɔboi dɔningt ɗe kɨ n'oo dɔ terr lo Salomõ, na oon so, de mad kɨbo tɔi Salomõ i ne.
Tel ndil kɨyerr kɨ kam det gog
(Oo Luk 11:24-26)
43Lon ndil kɨyerr tee kam det ye, lago log kɨ man gotot, sah lotaakò, na ngah al a ne, 44a el an: M'a m'tel kɨ ɓe lom gog lot'n m'teet. Tel ɗe taa ne ngaha to kari, i kɨ tisapatpat, kɨ ɗago woi. 45Ta la tee aw ɔi ndil kɨmadg tanãimɨta kɨmajal kɨ tɔgd tɔi kɨ loa, na ɗe andɨn kam det'n non ndɨn tit. De'n non jindia kɨ dɔboit tel majal tɔi kɨdasa. Titbe ho la nya'n non a ɗan ngakaa deg kɨmajal'n non ye.
Nõg ĩn kõ Jeju kɨ ngankõa kɨ jeje?
(Oo Mrk 3:31-35; Luk 8:19-21)
46Lon Jeju ndɨ elta kɨ koosɨdeg ɓaitɔ ye, oon kõa kɨ ngankõa kɨdɨngãg ɗan tɨga sahn kɨ nelɨna ta. 47De mad ela an: Oo so, kõi kɨ ngankõi kɨdɨngãng ɗan tɨga nõ, sah kɨ nelinta.
48Na Jeju turta de'n ela ta nõ an: Nõ i kõm na nõg ĩn ngankom a?
49Kamla la jin kɨ dɔ ngéndoogt lon, na an: Oo kom kɨ ngankom so.
50Kɨtɔ dekɨɗen ndɨ ɗago ndigt lo Bɔwm ĩn i kam dɔrãt dõ a ne, ĩla i ngonkom kɨdɨngã, kɨ ngonkom kɨdẽ kɨ kom ho ye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.