Jonas Takɨdɔt
Takɨdɔt
Maktub lo Jonas i tit terrta be i hoita kɨ kel deg kad kɨ gaan ne ta. I hoita lo ngekelta kɨ ta Luwaht tɔa i Jonas kɨ nyag'n teen dɔat. Luwah ndamber kad aw Ninib na kɨ el deg kɨ kamɓet'n non ta'n Luwah ela kɨta Ninib la i ɓebo lo Asiri ɓal 700 kete nõ kooj Jeju Krist. Deg kɨ Asirit õnɓe dɔ degt tube kɨ ko loɓakàdt. Ɓebo kɨ Ninib ɔj kõɓe kɨgoɗobat al ho kɨ majal ho. Jonas ndig kaw Ninibt al. Ad ãi aw sãi kad'n tel ron go tat lo Luwah lon al.
Maktub lo Jonas ɔj'j tit bãi Luwah ndoon ɓer lon. Ɓai dɔ ɗob ninat 1 Jonas ndoo ko kɨro Luwaht kad i root al kad ãi sãi takumat. Jonas and kam toot kɨbo un ɗob kɨɗang'n Luwah ɔja kad aw tit al. Na Luwah ad nel la kɨ tɔgɨn dɔ man bahbot. Deg tube'n in kam toot ɓool ɗad kɨta too ɗa kɨ ndui sed. Ngéɗakɨla kam toot in Juipg al, na oon kad i kɨta Jonas la tuj ndɨ ɗen dɔdt ye, kad toot, kɨ nyag kɨ kamt kɨ deg kɨ kamt ndɨ ɗa kɨ tujɨn ne ye. Gerɨn kad i Luwah lo Jonas la ndɨ ɓa sia wong ye. Ad gerɨn ne Luwah lo Jonas ho.
Ɓai dɔ ɗob ninat 2, Jonas ger kad lon de i sãi kɨ Luwah a ne, i nya kɨmajal. Kɨtɔ Luwah ad aw girr man bahbot, kanj kɨbo ura. Maktub lo Luwah ndooj kad kam man bahbot tɔgg kɨ lo til kɨ ndil koi in tit. Na girr mant Jonas elta kɨ Luwah kad kumkajir lon tee al. Ger kad Luwah kɨɗabe la asɨ kajɨn ye. Na ɗa mersi kɨta ger maj'n ɗa sen.
Ɓai dɔ ɗob ninat 3, Jonas telron go tat aw la mber ta lo Luwah kam ɓebot kɨ Babilon kad tuj a ɗe dɔ degt. Ĩla deg kɨ ɓebo Ninib nyan go majal lod kɔ al. Tit'n j'oon kam ɗob ninat kɨdasa nõ. Deg'n non in mbahg kokɨro Luwah teen kɨ gerat.
Ɗob ninat 4, Jonas ɓawong kɨ Luwah kɨta tuj ɓebo kɨ Ninibt al. Be kaa ne, Luwah nya de lon kɔ al. Nda kumɨn goat, na ɗa sia. El Jonas ad ger nĩ Luwah'n n'ndig koi lo ngeɗamajalgt al, nan ndɨn sah kaj lod, nya'n ndɨ ngoo kokɨrodt i kad mbelɨn pa ndiad, na ndɨn kɨ dɔd dõ.
Dɔboi hoitat lo Jonas, Luwah ndɨje ta Jonas. Maktub elj tur ta lo Jonas al. Na ta kɨ ndɨje 'nten i kɨta deg tube ndɨ dan maktub 'nten. Titbãi j'a kɨ ndig dɔt kad Luwah tar de tube, deg'n in mbahg, na nyàgo majal lod'n ndɨ ɗan a?
Currently Selected:
Jonas Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.