Jonas 4
4
Jonas ɗa kamkil dɔ kookumtondot lo Luwah
1Nya'n non nel Jonas al ngãibe, ad ɓawong, 2Elta kɨ Bɨraɓe, an: Bɨraɓe 'nten i ta lom ale? Lon m'ndɨn kam dɔningt lom ɓaitɔ. Kɨtɔ 'nten la m'ɗan kɨdɔnt kad m'ãi m'aw Tarsis kete kɨta m'ger i Luwah kɨ ngekookumtondo, kɨ ngekõkam, i ngendɨ badɔ wongt ngekamkẽ kɨngãi kɨ ngenya ta ɗa nya kɨ tɔ. 3Kɨtɔ 'nten tajigla Bɨraɓe, m'kɔi kɨ i adɨm m'oi kɔ kɨta koim i soot tɔi ndim kɨ dɔm dõ. 4Na Bɨraɓe ela an: Wong'n i ɗa titbe ye, maj a?
5Kamla Jonas tee kam ɓebot kɨtɨga, ndɨ ber gid ɓet ko loɓakàdt, Nõbe la ɗa kujkam, ndɨ ndil at mbã kɨ n'oo ke ɗi a ɗa ɓebo'n non a. 6Bɨraɓe Luwah ad kesɨ ɓa, ada tɔg dõ dɔ Jonast kɨtakad ndila ut dɔ Jonas kad ɗa sia dɔ daiyot loa. Jonas ɗa ronel ngãi kɨta kesɨ'n non. 7Loti, lon bijalo ɓai wo ye, Luwah ad kur mad ɔsɨ kesɨ'n non ad ndulo mbaw. 8Lon kad ɓa ye, Luwah ad nel kɨ tɨngabil la ko loɓakàdt, na kàd ɔsɨ dandɔ Jonas ngãi ad kuma il. Jonas kɔ Luwah kad kɨ n'oi, el an: Koim i soot tɔi ndim kɨ dɔm dõ. 9Na Luwah el Jonas an: Wong'n i ɗa titbe kɨta kesɨ ye, maj a? Jonas tur an: M'ɗa maj la m'ɗa wong, mbã kad m'ndɨnga koi ye. 10Bɨraɓe el an: Okumtondo lo kesɨ'n ɔr kɨtatɔa al, ada ɓa, na tɔg al tɔ. Ɓa, na tɔg kam ndɔt kɨkɨɗa, na nuj kam ndɔt kɨkɨɗa tɔ. 11Mĩ tɔ, maj kad m'ookumtondo lo ɓe kɨbo ngãin non ale? Kam ɓebot'n non deg tɔin dub ɓu kɨ dub dɔjoo ĩgɨn gerɨn ji kõd kɨ ji geld al kɨ nyakulg ngãibe tɔ.
Currently Selected:
Jonas 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Jonas 4
4
Jonas ɗa kamkil dɔ kookumtondot lo Luwah
1Nya'n non nel Jonas al ngãibe, ad ɓawong, 2Elta kɨ Bɨraɓe, an: Bɨraɓe 'nten i ta lom ale? Lon m'ndɨn kam dɔningt lom ɓaitɔ. Kɨtɔ 'nten la m'ɗan kɨdɔnt kad m'ãi m'aw Tarsis kete kɨta m'ger i Luwah kɨ ngekookumtondo, kɨ ngekõkam, i ngendɨ badɔ wongt ngekamkẽ kɨngãi kɨ ngenya ta ɗa nya kɨ tɔ. 3Kɨtɔ 'nten tajigla Bɨraɓe, m'kɔi kɨ i adɨm m'oi kɔ kɨta koim i soot tɔi ndim kɨ dɔm dõ. 4Na Bɨraɓe ela an: Wong'n i ɗa titbe ye, maj a?
5Kamla Jonas tee kam ɓebot kɨtɨga, ndɨ ber gid ɓet ko loɓakàdt, Nõbe la ɗa kujkam, ndɨ ndil at mbã kɨ n'oo ke ɗi a ɗa ɓebo'n non a. 6Bɨraɓe Luwah ad kesɨ ɓa, ada tɔg dõ dɔ Jonast kɨtakad ndila ut dɔ Jonas kad ɗa sia dɔ daiyot loa. Jonas ɗa ronel ngãi kɨta kesɨ'n non. 7Loti, lon bijalo ɓai wo ye, Luwah ad kur mad ɔsɨ kesɨ'n non ad ndulo mbaw. 8Lon kad ɓa ye, Luwah ad nel kɨ tɨngabil la ko loɓakàdt, na kàd ɔsɨ dandɔ Jonas ngãi ad kuma il. Jonas kɔ Luwah kad kɨ n'oi, el an: Koim i soot tɔi ndim kɨ dɔm dõ. 9Na Luwah el Jonas an: Wong'n i ɗa titbe kɨta kesɨ ye, maj a? Jonas tur an: M'ɗa maj la m'ɗa wong, mbã kad m'ndɨnga koi ye. 10Bɨraɓe el an: Okumtondo lo kesɨ'n ɔr kɨtatɔa al, ada ɓa, na tɔg al tɔ. Ɓa, na tɔg kam ndɔt kɨkɨɗa, na nuj kam ndɔt kɨkɨɗa tɔ. 11Mĩ tɔ, maj kad m'ookumtondo lo ɓe kɨbo ngãin non ale? Kam ɓebot'n non deg tɔin dub ɓu kɨ dub dɔjoo ĩgɨn gerɨn ji kõd kɨ ji geld al kɨ nyakulg ngãibe tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.