Joel 4
4
Takɨgang dɔ madngéta Judat
1Kɨtɔ oon, kam ndɔgt'n non kɨ kaglot'n non lon m'a m'ɔrr deg kɨ Juda kɨ Jerusalem kam ɓeɓert, m'tel sed, 2m'a m'kaw girrdeg tube kɨnat, m'a m'ad'd ɗisɨn kam hollot lo Jojapat. Nõbe la m'a m'gangta dɔdt kɨta Israel kɨ deg lom kɨ nyanduba lom'n tɨnda tĩnd ku girrdegt kɨ dang dang na kegɨn dɔning lom. 3Yan yuk dɔ degt lom, ɗawɨn ngan kɨdɨngã, na kɨ nara sahn ne kaya dekɨdẽ ɓin sed, na ɗawɨn ngon kɨdẽ kɨta kasɨnduu kad'n ãin. 4Ɗi gom nat sesɨ a? Ĩn Tir kɨ Sidõ kɨ dɔning Pilistia tube. A i ndan ngɨrra dɔmt a? Ĩla i ndan ngɨrra dɔmt a ne, tentenbe m'a mad nda ngɨrra losɨ tel so dɔsɨt, 5kɨta ɔin nar arjã kɨ ɔrr lom kɨna nyamajg lom kɨ gatd i ngãi awɨn ne kam kuj yogt losɨ. 6I ɗawɨn ndugon deg kɨ Juda kɨ Jerusalem ro Grekɨtg kad awɨn sed sãi kɨ ɗobnin lod. 7Oon, m'a m'tee sed kam lot ĩn hã i ndugod tit na m'a mad majal losɨ tel so dɔsɨt. 8M'a ɗaw ngansɨ kɨ dɨngã kɨ kɨdẽ kɔ kɨ deg kɨ Juda, na ĩn tɔ a ɗawɨnd ro degt kɨ Saba, girrdeg kɨsãi, kɨta mĩ, Bɨraɓe m'elta. 9I lan mber ta 'nten ku girrdegt, i ɗan rosɨ kɨta ɗɔɔ, i tɔsɨn hangal gõɗɔɔg i ndoolɨn, ad ngéɗɔɔg tube ndɔt'n nderbe, ad'd ɗen. 10Kɨ koosɨg losɨ, i oon nyakatgt, ngorong losɨ, i oon ningagt, ad de kɨta el an: Mĩ gõɗɔɔ. 11I ɗan kɨdõt, ɗen, ĩn girrdeg kɨ gugɨn dɔjt i kawɨn na kɨ nat nẽbe. I ɗe kɨ gõɗɔɔg loi, Bɨraɓe. 12Kɨ girrdeg bãi, awɨn hollot lo Jojapat nõbe la m'a m'ndɨt kad m'gangta dɔ girrdegt tube ngendɨ gug dɔ. 13I Unɨn ngorong kɨta nyako mbuj, i ɗe i ɓan kand nduu kɨta lo ɓa nduu ɗoosɨ, lo ɓanduug ɗoosɨn mbã ũ kɔ, kɨta ɗagootal lod i kɨbobe. 14Koosɨg, koosɨg ɗan kam hollo gangtat kɨta ndɔ lo Bɨraɓe i nderbe. 15Kàd kɨ nah duwɨn til, kɨmẽg unjɨn al. 16Bɨraɓe a ko kɨ ndin kɨbo ko kam Siõt, a ko kɨ ndɨ kam Jerusalemt, dɔrã kɨ dɔning a yeen na Bɨraɓe i loyaro kɨta deg lon, i longomro kɨta deg kɨ Israel.
Majkurr kɨta deg lo Luwah
17Eld an: A i gerɨn
kad mĩ Bɨraɓe Luwah losɨ,
m'ndɨ dɔ Siõt, mbalbo lom kɨjaɓat.
Jerusalem a i kɨjaɓat,
nẽbe kɨnõt madngétag a tɔin kamt al.
18Ndɔt'n non man ndii kɨkij a nde ɗengɗeng dɔ mbalbogt,
mbã nũ dɔ doorlogt,
bahg kɨ Juda tube a ɗoosɨn
na mankɨɓa a tee kam kujt lo Bɨraɓe
nyom hollo kag Akasia.
19Ejipt a tel gootɓe,
Edom a tel dɨlalo kɨ de gotot
kɨta ɗan ngetɔg dɔ degt kɨ Juda
na ũn mosɨ kɨkanj ta koon kam dɔningt lod.
20Deg a ndɨn dɔning Judat mbãkɨnõt
kɨ Jerusalemt kɨ ngakat kɨ ngaka.
21M'a m'nda ngɨra mosɨd'n m'nda ngɨrra al ɓaitɔ
kɨta Bɨraɓe ga gar kam Siõt.
Currently Selected:
Joel 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Joel 4
4
Takɨgang dɔ madngéta Judat
1Kɨtɔ oon, kam ndɔgt'n non kɨ kaglot'n non lon m'a m'ɔrr deg kɨ Juda kɨ Jerusalem kam ɓeɓert, m'tel sed, 2m'a m'kaw girrdeg tube kɨnat, m'a m'ad'd ɗisɨn kam hollot lo Jojapat. Nõbe la m'a m'gangta dɔdt kɨta Israel kɨ deg lom kɨ nyanduba lom'n tɨnda tĩnd ku girrdegt kɨ dang dang na kegɨn dɔning lom. 3Yan yuk dɔ degt lom, ɗawɨn ngan kɨdɨngã, na kɨ nara sahn ne kaya dekɨdẽ ɓin sed, na ɗawɨn ngon kɨdẽ kɨta kasɨnduu kad'n ãin. 4Ɗi gom nat sesɨ a? Ĩn Tir kɨ Sidõ kɨ dɔning Pilistia tube. A i ndan ngɨrra dɔmt a? Ĩla i ndan ngɨrra dɔmt a ne, tentenbe m'a mad nda ngɨrra losɨ tel so dɔsɨt, 5kɨta ɔin nar arjã kɨ ɔrr lom kɨna nyamajg lom kɨ gatd i ngãi awɨn ne kam kuj yogt losɨ. 6I ɗawɨn ndugon deg kɨ Juda kɨ Jerusalem ro Grekɨtg kad awɨn sed sãi kɨ ɗobnin lod. 7Oon, m'a m'tee sed kam lot ĩn hã i ndugod tit na m'a mad majal losɨ tel so dɔsɨt. 8M'a ɗaw ngansɨ kɨ dɨngã kɨ kɨdẽ kɔ kɨ deg kɨ Juda, na ĩn tɔ a ɗawɨnd ro degt kɨ Saba, girrdeg kɨsãi, kɨta mĩ, Bɨraɓe m'elta. 9I lan mber ta 'nten ku girrdegt, i ɗan rosɨ kɨta ɗɔɔ, i tɔsɨn hangal gõɗɔɔg i ndoolɨn, ad ngéɗɔɔg tube ndɔt'n nderbe, ad'd ɗen. 10Kɨ koosɨg losɨ, i oon nyakatgt, ngorong losɨ, i oon ningagt, ad de kɨta el an: Mĩ gõɗɔɔ. 11I ɗan kɨdõt, ɗen, ĩn girrdeg kɨ gugɨn dɔjt i kawɨn na kɨ nat nẽbe. I ɗe kɨ gõɗɔɔg loi, Bɨraɓe. 12Kɨ girrdeg bãi, awɨn hollot lo Jojapat nõbe la m'a m'ndɨt kad m'gangta dɔ girrdegt tube ngendɨ gug dɔ. 13I Unɨn ngorong kɨta nyako mbuj, i ɗe i ɓan kand nduu kɨta lo ɓa nduu ɗoosɨ, lo ɓanduug ɗoosɨn mbã ũ kɔ, kɨta ɗagootal lod i kɨbobe. 14Koosɨg, koosɨg ɗan kam hollo gangtat kɨta ndɔ lo Bɨraɓe i nderbe. 15Kàd kɨ nah duwɨn til, kɨmẽg unjɨn al. 16Bɨraɓe a ko kɨ ndin kɨbo ko kam Siõt, a ko kɨ ndɨ kam Jerusalemt, dɔrã kɨ dɔning a yeen na Bɨraɓe i loyaro kɨta deg lon, i longomro kɨta deg kɨ Israel.
Majkurr kɨta deg lo Luwah
17Eld an: A i gerɨn
kad mĩ Bɨraɓe Luwah losɨ,
m'ndɨ dɔ Siõt, mbalbo lom kɨjaɓat.
Jerusalem a i kɨjaɓat,
nẽbe kɨnõt madngétag a tɔin kamt al.
18Ndɔt'n non man ndii kɨkij a nde ɗengɗeng dɔ mbalbogt,
mbã nũ dɔ doorlogt,
bahg kɨ Juda tube a ɗoosɨn
na mankɨɓa a tee kam kujt lo Bɨraɓe
nyom hollo kag Akasia.
19Ejipt a tel gootɓe,
Edom a tel dɨlalo kɨ de gotot
kɨta ɗan ngetɔg dɔ degt kɨ Juda
na ũn mosɨ kɨkanj ta koon kam dɔningt lod.
20Deg a ndɨn dɔning Judat mbãkɨnõt
kɨ Jerusalemt kɨ ngakat kɨ ngaka.
21M'a m'nda ngɨra mosɨd'n m'nda ngɨrra al ɓaitɔ
kɨta Bɨraɓe ga gar kam Siõt.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.