Joel 2
2
Ndɔ lo Bɨraɓe ndɨ ɗe
1I kunɨn towmand kam Siõt,
unɨn ndisɨ kɨ dõ i kon ne dɔ mbalbot lom kɨjaɓat.
Ad ngéndɨ dɔningt tube ndadɨn
kɨta ndɔ lo Bɨraɓe ndɨ ɗe, i nderbe.
2I ndɔ til kɨ lo kɨdiw kirir,
i ndɔ kilndii kɨ til kɨdiw kirir.
I tit lo kɨ to pitpit
tit bijalo kɨ ndɨ tĩ kɨdɔ mbalbogt,
titbe tɔ girrde mad kɨ bɨla ngãi
kɨ tita goto maɗi, kɨ ɗe
goat kaa ne goto
mbã ngakat kɨ ngaka.
3Nõat i horr kɨ õ nya mugɨj,
goat i ndõ horr kɨ õ giling giling.
Kete nõat dɔning i tit ndɔɔ Eden
na goat i dɨlalo kɨ nya gotot.
Rota, nya mad kɨ tee ãi jiat goto.
4Ood a tit sɨndag be,
ãin ngɔd tit sɨnda ɗɔɔg,
5kahd i tit kah pusɨɗɔɔg
kɨ tɔin tasom mbalbogt,
kahd i tit ndõ horr
kɨ ngekõ gind mũ,
tit ɓut ngéɗɔɔg kɨ ngétɔg ĩn ɗa ɗan rod kɨta ɗɔɔ.
6Nõdt tɔ kɨngasa ga deg
takumd ɓa kɨmɨllam nda
7ãin ngɔd tit gõɗɔɔg na alɨn
ndogbɔrr tit ngéɗɔɔg,
dekɨɗen ndia kɨ ɗob lon kɨ sumba
sew kanj tɔ ɗob,
8de kɨ mbire namɨn goto,
dekɨɗen ndia kɨ ɗobt lon
ke ndan rod ta nyakat't kaa,
gangɨn na al.
9Ãin dɔ ɓebot,
alɨn ngɔd dɔ ndogbɔrrt
andɨn kam kujgt
na udɨn buro kujgt tit ngéɓoogg be.
10Dɔning yee nõdt, dɔrã ndad,
kàd kɨ nah duwɨn til,
kɨmẽg unjɨn al.
11Bɨraɓe ad oon dɔ ndin nõ ɓut ngéɗɔɔgt lon
kɨta koosɨg loa ĩn ngãibe,
na de'n ɗa nya kɨgo tat lo Luwah, i de kɨngang.
Kɨtɔ ndɔ lo Bɨraɓe i kɨbobe,
i kɨkootɓool tɔ,
nõ asɨ ɗa loɗant ndɔt'n non a?
Luwah Kun deg kɨ tɔrrɨn ndid
12Ke titbe kaa ne, Bɨraɓe el an:
tajigla i telɨn kɨromt kɨ ngarkamsɨ tube,
ɔgɨn rosɨ nyasa, i nõn kɨ man kumsɨ, i hɔn ndo,
13i kubg losɨ hã maj kad i tilɨn al
na i ngarkamsɨ la maj kad i mbelɨn ye.
I telɨn kɨ ro Bɨraɓe Luwaht losɨ
kɨta i ngekookumtondo kɨ ngekõkam,
i ngendɨ badɔ wongt,
i ngekamkẽ kɨngãi
na nyàgo kɔjta ɗa majal kɨ ɔj.
14Nõ ger a? Maja a tel
nyàgo kɔjtaɗa lon,
na nya majkurr gont kɨ kadkari nduj
kɨ kadkari nyakãi kɨta Bɨraɓe
15I kunɨn tow kam Siõt,
i ndan mber kogro nyasa,
i kunɨn ngékawna kɨnat,
16i kawɨn deg kɨnat i ndand kɔtko kɨɗa,
i kawɨn kɨbog,
i kawɨn ngang
kɨ ngang ngékilmba.
Ad ngetaa dekɨdẽkij tee kam kujt lon kɨtɨga
kɨ dekɨdẽ, ngetaa ngaw kij tee kam lot lon.
17Kɨ ngejanyamosɨ ngékɨlaɓerg
lo Bɨraɓe nõn mbɨna dɨngɨrt kɨ natlo, anan:
I nya deg loi, ah Bɨraɓe,
ot kad nyanduba loi tel nyakid
na ɓeta telɨn nya godɔt ko ro girrdegt.
Kɨtɔɗi a elɨn ku degt anan:
Luwah lod i ɗah a?
Kaj ut go tɔrrndi
18Kamla Bɨraɓe a ɗa jàng kɨta dɔning
lon na a oo kumtondo lo deg lon.
19Bɨraɓe turta el deg lon an:
Oon, m'a m'la kɨ nyako kɨ man nduu kɨkij
kɨ yib m'adsɨ, a i ndanɨn
na m'a mad i telɨn nya kid ku degt gog al ta.
20M'a m'ɔrr madngétasɨg kɨ ɗen ko ɓodo jigel ko sãi
m'a m'tuɓad kɨ dɔningt kɨ todɨla kɨ tut kurum.
Ɓut kɨ nõat m'a m'laa kam bahbot kɨ ko lo ɓakàdt,
Ɓut kɨ goat m'a laa kam bahbot kɨ gida kam bahbot kɨlokudkàdt,
nduma kɨkoota kɨgã a ɓai tĩ kɨ log kɨta ɗa nyag kɨbobo.
21Dɔning, ot ɓool,
i ɗa ronel kɨ kamnda
kɨta Bɨraɓe ɗa nyag kɨbobo.
22Dãg kɨmut, ot ɓoolɨn
kɨta mũ kɨmbool
ndɨ ɓa kam dɨlalot,
kag ndɨ teen kɨ kand'dg,
kag mbaiɓood kɨ dĩndu
ndɨ teen kɨ kand'd kɨ to mbuj.
23Ĩn deg kɨ Siõ i ɗan ronel
kɨ kamnda kam Bɨraɓe Luwaht losɨ
kɨta a adsɨ man ndii kaglot kɨ sumba loa
a adsɨ man ndii kɨdasa kɨ kɨdɔi ɓalt
tit kɨ maɗi.
24Dɔgarg a ɗoosɨn kɨ nyako gem,
loɓanduug a ɗoosɨn kɨ man nduu kɨkij kɨ yib.
25M'a m'tel m'basɨ gog ɓalg'n
tawg kɨ ngan kɨbetg,
kɨbetg kɨ dɨbirg kɨ kɨdaag san nya ndɔɔg losɨ,
ĩn koosɨ ngéɗɔɔg lom'n m'lad dãsɨt.
26A i san nya ngãi, ad tɔl ɓood,
a i ndubɨn tɔ Bɨraɓe Luwah losɨ'n
ɗa nyag kɨyaya kɨtɔsɨ
na ro deg lom a sɔld gog al bat.
27A i gerɨn ta kad mĩ dan Israelt,
mĩ Bɨraɓe Luwah losɨ,
Luwah kɨɗang goto,
na deg lom rod a sɔld gog al bat.
Currently Selected:
Joel 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Joel 2
2
Ndɔ lo Bɨraɓe ndɨ ɗe
1I kunɨn towmand kam Siõt,
unɨn ndisɨ kɨ dõ i kon ne dɔ mbalbot lom kɨjaɓat.
Ad ngéndɨ dɔningt tube ndadɨn
kɨta ndɔ lo Bɨraɓe ndɨ ɗe, i nderbe.
2I ndɔ til kɨ lo kɨdiw kirir,
i ndɔ kilndii kɨ til kɨdiw kirir.
I tit lo kɨ to pitpit
tit bijalo kɨ ndɨ tĩ kɨdɔ mbalbogt,
titbe tɔ girrde mad kɨ bɨla ngãi
kɨ tita goto maɗi, kɨ ɗe
goat kaa ne goto
mbã ngakat kɨ ngaka.
3Nõat i horr kɨ õ nya mugɨj,
goat i ndõ horr kɨ õ giling giling.
Kete nõat dɔning i tit ndɔɔ Eden
na goat i dɨlalo kɨ nya gotot.
Rota, nya mad kɨ tee ãi jiat goto.
4Ood a tit sɨndag be,
ãin ngɔd tit sɨnda ɗɔɔg,
5kahd i tit kah pusɨɗɔɔg
kɨ tɔin tasom mbalbogt,
kahd i tit ndõ horr
kɨ ngekõ gind mũ,
tit ɓut ngéɗɔɔg kɨ ngétɔg ĩn ɗa ɗan rod kɨta ɗɔɔ.
6Nõdt tɔ kɨngasa ga deg
takumd ɓa kɨmɨllam nda
7ãin ngɔd tit gõɗɔɔg na alɨn
ndogbɔrr tit ngéɗɔɔg,
dekɨɗen ndia kɨ ɗob lon kɨ sumba
sew kanj tɔ ɗob,
8de kɨ mbire namɨn goto,
dekɨɗen ndia kɨ ɗobt lon
ke ndan rod ta nyakat't kaa,
gangɨn na al.
9Ãin dɔ ɓebot,
alɨn ngɔd dɔ ndogbɔrrt
andɨn kam kujgt
na udɨn buro kujgt tit ngéɓoogg be.
10Dɔning yee nõdt, dɔrã ndad,
kàd kɨ nah duwɨn til,
kɨmẽg unjɨn al.
11Bɨraɓe ad oon dɔ ndin nõ ɓut ngéɗɔɔgt lon
kɨta koosɨg loa ĩn ngãibe,
na de'n ɗa nya kɨgo tat lo Luwah, i de kɨngang.
Kɨtɔ ndɔ lo Bɨraɓe i kɨbobe,
i kɨkootɓool tɔ,
nõ asɨ ɗa loɗant ndɔt'n non a?
Luwah Kun deg kɨ tɔrrɨn ndid
12Ke titbe kaa ne, Bɨraɓe el an:
tajigla i telɨn kɨromt kɨ ngarkamsɨ tube,
ɔgɨn rosɨ nyasa, i nõn kɨ man kumsɨ, i hɔn ndo,
13i kubg losɨ hã maj kad i tilɨn al
na i ngarkamsɨ la maj kad i mbelɨn ye.
I telɨn kɨ ro Bɨraɓe Luwaht losɨ
kɨta i ngekookumtondo kɨ ngekõkam,
i ngendɨ badɔ wongt,
i ngekamkẽ kɨngãi
na nyàgo kɔjta ɗa majal kɨ ɔj.
14Nõ ger a? Maja a tel
nyàgo kɔjtaɗa lon,
na nya majkurr gont kɨ kadkari nduj
kɨ kadkari nyakãi kɨta Bɨraɓe
15I kunɨn tow kam Siõt,
i ndan mber kogro nyasa,
i kunɨn ngékawna kɨnat,
16i kawɨn deg kɨnat i ndand kɔtko kɨɗa,
i kawɨn kɨbog,
i kawɨn ngang
kɨ ngang ngékilmba.
Ad ngetaa dekɨdẽkij tee kam kujt lon kɨtɨga
kɨ dekɨdẽ, ngetaa ngaw kij tee kam lot lon.
17Kɨ ngejanyamosɨ ngékɨlaɓerg
lo Bɨraɓe nõn mbɨna dɨngɨrt kɨ natlo, anan:
I nya deg loi, ah Bɨraɓe,
ot kad nyanduba loi tel nyakid
na ɓeta telɨn nya godɔt ko ro girrdegt.
Kɨtɔɗi a elɨn ku degt anan:
Luwah lod i ɗah a?
Kaj ut go tɔrrndi
18Kamla Bɨraɓe a ɗa jàng kɨta dɔning
lon na a oo kumtondo lo deg lon.
19Bɨraɓe turta el deg lon an:
Oon, m'a m'la kɨ nyako kɨ man nduu kɨkij
kɨ yib m'adsɨ, a i ndanɨn
na m'a mad i telɨn nya kid ku degt gog al ta.
20M'a m'ɔrr madngétasɨg kɨ ɗen ko ɓodo jigel ko sãi
m'a m'tuɓad kɨ dɔningt kɨ todɨla kɨ tut kurum.
Ɓut kɨ nõat m'a m'laa kam bahbot kɨ ko lo ɓakàdt,
Ɓut kɨ goat m'a laa kam bahbot kɨ gida kam bahbot kɨlokudkàdt,
nduma kɨkoota kɨgã a ɓai tĩ kɨ log kɨta ɗa nyag kɨbobo.
21Dɔning, ot ɓool,
i ɗa ronel kɨ kamnda
kɨta Bɨraɓe ɗa nyag kɨbobo.
22Dãg kɨmut, ot ɓoolɨn
kɨta mũ kɨmbool
ndɨ ɓa kam dɨlalot,
kag ndɨ teen kɨ kand'dg,
kag mbaiɓood kɨ dĩndu
ndɨ teen kɨ kand'd kɨ to mbuj.
23Ĩn deg kɨ Siõ i ɗan ronel
kɨ kamnda kam Bɨraɓe Luwaht losɨ
kɨta a adsɨ man ndii kaglot kɨ sumba loa
a adsɨ man ndii kɨdasa kɨ kɨdɔi ɓalt
tit kɨ maɗi.
24Dɔgarg a ɗoosɨn kɨ nyako gem,
loɓanduug a ɗoosɨn kɨ man nduu kɨkij kɨ yib.
25M'a m'tel m'basɨ gog ɓalg'n
tawg kɨ ngan kɨbetg,
kɨbetg kɨ dɨbirg kɨ kɨdaag san nya ndɔɔg losɨ,
ĩn koosɨ ngéɗɔɔg lom'n m'lad dãsɨt.
26A i san nya ngãi, ad tɔl ɓood,
a i ndubɨn tɔ Bɨraɓe Luwah losɨ'n
ɗa nyag kɨyaya kɨtɔsɨ
na ro deg lom a sɔld gog al bat.
27A i gerɨn ta kad mĩ dan Israelt,
mĩ Bɨraɓe Luwah losɨ,
Luwah kɨɗang goto,
na deg lom rod a sɔld gog al bat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.