Ejai 65
65
Takɨgang dɔ ngétaɗɔɔt
1Mĩ kɨ sah ro degt kɨ ndɨjemɨn al,
na ngé kɨ sahmɨn al, m'nya mad ngahmɨn.
M'el m'an: Aa Mĩ ne, mĩ ne.
Ro girrdegt'n ko kunɨn ne tɔm al.
2M'la jim kɨndɔgbe,
kɨ ro degt kɨ ngétaɗɔɔ,
kɨ ro ngéndia go ɗobt kɨmajal
kɨgo kamndigt lod.
3Deg'n non sɔkɨmɨn kɨndɔgbe takum'mt,
jan mosɨ kadkarig kam ndɔɔgt,
lan horr nduj mbikam dɔ dɨngɨr brikt.
4Hɔn londɨ dɔɓadgt,
ɓin bulombalgt,
san dã boor,
na tã kɨyerr i kam jogt lod.
5Anan: I ɗa kɨgog nõ.
Ot ɗe nderbe romt
kɨta m'a m'teli kɨjaɓat.
Nyag'n non in tit sahorr kam kõnɨmt,
in tit horr kɨ ndɨ õ kɨndɔgndɔg.
6Oon, ta 'nten i kɨndang nomt.
M'a m'ndɨ tam mbo al,
mbã kad m'nda ngɨra, kamtã,
m'a m'nda ngɨra dɔdt,
7kɨta ɗagootalg losɨ
kɨ ɗagootalg lo bɔwsɨg tu, kel Bɨraɓe,
ĩgɨn lan horr nduj mbikam dɔ mbalbogt
na elɨn takɨmal dɔmt dɔ doorlogt.
M'a m'mbɔj nyabaji kɨ asɨ ta
kɨlaɗadg kɨmaɗi.
8Titbe kel Bɨraɓe:
Lon man nduu kɨkij i bɨranduut,
a elɨn anan: Ot tuja,
kɨta majkurr i kamt.
Titbe la m'a m'ɗan kɨta ɓerg lom,
kad m'nujd tube al.
9M'a mad ngaka teen ko girr Jakobt,
ngékõnduba mbalbog lom tɔ ko girr Judat.
Kɨmbedg lom a taan dɔning nyakagɓet,
ɓerg lom a ndɨnt.
10Dɨlalo kɨ Sarõ
a i losanya lo ɓut batg,
na hollo kɨ Akɔr
a i loto ɓut mangg,
kɨta deg lom ĩgɨn sahn gom.
11Na in kɨ i nyan Bɨraɓe kɔ,
in kɨ kamsɨ oi dɔ mbalbot lon kɨjaɓat,
ngéɗago tabɨl sanya kɨta yo nõkar
ngeɗoosɨ kop kɨ kasɨnduu kɨ burɨna
adɨn yo ndõ te.
12Mi m'a m'ndasɨ kɨta kiyaɗɔɔ.
A ɔsɨn gojsɨ ningt tube kad jan kɔsɨ
kɨta m'kunsɨ, na i turɨn al,
m'elta, na oon dɔ al.
I ɗan nya kɨmajal takum'mt,
i kɔtɨn nya kɨ nelɨm al.
13Kɨtɔ 'nten titbe kel Bɨraɓe Luwah:
Oon ɓerg lom a san nya,
na in a i ndɨn kɨɓo.
Oon ɓerg lom a ãin man,
na kɨnda a õsɨ.
Oon ɓerg lom a ɗan ronel,
na in a in kɨ rosɔl.
14Oon, ɓerg lom a ɔsɨn pa
kɨta ronel kɨ kamdt,
na in, a i nõn kɨta kamkil,
a i tõ ɗusɨɗusɨ kɨta kamsɨ kɨtuj.
15A i nyan tɔsɨ kad i nya kɨndɔl
kɨ ro kɨmbedgt lom,
kɨta Bɨraɓe Luwah a tɔlsɨ,
na a ndah tɔ ɓerg lon
kɨ tɔ mad kɨɗang.
16De kɨ ndɨg kad maj urrɨn dɔningt
'nten a ne,
a ndɨg majkurr kokɨro Luwaht ngerota,
na de'n a nda yo dɔningt 'nten a ne,
a nda yo kɨta Luwah ngerota,
kɨta kamd a oi dɔ daiyogt kɨmaɗi,
a in kɨyarɔ takum'mt tɔ.
Dɔrã kɨkij kɨ dɔning kɨkij
17Kɨtɔ oon m'a m'nda dɔrã kɨkij
kɨ dɔning kɨkij,
a gan dɔ nyagt kɨ tɔi maɗi gog al ta,
na a in kam tagahsɨt gog al tɔ.
18Na i ronel kɨ kamnda kɨ mbãkɨnõt
dɔ nyat kɨ m'a m'ndaa.
Kɨta oon m'a m'nda Jerusalem
kad i nyakamnda,
deg loa tɔ kad in nyaronel.
19M'a m'ɗa kamnda kɨta Jerusalem,
na m'a m'ɗa ronel dɔ degt lom.
A oon dɔ kah ndi nõ,
ke ko kɨta kamkɔl gog al ta.
20Lot'n non ngon kɨkasɨ
ke de kɨ tɔg bɨga
kɨkad tɔlkon ndɔ'n al goto,
kɨta ngon a oi kɨ ɓal kɨ asɨ ɓu
na ngeɗamajal kɨ ɗa ɓal ɓu a ne,
a i kɨ ndɔl.
21A ɗan kujg, a ndɨnt,
a hɔn nduu kam ndɔɔgt, a san kanda.
22A ɗan kuj kad de kɨɗang ndɨt al,
a hɔn nya kad de kɨɗang sa kanda al tɔ.
Kɨta ndɔg lo deg lom
a in tit ndɔg lo kag,
na kɨmbedg lom a ɗan ronel
dɔ kɨlaɗa jid ndɔg ngãibe.
23A ɗan kɨla kari kɨndang al,
a oojɨn ngang kɨtakad tuj a tee dɔdt al,
kɨta a in girrdeg kɨ ngémajkurr lo Bɨraɓe
na ngandg a ĩn nat sed.
24Kete lon kon al ɓaitɔ,
m'a m'turd,
lon ndɨ elɨn ta ɓaitɔ a ne,
m'a m'oo dɔ.
25Bisɨkolo kɨ ngon bat a san nya nat,
tubo a sa mũ tit bɔw mang be,
li a sa buning.
A ɗan nya kɨ to, ke a tujɨn nya al
dɔ mbalbot lom kɨjaɓat kɨtaagbe.
Kel Bɨraɓe.
Currently Selected:
Ejai 65: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 65
65
Takɨgang dɔ ngétaɗɔɔt
1Mĩ kɨ sah ro degt kɨ ndɨjemɨn al,
na ngé kɨ sahmɨn al, m'nya mad ngahmɨn.
M'el m'an: Aa Mĩ ne, mĩ ne.
Ro girrdegt'n ko kunɨn ne tɔm al.
2M'la jim kɨndɔgbe,
kɨ ro degt kɨ ngétaɗɔɔ,
kɨ ro ngéndia go ɗobt kɨmajal
kɨgo kamndigt lod.
3Deg'n non sɔkɨmɨn kɨndɔgbe takum'mt,
jan mosɨ kadkarig kam ndɔɔgt,
lan horr nduj mbikam dɔ dɨngɨr brikt.
4Hɔn londɨ dɔɓadgt,
ɓin bulombalgt,
san dã boor,
na tã kɨyerr i kam jogt lod.
5Anan: I ɗa kɨgog nõ.
Ot ɗe nderbe romt
kɨta m'a m'teli kɨjaɓat.
Nyag'n non in tit sahorr kam kõnɨmt,
in tit horr kɨ ndɨ õ kɨndɔgndɔg.
6Oon, ta 'nten i kɨndang nomt.
M'a m'ndɨ tam mbo al,
mbã kad m'nda ngɨra, kamtã,
m'a m'nda ngɨra dɔdt,
7kɨta ɗagootalg losɨ
kɨ ɗagootalg lo bɔwsɨg tu, kel Bɨraɓe,
ĩgɨn lan horr nduj mbikam dɔ mbalbogt
na elɨn takɨmal dɔmt dɔ doorlogt.
M'a m'mbɔj nyabaji kɨ asɨ ta
kɨlaɗadg kɨmaɗi.
8Titbe kel Bɨraɓe:
Lon man nduu kɨkij i bɨranduut,
a elɨn anan: Ot tuja,
kɨta majkurr i kamt.
Titbe la m'a m'ɗan kɨta ɓerg lom,
kad m'nujd tube al.
9M'a mad ngaka teen ko girr Jakobt,
ngékõnduba mbalbog lom tɔ ko girr Judat.
Kɨmbedg lom a taan dɔning nyakagɓet,
ɓerg lom a ndɨnt.
10Dɨlalo kɨ Sarõ
a i losanya lo ɓut batg,
na hollo kɨ Akɔr
a i loto ɓut mangg,
kɨta deg lom ĩgɨn sahn gom.
11Na in kɨ i nyan Bɨraɓe kɔ,
in kɨ kamsɨ oi dɔ mbalbot lon kɨjaɓat,
ngéɗago tabɨl sanya kɨta yo nõkar
ngeɗoosɨ kop kɨ kasɨnduu kɨ burɨna
adɨn yo ndõ te.
12Mi m'a m'ndasɨ kɨta kiyaɗɔɔ.
A ɔsɨn gojsɨ ningt tube kad jan kɔsɨ
kɨta m'kunsɨ, na i turɨn al,
m'elta, na oon dɔ al.
I ɗan nya kɨmajal takum'mt,
i kɔtɨn nya kɨ nelɨm al.
13Kɨtɔ 'nten titbe kel Bɨraɓe Luwah:
Oon ɓerg lom a san nya,
na in a i ndɨn kɨɓo.
Oon ɓerg lom a ãin man,
na kɨnda a õsɨ.
Oon ɓerg lom a ɗan ronel,
na in a in kɨ rosɔl.
14Oon, ɓerg lom a ɔsɨn pa
kɨta ronel kɨ kamdt,
na in, a i nõn kɨta kamkil,
a i tõ ɗusɨɗusɨ kɨta kamsɨ kɨtuj.
15A i nyan tɔsɨ kad i nya kɨndɔl
kɨ ro kɨmbedgt lom,
kɨta Bɨraɓe Luwah a tɔlsɨ,
na a ndah tɔ ɓerg lon
kɨ tɔ mad kɨɗang.
16De kɨ ndɨg kad maj urrɨn dɔningt
'nten a ne,
a ndɨg majkurr kokɨro Luwaht ngerota,
na de'n a nda yo dɔningt 'nten a ne,
a nda yo kɨta Luwah ngerota,
kɨta kamd a oi dɔ daiyogt kɨmaɗi,
a in kɨyarɔ takum'mt tɔ.
Dɔrã kɨkij kɨ dɔning kɨkij
17Kɨtɔ oon m'a m'nda dɔrã kɨkij
kɨ dɔning kɨkij,
a gan dɔ nyagt kɨ tɔi maɗi gog al ta,
na a in kam tagahsɨt gog al tɔ.
18Na i ronel kɨ kamnda kɨ mbãkɨnõt
dɔ nyat kɨ m'a m'ndaa.
Kɨta oon m'a m'nda Jerusalem
kad i nyakamnda,
deg loa tɔ kad in nyaronel.
19M'a m'ɗa kamnda kɨta Jerusalem,
na m'a m'ɗa ronel dɔ degt lom.
A oon dɔ kah ndi nõ,
ke ko kɨta kamkɔl gog al ta.
20Lot'n non ngon kɨkasɨ
ke de kɨ tɔg bɨga
kɨkad tɔlkon ndɔ'n al goto,
kɨta ngon a oi kɨ ɓal kɨ asɨ ɓu
na ngeɗamajal kɨ ɗa ɓal ɓu a ne,
a i kɨ ndɔl.
21A ɗan kujg, a ndɨnt,
a hɔn nduu kam ndɔɔgt, a san kanda.
22A ɗan kuj kad de kɨɗang ndɨt al,
a hɔn nya kad de kɨɗang sa kanda al tɔ.
Kɨta ndɔg lo deg lom
a in tit ndɔg lo kag,
na kɨmbedg lom a ɗan ronel
dɔ kɨlaɗa jid ndɔg ngãibe.
23A ɗan kɨla kari kɨndang al,
a oojɨn ngang kɨtakad tuj a tee dɔdt al,
kɨta a in girrdeg kɨ ngémajkurr lo Bɨraɓe
na ngandg a ĩn nat sed.
24Kete lon kon al ɓaitɔ,
m'a m'turd,
lon ndɨ elɨn ta ɓaitɔ a ne,
m'a m'oo dɔ.
25Bisɨkolo kɨ ngon bat a san nya nat,
tubo a sa mũ tit bɔw mang be,
li a sa buning.
A ɗan nya kɨ to, ke a tujɨn nya al
dɔ mbalbot lom kɨjaɓat kɨtaagbe.
Kel Bɨraɓe.
Mbai Bible Revision © Bible Society of Chad, 2015.