Ejai 64
64
1Tit horr kɨ õ kir kɨtut,
tit horr kɨ ad man leg.
Kad madngétaig gerɨn tɔi,
na girrdeg kɨ dang dang a ndadɨn nõit.
2Ĩla i ɗa nyag kɨkootɓool
in kɨ nda kamj dɔt al a ne,
i ɗisɨ, na mbalbog a yeen nõit.
3De oo dɔ al,
mbi oo al tɔ,
kum de kɨ oo luwah mad kɨɗang goto,
na ĩ Ngeɗa nyag kɨta in ngéɓakuli.
4De kɨ ngeɗa ronel dɔ ɗa denesewt
kɨ ngenda dɔ ɗobgt loi
kɨ ngega kamɨn dɔit,
i hɔ de'n non kɨroit.
Oo, wong ɗai kɨta kɨ tɔ ɗob,
i kam ɗobgt kɨ maɗi nõ,
la j'a kɨ j'aj ye,
5Jĩ tube jĩ tit deg kɨyerr,
ɗa denesew loj
i tit kub kɨ yɨro pikɨrpikɨr.
Jĩ tube kɨ ndulo mbaw
tit mbikam be,
ɗagootalg loj ɔij aw sej kɔ tit nél be.
6De kɨɗa kɨ ko kunɨn tɔi goto,
de kɨ ndɔl dɔ ɓit
kad in hɔi goto,
kɨta i ɓɔ takumi rojt
na i laj kɔ kam ɗagootalgt loj,
na i nyàj kɨ kamt kad kɨ tuj.
7Titbe kaa ne, Bɨraɓe, ĩ bɔwj.
Jĩ tit hanj, ĩla i ngeɓahj,
jĩ tube jii kɨlaɗa jii.
8Ot kad wong ɗai kɨ tɔi dɔ, Bɨraɓe.
Ot gah dɔ ɗagootalt loj kɨ mbãkɨnõt.
Oo. I gah dɔt, jĩ deg loi.
9Ɓebog loi kɨjaɓat telɨn dɨlalo,
Siõ tel dɨlalo,
Jerusalem tel gootɓe.
10Kuj loj kɨjaɓat kɨmaj ngãi,
lo kɨ bɔwjg ndubɨnt, horr õa,
na nyag loj tube kɨ neljɨn nujɨn kɔ.
11Bɨraɓe, a i ɔr roi kam nyagt 'nten a?
A i ndɨ tai mbo,
ad kamkil ɗaj kɨ tɔi dɔ a?
Currently Selected:
Ejai 64: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
