Ejai 57
57
1De kɨdenesew oi,
na de kɨ ga kamɨn dɔat goto.
Ɔrrɨn ngékamkẽ kɔ,
na de mad tur go al,
kɨta unɨn de kɨdenesew kete
nõ tujt kɨ a ɗe.
2Na lapia a ɗe.
Ngéndia ɗobt kɨdenesew
ndɨ taan kò lo todt.
3Na in ngan ngendõte,
i ndɔt'n kɨ nẽbe
in girrkooj kaya dekɨdẽ
kɨ ngésah ngaw lo dekɨdẽg kɨɗang.
4Nõ i ndɨ i gona a?
Nõ i ndɨ teen tasɨ gã kɨdɔat
na ɔrrɨn ndõsɨ i tajɨna ne a?
In ngan ngétɔidɔta,
kɨ koh ngégool deg ale?
5In tube nyur ndɨ õsɨ girr kag dilgt,
girr kagt kɨmbool kɨɗen.
I ndɨ i tɔlɨn ngansɨg kam hollogt,
kɨ kam lo riya mbalgt.
6Mbalg kɨ sɔl lom lom kɨ hollot
in nyabaji loi.
Ĩla ĩn nyabaji loi ye.
I ndɨ i mbel kadkari nyakãi ad'd,
kɨ kadkari nduj tɔ.
Nyag'n non asɨ kadmɨn tɔg a?
7I ɗa lo tɔi dɔ mbalbot kɨ ngal puwuw.
Nõbe la a awt kɨta la kadkari kɨjakɔ ye.
8I ndah nyagakamdɔt loi
gid tabit't, kɨ kag tabit't.
Derr kub kutdɔ loi ro de kɨɗangt,
na romt mĩ al.
Al aw i ɗa lo tɔi ad tat.
I nda tai nat sed,
i ndɨg lo tod, lon oo rod.
9Aw ro ngart kɨ yib,
nyag loi kɨkootmbĩ bɨla kɨdɔtdɔt.
I la ngombangkɨlag loi sãi,
i lad mbã lot kɨ Koo.
10Ɔrr rɔkɨ kɨ ta ndiai dɔ ɗobt kɨwo,
na el an: Kari kɨndang, el be al.
I ngah tɔg kɨkij gog jiit,
kɨta 'nten la roi oin siw al ye.
11Nõ ndɨ i ɓoola kɨ rondad,
ad el takɨbal,
ad i gah dɔmt al,
ad i ndah nya 'nten kamit al a?
M'ndɨ tam mbo kaglo ngãi ale?
Kɨtɔ 'nten la i ndɨ i ɓoolɨm al ye.
12M'a m'la mber denesew loi'n non
kɨ nyaɗaig,
na nyag'n non a ɗan sei al.
13Lon i ko ye,
yog loi kɨ i kawd kɨnat a ajɨn e?
Nél a ɔid kɔ tube,
ko kɨ to pu a ɔrrd kɔ,
na de'n ɓakulɨm a i ngedɔning,
mbalbo lom kɨjaɓat a i nyakagɓe loa.
Luwah i Ngeɗased kɨ Ngeyootd
14A elɨn anan:
I ɓan lo i ɓan lo, i ɗan go ɗob.
Ɔrrɨn nyaga gigt tube kɔ
dɔ ɗobt lo deg lom.
15Kɨtɔ titbe kel Ngetɔitɔi
ngendɨ londɨnt kɨ mbãkɨnõt,
kɨ tɔa i kɨkunjɗang:
M'ndɨ kam lot kɨtɔitɔi kɨ dõ kɨkunjɗang,
na mĩ nat kɨ de kɨ aw kɨ ndil hɔndo
kɨ dɔ kɨsɔl tɔ,
kad m'tɔsɨ ndil ngesɔldɔ m'ndol,
kad m'tɔsɨ kam ngehɔndo m'ndol tɔ.
16Kɨtɔ m'a m'kɔl kɨndɔg al.
Ke m'a m'ɓawong mbãkɨnõt,
na ɓeta a ne, ndil de a oi siw nomt
kɨ ro degt kɨ m'ndad tɔ.
17Wong ɗam kɨta kumndà loa,
adɨm m'ndaa, m'yaa takum'm,
m'ɓawong,
na de tɔ ɗob, ndia kɨgo kamndigt lon.
18M'oo ɗobg loa, na m'a m'yoota,
m'a m'ɔrra ta ɗob,
m'a m'sɔl kama nat kɨ ngéhɔndo.
19M'nda ta kɔsɨgon tat.
Lapia, lapia kɨro ngendɨ sãit
kɨ ngendɨ nderbe.
Titbe kel Bɨraɓe,
m'a m'yoota.
20Na ngéɗamajalg in tit bahbo kɨ
ɓai pupu,
to lom al,
mana bɔrr kɨ yɨro teent dõ.
21Lapia lo ngéɗamajalg goto,
kel Luwah lom.
Ɗob ngomgo kɔgro nyasa
kɨgo ndigt lo Luwah.
Currently Selected:
Ejai 57: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 57
57
1De kɨdenesew oi,
na de kɨ ga kamɨn dɔat goto.
Ɔrrɨn ngékamkẽ kɔ,
na de mad tur go al,
kɨta unɨn de kɨdenesew kete
nõ tujt kɨ a ɗe.
2Na lapia a ɗe.
Ngéndia ɗobt kɨdenesew
ndɨ taan kò lo todt.
3Na in ngan ngendõte,
i ndɔt'n kɨ nẽbe
in girrkooj kaya dekɨdẽ
kɨ ngésah ngaw lo dekɨdẽg kɨɗang.
4Nõ i ndɨ i gona a?
Nõ i ndɨ teen tasɨ gã kɨdɔat
na ɔrrɨn ndõsɨ i tajɨna ne a?
In ngan ngétɔidɔta,
kɨ koh ngégool deg ale?
5In tube nyur ndɨ õsɨ girr kag dilgt,
girr kagt kɨmbool kɨɗen.
I ndɨ i tɔlɨn ngansɨg kam hollogt,
kɨ kam lo riya mbalgt.
6Mbalg kɨ sɔl lom lom kɨ hollot
in nyabaji loi.
Ĩla ĩn nyabaji loi ye.
I ndɨ i mbel kadkari nyakãi ad'd,
kɨ kadkari nduj tɔ.
Nyag'n non asɨ kadmɨn tɔg a?
7I ɗa lo tɔi dɔ mbalbot kɨ ngal puwuw.
Nõbe la a awt kɨta la kadkari kɨjakɔ ye.
8I ndah nyagakamdɔt loi
gid tabit't, kɨ kag tabit't.
Derr kub kutdɔ loi ro de kɨɗangt,
na romt mĩ al.
Al aw i ɗa lo tɔi ad tat.
I nda tai nat sed,
i ndɨg lo tod, lon oo rod.
9Aw ro ngart kɨ yib,
nyag loi kɨkootmbĩ bɨla kɨdɔtdɔt.
I la ngombangkɨlag loi sãi,
i lad mbã lot kɨ Koo.
10Ɔrr rɔkɨ kɨ ta ndiai dɔ ɗobt kɨwo,
na el an: Kari kɨndang, el be al.
I ngah tɔg kɨkij gog jiit,
kɨta 'nten la roi oin siw al ye.
11Nõ ndɨ i ɓoola kɨ rondad,
ad el takɨbal,
ad i gah dɔmt al,
ad i ndah nya 'nten kamit al a?
M'ndɨ tam mbo kaglo ngãi ale?
Kɨtɔ 'nten la i ndɨ i ɓoolɨm al ye.
12M'a m'la mber denesew loi'n non
kɨ nyaɗaig,
na nyag'n non a ɗan sei al.
13Lon i ko ye,
yog loi kɨ i kawd kɨnat a ajɨn e?
Nél a ɔid kɔ tube,
ko kɨ to pu a ɔrrd kɔ,
na de'n ɓakulɨm a i ngedɔning,
mbalbo lom kɨjaɓat a i nyakagɓe loa.
Luwah i Ngeɗased kɨ Ngeyootd
14A elɨn anan:
I ɓan lo i ɓan lo, i ɗan go ɗob.
Ɔrrɨn nyaga gigt tube kɔ
dɔ ɗobt lo deg lom.
15Kɨtɔ titbe kel Ngetɔitɔi
ngendɨ londɨnt kɨ mbãkɨnõt,
kɨ tɔa i kɨkunjɗang:
M'ndɨ kam lot kɨtɔitɔi kɨ dõ kɨkunjɗang,
na mĩ nat kɨ de kɨ aw kɨ ndil hɔndo
kɨ dɔ kɨsɔl tɔ,
kad m'tɔsɨ ndil ngesɔldɔ m'ndol,
kad m'tɔsɨ kam ngehɔndo m'ndol tɔ.
16Kɨtɔ m'a m'kɔl kɨndɔg al.
Ke m'a m'ɓawong mbãkɨnõt,
na ɓeta a ne, ndil de a oi siw nomt
kɨ ro degt kɨ m'ndad tɔ.
17Wong ɗam kɨta kumndà loa,
adɨm m'ndaa, m'yaa takum'm,
m'ɓawong,
na de tɔ ɗob, ndia kɨgo kamndigt lon.
18M'oo ɗobg loa, na m'a m'yoota,
m'a m'ɔrra ta ɗob,
m'a m'sɔl kama nat kɨ ngéhɔndo.
19M'nda ta kɔsɨgon tat.
Lapia, lapia kɨro ngendɨ sãit
kɨ ngendɨ nderbe.
Titbe kel Bɨraɓe,
m'a m'yoota.
20Na ngéɗamajalg in tit bahbo kɨ
ɓai pupu,
to lom al,
mana bɔrr kɨ yɨro teent dõ.
21Lapia lo ngéɗamajalg goto,
kel Luwah lom.
Ɗob ngomgo kɔgro nyasa
kɨgo ndigt lo Luwah.
Mbai Bible Revision © Bible Society of Chad, 2015.