Ejai 52
52
Luwah a taa Jerusalem nyàa dõ dɔ ɗa ɓert
1I tee, i teen.
Siõ i la tɔg loi roit.
Jerusalem, ɓebo kɨjaɓat,
i la kub loi kɨmajmaj roit.
Kɨtɔ nẽbe kɨnõt ngejagaj al,
de kɨyerr a and ɓe loi al.
2I nda bu kɨroit. I ɓai i ɗa dõ,
Jerusalem kɨ hɔin ɓert.
I gang jinjir kɨ kɔit,
ɓebo Siõ kɨ hɔ ɓert.
3Kɨtɔ titbe kel Bɨraɓe: In kɨ ndugo
kɔ kari, m'a m'badɔsɨ kɨkanj nar ho.
4Kɨtɔ titbe kel Bɨraɓe Luwah,
maɗi deg lom awɨn Ejipt't, hɔn londɨ nu,
kamla Asiriag dan kumd ndo kɨkanj ta.
5Na tajigla m'a m'ɗa ɗi nẽbe a?
Kel Bɨraɓe, kɨta ɔin deg lom kari.
Ngékõɓe dɔdt gan kɔl kɨ ronel, kel
Bɨraɓe, na ndɨ kidɨn tɔm kɨsĩ mbã kàd udɨn.
6Kɨtɔ 'nten deg lom a gerɨn tɔm.
Kɨtɔ 'nten a gerɨn ndɔt'n non
kad i mĩ la m'elta ye, oon, mĩ ne.
7Nja ngeɗe kɨ hoita kɨmaj
i kɨmajkoo dum dɔ mbalbogt.
Ndɨ la mber lapia,
ndɨ ɗe kɨ hoita nyag kɨmaj,
ndɨ la mber kaj,
ndɨ el Siõ an: Luwah loi ndɨ õɓe.
8Oon, ngéngomlog loi
unɨn ndid ɔsɨn ne pa kɨ ronel nat
kɨta ndɨ oon tel Bɨraɓe kɨ Siõt gog
kum kɨ kum.
9I ɓain kɨ pa ronel tasɨt,
in gootlog kɨ Jerusalem,
kɨta Bɨraɓe sɔl kam deg lon,
badɔ Jerusalem tɔ.
10Bɨraɓe ad nyag ton tɨga wang
takum girrdegt tube, jia kɨjaɓat ɔg ron,
dɔngoi dɔning tube
a oon kaj lo Luwah loj.
11I ɓain awɨn. I ɓain awɨn. I teen kɔ nõbe.
Ot kɔdɨn nya kɨyerr.
I teen kam Babilont kɔ.
Arɨn rosɨ in ngéto nyag kɨ kuju lo Bɨraɓe.
12Kɨtɔ a i teen kɨdõt al,
a i teen kɨ ɓool al tɔ,
kɨta Bɨraɓe a ndia nõsɨt,
Luwah lo Israel a ngom gosɨ.
13Oon ɓer lom maj a ura,
a i kɨ toi kɨ dõ, a tɔina,
a tɔin na kɨ dõ kɨtɔitɔi.
14Na a i nya kɨya takum koosɨgt.
Takuma tel ngankodang
mbã taan na kɨ kɨ lo deg al.
Roa tɔ i tadang tit lo deg al.
15A i nya kɨkad ro girrdeg koosɨg ndew ɗekɨɗekɨ.
Ngarg a ndɨn tad mbo nõat,
kɨta ndɨ oon nya'n elɨnd taa kete al,
a gerɨn nya'n oon dɔ al tɔ.
Currently Selected:
Ejai 52: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
