Ejai 37
37
Judag ngahn kaj ji ngar kɨ Asirit
1Lon ngar Ejekias oo ta lod ye, til kub lon, na la kub hɔndo ront, aw kam kujt lo Bɨraɓe.
2Ngar la Eliakim bɨradɔ kuj lon, kɨ Sebna ngendang maktub, kɨ kɨbog ku ngéjanyamosɨkadkarit, kɨ kub hɔndo rodt, ad awɨn ro Ejait ngon Amots. Ejai i ngekelta kɨ ta Luwaht. 3Elɨna anan: Titbe kel Ejekias: Ɓone i ndɔ kamkɔl kɨ ndakɔj kɨ rosɔl kɨta ngang teen ndɔ koojdt, na tɔg koojd goto. 4Maj a ne, Bɨraɓe Luwah loi oo dɔ tag lo Rabsake'n ngea ngar kɨ Asiri laa kad taj Luwah Ngekumkajɨr. Maj a ne, Bɨraɓe Luwah loi a ndánga kɨta tag loa'n Luwah oo dɔ. Kɨtɔ 'nten, i kɔ kɨta ndeg deg kɨ nãin.
5Ngékɨlaɓerg lo ngar Ejekias awɨn ro Ejait. 6Ejai eld an: Elɨn ngeesɨ, titbe kel Bɨraɓe, ot ɓool tag'n ngékɨlaɓerg lo ngar kɨ Asiri, elɨn dɔmt. 7Oo. M'a m'la ndil mad kamat, a oo hoita mad, na a tel kɨ dɔningt lon. M'a m'ada so ta kiyaɗɔɔt kam dɔningt loa.
8Rabsake tel ndɔd ngar kɨ Asiri, ndɨ ɗɔɔ ɓebo Libna kɨta Rabsake oo hoi ɓaia ɓebo Lakist. 9Kamla ngar kɨ Asiri oo hoi Tiraka ngar kɨ dɔning Etiopi, elɨna anan: Ndɨ ɗe kɨta ɗɔɔ sei. Lon oo ta 'nten ye, ngar kɨ Asiri la ngombangkɨlag kɨ ro Ejekiast an: 10A elɨn Ejekias ngar kɨ Juda titbe, ot kad Luwah loi kɨ i nda kami dɔat gooli an: Jerusalem a so ji ngar kɨ Asirit al. 11I kɨɓe oo hoi nyag'n ngarg kɨ Asiri ɗan kɨ dɔningg tube, nujɨnd kɨtaagbe, na ĩ, a aj? 12Yog lo girrdeg'n bɔwjg tujɨnd, ad i deg kɨ Gojan, kɨ Harã kɨ Resep, kɨ deg kɨ Eden ngéndɨ Telasart ye, ajɨnd e? 13Ngar kɨ Hamat kɨ ngar kɨ Arpad, kɨ ngar kɨ ɓebo Separbaim, kɨ ngar kɨ Hena, kɨ ngar kɨ Iba in ɗa a?
14Ejekias taa maktub ji ngombangkɨlagt na da. Ejekias aw kuju lo Bɨraɓe, na tee maktub kɨ nõ Bɨraɓet. 15Ejekias kɔ Bɨraɓe an: 16Bɨraɓe Ngetɔg kɨ tɔitɔi, Luwah lo Israel, ngendɨ dõ dɔ serubgt, ĩ kɨ kɨɗaibe la ĩ Luwah dɔ kõɓegt kɨ dɔningt tube. Ĩ la ĩ Ngeɗa dɔrã kɨ dɔning. 17Bɨraɓe, i nel mbii oon dɔ. Bɨraɓe, i tee kumi oon. Oo tag tube'n Sankerib lan kad tajɨn Luwah Ngekumkajɨr. 18I rota Bɨraɓe, ngarg kɨ Asiri tujɨn girrdeg tube kɨ dɔningg lod. 19Lan yog lod kam horrt kɨta in luwahg kɨjeje al, in kɨlaɗa ji deg, in kagg kɨ mbalg, kɨta 'nten la tujɨnd ne ye. 20Tajigla, Bɨraɓe Luwah loj, aj'j ji Sankeribt kɨtakad kõɓeg tube kɨ dɔningt gerɨn kad ĩ kɨɗaibe la ĩ Bɨraɓe ye.
21Ejai ngon Amots la kɨla ro Ejekiast an: Bɨraɓe Luwah lo Israel an:
22Oo ta'n Bɨraɓe el dɔat:
Ɓebo Siõ kɨmaj tit ngon kɨdẽ
kɨ ger ngaw al,
kidi na go dɔit,
Ngon kɨdẽ kɨ Jerusalem
ɓa tan kɨ dõ ko goit.
23Nõ i ndɨ i taja kɨ takɨmal a?
Nõ un ndii kɨ dõ i ndooran a?
Un kumi kɨ dõ i ndoorɨn na a?
I mĩ Ngekunjɗang kɨ Nge Israel.
24Kɨ ta ngékɨlaɓerg loi la
i tajɨn Bɨraɓe ye,
na el an: Kɨtakul koosɨ pusɨɗɔɔg la
m'alɨn tasom mbalgt, kɨtakõn Libã ye.
M'ga kag sedɨrg loa kɨ ngal ngãi,
kɨ kag sipreg loa kɨmajtɔi.
M'a m'tee tasoma kɨ ngal
tɔi ndeg mbalbog tube,
kɨ kuag kɨnder ngãi tɔ.
25M'ur buloman'g, na m'ãi mand,
mad bahg tube kɨ Ejipt
yin ndã girr njamt.
26Na i ger kad m'ɗago
nyag'n non woi maɗi nu ale?
M'ɔj ta ɗad kete nõ kaglogt kɨmaɗi
na tajigla mad tɔlɨn kond:
a i tet ɓebog kɨngang
ad telɨn duw nya kɨtuj.
27Ngéndɨt tɔgd goto,
ɓoolɨn, na rod sɔld,
in tit mũ kɨ kam gawt,
kɨ dɨla mũ kɨmbool,
in tit mũ kɨ ɓa dɔ kujt,
na mbuj kete nõ kàd mbujat.
28Na m'ger nyag tube kɨdɔit
Lo ndii ber, ke teei tɨga,
ke lo kandi kuju,
ke lon wong tɔli sɔkɨr dɔmt.
29Kɨtɔ wong tɔli sɔkɨr dɔmt,
ad ta burokɨga loi ɗe mbã so mbimt,
M'a m'la ninga kõnit,
m'a m'la kɨ jam tait,
m'a m'tel sei gog
kɨ ɗob'n i ɗen.
30Bɨraɓe el Ejekias an: 'Nten a i nyakɔj kɨtɔi. Ɓal'n ɗan a i san kandnya kɨ ɓaningt kɨkanj dub, na ɓal kɨkõjoo a ne, a i san daa; Ɓal kɨkõmɨta, a i duwɨn, a i tetɨn, a i hɔn nduu, a san kanda. 31Na ndeg ngékɨɓe lo Juda kɨ nãin, a lan ngɨrad ningt, a tɔgɨn kɨ dõ, a andɨn. 32Kɨtɔ ndegag kɨ nãin a teen Jerusalemt kɨtɨga, na ĩgɨn ajɨn a teen ko mbalbo Siõt. Tĩrokat lo Bɨraɓe Ngetɔg tube a tɔlkon nya 'nten. 33Kɨtɔ 'nten Bɨraɓe el titbe dɔ tat lo ngar kɨ Asiri: A and kam ɓebot'n ɗan al, a urr kɨrã al, a ɗen nõat kɨ der al, a ɓa ning kɨ dõ kad'n yan ron gidt al. 34Ɗob'n ɗen nõ a telɨn gog, a and kam ɓebot'n ɗan al, kel Bɨraɓe. 35M'a m'ngom ɓebo'n ɗan kad maja, kɨta tɔm, kɨ kɨta tɔ ɓer lom Dabid.
36Malaika lo Bɨraɓe and kam gongt lo Asiriag, tɔl deg dub ɓu kɨ dɔjijoo gidaimi. Lon deg ɓain kɨsĩ ye, oon Asiriag oin tube.
37Sankerib ngar kɨ Asiri ɓai aw hɔlondɨ ɓebo Ninibt. 38Lon ndɨ ɔsɨ dɔn ber kam kujt lo Nisrok, yo lon ye, ngana Adramelek kɨ Sareser tɔlɨna kɨ kiyaɗɔɔ, na ãina kɨ dɔning Ararat. Ngona Esaradon õɓe gootat.
Currently Selected:
Ejai 37: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 37
37
Judag ngahn kaj ji ngar kɨ Asirit
1Lon ngar Ejekias oo ta lod ye, til kub lon, na la kub hɔndo ront, aw kam kujt lo Bɨraɓe.
2Ngar la Eliakim bɨradɔ kuj lon, kɨ Sebna ngendang maktub, kɨ kɨbog ku ngéjanyamosɨkadkarit, kɨ kub hɔndo rodt, ad awɨn ro Ejait ngon Amots. Ejai i ngekelta kɨ ta Luwaht. 3Elɨna anan: Titbe kel Ejekias: Ɓone i ndɔ kamkɔl kɨ ndakɔj kɨ rosɔl kɨta ngang teen ndɔ koojdt, na tɔg koojd goto. 4Maj a ne, Bɨraɓe Luwah loi oo dɔ tag lo Rabsake'n ngea ngar kɨ Asiri laa kad taj Luwah Ngekumkajɨr. Maj a ne, Bɨraɓe Luwah loi a ndánga kɨta tag loa'n Luwah oo dɔ. Kɨtɔ 'nten, i kɔ kɨta ndeg deg kɨ nãin.
5Ngékɨlaɓerg lo ngar Ejekias awɨn ro Ejait. 6Ejai eld an: Elɨn ngeesɨ, titbe kel Bɨraɓe, ot ɓool tag'n ngékɨlaɓerg lo ngar kɨ Asiri, elɨn dɔmt. 7Oo. M'a m'la ndil mad kamat, a oo hoita mad, na a tel kɨ dɔningt lon. M'a m'ada so ta kiyaɗɔɔt kam dɔningt loa.
8Rabsake tel ndɔd ngar kɨ Asiri, ndɨ ɗɔɔ ɓebo Libna kɨta Rabsake oo hoi ɓaia ɓebo Lakist. 9Kamla ngar kɨ Asiri oo hoi Tiraka ngar kɨ dɔning Etiopi, elɨna anan: Ndɨ ɗe kɨta ɗɔɔ sei. Lon oo ta 'nten ye, ngar kɨ Asiri la ngombangkɨlag kɨ ro Ejekiast an: 10A elɨn Ejekias ngar kɨ Juda titbe, ot kad Luwah loi kɨ i nda kami dɔat gooli an: Jerusalem a so ji ngar kɨ Asirit al. 11I kɨɓe oo hoi nyag'n ngarg kɨ Asiri ɗan kɨ dɔningg tube, nujɨnd kɨtaagbe, na ĩ, a aj? 12Yog lo girrdeg'n bɔwjg tujɨnd, ad i deg kɨ Gojan, kɨ Harã kɨ Resep, kɨ deg kɨ Eden ngéndɨ Telasart ye, ajɨnd e? 13Ngar kɨ Hamat kɨ ngar kɨ Arpad, kɨ ngar kɨ ɓebo Separbaim, kɨ ngar kɨ Hena, kɨ ngar kɨ Iba in ɗa a?
14Ejekias taa maktub ji ngombangkɨlagt na da. Ejekias aw kuju lo Bɨraɓe, na tee maktub kɨ nõ Bɨraɓet. 15Ejekias kɔ Bɨraɓe an: 16Bɨraɓe Ngetɔg kɨ tɔitɔi, Luwah lo Israel, ngendɨ dõ dɔ serubgt, ĩ kɨ kɨɗaibe la ĩ Luwah dɔ kõɓegt kɨ dɔningt tube. Ĩ la ĩ Ngeɗa dɔrã kɨ dɔning. 17Bɨraɓe, i nel mbii oon dɔ. Bɨraɓe, i tee kumi oon. Oo tag tube'n Sankerib lan kad tajɨn Luwah Ngekumkajɨr. 18I rota Bɨraɓe, ngarg kɨ Asiri tujɨn girrdeg tube kɨ dɔningg lod. 19Lan yog lod kam horrt kɨta in luwahg kɨjeje al, in kɨlaɗa ji deg, in kagg kɨ mbalg, kɨta 'nten la tujɨnd ne ye. 20Tajigla, Bɨraɓe Luwah loj, aj'j ji Sankeribt kɨtakad kõɓeg tube kɨ dɔningt gerɨn kad ĩ kɨɗaibe la ĩ Bɨraɓe ye.
21Ejai ngon Amots la kɨla ro Ejekiast an: Bɨraɓe Luwah lo Israel an:
22Oo ta'n Bɨraɓe el dɔat:
Ɓebo Siõ kɨmaj tit ngon kɨdẽ
kɨ ger ngaw al,
kidi na go dɔit,
Ngon kɨdẽ kɨ Jerusalem
ɓa tan kɨ dõ ko goit.
23Nõ i ndɨ i taja kɨ takɨmal a?
Nõ un ndii kɨ dõ i ndooran a?
Un kumi kɨ dõ i ndoorɨn na a?
I mĩ Ngekunjɗang kɨ Nge Israel.
24Kɨ ta ngékɨlaɓerg loi la
i tajɨn Bɨraɓe ye,
na el an: Kɨtakul koosɨ pusɨɗɔɔg la
m'alɨn tasom mbalgt, kɨtakõn Libã ye.
M'ga kag sedɨrg loa kɨ ngal ngãi,
kɨ kag sipreg loa kɨmajtɔi.
M'a m'tee tasoma kɨ ngal
tɔi ndeg mbalbog tube,
kɨ kuag kɨnder ngãi tɔ.
25M'ur buloman'g, na m'ãi mand,
mad bahg tube kɨ Ejipt
yin ndã girr njamt.
26Na i ger kad m'ɗago
nyag'n non woi maɗi nu ale?
M'ɔj ta ɗad kete nõ kaglogt kɨmaɗi
na tajigla mad tɔlɨn kond:
a i tet ɓebog kɨngang
ad telɨn duw nya kɨtuj.
27Ngéndɨt tɔgd goto,
ɓoolɨn, na rod sɔld,
in tit mũ kɨ kam gawt,
kɨ dɨla mũ kɨmbool,
in tit mũ kɨ ɓa dɔ kujt,
na mbuj kete nõ kàd mbujat.
28Na m'ger nyag tube kɨdɔit
Lo ndii ber, ke teei tɨga,
ke lo kandi kuju,
ke lon wong tɔli sɔkɨr dɔmt.
29Kɨtɔ wong tɔli sɔkɨr dɔmt,
ad ta burokɨga loi ɗe mbã so mbimt,
M'a m'la ninga kõnit,
m'a m'la kɨ jam tait,
m'a m'tel sei gog
kɨ ɗob'n i ɗen.
30Bɨraɓe el Ejekias an: 'Nten a i nyakɔj kɨtɔi. Ɓal'n ɗan a i san kandnya kɨ ɓaningt kɨkanj dub, na ɓal kɨkõjoo a ne, a i san daa; Ɓal kɨkõmɨta, a i duwɨn, a i tetɨn, a i hɔn nduu, a san kanda. 31Na ndeg ngékɨɓe lo Juda kɨ nãin, a lan ngɨrad ningt, a tɔgɨn kɨ dõ, a andɨn. 32Kɨtɔ ndegag kɨ nãin a teen Jerusalemt kɨtɨga, na ĩgɨn ajɨn a teen ko mbalbo Siõt. Tĩrokat lo Bɨraɓe Ngetɔg tube a tɔlkon nya 'nten. 33Kɨtɔ 'nten Bɨraɓe el titbe dɔ tat lo ngar kɨ Asiri: A and kam ɓebot'n ɗan al, a urr kɨrã al, a ɗen nõat kɨ der al, a ɓa ning kɨ dõ kad'n yan ron gidt al. 34Ɗob'n ɗen nõ a telɨn gog, a and kam ɓebot'n ɗan al, kel Bɨraɓe. 35M'a m'ngom ɓebo'n ɗan kad maja, kɨta tɔm, kɨ kɨta tɔ ɓer lom Dabid.
36Malaika lo Bɨraɓe and kam gongt lo Asiriag, tɔl deg dub ɓu kɨ dɔjijoo gidaimi. Lon deg ɓain kɨsĩ ye, oon Asiriag oin tube.
37Sankerib ngar kɨ Asiri ɓai aw hɔlondɨ ɓebo Ninibt. 38Lon ndɨ ɔsɨ dɔn ber kam kujt lo Nisrok, yo lon ye, ngana Adramelek kɨ Sareser tɔlɨna kɨ kiyaɗɔɔ, na ãina kɨ dɔning Ararat. Ngona Esaradon õɓe gootat.
Mbai Bible Revision © Bible Society of Chad, 2015.