Ejai 17
17
Ta lo Bɨraɓe dɔ ɓebot kɨ Damasɨ
1Ta lo Bɨraɓe dɔ ɓebot kɨ Damasɨ laten:
Damasɨ a i ɓebo gog al,
a i nya kɨ tet kɨ dɔnat.
2Ɓebog kɨ tit, a nyand kɔ,
a i lo ngom nyakulg,
a i lo tod, na de mad
kɨ a ndad ɓoolt goto.
3Kuj ngomdɔɓe
a goto dɔning Epraimt,
kõɓe a goto Damasɨ,
ndeg deg kɨ dɔning Siri kɨ nãin,
tɔd a ko tit Israel be al,
kel Bɨraɓe Ngetɔg tube.
Takɨgang lo Bɨraɓe dɔ Israelagt
4Ndɔt'n non
tɔ Jakob a ko ngãi al,
dãroa kɨ to mbulmbul
nõ a nyem.
5I tit'n ngetet nyako
a kawɨn dɔ nyako kɨnat,
na dɔ sɨngaa,
tit'n de a kawɨn dɔ nyako
kam hollot lo Repaimg.
6Ndeg nya kɨ ɓur a nãit ɓaitɔ,
tit'n a yee ne kag olib,
na kanda joo ke mɨta
nãi tasom kagt,
kand sɔɔ ke mi nãin
dɔj kagt kɨ and ngãi,
kel Bɨraɓe Luwah lo Israel.
7Ndɔt'n non
deg a nɔlɨn lo kɨ ro Ngendahdt,
na a telɨn kumd kɨdɔ
Ngekunjɗangt kɨnge Israel.
8A nɔlɨn lo kɨ ro dɨngɨrt
kɨ ɗan kɨ jid,
ke telɨn kumd kɨdɔ
nyagt kɨ ngan jid ɗa al,
ad i yo Astarte
kɨ nya kɨ tɔsɨ ɓakumta kàd.
9Ndɔt'n non ɓebo loyaro kɨngang lo Israel a i nyad kɔ, tit'n ɗan ne kɨ kagg kɨ ta som kagg non Israel, na a i kamkɔl kɨngãi.
10Kɨtɔ kami oi dɔ Luwah Ngekaj,
i gah dɔ Mbal yarot loi al,
i duw nya kɨ kad ronel,
na i duw kumnya kɨ mbah.
11Ndɔ'n i hɔ nya ye,
i nda kɨnga i gugɨn dɔ,
I nda kamit kad tɔgɨn,
na kɨsĩ ɓa tɔg,
na kaglo tet nya a ne,
kanda goto,
i ndɔ kamkil kɨ roto
kɨ dum yoot.
12Beto, kɨse lo girrdeg kɨ dang dang,
ndɨ kɨsen tit bahbo kɨ ko huhu.
Kah girrdeg kɨ dang dang ndɨ kon
tit mang kɨtag i ngãi.
13Girr deg kɨ dang dang ndɨ kon
tit kah man kɨ ko ngãibe.
Luwah ndangd, na ãin kɔ sãi.
Tĩn na tit'n nel a ɔin tisa dɔ mbalbogt,
tit'n nélbarwãi
a ɔin buning.
14Dɔj losɔlt,
Kɨngasa gad.
Kete nõ lo tit goto tube.
'Nten i nyabaji lo deg'n tirjɨn pur,
'nten i tujɨn a tee dɔ degt'n ɔin nya loj.
Currently Selected:
Ejai 17: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
