Ejai 16
16
Moab ndɨje kɨ Jerusalem ɗa sen
1I lan kɨ ngan batg
kɨ ro ngekõɓe kɨ dɔningt'n non,
ko Selat kɨ ɗob kɨ kam mut
mbã kɨdɔ mbalbot lo ɓebo Siõ.
2Lo gang mant kɨ Arnõt,
ngan kɨdẽg kɨ Moab in tit yelg
kɨ tĩn na paabe tɨɓana dɔ kujgt lod,
3Adj kɔj i kawɨn na kɨta kɔj,
elɨn anan: I gangta goɗobat.
Ut dɔj kɨ ndili
kàda ke lokɨndɔ be.
I ya dɔ deg'n
madngétag tuɓand,
ot da go ngékãi.
4I nya deg kɨ Moab'n
madngétag tuɓand
ad hɔn londɨ ɓe loi.
Kɨ ĩ loyaro lod nõ ngétujdt.
Kɨtɔ ngeɗa nya kɨ lo ngetɔgt,
a nya ta ɗa nya kɨ lo ngetɔg,
na nuj nya a goto dɔningt;
5A ndahn pong kõɓe mad
kɨtakul tar kam kuj kubt lo Dabid.
Na ngegangta mad a ndɨ dɔt,
kam nyaɗakɨro, kɨ nyaɗa kɨ denesew,
A gangta, na i ɓo ɗa nya kɨgoɗobat;
6J'oo hoi dɔngang lo Moab,
dɔngang kɨngãi,
kɨ tɔiro loa, kɨ taa kɨ ɓa kɨ dõ,
kɨ takel loa kɨkari pãbe.
7Kɨtɔ 'nten deg kɨ Moab
a udɨn wi kɨdɔ Moabt.
Dekɨɗen a ud wi, a hɔndo,
a tõ ɗusɨɗusɨ
kɨta bɨra nduu kɨtut
kɨ ɓebo Kir Hareset.
8Kɨtɔ ndɔɔg kɨ ɓebo Hesbon
kɨ dĩndu kɨ ɓebo Sibma tutɨn.
Ngarg lo girrdeg kɨ dang dang
tetɨn dɔjiag kɨmaj,
in al mbã kɨ Jaejer,
al aw kɨ kam mut;
dɔjiag awɨn mbã gid bahbot.
9Kɨtɔ 'nten m'ndɨ m'nõ kɨ Yajer kɨta
dĩndu kɨ ɓebo Sibma.
M'ndɨ m'yom ɓebo Hesbon,
kɨ ɓebo Eleale kɨ mankum,
dɔ kand nyat losɨ kɨ nyatet losɨ.
10Ko kɨ ronel dɨban.
A ɔsɨn pa kam ndɔɔ nduut al,
ndɨ ko ronel goto.
Kam ndɔɔ nduut, pa goto
ndɨ ko ronel goto.
Ngeɓa kand nduu
ɓan loɓaat al.
Mad ko ronel lo ngéɓa
kand nduu goto.
11Tit kɨndeh kɨ kuj ngarkam
tõ ɗusɨɗusɨ dɔ Moabt.
Na m'nõ dɔ ɓebo Kir Herest.
12A oon Moab and kam lot lon kɨ dõ,
aw kɨta kɔ dɔ dɨngɨrt,
na asɨ ɗa nya mad al.
13'Nten la i takel Bɨraɓe'n el dɔ Moabt maɗi nu. 14Tajigla Bɨraɓe el an: Kam ɓalt kɨmita, ɓalg lo ngeɗakɨla nar, tɔko lo Moab a tel nya kid nãt kɨ koosɨdeg loa tube, na ndeg deg kɨ nãin a in tẽbe, asɨn nya mad al.
Currently Selected:
Ejai 16: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Ejai 16
16
Moab ndɨje kɨ Jerusalem ɗa sen
1I lan kɨ ngan batg
kɨ ro ngekõɓe kɨ dɔningt'n non,
ko Selat kɨ ɗob kɨ kam mut
mbã kɨdɔ mbalbot lo ɓebo Siõ.
2Lo gang mant kɨ Arnõt,
ngan kɨdẽg kɨ Moab in tit yelg
kɨ tĩn na paabe tɨɓana dɔ kujgt lod,
3Adj kɔj i kawɨn na kɨta kɔj,
elɨn anan: I gangta goɗobat.
Ut dɔj kɨ ndili
kàda ke lokɨndɔ be.
I ya dɔ deg'n
madngétag tuɓand,
ot da go ngékãi.
4I nya deg kɨ Moab'n
madngétag tuɓand
ad hɔn londɨ ɓe loi.
Kɨ ĩ loyaro lod nõ ngétujdt.
Kɨtɔ ngeɗa nya kɨ lo ngetɔgt,
a nya ta ɗa nya kɨ lo ngetɔg,
na nuj nya a goto dɔningt;
5A ndahn pong kõɓe mad
kɨtakul tar kam kuj kubt lo Dabid.
Na ngegangta mad a ndɨ dɔt,
kam nyaɗakɨro, kɨ nyaɗa kɨ denesew,
A gangta, na i ɓo ɗa nya kɨgoɗobat;
6J'oo hoi dɔngang lo Moab,
dɔngang kɨngãi,
kɨ tɔiro loa, kɨ taa kɨ ɓa kɨ dõ,
kɨ takel loa kɨkari pãbe.
7Kɨtɔ 'nten deg kɨ Moab
a udɨn wi kɨdɔ Moabt.
Dekɨɗen a ud wi, a hɔndo,
a tõ ɗusɨɗusɨ
kɨta bɨra nduu kɨtut
kɨ ɓebo Kir Hareset.
8Kɨtɔ ndɔɔg kɨ ɓebo Hesbon
kɨ dĩndu kɨ ɓebo Sibma tutɨn.
Ngarg lo girrdeg kɨ dang dang
tetɨn dɔjiag kɨmaj,
in al mbã kɨ Jaejer,
al aw kɨ kam mut;
dɔjiag awɨn mbã gid bahbot.
9Kɨtɔ 'nten m'ndɨ m'nõ kɨ Yajer kɨta
dĩndu kɨ ɓebo Sibma.
M'ndɨ m'yom ɓebo Hesbon,
kɨ ɓebo Eleale kɨ mankum,
dɔ kand nyat losɨ kɨ nyatet losɨ.
10Ko kɨ ronel dɨban.
A ɔsɨn pa kam ndɔɔ nduut al,
ndɨ ko ronel goto.
Kam ndɔɔ nduut, pa goto
ndɨ ko ronel goto.
Ngeɓa kand nduu
ɓan loɓaat al.
Mad ko ronel lo ngéɓa
kand nduu goto.
11Tit kɨndeh kɨ kuj ngarkam
tõ ɗusɨɗusɨ dɔ Moabt.
Na m'nõ dɔ ɓebo Kir Herest.
12A oon Moab and kam lot lon kɨ dõ,
aw kɨta kɔ dɔ dɨngɨrt,
na asɨ ɗa nya mad al.
13'Nten la i takel Bɨraɓe'n el dɔ Moabt maɗi nu. 14Tajigla Bɨraɓe el an: Kam ɓalt kɨmita, ɓalg lo ngeɗakɨla nar, tɔko lo Moab a tel nya kid nãt kɨ koosɨdeg loa tube, na ndeg deg kɨ nãin a in tẽbe, asɨn nya mad al.
Mbai Bible Revision © Bible Society of Chad, 2015.